Тастып аймағы

Рувики тiп сайттаң
аймах / муниципальнай аймах
Таштыпский район
Тастып аймағы
Заказник Позарым.jpg
Флаг[d] Герб
Флаг[d] Герб
52°12′43″ с. ш. 88°16′01″ в. д.GЯO
Хазна
Кiрче Хакас Республикаа
Кирче 9 аал чӧбі
Адм. кiнi Тастып
Тастып аймааның пазы Чебодаев Николай Васильевич
Тархыны паза географиязы
Тӧстелген чылы 1925
Улии

19 989,88 км²

  • (1-е орын)
Час хуры MSK+4 (UTC+7)
Чон
Чон

↗15 679[1] кiзi. (2021)

  • (2,96 %, 6 орын)
Плотность 0,78 кiзi/км²
Чоннар орыстар (50,96%), хакастар (44,02%)
Хазна тiллерi орыс, хакас
Саннығ идентификаторлар
Телефон коды 39046
ОКАТО 95 225 000 000
Официальнай сайт
Таштыпский район картада
Логотип РУВИКИ.Медиа Медиафайлы на РУВИКИ.Медиа

Тастып аймағы (орыс. Таштыпский район) — Россия Федерациязындағы Хакас Республиканың устағ-пастаа паза чирі хоостыра единицаларның пірсі паза муниципальнай пӱдізі (муниципальнай аймағы) полча.

Аймах кіні — Тастып аал полча.

География

Аймах Хакасияның ӱстӱнзархы чардығында орныхча. Хырығлары Хызылчар крайынаң, Кемеров облазынаң, Алтай паза Тыва республикаларынаң хыринҷа иртче.

Аймах улии — 19 989,88 км²[2]. Аймахтың улуғ чардығы тайға паза тайға пори чирге килісче, ол Кидеркі Сойан  (орыс) (рус. паза Ӱлгенніг сын азаанда чатча. Аймахтың ӱстӱнзархы чардығынаң 15-ҷе км Моныш сын тартылча. Аймахта Кидеркі Сабына сыннаң паза Улуғ арттығ сыннаң сыхчатхан Ағбан суғ паза аның азырыхтары ахча. Кӧп тағ кӧллері пар. Иң пасхаҷыл Чёрное кӧл саналча. Аймахтың чирі пора паза хара чир. Хысхы соох, чайғы чылығ полча. Кӱрген айында кии сооғы ортымахти Тастып аалда 18 градусха читче, от айында ортымахти кии чылии +17 градусча полча. Хар-наңмыр сині — 850-че мм. Хар 200-220-ҷе кӱн чатча. 1 метр тирең чаап парча. Аймахтың 74 % ағастығ чирлерге килісче. Пу чирлер аймах аң-хусха пайлар.

Тастып аймаанда сыын, киик, табырға, аба, чохыр аң, хуну, пӱӱр, тӱлгӱ чуртапча, тасхылларда ах парыс учурапча.

Хайраллалчатхан чирлерге «Хакасский» хазна заповеднигі паза аның хойнындағы «Кічіг Ағбан» (98 муң. га), «Лыковтар заимказы» участоктар «Заимка Лыковых» (142 муң. га) кірчелер.

Аймахча Асхыс — Абаза тимір чол, Ағбан — Ах Тобырах (Тыва Республика) регионнарны палғалыстырчатхан 95К-002 чол иртче.

Тархын

Аймах Ким губерниязының Минсуғ уездінің Тастып паза Сии волостьтары піріктіріліп 1924 чылда тӧстелген. 1925 чылның сілкер айының 25-ҷі кӱнінең сығара Хакас округының санына кирілген, анзы тізең, Сибирь крайының холында. Аймахха 10 аал чӧбі кірген. Хырығлары паза устағ-пастаа хоостыра пӧлізі нинҷе-нинҷе хати алысхан. 1963 чылда аймах чирі наа ла тӧстелген Абаза промышленнай аймағы (кіні — Абаза посёлок) паза Асхыс аал хонии аймағы (кіні — Асхыс аал) аразында чарылған. 1965 чылда Тастып аймааның алнындағы хырығлары айландырылған, че 1968 чылға теере аймах кіні Абаза полған. 1968 чылда Тастып аал пазох аймах кіні полыбысхан. XX чӱс чыл тоозылчатханда —XXI чӱс чыл пасталчатханда аймах санына 9 аал чӧбі паза 1 город чӧбі кірген. 1966 чылда Абаза тоғысчылар посёлогы аймахха кірчеткен городха айландырылған. 2003 чылда Абаза город республика синіндегі муниципальнай пӱдістер санына киріліп, аймахтаң сығыбысхан. Андағ пӧліс соонаң аймахта ӧӧнінде аал хонии предприятиелері хала парған. Экономика саринаң иң пӧзік тилізі 1970 чылларның халғанында паза 1980 чыллар пасталғанында таныхталған. Ол туста «Абаканское рудоуправление», Абазадағы ағас хонии паза ағас комбинады, Хакас паза Мадыр ағас промышленнай хоныхтары, Абазадағы кип-азах тікчең фабрика, «Абаза», «Тастып», «Арбыт» совхозтары, Тастыптағы тыхтағ-пӱдіріг устанызы паза пасхазы тоғынғаннар. 2003 чылның кӱрген айының пастағы кӱнінде аймах Тастып аймағы муниципальнай пӱдіс пол парған.

