Ким губерниязы

Рувики тiп сайттаң
Губерния
Ким губерниязы
Герб
Герб
56°01′00″ с. ш. 92°52′00″ в. д.GЯO
Хазна
Адм. кiнi Хызылчар
Тархыны паза географиязы
Тӧстелген чылы 22 от айы (3 орғах айы) 1822
Чох идiлген чылы 25 сілкер айы 1925
Улии 2 211 590 верста² (1859)
Чон
Чон 570 161 кiзi. (1897)
Ким губерниязы картада
Преемственность
← Томск губерниязы Сибирь крайы →
Логотип РУВИКИ.Медиа Медиафайлы на РУВИКИ.Медиа

Ким губерниязы[1] — 1822—1925 чылларда Россия империязының, Россия республиказының паза РСФСР-ның холындағы устағ-пастағ паза чирі хоостыра единицазы.

Тиксі танығлар

[тӱзедерге | код тӱзедерге]

1724 чылда Сибирь губерниязы санында Ким провинциязы чарылған, аның хырығлары Ким губерниязынина килістіре полғаннар. Провинция 1775 чылда чох иділген.

Ким губерниязы устағ-пастағ реформазы пастыра Сперанскийнің[ru] проектінҷе тӧстелген. Александр I 26 Кӱрген айы (7 Азығ айы) 1822 чылда сыххан «Сибирьні ікі генерал-губернаторствоға пӧлерінеңер» чахиинаң, Сибирьдегі генерал-губернаторство Кидеркі паза Іскеркі генерал губернаторстволарға чарылған[2].

22 От айы (3 Орғах айы) 1822 Томск губерниязынаң Іскеркі Сибирь генерал губернаторствозының Ким губерниязы чарылған, аның санына пис округ кірген (уездтер полғаннар):

  • Ачинск уезді (Хызылчар уездінің кидеркі чардығынаң, Ким уездінің ӱстӱнзархы-кидеркі чардығынаң паза Томск уездінің - алтынзархы-іскеркі);
  • Ким уезді (андар чох иділген Туруханск уездінің Туруханкс комиссарствозы, соонаң алынҷа устанызы чирі кірген);
  • Канский уезді (Хызылчар, Ким, Бирюса суғдаң сығара Кан суға теере Иркутск губерниязының Нижнеудинскай уездтің Иланскай паза Бирюсинскай волостьтар чардыхтарынаң);
  • Хызылчар уезді;
  • Минсуғ уезді (Хызылчар уездінің ӱстӱнзархы чардығынаң чарылған);
  • Усинскай пограничнай округ (Минсуғ уездінең 1886 чылда чарылған).

Губерния устанызы Хызылчар городта тӧстелген.

Ким губерниязының устағ-пастаа паза чирі хоостыра пӧлізі 1924 чылға теере алыспаан. Аның волостьтарында ла алызығлар пол парған. Губерниядағы волостьтар саны — 35[3].

Ачинск округында: Балахта, Назаров, Покровка, Мелецкай инородецтер устанызы, Хызылларның чазы думазы[ru], Ужур волозы.

Ким округында: Анциферов, Бельскай, Казачинскай, Кежма, Маклаков, Пинчугскай, Ялань.

Канск округында: Анцирь, Ирбейскай, Рыбинскай, Тасеев, Тинскай, Устьянск, Уринскай, Шелаев пірігізі.

Хызылчар округында: Вознесенскай, Ботойская тож, Заледеевскай, Еловскай, Нахвальскай, Погорельскай, Сухобузимскай, Частостровскай.

[Минсуғ уезді|Минсуғ округында]]: Ағбан, Ағбандағы инородецтер устанызы[ru], Асхыстағы чазы думазы, Пии волозы, Ермаковскай волозы, Идринскай, Курагин, Новоселовскай, Сағай, Тесь, Сус.

Туруханскай край ӱс чардыхха, олох волостьха чарылча[4].

1898 чылдаң сығара Ким губерниязының округтары хатап уездтер адал сыхханнар.

Ким губерниязы Іскеркі Сибирьнің алтынзархы широтазының 52° 20' паза 77° 33' паза іскеркі долготазының 95° паза 128° аразындағы кидеркі чардығында полған. Россия империязының ӱстӱнзархы хырығларынаң сығара алтынзархызына теере чат парыбысхан. Аның улии саба кӧп кӧп пулуң кӧрімніг, ӱстӱнзархы-кидеркі саринаң алтынзарых-іскер сӧӧ тартылых полған. Губернияның Хыдаттаң сығара Азияның иң алтынзархы пазына читіре узуны 2800 верста полған, кидертін іскер — 1300 вёрстаға читіре. Алтынзарыхта Алтынзархы тиңіс ибірген, алтынзарых-іскертін чирі Якутск облазының Вилюйскай округы хыринҷа ирткен, іскертін паза ӱстӱнзархы-іскеркі саринаң Иркутск губерниязының Киренскай паза Нижнеудинскай округтар полғаннар, ӱстӱнзарыхтаң хырығлары Хыдат хыринҷа ирткеннер. Кидертін губерния хыры Кидеркі Сибирьнің чирі хыринҷа ирткен, Ӱстӱнзархы-кидеркі паза кидеркі саринаң Томск губерниязының Кузнецкай, Мариинскай паза Нарымскай округтарының чирлері полғаннар, алтынзархы-кидеркі саринда хыры Тобольск губерниязының Берёзовскай округынаң хыринҷа ирткен[5].

