Султреков, Анатолий Егорович

Анатолий Султреков
Анатолий Султреков
Псевдонимнерi	Солбанах
Тӧреен кӱні	5 хосхар айы 1954 (72 час)
Тӧреен чирi	Тастып аймағы, Хакас автоном облазы, Хызылчар крайы[d], РСФСР[d], СССР[d];
Гражданство (подданство)	СССР[d]; Россия[d];
Айғасчатхан кирее	хабарҷы, писатель, кибелісчі
Чайаачы тоғыс чыллары	1977 чылдаң сығара
Жанр	проза, кибелістер
Произведениелер тiлi	хакас тілі

Анатолий Егорович Султреков (тӧр. 5 хосхар айы 1954, Тастып аймағы, Хызылчар крайы^[d]) — хабарҷы, писатель, кибелісчі, СССР-ның Хабарҷылар пірігізінің араласчызы, Россияның Писательлер пірігізінің араласчызы (1999), Хакас Республика культуразының саблығ тоғынҷызы (1998), Николай Доможаковтың адынаң Хакас Республика Пазының литература премиязының лауреады полча (2017, 2025)^[1]. Хакас Республиканың чон писательі (2023).

Чуртас чолы

Анатолий Султреков 1954 чылның хосхар айының 5-ҷі кӱнінде Тастып аймаандағы Тарбаған аалда кӧп палалығ сӧбіреде тӧреен. Пабазы аалдағы почтада істенген. Анатолий Егорович Тастыптағы ортымах школаны тоосхан соонда, Ағбандағы ӱгретчілер институдынзар кіріп алған. Андадох областьтағы хакас тілліг «Ленин чолы» газета редакциязынаң пик палғалыс тутхан полған, Доможаков Николай Георгиевич устаан «Таң солбаны» литература пірігізінде араласхан. 1977 чылның сілкер айында диплом алған, чайғыда, тізең, «Ленин чолы» газетада тоғын сыххан. Істеніс киндезінде пір ле чол толдырылых: хырых чыл азыра амды «Хакас чирі» адалчатхан газетада істен парча. Анатолий Егорович пастап аал хонии сурығларын, анаң чииттернең, культуранаң палғалыстығ темаларны чарытхан.

Чайаачы сӧс узының «Аба чӱрек» тіп пастағы киндезі 1994 чылда чарыхха сыххан. Анатолий Султреков хакас тілінең пасчатхан чайаачылар санына кірче. Ол Хакасияның саблығ кізілерінеңер илееде тоғыс пас салған. Іди хығырығҷыларның хынған кинделері «Сэнсэй» (пастағы хакас спорт узы Алексей Карамашевтеңер), «Алып хыстар чолы» (Хакасиядағы ипчілер аразындағы кӱрес тилізінеңер), «Мыкайла» (поэт, драматург Михаил Кильчичаковтаңар) полча. 2014 чылда саблығ кӱресчі, Сеулда ирткен Олимп ойыннарының хола медаль чиңісчізі Сергей Карамчаковха чарыдылған «Чиңіс ӧрінізі» тіп кинде чарых кӧрген.

Анатолий Егорович спортты чарытчатхан хабарҷылар аразында иртірілчеткен регион, Россия синіндегі чайаачы марығларның чиңісчізі полча. 2017 чылда «Чиңіс ӧрінізі» кинде ӱчӱн Николай Доможаковтың адынаң Хакас Республика Пазының литература премиязының лауреады полыбысхан. 2025 чылның орғах айында Султреков «Сапер, который ни разу не ошибся» киндезі ӱчӱн Николай Доможаковтың сыйиина ікінҷізін турысхан^[2]. Хабарҷы істеніс ветераны полча, «Хакасияның Істеніс сабланызы» медальнаң сыйыхтатхан. Аның холында «Профессия ӧмезіне чахсы киректер иткен ӱчӱн» Россиядағы Хабарҷылар пірігізінің иң пӧзік сыйии пар. Анатолий Егорович 2019 чылда республика синіндегі «Хакасия, алнынзар!» хабарҷылар мариинда «Чылның иң артых хабарҷызы» номинацияның чиңісчізіне сыйыхха кубок паза диплом читірілген. «Мыкайла» киндезі ӱчӱн Султреков хакас чонның Улуғлар Чӧбінің «Чыл кізізі» аарластығ атха турысхан^[3]. 2023 чылда Хакас Республиканың Чон писательі ат пирілген^[4].

