Аарлас ордені (Россия)

Рувики тiп сайттаң
Сыныхталған статья
Аарлас ордені
Изображение орденской планки Изображение награды
II степень
III степень
Хазна  Россия
Тип Орден
Кем сыйыхтатча Россия Федерациязының кізілеріне
пасха хан чирі кізілеріне
Сыйыхтир сылтағ = профессияда пӧзік чидіглерге читкен ӱчӱн
Статус пирілче
Статистика
Параметрлер материал — кӱмӱс
Тӧстелген кӱні 1994 чыл
Сыйыхтас саны 23000 азыра
Теес
Улуғ сыйых «Культурадағы паза искусстводағы киректер ӱчӱн» орден (2021 чылның орғах айының 9-ҷы кӱнінең сығара)
Пирогов ордені (2020 чылның хандых айының 19-ҷы кӱнінең сығара 2021 чылның орғах айының 9-ҷы кӱніне теере)
«Талайдағы киректер ӱчӱн» орден (2020 чылның хандых айының 19-ҷы кӱніне теере)
Кічіг сыйых Ынархас ордені (2011 чылдаң сығара паза 2012 чылның хосхар айының 12-ҷі кӱнінең сығара)
«Іҷе-паба сабланызы» (2011 чылның улуғ хырлас айының 16-ҷы кӱнінең сығара 2012 чылның хосхар айының 12-ҷі кӱніне теере)
Логотип РУВИКИ.Медиа Медиафайлы на РУВИКИ.Медиа
Пу терминнің пасха даа тузалары пар, кӧр. Аарлас ордені.

Аарлас ордені (орыс. О́рден Почёта) — хазна статустығ тиксі гражданскай иң пӧзік сыйыхтарының кӧрімнерінің пірсі[1]. Ол хазна кізілеріне, чаа-имнег кирее, ӱгредіг учреждениелеріне халыхта паза хазнада улуғ чидіглерге читкен ӱчӱн пирілче. Орденнең пасха хазна сыйыхтарына  (орыс) (рус. турысхан Россия чуртағҷылары сыйыхтатчалар[2][3].

Пастағызын на ағаа тӧӧй орден Советскай Социалистическай Республикалар Союзының Ӧӧн толдырығ комитедінің Чарадиинаң 1988 чылда Аарлас Тании орнына тӧстелген[4]. 1994 чылның кӧрік айының 2-ҷі кӱнінде Россия Федерациязының Президентінің  (орыс) (рус. 442 № Чахии хоостыра Россияда совет орденіне тӧӧй Аарлас ордені тӧстелген[5].

Аарлас орденнің статузы

[тӱзедерге | код тӱзедерге]

Россия Федерациязы Президентінің 2010 чылның ӱртӱн айының 7-ҷі кӱнінде (тӱз. 2023 чылның ӱртӱн айының 9-ҷы кӱнінде) сыххан 1099 № чахии хоостыра Аарлас орденінің статуды (латин тілінең statuo — чарадығ аларға) кирілген[2].

Пічік хоостыра, Аарлас орденінең Россия чуртағчылары, пасха хан чирі кізілері, чаа-имнег кирее паза ӱгредіг учреждениелері сыйыхтатчалар[2]:

  • улуғ маңнаныс ӱчӱн, промышленностьтағы, пӱдіріг киреендегі, энергетикадағы, аал хонииндағы паза пасха киректердегі алынҷа производство чидіглері ӱчӱн, хайзылары Россия регионнарының тиліс синін кӧдірібіскеннер
  • наука-істезіг тоғызындағы чидіглер ӱчӱн, хайзылары Россия Федерациязының хайзы наука отрасльларында кӧріндіре артығына ағылчалар
  • чир-суубыстағы ӱгредіг системазының  (орыс) (рус. тилізіне улуғ хозым иткен ӱчӱн, хайзы Россиядағы ӱгредігнің качествозын, тимненіс системазын паза специалисттерні хатап тимнирін чахсыландырарға, ідӧк хырығ озаринда чир-суубыстағы пӧзік ӱгредіг заведениелерінің чоннар аразындағы синін кӧдірерге кӧріл парған
  • Чир-суубыстың культуразының, искусствозының, тархынының тилізіндегі чидіглер ӱчӱн, хайзылары тӧреен чир-сууна хынызын, Россиядағы чииттернің культура-гуманитарий тилізін ӧскірерге полысханнар
  • пӧзік чидіглер спортын, ідӧк олғаннар паза чииттер спортын сабландырарында паза тилідерінде хозым иткен ӱчӱн, хайзылары Россия Федерациязына хайзы спорт кӧрімнерінде тилекей синінде пастағҷылар санында поларға хабасханнар[6].