Ким губерниязы ӧңніг лото карточкаларында — XIX —XX чӱс чылларның пастағы чылларындағы стол кистінде ойнаҷаң саблығ ойын.
Ким губерниязы ӧңніг лото карточкаларында — XIX —XX чӱс чылларның пастағы чылларындағы стол кистінде ойнаҷаң саблығ ойын.
Сибирьдегі ипчілер сағынып алған узуда абытчаң ниме (1894)[6][7]
Степан Семенович Петров ипчізінең хада. Норвегиядағыларның Сибирьҷе экспедицияның Ким пазына читіре чорығы (1914) Логотип РУВИКИ.Медиа Медиафайлы на РУВИКИ.Медиа

Ким губерниязының улии 2 211 589 квадрат верстазына тиңнелген (улии хоостыра Якутск облазы соонда ікінҷі губерния)[5].

Губерния гербі

[тӱзедерге | код тӱзедерге]

«Хара-хызыл хуйахта чарых кӧк харахтығ паза тілліг, хара тырғахтығ, оң азаанда андағох орғахтығ алтын ала парыс. Хуйах император короназынаң паза Андреевскай лентанаң піріктірілген дубтың алтын пӱрлерінең чазалых».

Ким губерниязының гербі 1878 чылның от айының 5-ҷі кӱнінде чарадылған, 1886 чылда Геральдия департаментінің гербтер пӧлии городтағы хуйахтардаң чазаҷаң нимелерні чох идібіскен.

Ала парыс кӱсті паза махачы хылыхты таныхтапча, орғахнаң кӱрҷек чонның ӧӧн айғасчатхан киреен — хыра салып чуртапчатханын паза чирдегі ис-пайны аныпчатханын.

Тархын

[тӱзедерге | код тӱзедерге]

XVII чӱс чыл[тӱзедерге | код тӱзедерге]

1629 чылға теере амғы Хызылчар крайының чирі улуғ регион санына кірген, аның кіні Тобольск полған. Соонаң острог паза Енисейск, Хызылчар паза Канск чирлерінең хада Томск разрядына кіргеннер.

1676 чылда Енисейск острогы город полыбысхан, аның холына Ким суғ хазындағы паза Забайкальеге читіре парчатхан оң сариндағы прай ааллар кіргеннер.

XVIII чӱс чыл[тӱзедерге | код тӱзедерге]

I Пётр 1708 чылда устағ-пастағ паза чир хоостыра алызығларны кирген. Россия империязының ӧӧн устағ-пастағ единицазы губерния полыбысхан, андар провинциялар кіргеннер, олар уездтерге пӧлілгеннер. 18 декабрьда 1708 чылда сыххан чахығ хоостыра, Россия империязының прай чирі сигіс губернияа пӧліл парған. Сибирь паза Приуралье чардығы Сибирь губерниязына кіргеннер, кіні Тобольск город полған.

Сибирь губерниязының чирлері аразы улуғ полған сылтаанда паза чол палғалызы чох полған ӱчӱн, чирлернең устир тоғыс аар апарылған. 1719 чылда Сибирь губерниязында ӱс провинция тӧстелген: Вятскай, Соликамскай паза Тобольск, пис чыл пазынаң паза ікі — Иркутск паза Ким, кіні Енисейскте полған. Ким провинциязына Мангазейскай, Ким, Хызылчар, Томск, Кузнецк, Нарымскай паза Кетскай уездтер кіргеннер.

1764 чылда II Екатеринаның чахиинаң Сибирь чирінде устағ-пастағ паза чир хоостыра алызығлар кирілгеннер: ікінҷі губерния — Иркутск тӧстелген, аның холына Ким провинциязы кирілген. Чибіргі чыл пазынаң Ким провинциязы чох иділген, аның уездтері Тобольск (Енисейск, Ачинск), Иркутск паза Колывань (Хызылчар) ӱс губерния санына кирілгеннер.

1797 чылда Ким суғның прай чирлері Тобольск губерниязына кіргеннер (1804 чылға теере; анаң 1822 чылға теере олар Томск губерниязының холындалар).

XIX чӱс чыл[тӱзедерге | код тӱзедерге]

Нансеннің Сибирҷе чорығы (1913)[8] Логотип РУВИКИ.Медиа Медиафайлы на РУВИКИ.Медиа

1803 чылда Сибирьдегі генерал-губернаторство тӧстелче, аның холына Тобольск, Иркутск паза Томск губерниялары кіргеннер, кіні — Иркутск город.

1822 чылда ол система чох иділген, аның орнына Кидеркі Сибирьдегі (кіні Тобольск), Іскеркі Сибирьдегі (кіні Иркутск) генерал-губернаторстволар пол кигеннер.

М. М. Сперанскийнің чӧбінең, I Александр император Ким губерниязы тӧстелчеткен чахығда хол салыбысхан. Губерния санына пис округ кірген: Хызылчар, Ким (Туруханск крайынаң хада), Ачинск, Минсуғ паза Канск. Хатап тӧстелген губернияның устағ-пастағ кіні Хызылчар полыбысхан.