Чон

Чон саны
1939[3]1959[4]1970[5]1979[6]1989[7]2002[8]2003[9]2004[9]2005[9]
37 112↗41 145↘37 865↘34 314↗36 240↘34 686↘16 500↗17 000↘16 800
2006[9]2007[9]2008[9]2009[10]2010[11]2011[9]2012[12]2013[13]2014[14]
↘16 700→16 700→16 700↘15 834↗16 582↘16 500↘16 450↘16 200↘15 847
2015[15]2016[16]2017[17]2018[18]2019[19]2020[20]2021[1]
↘15 557↘15 343↘15 172↘15 049↘14 865↘14 759↗15 679
10 000
20 000
30 000
40 000
50 000
1989
2006
2011
2016
2021
Чоннар

1989 чылдағы чонны санға алар чӧрім хоостыра: орыстар — 73,2 %, хакастар — 21,2 %, украинецтер — 1,4 %, немецтер — 0,9 % паза пасхазы. 2025 чылның пастағы айына, аймахта 15106 чуртағҷы санға алылған[21].

Экономика

Муниципальнай аймахтың экономиказы ӱс кӧстегҷе тиліпче: чир алтындағы ис-пайны аныпчатхан промышленнай предприятиелер тоғынчалар («Ойна» АО-зы паза «Кировский рудник» ООО-зы), аал хонии пірігістері парлар (пеер кірче «Нива» ООО, халас итчеткен «Таштыпский Хлебокомбинат» ООО, кресен-фермер хоныхтары, 5 муң азыра хоныхта ибдегі мал-хус ӧскірілче), ідӧк садығ кирее (90 азыра идінҷек) апарылча. Кічіг паза ортын пос киреенде 600-че кізі істенче[22].

Орындағы чон ідӧк аңнапча, палыхтапча, тайға ис-пайын, чистекнең мискені тееріп чуртапча.

Аймах чирінде иргі киртіністіг Агафья Лыкова чуртапча.

Устағ-пастағ пастыра пӧліс

Тастып аймаана устағ-пастағ паза чир хоостыра единица чіли 8 аал чӧбі, паза аймахтың холындағы 3 аал аразындағы чир кірче[23].

Муниципальнай аймахха 8 аал чӧбі статустығ муниципальнай пӱдіс, ідӧк ааллар аразындағы чир кірче.

№Муниципальнай пӱдісУстағ-пастағ кініАаллар
саны		Чон
(к.)		Улии
(км²)
1Аңчул аал чӧбіАңчул аал3↗777[24]1206.59
2Арбыт аал чӧбіАрбыт аал5↘2277[24]19.33
3Улуғ Сии аал чӧбіУлуғ Сии аал5#Н/Д[25]25.27
4Пыдырах аал чӧбіПыдырах аал3↘609[24]19.86
5Ибiг аал чӧбіИбiг аал5↘2102[24]1.80
6Мадыр аал чӧбіМадыр аал2↘1154[24]7018.72
7Индiркi Сир аал чӧбіИндiркi Сир аал5↘919[24]31.73
8Тастып аал чӧбіТастып аал1↗6834[1]36.22
9ааллар аразындағы чир3

Ааллар

Тастып аймаанда 32 аал.

Чох иділген ааллар
  • Балахташ — чох пол парған посёлок.
  • Сигиртуп — аал

Инфраструктура

Аймахта 9 ортымах, пір ӧӧн, 9 пасталығ школа, 6 олған сады тоғынча, пір хоза ӱгредіг учреждениезі — Олғаннар чайаачызы кӱні[27]. 2024 чылда ӱгредіг пірігістерінде прай 2217 олған ӱгренген.

