Россия Федерациязының Матыры

Рувики тiп сайттаң
Сыныхталған статья
Россия Федерациязының Матыры
Изображение награды
II степень
III степень
Хазна  Россия
Тип пӧзік ат
Сыйыхтир сылтағ махачы тудынып, хазнаа паза чонға чахсы киректер иткен ӱчӱн
Статус пирілче
Статистика
Тӧстелген кӱні 20 мартта 1992
Пастағы сыйыхтас 11 апрельде 1992
Сыйыхтас саны 1276
Теес
Улуғ сыйых чоғыл
Кічіг сыйых Россия Федерациязының Істеніс Матыры
Логотип РУВИКИ.Медиа Медиафайлы на РУВИКИ.Медиа

Россия Федерациязының Матыры (орыс. Герой Российской Федерации) (пічікке кирілбеен ады — Россия Матыры[1]) — Россия Федерациязының иң пӧзік ады[2], Россияның Президенті, махачы тудынып, хазнаа паза чонға улуғ киректер иткен ӱчӱн читірчеткен хазна сыйии полча[3].

Россия Федерациязының Матырына ідӧк «Алтын Чылтыс» медаль паза Россия Федерациязының Матыры пӧзік ат читірілчеткенін таныхтапчатхан пічік читірілче[3]. Медаль («Россия Федерациязының Істеніс Матыры» алтын медаль, Совет Союзының Матырының «Алтын Чылтыс» медальы, Социалистическай Істеніс Матырының «Серп и Молот» алтын медальы паза «Матыр іҷе» орден танығ чіли) кӧксінің сол саринда РФ-ның паза СССР-ның пасха хазна сыйыхтарының ӱстӱнде хаптырылча[4].

Федеральнай закон хоостыра, Россия Матыры паза Істеніс Матыры пӧзік ат пирілчетсе, сыйыхтатчатхан кізінің чуртапчатхан чирінде Россияның Президентінің Чахиинаң хола бюст турғызылча[4][5][6].

Тархын

Пӧзік ат Россия Федерациязының 20 мартта 1992 чылда сыххан 2553-1 N «Россия Федерациязының Матыры званиені паза «Алтын Чылтыс» медальны тӧстирінеңер» Законы хоостыра тӧстелген. Ол Россияның Ӧӧркі Чӧбінің олох кӱнде сыххан 2554-1 N постановлениезінең 28 мартта 1992 чылда чуртасха кирілген[3].

Россия Федерациязының Матыры пӧзік ат 2013 чылда тӧстелген Істеніс Матыры паза 2022 чылда тӧстелген «Матыр іҷе» аттарнаң хада алынҷа хазна сыйыхтары санындалар. Олар иң пӧзік аттар чіли Россия Федерациязының хазна сыйыхтарының аразында пастағы орындалар[2].

Россия Матыры атты Россия президенті кізі хазыхта алай ӱреен соонда пір ле хати читірче[2].

Россия Федерациязының Матыры атха пастағызын на Липецктегі лётчиктернің чаа тимненізінің паза ӱгредиинің кінінің пастығы авиация генерал-майоры Суламбек Осканов турысхан. 7 февральда 1992 чылда МиГ-29 самолёттығ учуғыс чахиин толдырчатхан туста, техника тоғынмин сыххан. Генерал-майор Осканов, чуртазын айабин, самолётты чон чуртапчатхан орыннаң хыйыстырған. Россия Матыры ат «чааҷы киреенде сындырлығ паза махачы тудынған ӱчӱн» Россия Президентінің 11 апрельде 1992 чылда сыххан 384 № Чахиинаң пирілген (ӱреен соонда). Суламбек Оскановтың ӧкіс халған ипчізіне 2 № «Алтын Чылтыс» медальы читірілген. Совет Союзының Матыры Николай Антошкиннің кӧрізінең, Россияның устағ-пастаа 1 № Россия Матыры хазых поларға кирек тіп сағысха килген[7].