Сибирьдегі чоннар[ru][9] инородецтер сословиезіне кіргеннер, «Инородецтернең устаҷаң устав» хоостыра (1822 ч.), оларның кӧс чӧрчеткен статузы «Чазы думазы[ru] — Инородецтер устанызы — Родтар устанызы» алынҷа пос устаныс системазынаң киречілелгеннер[10].

«Лето на Енисее»‎ (1914) экспедициядаңар паза орнитология істезіглерінің салтарларынаңар Мод Хавиланд киндезінең[11]
Оксфордтың экспедициязы (1914)[12] Сол саринаң оң саринзар Мод Хавиленд, Василий Коробейников, Генри Холл, Дора Кертис.

1831 чылның азығ айының 26-ҷы кӱнінде Сенат «Об устройстве почтового управления в Енисейской губернии» чахығны чарыхха сығарған. Хызылчарда губернияның почта конторазы тӧстелген, Енисейскте паза Ачинскте — почта экспедициялары, Канскта, Минсуғда паза Туруханскта почта пӧліктері азылғаннар.

Ким губерниязы тӧстелгеннең пеер 50 чыл аразына Россия империязының устағ-пастаа хоостыра пӱдізінде улуғ нимес алызығлар кирілгеннер: 1879 чылда округтар уездтер адал сыхханнар. Ким губерниязының чирі алыспаан, ӧӧнінде амғы Хызылчар крайының чирінің хырығларына килістіре полған.

1882 чылда Обь-Ким каналы пӱдіріл сыххан, 1891 чылда ол кічіг судноларға азылған[13].

1886 чылда Усинскай пограничнай округ Минсуғ уездінең[ru] алынҷа сығыбысхан[14][15].

1892 чылда Шарль Ваперо Пекиннең сығара Парижсер Сибирьҷе парған, журналда чорыхтағы сомнарынаң хоостар паза гравюралар чарыхха сығарыбысхан[6][7]:

Ким губерниязы чахсы сығыстығ чир; губернаторның чооғынаң, Минсуғ уездінде, ӱстӱнзарыхсар 200 верста оортах чирде, суланың пуд ӱчӱн паазы 5 ахча турча паза сағам 1889 чылның тӱзімі садылча. Культивациязы ла иділче. Суғ ағынынҷа палғалыс чолы полған полза, Сибирьнің тоңастар чирі поларҷых. Сағам садыға парчатхан ас чоғыл, кидеркі саринзар 1000 верста оортах чирде чон ӧзӧкче, астапчатхан кресеннерге пасха орыннарзар кӧзерге килісче.Шарль Ваперо, Из Пекина в Париж: Корея, Амур и Сибирь, XXII. Из Красноярска в Томск.

1894 чылның чайғызында Наукалар академиязынаң сығара П. Е. Островских «Минсуғ крайының туземецтерін» істезер паза этнография чыындыларын чығар пӧгіннең чорыхта пол парыбысхан, аның салтарлары «Этнографические заметки о тюрках Минусинского края (Отчет о поездке 1894)» тоғыста чарых кӧргеннер[16][17].

1897 чылда П. Е. Островских Императорның Орыс География пірігізінің ахчазына Тоджинскай хошунзар чорыхха сыххан[17].

1899—1904 чылларда П. Е. Островских, Туруханск крайының податнай инстекторының полысчызы полып, орыс паза «инородецтер» чонының экономиказын істескен паза этнография чыындызын чыған[18].

XX чӱс чыл[тӱзедерге | код тӱзедерге]

1913 чылдаң сығара Ким губерниязы Иркутсктағы генерал-губернаторствоға кірген.

1913 чылның чайғызында Фритьоф Нансен Йонас Лидтің хығыртиинаң Кидеркі Европа паза Сибирьнің істіндегі аймахтар аразындағы[19] Алтынзархы талайның садығ чолын істескен Востротин Степан Васильевичнең, Иосиф Григорьевич Лорис-Меликовнаң паза пасхазынаң хада Карскай талайзар чорыхха сығыбысхан[20]. Соонаң группа «Туруханск» баржада Ким суғ пазынҷа Хызылчарға читіре, анаң Хыдатча Хыдат-Іскеркі тимір чолҷа Владивостокха читкеннер, чол пара Хабаровсксар кіргеннер. Анда Нансен саблығ орыс чорыхчы Уссурийск крайының істезігҷізі, подполковник Владимир Арсеньевнең[ru] танызып алған. Ол чирдең автомобильліг, аттығ ол туста читіре пӱдірілгелек Транссибирь магистральынҷа Екатеринбургҷа Норвегиязар читкеннер, Екатеринбургта Нансен[ru] Орыс география пірігізінің чыылиинда араласхан: Ким суғҷа чорығынаңар искірген. Сибирьҷе чорығының сан пирізін Нансен «В страну будущего» киндезінде чарыт пирген[8].

1914 чылнын хосхар айында Туваны Россияның правительствозы Туваның протектораты полыбысхан. Анзы Урянхай крайы чіли Ким губерниязына кірген.

Андағ устағ-пастағ паза чир хоостыра пӧліс 1920 чыллар пасталғанҷа полған.

1921 чылнын ортызында РСФСР-ның Хызыл Армиязының полызығ алған орындағы революционерлер Туваның национальнай суверенитедін чарлабызардаңар чарадығ алғаннар.