Хазых хайраллир учреждениелер аразында 2025 чылда Тастып аймаандағы имнег туразы (улуғлар паза олған поликлиниказы, пала тапчаң, терапевт, олған, табырах имнег полызиин пирҷең пӧліктері), Мадырдағы паза Кічіг Арбыттағы участковай имнег туралары, Чоғархы Тастыптағы амбулатория паза 20 ФАП тоғынчалар. 2022 чылның хосхар айында 29 имҷі паза 126 имҷі тоғынҷызы санға алылған. 2024 чылда часхыда Мадыр аалда наа имнег амбулаториязы азылған[28].

Хабарлар таратчаң пірігістер

Тастып аймаанда «Земля Таштыпская» газета сығарылча.

Алынҷа хайраллалчатхан чирлер

2011 чылда аймах чиріндефедеральнай статустығ «Позарым» чир-чайаан заказнигі тӧстелген, 2021 чылдаң сығара ол Виктор Зиминнің адын ал чӧрче[29]2013 чылның кӧрік айының 26-ҷы кӱнінде «Хакасия» аттығ чир-чайаан паркы тӧстелген. Ол Сабына сынның пӧзік тағлар хурында, Ағбан сынның ӱстӱнзархы чардығының іскеркі инізінде орныхча. Аның иң пӧзік орны талай синінең 1983 м пӧзік чирде, Чоочек сында. Парктың улии — 162 638,5 га[30]. 2021 чылда Россияның паза Хакасияның хызыл киндезіне кірген аң-хустарнаң ӧзімнерні хайраллир пӧгіннең «Маранкульскай» чир-чайаан паркы тӧстелген[31].

Чапсых орыннар

Аймахтың чирінде археология паза тархын памятниктері парлар: Ағбан кӱргені (пістің эра алн. IV—II век чӱс чыллар), Чистобай пічіктіг тағ (пурунғы искусствоның паза тимір чӱс чылның памятнигі), «Борцам за Советскую власть» паза Илбек Адалығ чаа чат халған чааҷыларға хумартхы тастар.

  • Тастыптағы чир-суғ ӱгренҷең музейнің туразы — аймах синіндегі культура ис-пайының объекті[32].
  • Горячий ключ  (орыс) (рус.,
  • Лыковтар заимказы.

Аймахтаң палғалыстығ кізілер

Аарластығ чуртағҷылар

Ӧӧн статья: Тастып аймааның аарластығ кізілері (изеріс)