1 № «Алтын Чылтыс» медаль лётчик-хантигірҷі, Совет Союзының Матыры Сергей Крикалёвха «Мир» орбита станциязында хан тигірзерзер ӱр учуғыста махачы тудынғаны ӱчӱн пирілген. Россия Федерациязының Матыры пӧзік атты Россия президенті олох кӱнде, 11 апрельде 1992 чылда, че соондағы 387 № чахығҷа пирген[7][8].

Пӧзік атха турысханнар аразында арачылағҷылар паза сынағҷылар, чаа паза амыр хоных киректерінің араласчылары, аал-хонии паза істеніс тоғынҷылары, лётчик-хантигірҷілер, разведчиктер, конструкторлар, учёнайлар, хазна деятельлері, спортсменнер паза пасхазы[9].

Социальнай полызығлар

Россия Матырларына пирілче:

  • тӱзеділіп, ай сай пирілчеткен ахчалығ тӧлег , аның сині — 83 496,41 салковай (2023 чылның 1 февральынаң сығара) (9.1 ст.) алай пірее льготалар (РФ-ның Законының 15.01.1993 4301-1 N 1.1, 2—8 ст.)[10],
  • социальнай пенсияның 415% хоза тӧлеглері, 2023 чылда —20 892,14 салковай (ФЗ 04.03.2002 сыххан 21-ФЗ N 2 ст.)[11],
  • тынаға чит парза, пенсия ікі хати ӧс парча (РФ-ның Законының 12.02.1993 сыххан 4468-1 N 45 ст.)[12],
  • Роосияның субъектінде кӧріл парған ай сай полызығ тӧлеглері паза хоза ай сай пирілчеткен ахчалығ полызығ (Москвада 2023 чылда — 1 895 паза 31 562 салковай килісче)[13],
  • ӱреп парза, пирілче:
    • ҷааҷы оңдайынҷа тикке чыыры (ол санда чығҷаң орынны пирері, чығҷаң орынзар апарары, кремирование идері, чыыры) (РФ-ның Законының 15.01.1993 сыххан 4301-1 N 1 п.,9 ст.),
    • Россия правительствозы кирген сӧӧктегі хумартхы тазын тимнирі (п. 2 ст. 9 РФ-ның Законының 15.01.1993 сыххан 4301-1 N 2 п. 9 ст.),
    • ӧкіс халған ипчізіне (иріне), іҷе-пабазына, чазы читкелек палаларына, 18 часха читкелекте кинек пол парған паза очнай пӧлікте ӱгренчеткен 23 часха теере чазы чит парған палаларына пір саңай 20 000 салковай пирілче (п. 3 ст. 9 РФ-ның Законының 15.01.1993 сыххан 4301-1 N 3 п., 9 ст), определённые льготы или компенсации (ст. 1.1, ст. 4—8 Закона РФ от 15.01.1993 N 4301-1) или ежемесячная денежная выплата (ст. 9.1 Закона РФ от 15.01.1993 N 4301-1)[14].

Сыйыхтатханнарның изерізі

Ӧӧн статья: Категория:Россия Федерациязының Матырлар Изерістері
Ӧӧн статья: Сыйыхтатхан чыллары пастыра Россия Федерациязының Матырларының изерізі

Россия Федерациязының Матыры пӧзік атты алған кізілернің саны пілдістіг нимес. Анзы хайзы сыйыхтар чазытта пирілчеткенінең палғалыстығ[9]. 2023 чылның ӱртӱн айына Россия Матыры аттығ 1 муң азыра кізі саналча[15].