1923 чылдаң сығара Сибирь аймахтарға пӧлілче, іди пасталча крайның устағ-пастағ хоостыра пӧлізі. Волостьтар чох иділгеннер, алғыдылған аймахтар тӧстел сыхханнар. 1913 чылда Усинская пограничнай округ Усинскай-Урянхайскай крайға айландырылған.

1913 чылдаң сығара Ким губерниязы Иркутсктағы генерал-губернаторствоға кірген.

1914 чылның хосхар айының 17-ҷі кӱнінең сығара Урянхай крайы Усинскай пограничнай округ санына кірген паза устағ-пастағ хоостыра Ким губерниязының холында пол парған. 1914 чылда Ким суғҷа чорыхты Оксфорд паза Пенсильвания музейлерінең сығара антропологтар Мария Чаплицкая паза Генри Холл, орнитолог Мод Хавиланд, Дора Кертис, Василия Коробейников этнография экспедициязын тоос салғаннар. Істезігҷілер чирҷе Хызылчарзар, Транссибирь магистральынҷа паза «Орёл» пароходтығ Ким суғҷа Гольчиха пилтірге читкеннер, анда чайғыда чир-чайаанны пазаСибирьдегі чилегеліг чонның киртінізін істескеннер[11][12][21][22].

Усинскай край 1924 чылда Ким губерниязының санында тӧстелген, 1925 чылда Сибирь крайының Минсуғ округының холында пол парған, андада ВЦИК-тың 25 майда 1925 чылда сыххан чарадиинаң Сибирьнің прай губерниялары паза областьтары чох иділгеннер, оларның чирлері Сибирь крайына кирілчелер, Новосибирск кіні полған.

Устағ-пастағ пӧлізі

[тӱзедерге | код тӱзедерге]
Ким губерниязынын картазы. 1913 чыл

XIX чӱс чыл соонзар губерния санында[23] пис округ (1898 чылдаң сығара — уезд) паза Туруханск крайы полған, анзы Ким губерниязының округына кірген[24]:

№ Уезд Центр Уезд городының
гербі 		Улии,
верста² 		Чон[25]
(1897), чел.
1 Ачинск уезді[26] Ачинск (6699 кізі) 51 071,0 111 466
2 Ким уезді Енисейск (11 506 кізі) 384 303,7 67 536
3 Канск уезді Канск (7537 кізі) 70 962,7 96 202
4 Хызылчар уезді Хызылчар (26 699 кізі) 19 024,0 99 156
5 Минсуғ уезді Минсуғ (10 231 кізі) 79 571,9 182 733
6 Туруханск крайы Туруханск (212 кізі) 1609 824,2 10 959

Чон

[тӱзедерге | код тӱзедерге]

1760—1780 чылларда Сибирьзер кӧп чон ызыл сыххан. 1820 чылларда Минсуғдағы чонның саны хоостыра ікінҷі орында ызығдағы чон полған. 1863 чылда Ким губерниязында 44 994 ызығдағы кізі чуртаан, ол губернияның чонның 1/7 чардығы киліскен.

XIX чӱс чылнын ікінҷі чардығында — XX чӱс чылның пастағы чылларында Ким губерниязының чоны кӧсчеткен процесстер хоостыра тӧстелген[10][27]. 1897 чылдағы Чонның санға алҷаң тиксі чӧрім хоостыра, ӧӧнінде орыс тілліг чон чуртаан[27][28], андар Сибирьдегілер паза кӧс килген кізілер кіргеннер[27][29][30][31], паза инородецтер чуртааннар[28][32], оларзар Сибирьдегі чоннар кіргеннер[10][28][30][33].

1897 чылдағы чонны санға алғаны хоостыра, губернияда 570,2 муң кізі чуртаан, ол санда городтарда — 62,9 муң кізі (11,7 %). Киртініс хоостыра ӧӧнінде сын сабланыс киртіністіглер — 93,8 %, иргі киртіністіглер (орыс. старообрядцы) — 2,1 %, католиктер — 1,1 %, иудейлер — 1,1 %, мусульманнар — 0,8 %, лютераннар — 0,7 %. Пічіктіглер саны — 13,7 %.

1897 чылдағы чоннар аймағы[34]:

Округ орыстар татарлар
паза хакастар 		украиннер [поляктар еврейлер эвенктер мордвалар сахалар самодийлер кеттер
Губерния пӱкӱлеезінең 83,0 % 7,7 % 3,8 % 1,0 % … … … … … …
Ачинск 82,7 % 8,7 % 5,7 % … 1,1 % … … … … …
Ким 93,3 % 1,2 % … … 1,2 % 1,9 % … … … …
Канск 86,2 % 2,3 % 7,4 % 1,5 % 1,4 % … … … … …
Хызылчар 92,4 % … 2,2 % 1,9 % 1,5 % … … … … …
Минсуғ 75,8 % 16,5 % 2,9 % … … … 1,8 % … … …
Туруханск крайы 27,9 % … … … … 14,9 % … 19,9 % 28,6 % 8,4 %
Усинскай 88,7 % 6,6 % 2,9 % … … … … … … …
1897 — 1897 чон санының статистиказы
Чыл Саны
1897 570 161

Губернияның устаа

[тӱзедерге | код тӱзедерге]

Губернаторлар[тӱзедерге | код тӱзедерге]

