Шильдин, Пётр Степанович

Пётр Степанович Шильдин
Тӧреен кӱні	29 улуғ хырлас айы 1920({{padleft:1920|4|0}}-{{padleft:12|2|0}}-{{padleft:29|2|0}})
Тӧреен чирi	Тиинск[d], Ставрополь уезді[d], Самара губерниязы[d], РСФСР[d]
Ӱреен чылы	7 чарыс айы 1977({{padleft:1977|4|0}}-{{padleft:10|2|0}}-{{padleft:7|2|0}}) (56 час)
Ӱреен чирi	Куйбышев[d], РСФСР[d], СССР[d]
Хазна	СССР
Служба чыллары	1939—1965
Аарластығ ады
Часть	182-чі гвардия атығҷылар полкы
Устаан	ротанаң
Чаалазағлар/чаалар	Илбек Ада чаа
Сыйыхтар паза премиялар

Пётр Степанович Шильдин (29 улуғ хырлас айы 1920, Тиинск^[d], Самара губерниязы^[d] — 7 чарыс айы 1977, Куйбышев^[d]) — совет чааҷызы, Илбек Адалығ чаа араласчызы, Чазы фронтының 37-ҷі армиязының 62-ҷі гвардия атығҷылар дивизиязының 182-чі гвардия атығҷылар полкының командирі, гвардия лейтенанты. Совет Союзының Матыры.

Чуртас чолы

1919 чылның улуғ хырлас айының 29-ҷы кӱнінде Тиинск аалда (амғы Ульяновск облазының Мелекесс аймаанда) кресеннер сӧбірезінде тӧреен. Читі класс тоос салған. Колхозта, Хызылчар крайындағы ағас хониинда тоғынған.

Хакас автоном облазының Боград аймаандағы чаа военкомады хоостыра армияа тартылған. Тоғысчы-кресеннернің Хызыл Армиязында 1939 чылдаң сығара служба ирткен. 1941 чылда Владивостоктағы чаа пехота училищезін тоос салған. Илбек ада чаа фронттарында 1942 чылның хандых айынаң сығара чааласхан. 1944 чылдаң сығара — ВКП(б) кізізі.

182-ҷі гвардия атығҷылар полкының атығҷылар ротазының командирі гвардия лейтенанты Пётр Шильдин устаандағы ротаның чааҷыларынаң хада 1943 чылның ӱртӱн айының 28-ҷі кӱнінде пастағҷылар санында Украина ССР-ның Днепропетровск облазының Верхнеднепровск аймааның Мишурин Рог аалы хыринда Днепр суғны кис парыбысхан. Суғның оң хазындағы плацдармны холға кирерінең устаан. Анзы 182-ҷі гвардия атығҷылар полкының ӧӧн кӱстеріне суғны кис парыбызарға оңдай пирген.

СССР-ның Ӧӧркі Чӧбінің Президиумының 20 декабрьда 1943 чылда сыххан чахиинаң, командованиенің чааҷы чахығларын турыстығ толдырған ӱчӱн паза пу киректе махачызын паза матыр хылиин кӧзіткен ӱчӱн, гвардия лейтенанты Пётр Шильдинге Совет Союзының Матыры ат пирілген, Ленин ордені паза «Алтын Чылтыс» медаль читірілген.

1944 чылдаң сығара Шильдин СССР НКВД-ның Істіндегі войсколарында служба ирткен. 1965 чылда подполковник Шильдин запасха сых парған.

Куйбышев городта (амғы Самара) чуртааан. 1977 чылның чарыс айының 7-ҷі кӱнінде ах чарыхтаң парыбысхан. Самарада Рубёжнай сыыратта сӧӧгі чатча.

Ленин, Хызыл Чылтыс орденнерінең, медальларнаң сыйыхтатхан.

Хумартхы

Шильдиннің ады Москвадағы Илбек Адалығ чааның ӧӧн музейінде Сабланыс залында хумартхылалған. Ағбандағы Чиңіс паркының Совет Союзының Матырларына паза Сабланыс орденінің толдыра кавалерлеріне чарыдылып турғызылған хумартхы тастарның пірсінде Шильдиннің ады пазылых.

2015 чылның сілкер айының 9-ҷы кӱнінде Димитровградта Шильдинге хумартхы тас-бюст турғызылған.

Алған орын

Литература

• Герои Отечества. — М., 2004.
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Подвиг во имя Родины. — Куйбышев, 1975. — Кн. 3.
• Ульяновцы в боях за Родину. — 2-е изд. — Саратов, 1964.

Ссылкалар