Миягашев, Аймир Евгеньевич

Рувики тiп сайттаң

Аймир Евгеньевич Миягашев (10 сентябрьда 1995 — 27 майда 2022) — Россия чааҷызы, гвардияның ефрейторы, Россия Федерациязының Матыры (ӱреен соонда, 2022).

Аймир Евгеньевич Миягашев
Миягашев.jpg
Тӧреен кӱні 10 сентября 1995(1995-09-10)
Тӧреен чирi Тастып, Хакасия
Ӱреен чылы 27 мая 2022(2022-05-27) (26 лет)
Ӱреен чирi Яремовка, Изюмскай район, Украина
Принадлежность  Россия
Служба чыллары 2016 ― 2022
Аарластығ ады ефрейторы
Часть 14-ҷі ӧнетін кӧстегліг алынҷа гвардия бригадазы
Сыйыхтар паза премиялар

Чуртас чолы

Аймир Евгеньевич 10 сентябрьда 1995 чылда Хакас Республиканың Тастып аалында тӧреен. 2002 чылдаң сығара Эгвекинот посёлоктағы ортымах тиксі ӱгредіг школада ӱгренген. 2013 чылда Сибирьнің Хызылчардағы федеральнай университедінзер кірген. Ікі курс ӱгреніп, университеттең парыбысхан.

2016 чылда чааҷы службазына хығыртылған. Новосибирсктегі чаа устағ училищезінде 5 ай ӱгредіг тимненізін ирткен соонда, Ӱcтӱнзархы чаа округынзар ызылған. 2016 чылның кічіг хырлас айынаң сығара 19-ҷы алынҷа мотострелковай бригадада служба ирткен. 2017 чылның кичкер айында контракт хоостыра чааҷы службазын узаратхан. Іди Аймир Миягашев радист-разведчик полыбысхан.

Аймир Миягашевтің тыны Яремовка аалда 27 майда 2022 чылда ӱзіл парған. Арғыстарын арачылап халар сағыснаң, ол граната ӱстӱне чадыбысхан[1].

25 августта 2022 чылда Россия президентінің Чахиинаң, чаалазығда махачызын паза матыр хылиин кӧзіткен ӱчӱн Аймир Евгеньевич Миягашевке Россия Федерациязының Матыры пӧзік ат пирілген (ӱреен соонда).

11 июньда 2022 чылда Аймир Миягашевті Аңчул аалдағы сыыратта чыып салғаннар[2].

Сыйыхтар

«Чаалазығда махачызын паза матыр хылиин кӧзіткен ӱчӱн» Россия Федерациязының Матыры (25.08.2022, ӱреен соонда)

Суворовтың медальы (07.12.2020)

Хумартхы

Москвада ирткен «Матырлар паза махачы киректер» сомнар кӧзідиинде Аймир Миягашевтің ады хумартхылалған (2.12.2022).

Россия Почтазының «Россия Федерациязының Матырлары» сериязында Аймир Миягашевке чарыдылған почта марказы сығарылған (9.12.2022).

Ағбандағы тимір чол станциязының ачығында Россия Матырының хола бюсты азылған (28.12.2022).

Хакас чонның Улуғлар чӧбінің иң пӧзік сыйии «Алып» орден матырның іҷі-пабазына читірілген (27.05.2023)[2].

Алған орын

  1. Роман Копин вручил Золотую Звезду Героя России родителям Аймира Миягашева. xn--80atapud1a.xn--p1ai. Дата обращения: 2 Кӱрген айы 2023.
  2. 2,0 2,1 М. А. Аева, А. А. Ищенко, Э. И. Торокова. Золотая звезда. Памяти Героев России из Хакасии. Золотая звезда: памяти Героев России из Хакасии Игоря Ахпашева и Аймира Миягашева: фотоальбом / Министерство культуры Республики Хакасия, Национальная библиотека имени Н. Г. Доможакова (2023). Дата обращения: 29 Пӧзік айы 2024.