Ф. А. О. Титул, чин, звание Должностьты апарған тус
Степанов Александр Петрович сын статскай чӧпчі
1823—26.04.1831
Рославец Виктор Яковлевич статскай чӧпчі
26.04.1831—21.06.1831
Ковалёв Иван Гаврилович сын статскай чӧпчі
02.07.1831—23.06.1835
Копылов Василий Иванович статскай чӧпчі (сын статскай чӧпчі)
23.06.1835—20.06.1845
Падалка Василий Кириллович статскай чӧпчі (чазыт чӧпчі)
20.06.1845—14.07.1861
Замятнин Павел Николаевич генерал-майор
06.12.1861—29.02.1868
Чарторижский Лев Иванович генерал-майор
29.02.1868—24.05.1868
Лохвицкий Аполлон Давыдович сын статскай чӧпчі (чазыт чӧпчі)
14.08.1868—08.05.1882
Педашенко Иван Константинович генерал-лейтенант
17.05.1882—01.01.1890
Теляковский Леонид Константинович сын статскай чӧпчі (чазыт чӧпчі)
01.01.1890—24.01.1897
Светлицкий Константин Николаевич генерал-майор
24.01.1897—09.01.1898
Плец Михаил Александрович сын статскай чӧпчі (чазыт чӧпчі)
09.01.1898—28.05.1903
Айгустов Николай Алексеевич генерал-майор
28.05.1903—08.11.1905
Давыдов Виктор Фёдорович статскай чӧпчі паза пасх.
08.11.1905—05.08.1906
Гирс Александр Николаевич сын статскай чӧпчі паза пасх.
05.08.1906—30.06.1909
Бологовский Яков Дмитриевич сын статскай чӧпчі
30.06.1909—1913
Крафт Иван Иванович сын статскай чӧпчі
1913—1914
Кашкаров Борис Дмитриевич сын статскай чӧпчі
1914
Хозиков Иван Владимирович статскай чӧпчі
21.01.1915—01.09.1915
Гололобов Яков Георгиевич сын статскай чӧпчі
1915—1917

Губерния устааның кнестері[тӱзедерге | код тӱзедерге]

Ф. А. О. Титул, чин, звание Должностьты апарған тус
Бобылев коллежскай чӧпчі
1836—1837
Турчанинов Николай Степанович статскай чӧпчі
1838—1845
Родюков Иван Григорьевич коллежскай чӧпчі (сын статскай чӧпчі)
1845—01.12.1862
Гаупт Василий Васильевич статскай чӧпчі
01.12.1862—29.04.1867
Лаврентьев Алексей Николаевич коллежскай чӧпчі
29.04.1867—15.01.1871
Титов Лаврентий Фёдорович статскай чӧпчі (сын статскай чӧпчі)
15.01.1871—05.06.1876
Длотовский Василий Васильевич коллежскай чӧпчі (статскай чӧпчі)
05.06.1876—27.10.1880
Заботкин Александр Степанович статскай чӧпчі (сын статскай чӧпчі)
25.04.1881—09.06.1887
Булатов Виктор Николаевич коллежскай чӧпчі (статскай чӧпчі)
27.06.1887—24.01.1891
Давыдов Дмитрий Никанорович сын статскай чӧпчі
24.01.1891—01.12.1895

Вице-губернаторлар[тӱзедерге | код тӱзедерге]

Ф. А. О. Титул, чин, звание Должностьты апарған тус
Приклонский Василий Львович статскай чӧпчі
01.12.1895—15.02.1899
Урусов Владимир Петрович кнес, камер-юнкер званиеде, статскай чӧпчі
12.03.1899—29.01.1900
Хомутов Павел Фёдорович статскай чӧпчі
05.02.1900—19.10.1901
Сазонов Иван Михайлович статскай чӧпчі
19.10.1901—24.07.1903
Соколовский Владимир Николаевич коллежскай чӧпчі
24.07.1903—05.02.1907
Беломестнов Николай Павлович сын статскай чӧпчі
05.02.1907—31.12.1908
Миллер Александр Константинович сын статскай чӧпчі
31.12.1908—24.02.1910
Лубенцов Анатолий Григорьевич статскай чӧпчі
24.02.1910—1913
Писаренков Борис Васильевич коллежскай чӧпчі
1913—1916
Римский-Корсаков Леонид Петрович полковник
1916—1917

Ӱр нимеске правительствоның губерния комиссарлары[тӱзедерге | код тӱзедерге]

  • иргі оңдайҷа 20 мартта (2 апрельде) 1917 — ? — Зубашев Ефим Лукьянович

Губерния исполкомының кнестері[тӱзедерге | код тӱзедерге]

1917 чылның кічіг хырлас айынаң сығара 1918 чылға теере паза 1920 чылның ӱртӱн айынаң сығара 1925 чылның сілкер айына теере губерниянаң устаан Ким губерниязының тоғысчылар чӧбінің кресеннер паза солдаттар депутаттарының толдырығ комитеді[35].