Россия Президентінің 2019 чылның сілкер айының 6-ҷы кӱнінде сыххан 208 № Чахии хоостыра, чир-суубыстың хазых хайраллир системазының  (орыс) (рус. алғым тилізі ӱчӱн Аарлас орденінең хазнаның имнег организацияларын сыйыхтирға чарир[6][3].

Россия Президентінің 2019 чылның хосхар айының 21-ҷі кӱнінде сыххан 293 № Чахии хоостыра, чир-чайаандағы паза техногеннай сағыбаан киректерде Россия чуртағҷыларын арачылирында, ӧрттең хорғыс чох поларында чидіге читкен ӱчӱн, Аарлас орденінең Россияның МЧС-ның аймах частьтары паза пӧліктері, Россия Федерациязының ӧртең тоғыр службазының подразделениелері сыйыхтатчалар[6][3].

Орденні ал чӧрер оңдайы

[тӱзедерге | код тӱзедерге]

Хазна сыйии — Аарлас ордені кӧксінің сол саринда хазаларға кирек. Россия Федерациязының пасха орденнері пар полза, «Талайдағы киректер ӱчӱн» орден танииның соонда поларға кирек[7][6]. Кӱннің сай ал чӧрілчетсе, Аарлас орденінің хобырылғанын кизерге чарадылча, ол «Талайдағы киректер ӱчӱн» орденнің копиязы (миниатюразы) соонаң хаптырылча[8].

Аарлас ордені форманың планказына кизілчетсе, пу иң пӧзік сыйых «Талайдағы киректер ӱчӱн» орденнің лента соонда хазалча. Олаңай кип-азахта кизілчетсе, розеткаа тӧӧй орденнің лентазы кӧксінің сол саринда хазалча[6][3].

Аарлас орденінің тастындағы кӧрімі

[тӱзедерге | код тӱзедерге]

Аарлас ордені — тегілек медальоннығ сигіс пулуңнығ кірес. Анда Россия Федерациязының хазна гербінең лавровай венок хоосталых. Орден кӱмӱснең паза эмальнаң иділген. Аның диаметрі 42 мм. Аарлас орденінің арған саринда идентификация номері пазылған[9].

Ӧнетін кӧлечке паза тизігі полызиинаң орден пис пулуңнығ колодканаң піріктірілче. Ол чалбаа 24 мм ах чоллығ кӧк торғы лентанаң тартылых[9].

Правилолар хоостыра, Аарлас орденінің миниатюразы (хобырылғаны) колодкада ал чӧрілче. Кірес аразы 15,4 мм читче. Колодка пӧзии — 19,2 мм, ӱстӱндегі сариның узуны 10 мм читче, хыриларындағы сариның узуны — 16 мм. Аарлас орденінің лентазы формада ал чӧрілчетсе, планка пӧзии 8 мм поларга кирек, лента чалбаа — 24 мм[6][9].

Аарлас орденінің кавалерлері

[тӱзедерге | код тӱзедерге]
Россия Президенті В. Путин паза Аарлас орденінең сыйыхтатхан ікі хати олимп чемпионы С. Хоркина, 8.06. 2001 ч.

Россия Федерациязында пастағы Аарлас орден кавалерлері 1994 чылдағы XVII хысхы Олимп ойыннарының  (орыс) (рус. спортсменнері паза тренерлері полыбысханнар[10].

Кӱскӱде 1996 чылда Чечня Республикадағы инфраструктураны хатап табырах пӱдірген ӱчӱн, Аарлас орденіне 20 азыра чаа пӱдірігҷізі паза инженері турысхан[8].

Анын алнында, 1995 чылда, Нефтегорсктағы чир тітіреені  (орыс) (рус. соондағы саайларны чох иткен ӱчӱн, пу пӧзік хазна сыйиина тілег-арачыланыс операциязын апарған МЧС-ның прай отряды турысхан[11][8].

1996 чылда хосхар айында амғы театр искусствозына хозым иткен ӱчӱн, чииттерні эстетика саринаң ӧскірчеткен ӱчӱн Аарлас орденінең Москвадағы «Современник» театр сыйыхтатхан[12].

1996 чылда Прибалтика хазналарының таможня хырығларын пӱдірген ӱчӱн Аарлас орденіне Санкт-Петербургтың мэрінің пастағы орынҷызы Владимир Путин турысхан[13].

