Орлов, Михаил Егорович

Михаил Егорович Орлов
Михаил Егорович Орлов
Тӧреен кӱні	13 кічіг хырлас айы 1911
Тӧреен чирi	Листвягово[d], Минсуғ уезді, Ким губерниязы, Россия империязы[d];
Ӱреен чылы	7 сілкер айы 1944 (32 года)
Ӱреен чирi	Севастополь[d], Крым Автономнай Советскай Социалистическай Республика[d], РСФСР[d], СССР[d];
Хазна	СССР
Войско кӧрімі	пехота
Служба чыллары	1941—1944
Аарластығ ады	Шаблон:РККА, Старшина
Чаалазағлар/чаалар	Илбек Ада чаа

Михаил Егорович Орлов (13 кічіг хырлас айы 1911, Листвягово^[d], Ким губерниязы — 7 сілкер айы 1944, Севастополь^[d], Крым Автономнай Советскай Социалистическай Республика^[d]) — Тоғысчы-кресеннернің Хызыл Армиязының старшиназы, Совет Союзының Матыры (1945).

Чуртас чолы

Михаил Орлов 1911 чылның кічіг хырлас айының 13-ҷі кӱнінде Листвягово аалда (амғы — Хызылчар крайының Краснотуранск аймағы) тӧреен. Толдыра нимес ортамах школаны тоос салған. Чаа алнында Хакасияның Ағбан пилтірі посёлогында чуртаан. 1935 чылның чарыс айында Тоғысчы-кресеннернің Хызыл Армиязына тартылған. Ыраххы Востокта служба ирткен. 1941 чылда Хызыл Армияа пазох тартылған. Олох чылның от айынаң сығара Илбек Ада чаа фронттарында араласхан^[1].

1944 чылның кӱрген айының 14-ҷі кӱнінде Украинаның 4-ҷі фронтының 51-ҷі армиязының 267-ҷі атығҷылар дивизиязының 848 атығҷылар полкының пулемётчигі улуғ сержант Орлов чечен атызынаң 30 азыра ыырҷы солдадын чох иткен, «Махачызы ӱчӱн» медальнаң сыйыхтатхан. 1944 чылның сілкер айына старшина Михаил Орлов 848 атығҷылар полкының пулемёт расчёдынаң устаан. Севастопольны аларында махачызын кӧзіткен. 1944 чылның сілкер айының 7-ҷі кӱнінде Орлов пӧлиинең хада алнынзар пар сыххан, Сапун тағзар пастағҷылар санында чидіп, аның холға кирек ӱчӱн чаалас сыххан. Орлов позы ла ыырҷының 50 солдат-офицерін чох идібіскен. Пу чаалазығда Орловтың тыны ӱзілген. Сӧӧгі Севастополь городха кірчеткен Черноречье посёлокта чатча^[1].

СССР-ның Ӧӧркі Чӧбінің Президиумының 1945 чылның кӧрік айының 24-ҷі кӱнінде алылған чахиинаң старшина Михаил Орловха ӱреен соонда Совет Союзының Матыры пӧзік ат пирілген. Ідӧк ол Ленин орденінең, медальнаң сыйыхтатхан^[1].

Хумартхы

Орловтың адынаң Ағбан пилтіріндегі паза Харатастағы орама адалған^[1].

1975 чылда Ағбан пилтіріндегі 2 № ортымах школа алнында хумартхы тас-бюст турғызылған.

Алған орын

↑ ¹ ² ³ ⁴ Орлов Михаил Егорович (рус.). AZ Library. Дата обращения: 2014-4-27.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Глазков М. Д. Рубежи бессмертия. — Красноярск, 1975. — С. 71—74.
Достоин звания Героя. — 2-е изд., перераб. и доп. — Красноярск, 1975. — С. 253—254.
Когда страна быть прикажет героем… — Красноярск, 1974. — С. 83—86.

Ссылкалар

Сердюков И. Михаил Егорович Орлов (рус.). «Герои страны» сайт. Дата обращения: 22 Хандых айы 2015.

[оме-1] ¹ ² ³ ⁴ Орлов Михаил Егорович (рус.). AZ Library. Дата обращения: 2014-4-27.

[1]