Губисполком кнестері:

  • 1917 — Окулов Алексей Иванович
  • 1917—1918 Вейнбаум Григорий Спиридонович
  • 1920 чылның ӱртӱн — улуғ хырлас айлары Завадский Иван Абрамович
  • 1920 чылның улуғ хырлас айы — 1921 азығ айы Шумяцкий Борис Захарович
  • 1921 — Березовский Феоктист Алексеевич
  • 1921 — 1923 ӱртӱн айы Гольдич Лев Ефимович
  • 1923 ӱртӱн айы — 1925 сілкер айының 25 кӱні Шиханов Павел Иванович

Губерния архитекторлары

[тӱзедерге | код тӱзедерге]
  • Воцкий Павел Фёдорович —1824 чылдаң сығара 1828 чылға теере губерния архитекторы.
    • Шаров Пётр Алексеевич — 1827—1846 чыллардағы губерния архитекторының полысчызы. Воцкий Иркутсксар парыбысхан соонда, губерния архиекторының тоғызын толдырған.
  • Маковецкий Дмитрий Александрович — 1829 чылда паза 1831 —1837 чылларда губерния архитекторы.
  • Алфеев Яков Иванович — 1847 чылдаң сығара Ким губерниязының пӱдіріг комиссиязының араласчызы, 1850 —1852 чыллардағы губерния архитекторы.
  • Бетюцкий Владимир Михайлович — 1859 чылдаң сығара губерния инженері, 1860—1861 чылларда губерния архитекторы.
  • Нюхалов Северьян Васильевич — 1874 —1882 чылларда губерния архитекторы.
  • Фольбаум Александр Александрович —1890 —1909 чылларда губерния архитекторы.
  • Соколовский Владимир Александрович —1909 —1916 чылларда губерния архитекторы[36].

Экономика

[тӱзедерге | код тӱзедерге]

Хузух теерізі[тӱзедерге | код тӱзедерге]

Ким губерниязында кӧп орыннарда хузухтаҷаңнар. Саңай хузух ағазы ла ӧсчеткен чирлер удаа тоғаспаҷаңнар, ол сыбынаң тігеннер аразында ӧсчең. Орындағы чон, хузухтап, парыс итчең. Кресеннер староста алай атаман устаандағы артельлерге кірҷеңнер. Толдыра праволығ артельдегі кізілер аттығ, провианттың полҷаңнар, половинщиктер, тізең, чалланып, ӱлӱстің чарымызын алҷаңнар. Артель тайғазар орғах айының 1-ғы кӱнінең сығара 6-ҷы кӱніне теере кірҷең, балаганнарда паза ибіҷектерде чуртаҷаң. Торымнарны хапха тееріп, анаң ӱӱлдіре салҷаңнар, торымның чуғы тарт парыбысчаң. Пірееде пайға хузухтың 40-50 пуды килісчең. Хузухтаҷаңнар аймах оңдайнаң. Хузух ағазын саап хузухтааны ағасха хомай теелҷең[37].

Алтын аниры[тӱзедерге | код тӱзедерге]

1830-1840 чылларда Ким губерниязында алтынға кӧп аныҷаңнар. Кізі холындағы приисктерде промышленностьта тоғынчатхан Сибирьнің чалланған тоғысчыларның кӧп сабазы істенген. Иң сабланған приисктер санында Кимдегі алтын промышленнозының округы полған, андар Приангарье кірген. Алтын сайрамалары пір синде істезілбееннер, приисктернің кӧп сабазы Минсуғ округының ӱстӱнзархы чардығында орныххан. Тоғысха алылҷаңнар ыстырған чон, городтағы чох-чоостар, кресеннер. Алтын анирға килген чон, сӧбірелерінең дее хада чир тураларда, отахтарда, барактарда чуртаҷаң. Сӧбіредегі полған на ипчі ахчаа хоных хонмаан 4-5 иреннің кип-азаан чуунҷаң. Приисктегі тоғыс оңдайлары аар полғаннар: тоғыс кӱні 13—15 часха чит парҷаң, разрезтерде суғнаң палғас полҷаң, олаңай тиріглернең тоғынҷаңнар. 1888 чылда Ким губерниязында приисктегі 11685 тоғынҷы аразында 5195 кізі ағырған. Аар тоғысха сыдаспин, кізілер тисчеңнер. 1874 чылда Ким губерниязында приисктегі тоғысха 11664 тоғысчы тартылған, оларның 486 кізізі тизібіскен. 1880 чылларда тоғысчыларның 5,7 % хасхан[38]. Приискте істенген кізінің, тоғыс тоозылған соонда, тайғадаң сыхханы улуғ кирекке саналҷаң. Тоғысчы ахча алып, позына паза сӧбірезіне кип-азах алҷаң. Алтын аныҷаң приисктерде пос модазы полған. Тынағ кип-азахха плис, атлас алылҷаң, хайди даа торғы хур полҷаң, узун тӱрейліг ӧдік паалалҷаң. Кӱлет нинҷе-де кӱнге парыбысчаң, пірее тоғысчылар аар кӱснең тоғынып алған ахчазын іди нинҷе-де ле кӱн аразында хорат салҷаңнар[39]. Устағҷыларның приисктердегі чурты аалдағы тураларға тӧӧй оңдайнаң пӱдірілік полған[40].

Чапсых танығлар

[тӱзедерге | код тӱзедерге]
  • XIX чӱс чылда Енисейсктегі паза Хызылчардағы суғ хазында чуртаан чон суғҷа парчатхан судноларны паза салларны хығырҷаңнар, кемнер парчатханын сурҷаңнар. Суғҷа парчатханнары нандырығ пиріп, «чахсы чон» хысхырып, аттарын адаҷаңнар. Нандырбазалар, чардағы кізілер кимее одырып, судноларны кӧріп, «садылчатхан» ниме пар ба тіп сыныхтаҷаңнар[41].
  • Хызылчар крайы Ким губерниязының прай даа хырығларына килісче.

