Ахпашев, Игорь Николаевич

Игорь Николаевич Ахпашев
Игорь Николаевич Ахпашев
Тӧреен кӱні	24 улуғ хырлас айы 1969
Тӧреен чирi	Асхыс (аал), Хакас автоном облазы, Хызылчар крайы, РСФСР, СССР
Ӱреен чылы	13 кӱрген айы 1995 (25 час)
Ӱреен чирi	Грозный, Россия
Хазна	Россия
Войско кӧрімі	Танктар войсколары
Служба чыллары	1988-1995
Аарластығ ады
Часть	28-го армейского корпуса Сибирьдегі чаа округының 28-ҷі армия корпузының гвардияның алынҷа 74-ҷі мотострелковай бригазы
Устаан	танктар ротазы
Чаалазағлар/чаалар	Пастағы Чечен чаазы
Сыйыхтар паза премиялар

Игорь Николаевич Ахпашев (24 улуғ хырлас айы 1969, Асхыс (аал), Хызылчар крайы^[d] — 13 кӱрген айы 1995, Грозный^[d]) — Россия офицері, танкист, Россия Федерациязының Матыры (1995, ӱреен соонда).

Пастағы Чечен чаазы тузында гвардияның алынҷа 74-ҷі мотострелковай бригадазының танктар ротазының командирі гвардияның улуғ лейтенанты Игорь Ахпашев пастағылар санында Грозный (орыс) (рус.городтағы Министерлер Чӧбі туразынзар сыххан. Гранатомет снаряды танкха тееп парғанда, істіндегі снарядтары чара чачырааннар. Прай экипаж ӱреен.

Чуртас чолы

1969 чылның улуғ хырлас айының 24-ҷі кӱнінде Хакас автоном облазының Асхыс аалында тӧреен. Хакас.

1988 чылда Ағбандағы 1 № школаны тоос салған соонда, Казаньдағы танковай училищее кіріп алған. 1992 чылда аны маңнаныстығ тоос салған.

Училище соонаң Сибирьдегі чаа округындағы 28-ҷі армия корпузының танктар взводынаң устаан. Службаны Кемеров облазындағы Юрга городта ирткен. 1994 чылда «улуғ лейтенант» званиее турысхан, танктар ротазының командиріне турғызылған.

1995 чылның кӱрген айының 13-ҷі кӱнінде Грозный городтағы Министерлер Чӧбі туразының штурмы тузында аның танкы пастағылар санында чечен ыырҷыларынаң тоғыр сыххан. Игорь Ахпашев ыырҷы атчатхан он орнын чох иткен. Танкына гранатомет снаряды тееп парғанда, экипаж кӧйчеткен танкта халып, чаалазығны узаратхан. Танк чара чачырап парған. Прай эпипажтың тыны ӱзілген.

1995 чылның сілкер айының 15-ҷі кӱнінде алылған Н-90 № Россия Федерациязы Президентінің Чахиинаң Россия Федерациязының Матыры атха турысхан ӱреен соонда.

Нинҷе-де тус сағбазы чох чіт парғаннар санында полған^[1]. 1995 чылның кӱрген айынаң сығара 2001 чылға теере Игорь Ахпашевтің сӧӧгі Алтынзархы Кавказтағы Чаа округының Центральнай имнег лабораториязында чатхан.

2001 чылның азығ айының 7-ҷі кӱнінде чааҷыны чааҷылар кибірінең Ағбанда Кӧк хайа сыырадында чыып салғаннар.

Хумартхы

Ағбанда чыл сай Игорь Ахпашевтің хумартхызына чарыдылған хол сабызынҷа азых марығлар иртірілчелер. Ағбандағы 1 № школада хумартхы чардызы хазалған. Ӱгренген школазында Хумартхы кӱні кибірге кір парған^[2]^[3].

2005 чылның кӱрген айының 13-ҷі кӱнінде школада Игорь Ахпашевтің пайрамнығ Хумартхы вахтазы ирткен^[4].

Аның ады, Алтынзархы Кавказта 1990 чылларда паза 2000 чыллар пасталғанда, ӱреен чааҷыларның хумартхы тазында таныхтал парған. Ол 2012 чылда Юрга (орыс) (рус. городта Центральнай чаа округының гвардияның алынҷа 74-ҷі мотострелковай бригаданың чирінде турғызылған^[5].

2023 чылның сілкер айында Ағбан городта Россияның Матыры Николай Ахпашевке тимірчол алнындағы ачыхта хумартхы тас азылған^[6].

Алған орын

↑ Федеральные силы Убитые, пленные и пропавшие без вести в 1994-96 (рус.). Дата обращения: 11 Ӱртӱн айы 2025.
↑ Хакасияның матыр оолғы (рус.). Хакас чирі (19 Кӱрген айы 2019). Дата обращения: 11 Ӱртӱн айы 2025.
↑ Памятную табличку в память о герое России Игоре Ахпашеве установили в школе Абакана (рус.). Шанс (18 Азығ айы 2024). Дата обращения: 11 Ӱртӱн айы 2025. Архивировано 20 Кӧрік айы 2024 года.
↑ Миг между прошлым и будущим (рус.). Дата обращения: 11 Ӱртӱн айы 2025.
↑ В Юрге установлен памятник гвардейцам, погибшим на Северном Кавказе (рус.). Интерфакс-Россия (2 Кічіг хырлас айы 2012). Дата обращения: 11 Ӱртӱн айы 2025. Архивировано 5 Кӧрік айы 2016 года.
↑ В Абакане открыли памятник Герою России Игорю Ахпашеву (рус.) (7 Сілкер айы 2023). Дата обращения: 11 Ӱртӱн айы 2025.

Ссылкалар

Игорь Николаевич Ахпашев (рус.). «Герои страны» сайт.
[1]

[1] Федеральные силы Убитые, пленные и пропавшие без вести в 1994-96 (рус.). Дата обращения: 11 Ӱртӱн айы 2025.

[2] Хакасияның матыр оолғы (рус.). Хакас чирі (19 Кӱрген айы 2019). Дата обращения: 11 Ӱртӱн айы 2025.

[3] Памятную табличку в память о герое России Игоре Ахпашеве установили в школе Абакана (рус.). Шанс (18 Азығ айы 2024). Дата обращения: 11 Ӱртӱн айы 2025. Архивировано 20 Кӧрік айы 2024 года.

[4] Миг между прошлым и будущим (рус.). Дата обращения: 11 Ӱртӱн айы 2025.

[5] В Юрге установлен памятник гвардейцам, погибшим на Северном Кавказе (рус.). Интерфакс-Россия (2 Кічіг хырлас айы 2012). Дата обращения: 11 Ӱртӱн айы 2025. Архивировано 5 Кӧрік айы 2016 года.

[6] В Абакане открыли памятник Герою России Игорю Ахпашеву (рус.) (7 Сілкер айы 2023). Дата обращения: 11 Ӱртӱн айы 2025.

[1]

[2]

[3]

[4]

[5]

[6]