Янков, Николай Павлович

Николай Павлович Янков
Николай Павлович Янков
Тӧреен кӱні	6 улуғ хырлас айы 1918
Тӧреен чирi	Лебяжье[d], Минсуғ уезді, Ким губерниязы, РСФСР[d];
Ӱреен чылы	22 чарыс айы 1953 (34 час)
Ӱреен чирi	Новосибирск[d], РСФСР[d], СССР[d];
Хазна	СССР
Войско кӧрімі	артиллерия[d]
Служба чыллары	1938—1953
Аарластығ ады
Чаалазағлар/чаалар	Илбек Ада чаа;

Николай Павлович Янков (6 улуғ хырлас айы 1918, Лебяжье^[d], Ким губерниязы — 22 чарыс айы 1953, Новосибирск^[d]) — Илбек Ада чаа араласчызы, Центральнай фронттың 13-ҷі армиязының 322-ҷі атығҷылар дивизиязының 886-ҷы артиллерия полкының дивизион командирі, Совет Союзының Матыры.

Чуртас чолы

1918 чылның улуғ хырлас айының 6-ҷы кӱнінде Ким губерниязының Сорокин аалында (амғы — Хызылчар крайының Краснотуранск аймааның (орыс) (рус. Лебяжье аалы) кресеннер сӧбірезінде тӧреен. Орыс. 1930 чылда іҷе-пабазынаң хада Харатассар кӧс парыбысхан. 1943 чылдаң сығара Совет Союзының Коммунисттер партиязының кізізі. Сигіс класс тоос салған. Хакас автоном облазының Харатас городында «Хакасуголь» трестте тоғынған.

1938 чылда Тоғысчы-кресеннернің Хызыл Армиязында службаа тартылған. 1940 чылда Сумскай артиллерия училищезін тоос салған. Брест городта служба апарған. 1941 чылның хандых айының 22 кӱнінең сығара — Илбек Адалығ чаа араласчызы. Брест хыриндағы пастағы чаалазығлар соонаң Сталинград, Воронеж, Центральнай паза 1-ғы Украина фронттарында чааласхан.

Центральнай фронттың 13-ҷі армиязының 322-ҷі атығҷылар дивизиязының 886-ҷы артиллерия полкының дивизион командирі капитан Николай Янков 1943 чылның ӱртӱн айында, Десна (Чернигов городтың ӱстӱнзархы-кидеркі саринда), Днепр (орыс) (рус. (Мнёво посёлоктың ӱстӱнзархы саринда) паза Припять (Чернобыльдаң алтынзархы-кидеркі саринда) суғларны кизіп, махачызын кӧзіт пирген. Дивизионының устаанда турып, артиллерия атызынаң атығҷылар дивизиязына суғны кизерге хабасхан.

СССР-ның Ӧӧркі Чӧбінің Президиумының 1943 чылның чарыс айының 16-ҷы кӱнінде сыххан чахиинаң, немец-фашист азымахчыларынаң тоғыр фронттағы кӱрезігде командованиенің чааҷы чахығларын турыстығ толдырған ӱчӱн паза пу киректе махачызын паза матыр хылиин кӧзіткен ӱчӱн, капитан Николай Янковха Совет Союзының Матыры ат пирілген, Ленин ордені паза «Алтын Чылтыс» медальы (№ 1166) читірілген.

60-ҷы армияның Чаа Чӧбінің 1944 чылның чарыс айының 16-ҷы кӱнінде сыххан 211/н № чахиинаң, «Хызыл Знамя» орденінең сыйыхтатхан^[1].

Чаа соонда Янков армия службазын узаратхан. 1950 чылда Офицерлернің пӧзік ӱгредіг артиллерия школазын тоос салған. 1953 чылда майор Янков запасха парыбысхан.

Новосибирскте чуртаан. 1953 чылның чарыс айының 22-ҷі кӱнінде ах чарыхтаң парыбысхан.

Сыйыхтар

Ленин, Хызыл Знамя, Адалығ чааның 2-ҷі cby, ікі Хызыл Чылтыс орденнерінең паза медальларнаң сыйыхтатхан.

Хумартхызы

Матырның адынаң Хакасияның Харатас городындағы паза Краснотуранск аалдағы орамалары адалғаннар. Харатаста Совет Союзының Матырына ікі хумартхы чарды хызылған: пірсі адын ал чӧрчеткен орамадағы 34-ҷі тураның хыринда тимір постаментте хаптырылых, аның пазында матырның сомы турғызылых^[2]; пасха чардызы — Тыхтағ механическай заводтың туразында^[3].

Ағбандағы Чиңіс паркының Матырлар аллеязындағы хумартхы таста ады пазылых^[4].

2020 чылның от айында Харатаста хумартхы комплексте Совет Союзының Матыры Николай Янковха бюст турғызылған^[5].

Алған орын

↑ Янков Николай Павлович (рус.). Книга Памяти Республики Хакасия (19 Сілкер айы 2020). Дата обращения: 21 Сілкер айы 2020.
↑ Сергей Власов. Центральным бы улицам такие имена... (рус.) gazeta19.ru (12 Кӧрік айы 2020). Дата обращения: 17 Кічіг хырлас айы 2025.
↑ Мемориальная доска Герою Советского Союза Николаю Павловичу Янкову (Черногорск, город) (рус.). nbdrx.ru. Дата обращения: 17 Кічіг хырлас айы 2025.
↑ Энциклопедия «Хакасия» (Хакасско-Минусинская котловина) (орыс) / В. С Яблонский.. — Абакан.: Хак. Кн. Изд-во им. В. М. Торосова, 2022. — Т. 5. — С. 180. — 496 с. — ISBN 5-09-002630-0.
↑ Алена Мацкевич. В Черногорске установили восемь бюстов землякам - Героям Советского Союза (рус.). gazeta19.ru (9 От айы 2020). Дата обращения: 17 Кічіг хырлас айы 2025.

Ссылкалар

[1] Янков Николай Павлович (рус.). Книга Памяти Республики Хакасия (19 Сілкер айы 2020). Дата обращения: 21 Сілкер айы 2020.

[2] Сергей Власов. Центральным бы улицам такие имена... (рус.) gazeta19.ru (12 Кӧрік айы 2020). Дата обращения: 17 Кічіг хырлас айы 2025.

[3] Мемориальная доска Герою Советского Союза Николаю Павловичу Янкову (Черногорск, город) (рус.). nbdrx.ru. Дата обращения: 17 Кічіг хырлас айы 2025.

[4] Энциклопедия «Хакасия» (Хакасско-Минусинская котловина) (орыс) / В. С Яблонский.. — Абакан.: Хак. Кн. Изд-во им. В. М. Торосова, 2022. — Т. 5. — С. 180. — 496 с. — ISBN 5-09-002630-0.

[5] Алена Мацкевич. В Черногорске установили восемь бюстов землякам - Героям Советского Союза (рус.). gazeta19.ru (9 От айы 2020). Дата обращения: 17 Кічіг хырлас айы 2025.

[1]

[2]

[3]

[4]

[5]