Алған орын

[тӱзедерге | код тӱзедерге]
  1. ↑ ЕНИСЕ́ЙСКАЯ ГУБЕ́РНИЯ : [арх. 17 Чарыс айы 2022] // Динамика атмосферы — Железнодорожный узел. — М. : Большая российская энциклопедия, 2007. — С. 676—677. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 9). — ISBN 978-5-85270-339-2.
  2. ↑ Указ Императора Александра I «О раздѣленіи Сибирскихъ Губерній на Западное и Восточное Управленія». Дата обращения: 30 Хандых айы 2018. Архивировано 1 Азығ айы 2017 года. 26 Кӱрген айы (7 Азығ айы) 1822 года
  3. ↑ ГПИБ &124; Енисейская губерния : краткое описание Енисейской губернии для переселенцев и ходоков. elib.shpl.ru (1914). Дата обращения: 12 Ӱртӱн айы 2022.
  4. ↑ Н. В. Латкин. Енисейская губерния, ее прошлое и настоящее. — Рипол Классик, 1892. — 477 с. — ISBN 978-5-4241-8307-2.
  5. ↑ 1 2 Маак Р. Енисейская губерния. Список населённых мест по сведениям 1859 года. — СПб.: Центральный статистический комитет Министерства внутренних дел, 1864.
  6. ↑ 1 2 De Pékin à Paris : la Corée, l’Amour et la Sibérie/Texte entier - Wikisource (фр.). fr.wikisource.org. Дата обращения: 6 Чарыс айы 2022.
  7. ↑ 1 2 Le Tour du monde.. — 1860. — С. v..
  8. ↑ 1 2 Нансен Ф. В страну будущего. books.omsklib.ru. Дата обращения: 12 Ӱртӱн айы 2022.
  9. ↑ Патканов, Серафим Керопович. ГПИБ &124; Т. 2 : Тобольская, Томская и Енисейская губ. - 1911. elib.shpl.ru. Дата обращения: 13 Ӱртӱн айы 2022.
  10. ↑ 1 2 3 Мамышева Е.п. Переселенцы и инородческое население в Енисейской губернии во второй половине XIX – начале XX вв. (на материалах Минусинского и Ачинского округов): проблема взаимоотношений // Genesis: исторические исследования. — 2018. — Вып. 11. — С. 101–107. — ISSN 2409-868X. — doi:10.25136/2409-868X.2018.11.28138.
  11. ↑ 1 2 Maud D. (Maud Doria) Haviland. A summer on the Yenesei (1914). — London : E. Arnold, 1915. — 402 с.
  12. ↑ 1 2 Майзик, Е.И., Вдовин, А.С. The Development of Siberia: the Yenisei (Oxford) Expedition of 1914–1915 // Освоение Сибири: Енисейская (Оксфордская) экспедиция 1914–1915 гг..
  13. ↑ ЭСБЕ/Обско-Енисейский канал — Викитека. ru.wikisource.org. Дата обращения: 6 Чарыс айы 2022.
  14. ↑ Латкин, Николай Васильевич ЭСБЕ/Усинский пограничный округ — Викитека. ru.wikisource.org. Дата обращения: 9 Ӱртӱн айы 2022.
  15. ↑ МЭСБЕ/Усинский пограничный округ — Викитека. ru.wikisource.org. Дата обращения: 9 Ӱртӱн айы 2022.
  16. ↑ Этнографические заметки о Тюрках Минусинского края (отчет о поездке 1894 г.) Островских П.Е. globalf5.com. Дата обращения: 6 Чарыс айы 2022.
  17. ↑ 1 2 Puteshestvii︠a︡ P. E. Ostrovskogo na Eniseĭ v 1894 i 1897 godakh. Library of Congress, Washington, D.C. 20540 USA. Дата обращения: 6 Чарыс айы 2022.
  18. ↑ Aleksandra Ippolitova, Ingvar Svanberg. Field Work in the Minusinsk Area: Petr Ostrovskikh (1870–1940) Contributions to Khakas Ethnobotany // Pioneers in Ethnobiology.
  19. ↑ Евгения Комлева, Василий Зиновьев, Ольга Журавель. «Энциклопедический словарь по истории купечества и коммерции Сибири»: возвращенные имена и раскрытые судьбы // Quaestio Rossica. — 2015. — Вып. 2. — С. 250 – 266–250 – 266. — ISSN 2313-6871. — doi:10.15826/qr.2015.2.106.
  20. ↑ Островских, Петр Евгеньевич. ГПИБ &124; Север Енисейской губернии в его прошлом и настоящем : (доклад П. Е. Островских в Российском морском союзе 26 мая 1908 г.). - [СПб.], 1909. - (Труды Российского морского союза ; Вып. 3). elib.shpl.ru. Дата обращения: 13 Ӱртӱн айы 2022.
  21. ↑ Yuri Klitsenko. Один год в Сибири: к 100-летию енисейской экспедиции Марии Чаплицкой // газета "Илкэн". — 2014-01-01.
  22. ↑ Клиценко Ю.В. Один год в Сибири: к 100-летию енисейской экспедиции Марии Чаплицкой. Сибирская Заимка (14 Хосхар айы 2014). Дата обращения: 20 Ӱртӱн айы 2022.
  23. ↑ ЭСБЕ/Россия/Население/Статистика населения/Пространство и население губерний, областей, уездов и округов России — Викитека. ru.wikisource.org. Дата обращения: 9 Ӱртӱн айы 2022.