Хысхаҷах библиография

Медвежье сердце: повесть и рассказы / А. Султреков. — Абакан: [б.и.], 1994. — 128 с. — На хакас. яз.

Голос чатхана: учебное пособие / А. Султреков. — Абакан: Хакас. кн. изд-во, 1995. — 126с. — На хакас. яз.

Дуплистое дерево: повесть / А. Султреков. — Абакан: Хакас. кн. изд-во, 1996. — 94, [2] с.: ил. — На хакас. яз.

Путь девушек-богатырей / А. Султреков. — Абакан: Роса, 2000. — 112с. — На хакас. яз.

Красные ягоды — от всей души / А. Султреков. — 2000. — 126 с. — На хакас. яз.

Яркие звёзды: учебное пособие / А. Султреков. — Абакан: [б.и.], 2002. — 172 с. — На хакас. яз.

Тайны горы Чалбарт = Чалбарт хайаның чазыттары: [сборник / авт.-сост. А. Е. Султреков]. — Абакан: Хакас. кн. изд-во, 2008. — 288, [4] с. — На хакас. яз.

Поющее дерево / А. Е. Султреков. — Абакан: Хакас. кн. изд-во, 2009. — 180 с.: ил. — На хакас. яз.

Мыкайла: художественно-публицистическая повесть / А. Султреков. — Абакан: Хакас. кн. изд-во, 2009. — 324 с. — На хакас. яз.

Сэнсэй: повесть/ А. Султреков. — Абакан: Хакас. кн. изд.-во, 2012.- 289, [14] с.: ил.,портр. — На хакас. яз.

Чиңiс ӧрiнiзi = Радость победы: [художественно-публицистическая повесть] / А. Султреков. — Абакан: Хакас. кн. изд-во, 2014. — 436 с. — На хакас. яз.

Алған орын

↑ Наталья Ахпашева и Анатолий Султреков – лауреаты литературной премии Главы Хакасии (рус.). Министерство культуры Республики Хакасия (31 От айы 2017). Дата обращения: 26 Орғах айы 2025.
↑ Названы обладатели главных литературных наград Хакасии (рус.). 19Русинфо (11 Орғах айы 2025). Дата обращения: 26 Орғах айы 2025.
↑ Журналисты Хакасии получили награды от Союза журналистов (рус.) (22 Кӧрік айы 2019). Дата обращения: 26 Орғах айы 2025.
↑ Анатолий Егорович Султреков (рус.). Дом литераторов Хакасии. Дата обращения: 26 Орғах айы 2025.

Литература

Султреков Анатолий Егорович // Энциклопедия Республики Хакасия: [в 2 т.]. — Абакан, 2008. — Т. 2. — С. 166.
Султреков Анатолий Егорович: биобиблиографический справочник / сост. М. О. Шулбаева. — Абакан: Изд.-во Хакас. гос. ун-та, 2010. — 15 с.: портр.
Шулбаев, О. Айдас книгаларның авторы: [к 60-летию А. Е. Султрекова, корреспондента газеты «Хабар», писателя, члена Союза писателей России] / О. Шулбаев // Хабар. — 2014. — 8 апр. (№ 38). — C. 4 .
Ширковец Ольга Нашему Егорычу — 65! // Хакасия. — 2019. — 11 апреля.

Ссылкалар

Султреков Анатолий Егорович (род. 1954 г.) (рус.). Национальная библиотека Республики Хакасия. Дата обращения: 14 Орғах айы 2025.
Султреков Анатолий Егорович (Солбанах) (рус.). Страна Читалия. Дата обращения: 14 Орғах айы 2025.

[1] Наталья Ахпашева и Анатолий Султреков – лауреаты литературной премии Главы Хакасии (рус.). Министерство культуры Республики Хакасия (31 От айы 2017). Дата обращения: 26 Орғах айы 2025.

[2] Названы обладатели главных литературных наград Хакасии (рус.). 19Русинфо (11 Орғах айы 2025). Дата обращения: 26 Орғах айы 2025.

[3] Журналисты Хакасии получили награды от Союза журналистов (рус.) (22 Кӧрік айы 2019). Дата обращения: 26 Орғах айы 2025.

[4] Анатолий Егорович Султреков (рус.). Дом литераторов Хакасии. Дата обращения: 26 Орғах айы 2025.

[1]

[2]

[3]

[4]