Черкасов, Михаил Сергеевич (Совет Союзының Матыры)

Рувики тiп сайттаң
Михаил Сергеевич Черкасов
Черкасов Михаил Сергеевич (Герой Советского Союза).jpg
Тӧреен кӱні 1918
Тӧреен чирi Новосибирск
Ӱреен чылы 16 чарыс айы 1944({{padleft:1944|4|0}}-{{padleft:10|2|0}}-{{padleft:16|2|0}})
Ӱреен чирi Венгрия
Хазна  СССР
Войско кӧрімі инженер войсколары
Служба чыллары 1938-1944
Аарластығ ады
Лейтенант
Чаалазағлар/чаалар Хасандағы чаалазығлар (1938),
Илбек Ада чаа
Сыйыхтар паза премиялар
Совет Союзының Матыры
Ленин орденінең — {{{1}}}
Хасандағы чаалазығлар араласчызына танығ

Михаил Сергеевич Черкасов (1918, Новосибирск[d] — 16 чарыс айы 1944, Венгрия[d]) — Тоғысчы-кресеннернің Хызыл Армиязының лейтенанты, Илбек Адалығ чаа араласчызы, Совет Союзының Матыры (1945).

Чуртас чолы

Михаил Черкасов 1918 чылда Новосибирске тӧреен. Толдыра нимес ортымах школаны тоосханда, заводта тоғынған. 1938 чылда Хакас автоном облазының Боград аймаандағы чаа комиссариады Тоғысчы-кресеннернің Хызыл Армиязына службаа тартхан[1]. Хасан кӧл хазындағы чаалазығларда  (орыс) (рус. араласхан. 1944 чылдаң сығара Илбек Адалығ чаа фронттарында чааласхан[2]. Украинаның 4-ҷі фронтында чааласхан.

1944 чылның сілкер айында 897-ҷі тағ-атығҷылар полкының сапёр взводының командирі кічіг лейтенант Черкасов Крымның позыдығ чаалазығларында араласхан. Херсонес мыс хыринда разведчиктер ӧмезінең хада, ыырҷы миналарын чох идіп, атығҷылар подразделениелеріне чол ас пирген. Пӧзік ӱчӱн чаалазығда 7 ыырҷы чааҷызын чох идібіскен. Аның ӱчӱн Хызыл Чылтыс орденінең таныхтатхан.

1944 чылның чарыс айына лейтенант Черкасов Польша-Чехословакия хырығларынҷа иртчеткен чаалазығларда махачызын кӧзіт пирген. 1944 чылның чарыс айының 15-ҷі кӱнінде ыырҷының кірчеткен пехотазына чол чабызарға чахығ пирілген. Лейтенант Черкасовтың устаандағы взвод ыырҷыны тудып, аны нандыра айландырыбысхан. Пу чаалазығда командир автоматнаң позы ла 30 ыырҷы чааҷызын паза 2 офицерні чох идібіскен.

Харасхы полғанҷа, лейтенант Черкасов ыырҷының тӧрт контратаказына нандырығ пирген. Кӱн тоозылчатханда, тиріглер саннығ ла халғаннар. Чарыс айының 16-ҷы кӱнінде, ыырҷының пазағы контратаказына удура саабыс пирчеткенде, Черкасовтың тыны ӱзілген. Взвод чахиин толдырыбысхан — полызығ кӱстері килгенҷе, арачыланыс хырығларын тут халған[2][3].


СССР-ның Ӧӧркі Чӧбінің 24 мартта 1945 чылда сыххан чахиинаң, командованиенің чааҷы чахығларын турыстығ толдырған ӱчӱн паза пу киректе махачызы паза матыр хылиин кӧзіткен ӱчӱн, Черкасов Михаил Сергеевичке Совет Союзының Матыры ат ӱреен соонда пирілген. Ідӧк Ленин паза Хызыл Чылтыс орденнерінең сыйыхтатхан.

Хумартхызы

Михаил Черкасовтың адынаң Тадар Тис аалның орамазы адалған[4]. Ағбандағы Чиңіс паркындағы Совет Союзының Матырларына паза сабланыс орденінің толдыра кавалерлеріне турғызылған хумартхы тастарның пірісінде ады пазылых[5]. Москвадағы Илбек Адалығ чааның ӧӧн музейіндегі  (орыс) (рус. Сабланыс залында матырның ады хумартхылалған[6].

Алған орын

  1. ↑ Черкасов Михаил Сергеевич. Книга Памяти Республики Хакасия (19 Сілкер айы 2020). Дата обращения: 13 Кічіг хырлас айы 2025.
  2. ↑ 1 2 Черкасов Михаил Сергеевич. warheroes.ru. Дата обращения: 13 Кічіг хырлас айы 2025.
  3. ↑ Черкасов Михаил Сергеевич, Герой Советского Союза. Мемориал Победы. Дата обращения: 3 Азығ айы 2025.
  4. ↑ Черкасов Михаил Сергеевич. nsledye.ru. Дата обращения: 13 Кічіг хырлас айы 2025.
  5. ↑ Энциклопедия «Хакасия» (Хакасско-Минусинская котловина) / В. С Яблонский.. — Абакан.: Хак. Кн. Изд-во им. В. М. Торосова, 2022. — Т. 5. — С. 176. — 496 с. — ISBN 5-09-002630-0.
  6. ↑ Черкасов Михаил Сергеевич. ookn19.ru. Дата обращения: 13 Кічіг хырлас айы 2025.

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Алған орны - https://kjh.ruwiki.ru/w/index.php?title=Черкасов,_Михаил_Сергеевич_(Совет_Союзының_Матыры)&oldid=154108