  24. ↑ Scripophily.ru Старинные ценные бумаги. Дата обращения: 28 Хосхар айы 2016. Архивировано 31 Сілкер айы 2016 года.
  25. ↑ Первая всеобщая перепись населения Российской Империи 1897 г. Дата обращения: 12 Орғах айы 2015. Архивировано 5 Кӧрік айы 2016 года.
  26. ↑ Ачинск // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  27. ↑ 1 2 3 Pereselent︠s︡y u svoego doma. Library of Congress, Washington, D.C. 20540 USA. Дата обращения: 13 Чарыс айы 2022.
  28. ↑ 1 2 3 Поздняков Генеральная карта Азиатской России по новейшему разделению на губернии, области и Приморские управления, с показанием путей российских морепроходцев. (1825)
  29. ↑ ГПИБ &124; Съезд лиц, ведающих переселенческое дело в Енисейской губернии (1897; Иркутск). Журнал Съезда лиц, ведающих переселенческое дело в Енисейской губернии по выработке проекта инструкции переселенческим чиновникам ... . - Иркутск, 1898. elib.shpl.ru. Дата обращения: 13 Ӱртӱн айы 2022.
  30. ↑ 1 2 Патканов, Серафим Керопович. ГПИБ &124; Статистические данные, показывающие племенной состав населения Сибири, язык и роды инородцев (на основании данных специальной разработки материала переписи 1897 г.)Т. 2 : Тобольская, Томская и Енисейская губ. - 1911. elib.shpl.ru. Дата обращения: 13 Ӱртӱн айы 2022.
  31. ↑ Юферов В. И. ГПИБ &124; Материалы по обследованию переселенческого хозяйства в степном крае. Тобольской, Томской, Енисейской и Иркутской губерниях : Опыт исследования бюджетов переселенцев. - СПб., 1906. - (Изд. переселенч. упр.; Вып. 24). elib.shpl.ru. Дата обращения: 13 Ӱртӱн айы 2022.
  32. ↑ Догуревич Т.А. Свет Азии. Распространение христианства в Сибири в связи с описанием быта, нравов, обычаев, и религиозных верований инородцев этого края. Library of Congress, Washington, D.C. 20540 USA. Дата обращения: 12 Чарыс айы 2022.
  33. ↑ Девель Ф. Д. ГПИБ &124; Рассказы о Восточной Сибири, то есть о губерниях, Енисейской и Иркутской, об области Приморской и об округах Якутском и Забайкальском : с рисунками и картой Сибири. - М., 1896. elib.shpl.ru. Дата обращения: 13 Ӱртӱн айы 2022.
  34. ↑ Приложение. Справочник статистических показателей. Архивировано 22 Кӱрген айы 2021 года. // Демоскоп Weekly
  35. ↑ Енисейская губерния
  36. ↑ Енисейский энциклопедический словарь. / Гл. ред. Н. И. Дроздов. — Красноярск: Русская энциклопедия, 1998. — ISBN 5-88329-005-1
  37. ↑ Sbor kedrovogo orekha v Eniseĭskoĭ gubernii. Library of Congress, Washington, D.C. 20540 USA (1900). Дата обращения: 12 Чарыс айы 2022.
  38. ↑ Zhilishcha rabochikh na zolotykh priiskakh v Minusinskom uezde. Library of Congress, Washington, D.C. 20540 USA. Дата обращения: 13 Чарыс айы 2022.
  39. ↑ Prazdnichnyĭ kosti︠u︡m priiskateli︠a︡. Library of Congress, Washington, D.C. 20540 USA. Дата обращения: 13 Чарыс айы 2022.
  40. ↑ Vnutrenniĭ vid zhiloĭ komnaty (gornit︠s︡y) geologa na zolotykh priiskakh v Minusinskom gornom okruge. Library of Congress, Washington, D.C. 20540 USA (1890). Дата обращения: 13 Чарыс айы 2022.
  41. ↑ Пестов И. С. Записки об Енисейской губернии Восточной Сибири, 1831 года / составленные статским советником И. Пестовым. — М.: Унив. тип., 1833. — С. 186—187.

Литература

[тӱзедерге | код тӱзедерге]
  • Пестов И. С. Записки об Енисейской губернии Восточной Сибири 1831 года. — М.: Унив. тип., 1833. — 305 с.: илл.
  • Памятная книжка Енисейской губернии на 1863 год.
  • Енисейской губернии — 180 лет: Материалы IV краеведческих чтений, декабрь 2002 г. — Красноярск: Кларетианум, 2003.
  • Карчаева Т. Г. Енисейская губернская администрация: численность и состав (1822—1917 гг.): диссертация … кандидата исторических наук. — Иркутск: Иркутский государственный университет, 2013. — 291 с.
  • Карчаева Т. Г. Губернаторы Енисейской губернии (социальный портрет сибирского чиновничества) // Известия Иркутского государственного университета. Серия: История. 2014. Т. 7. — С. 44-50.
  • Енисейская губерния // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Ким_губерниязы&oldid=87611