2003 чылда музыка искусствозының тилізіне хозым иткен ӱчӱн Аарлас орденінең СССР-ның чон артизі, композитор Муслим Магомаев сыйыхтатхан[14]. Ікі хати (2010 паза 2014 чч.) пӧзік спорт чидіглері ӱчӱн Аарлас орденіне саблығ Россия фигуризі Евгений Плющенко турысхан[15].

2023 чылда Россия Федерациязының Президенті Владимир Путин Аарлас орденінең Дамба Аюшеевті; Луганск Чон Республиказының хазна ӱлгӱзінің законнар пирҷең органының кізізі Ольга Басты; «Объединённая двигателестроительная корпорация» АО-ның токарьы Николай Савельевті сыйыхтаан[16].

Алған орын

[тӱзедерге | код тӱзедерге]
  1. ↑ Указ Президента РФ № 1099 от 7 сентября 2010 года. Министерство науки и высшего образования Российской Федерации (7 Ӱртӱн айы 2020). Дата обращения: 14 Ӱртӱн айы 2023.
  2. ↑ 1 2 3 Указ Президента Российской Федерации от 07.09.2010 г. № 1099 О мерах по совершенствованию государственной наградной системы Российской Федерации. Kremlin.ru (9 От айы 2010). Дата обращения: 2023-0914.
  3. ↑ 1 2 3 4 Указ Президента Российской Федерации от 19.11.2021 № 665 "О некоторых мерах по совершенствованию государственной наградной системы Российской Федерации". pravo.gov.ru (20 Кічіг хырлас айы 2021). Дата обращения: 14 Ӱртӱн айы 2023.
  4. ↑ Постановлением ЦИК СССР учреждён Орден «Знак Почёта». Президентская библиотека им. Б. Н. Ельцина. Дата обращения: 2023-0914.
  5. ↑ Орден Почета. kremlin.ru. Дата обращения: 14 Ӱртӱн айы 2023.
  6. ↑ 1 2 3 4 5 6 Статут ордена Почета. КонсультантПлюс (12 Ӱртӱн айы 2021). Дата обращения: 14 Ӱртӱн айы 2023.
  7. ↑ Рекомендации по ношению государственных наград и ведомственных знаков. МВД России. Дата обращения: 14 Ӱртӱн айы 2023.
  8. ↑ 1 2 3 Орден Почета. Награды России. Дата обращения: 14 Ӱртӱн айы 2023.
  9. ↑ 1 2 3 Орден Почета. Государственные награды Российской Федерации. Дата обращения: 14 Ӱртӱн айы 2023.
  10. ↑ Макеева И. 25 лет назад было утверждено Положение о государственных наградах Российской Федерации. Парламентская газета (3 Азығ айы 2019). Дата обращения: 14 Ӱртӱн айы 2023.
  11. ↑ Катастрофическое землетрясение в поселке Нефтегорск. ВДПО. Дата обращения: 14 Ӱртӱн айы 2023.
  12. ↑ Указ Президента Российской Федерации от 15.04.1996 г. № 555 О награждении орденом Почета Московского театра «Современник». Kremlin.ru (15 Хосхар айы 1996). Дата обращения: 14 Ӱртӱн айы 2023.
  13. ↑ Орден Почета. Коммерсант (3 Кӧрік айы 2014). Дата обращения: 14 Ӱртӱн айы 2023.
  14. ↑ Владимир Путин подписал указ о награждении орденом Почета Муслима Магомаева. РИА Новости (17 Орғах айы 2002). Дата обращения: 14 Ӱртӱн айы 2023.
  15. ↑ Евгений Плющенко получил орден Почета. Вести.ru (12 Кӧрік айы 2010). Дата обращения: 14 Ӱртӱн айы 2023.
  16. ↑ Награждённые государственными наградами Российской Федерации. Kremlin.ru (23 Сілкер айы 2023). Дата обращения: 14 Ӱртӱн айы 2023.

Литература

[тӱзедерге | код тӱзедерге]
  • Щеголев К.А. Современные награды России. Традиции и преемственность. — М.: Вече, 2009. — С. 286—293. — (История наград). — ISBN 978-5-9533-3696-3.
  • Кушер Ю. Л. Государственные символы и награды Российской Федерации. — М.: Книжная палата, 1999. — 271 с. — ISBN 978-5-7000-0476-3.
  • Музалевский М. В. Ордена и медали Российской Федерации. — М.: Кавалеръ, 2005. — 298 с. — (Библиотека журнала «Кавалер»). — ISBN 5-00-000198-2.

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Аарлас_ордені_(Россия)&oldid=101686