Ідӧк кӧріңер

Алған орын

  1. ↑ Вопрос № 310074. Грамота.ру. Дата обращения: 9 Ӱртӱн айы 2023.
  2. ↑ 1 2 3 Указ Президента РФ от 7 сентября 2010 г. N 1099 "О мерах по совершенствованию государственной наградной системы Российской Федерации". Гарант. Дата обращения: 9 Ӱртӱн айы 2023.
  3. ↑ 1 2 3 Закон РФ от 20 марта 1992 г. N 2553-I "Об установлении звания Героя Российской Федерации и учреждении знака особого отличия - медали "Золотая Звезда". Гарант. Дата обращения: 9 Ӱртӱн айы 2023. Архивировано 18 Хосхар айы 2021 года.
  4. ↑ 1 2 Указ Президента РФ от 29 марта 2013 г. N 294 "Об установлении звания Героя Труда Российской Федерации". Гарант. Дата обращения: 9 Ӱртӱн айы 2023.
  5. ↑ Указ Президента РФ от 19 ноября 2021 г. N 665 "О некоторых мерах по совершенствованию государственной наградной системы Российской Федерации". Гарант. Дата обращения: 9 Ӱртӱн айы 2023.
  6. ↑ Щукин П. Путин отказался от советского правила установки бюстов героям. Lenta.ru (20 Кічіг хырлас айы 2021). Дата обращения: 9 Ӱртӱн айы 2023.
  7. ↑ 1 2 Михайлов А. В одном ряду с Шойгу: за что дают Героя России. Gazeta.ru (16 Хосхар айы 2021). Дата обращения: 9 Ӱртӱн айы 2023.
  8. ↑ Патриотический интернет-проект «Герои страны». Дата обращения: 14 Кічіг хырлас айы 2008. Архивировано 4 Кӧрік айы 2016 года.
  9. ↑ 1 2 Герои России. Герои России. Дата обращения: 9 Ӱртӱн айы 2023.
  10. ↑ Закон РФ от 15.01.1993 N 4301-1 (ред. от 03.04.2023) "О статусе Героев Советского Союза, Героев Российской Федерации и полных кавалеров ордена Славы". КонсультантПлюс. Дата обращения: 7 Ӱртӱн айы 2023.
  11. ↑ Федеральный закон от 04.03.2002 N 21-ФЗ (ред. от 17.02.2023) "О дополнительном ежемесячном материальном обеспечении граждан Российской Федерации за выдающиеся достижения и особые заслуги перед Российской Федерацией". КонсультантПлюс. Дата обращения: 9 Ӱртӱн айы 2023.
  12. ↑ Закон РФ от 12.02.1993 N 4468-1 (ред. от 29.05.2023) "О пенсионном обеспечении лиц, проходивших военную службу, службу в органах внутренних дел, Государственной противопожарной службе, органах по контролю за оборотом наркотических средств и психотропных веществ, учреждениях и органах уголовно-исполнительной системы, войсках национальной гвардии Российской Федерации, органах принудительного исполнения Российской Федерации, и их семей". КонсультантПлюс. Дата обращения: 9 Ӱртӱн айы 2023.
  13. ↑ Постановление правительства Москвы от 16 декабря 2022 года № 2885-ПП "Об установлении размеров отдельных социальных и иных выплат на 2023 год". Российская газета (18 Улуғ хырлас айы 2022). Дата обращения: 9 Ӱртӱн айы 2023.
  14. ↑ Михайлов А. В одном ряду с Шойгу: за что дают Героя России // Газета. Ру. — 16.04.2021. Дата обращения: 6 Кӱрген айы 2022. Архивировано 6 Чарыс айы 2021 года.
  15. ↑ Герои Отечества. Кто и за что удостаивался высшей награды России. ТАСС (9 Улуғ хырлас айы 2022). Дата обращения: 9 Ӱртӱн айы 2023.

Литература

. Гарант. Дата обращения: 9 Ӱртӱн айы 2023. Архивировано 18 Хосхар айы 2021 года.

. Гарант. Дата обращения: 9 Ӱртӱн айы 2023.

Ссылкалар

Алған орны - https://kjh.ruwiki.ru/w/index.php?title=Россия_Федерациязының_Матыры&oldid=143199