Кӧр. ідӧк

Алған орын

  1. ↑ 1 2 3 4 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более. Итоги Всероссийской переписи населения 2020 года. На 1 октября 2021 года. Том 1. Численность и размещения населения (XLSX).
  2. ↑ База данных показателей муниципальных образований. Республика Хакасия. rosstat.gov.ru. Дата обращения: 16 Чарыс айы 2025. Архивировано 22 Орғах айы 2020 года.
  3. ↑ Всесоюзная перепись населения 1939 года. Численность наличного населения СССР по районам и городам. Дата обращения: 20 Кічіг хырлас айы 2013. Архивировано 18 Кічіг хырлас айы 2013 года.
  4. ↑ Всесоюзная перепись населения 1959 года. Численность наличного населения городов и других поселений, районов, районных центров и крупных сельских населенных мест на 15 января 1959 года по республикам, краям и областям РСФСР. Дата обращения: 10 Чарыс айы 2013. Архивировано 19 Чарыс айы 2013 года.
  5. ↑ Всесоюзная перепись населения 1970 года. Численность наличного населения городов, поселков городского типа, районов и районных центров СССР по данным переписи на 15 января 1970 года по республикам, краям и областям. Дата обращения: 14 Чарыс айы 2013. Архивировано 19 Чарыс айы 2013 года.
  6. ↑ Всесоюзная перепись населения 1979 года. Численность наличного населения РСФСР, автономных республик, автономных областей и округов, краев, областей, районов, городских поселений, сел-райцентров и сельских поселений с населением свыше 5000 человек.
  7. ↑ Всесоюзная перепись населения 1989 года. Численность населения СССР, РСФСР и ее территориальных единиц по полу. Архивировано 10 Чарыс айы 2011 года.
  8. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более. Архивировано 3 Азығ айы 2012 года.
  9. ↑ 1 2 3 4 5 6 7 Численность населения Республики Хакасия на начало года
  10. ↑ Численность постоянного населения Российской Федерации по городам, поселкам городского типа и районам на 1 января 2009 года. Дата обращения: 2 Кӱрген айы 2014. Архивировано 18 Сілкер айы 2015 года.
  11. ↑ 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 Всероссийская перепись населения 2010 года. 3. Численность населения Республики Хакасия. Дата обращения: 11 Сілкер айы 2014. Архивировано 29 От айы 2014 года.
  12. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года. Дата обращения: 31 Сілкер айы 2014. Архивировано 16 Сілкер айы 2013 года.
  13. ↑ Численность населения Российской Федерации по муниципальным образованиям на 1 января 2013 года. М.: Федеральная служба государственной статистики Росстат (2013). — Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов. Дата обращения: 16 Кічіг хырлас айы 2013. Архивировано из оригинала 12 Чарыс айы 2013 года.
  14. ↑ Таблица 33. Численность населения Российской Федерации по муниципальным образованиям на 1 января 2014 года. Дата обращения: 2 Орғах айы 2014. Архивировано 10 Орғах айы 2014 года.
  15. ↑ Численность населения Российской Федерации по муниципальным образованиям на 1 января 2015 года. Дата обращения: 6 Орғах айы 2015. Архивировано 23 Ӱртӱн айы 2015 года.
  16. ↑ Численность населения Российской Федерации по муниципальным образованиям на 1 января 2016 года (5 Чарыс айы 2018). Дата обращения: 15 Сілкер айы 2021. Архивировано 8 Сілкер айы 2021 года.
  17. ↑ Численность населения Российской Федерации по муниципальным образованиям на 1 января 2017 года (31 От айы 2017). Дата обращения: 31 От айы 2017. Архивировано 31 От айы 2017 года.
  18. ↑ Численность населения Российской Федерации по муниципальным образованиям на 1 января 2018 года. Дата обращения: 25 От айы 2018. Архивировано 26 От айы 2018 года.
  19. ↑ Численность населения Российской Федерации по муниципальным образованиям на 1 января 2019 года. Дата обращения: 31 От айы 2019. Архивировано 2 Сілкер айы 2021 года.
  20. ↑ Численность населения Российской Федерации по муниципальным образованиям на 1 января 2020 года. Дата обращения: 17 Чарыс айы 2020. Архивировано 17 Чарыс айы 2020 года.
  21. ↑ Численность постоянного населения Российской Федерации по муниципальным образованиям на 1 января 2025 года. Федеральная служба государственной статистики (25 Хосхар айы 2025). Дата обращения: 16 Чарыс айы 2025.
  22. ↑ Выдержки из отчета Главы Таштыпского района о работе за 2024 год. Земля Таштыпская (5 Хандых айы 2025). Дата обращения: 16 Чарыс айы 2025.
  23. ↑ Закон Республики Хакасия от 05 мая 2004 года № 20 «Об административно-территориальном устройстве Республики Хакасия». Дата обращения: 16 Чарыс айы 2025. Архивировано 13 Кічіг хырлас айы 2018 года.
  24. ↑ 1 2 3 4 5 6 Численность постоянного населения Российской Федерации по муниципальным образованиям на 1 января 2021 года. Дата обращения: 27 Хосхар айы 2021. Архивировано 2 Сілкер айы 2021 года.
  25. ↑ Большесейский сельсовет > Данные не обнаружены. Возможно, страница переименовывалась. Проверьте справочник
  26. ↑ Большие Арбаты > Данные не обнаружены. Возможно, страница переименовывалась. Проверьте справочник
  27. ↑ Управление образования администрации Таштыпского района Республики Хакасия. tashtypuo.edusite.ru. Дата обращения: 16 Чарыс айы 2025.
  28. ↑ Минздрав Хакасии рассказал о врачебной амбулатории в селе Матур. Шанс (21 Азығ айы 2025). Дата обращения: 16 Чарыс айы 2025.
  29. ↑ О государственном природном заказнике федерального значения "Позарым". Электронный фонд правовых и нормативно-технических документов. Дата обращения: 16 Чарыс айы 2025.
  30. ↑ Хакасия — 2023 : календарь знаменательных и памятных дат. nbdrx.ru. Дата обращения: 16 Чарыс айы 2025.
  31. ↑ В Хакасии появился природный парк "Маранкульский". ТАСС (13 Хосхар айы 2021). Дата обращения: 16 Чарыс айы 2025.
  32. ↑ История старейшего здания Таштыпа. Шанс (16 Азығ айы 2021). Дата обращения: 16 Чарыс айы 2025.
Алған орны - https://kjh.ruwiki.ru/w/index.php?title=Тастып_аймағы&oldid=154909