Казачинова, Галина Григорьевна

Галина Григорьевна Казачинова (Кужакова)
Тӧреен кӱні	9 декабрь 1941({{padleft:1941|4|0}}-{{padleft:12|2|0}}-{{padleft:9|2|0}}) (82 час)
Тӧреен чирi	Аев аал, Хакас АО, СССР
Гражданство	СССР →  Россия
Айғасчатхан кирее	драматург, писатель, кибелісчі, тілбесчі
Чайаачы тоғыс чыллары	1967
Жанр	драматургия, поэзия
Произведениелер тiлi	хакас
Дебют	«Той» (Свадьба), 1979

Галина Григорьевна Казачинова (Кужакова) (1941 чыл, Аев аал, Хакас автоном облазы) — писатель, кибелісчі, драматург, тілбесчі, ӱгретчі, халых деятельі. Россияның Писательлер пірігізінің араласчызы (1993). Хакасияның Писательлер пірігізінің кнезi (1998—2009). Хакас Республика культуразының саблығ тоғынҷызы (1996), М. Р. Баиновтың адынаң Хакас Республика Пазының литература сыйииның лауреады (2015), Хакасия Республиканың чон писательі (2021)

Чуртас чолы

Ағбандағы ӱгретчілер хазна институдын тоосхан (1971). Институтта журналистиканаң айғас сыххан. Чайаачы тоғыстары 1967 чылдаң сығара чарыхха сығарылча. Институт соонаң литература тоғынҷызы, радио паза телевидение редакторы, Хакас книга издательствозының редакторы полған.

Пастағы «Той» («Свадьба») киндезі чарыхха 1979 чылда сыххан. Галина Казачинова чайаачызының улуғ чардығы олғаннарға чарыдылча. «Сказка» театрның сценазында нинҷе-нинҷе сезон аның «Тайна горных духов» нымағы турғызылған. Пасталығ класстарның учебниктерінің авторы полча.

1992 чылда «Хан Мирген» алыптығ нымахты тимнеп, чарыхха сығарған. 1994 чылда Анкарада ирткен Чоннар аразындағы тӱрк писательлернің II чыылииның, Чоннар аразындағы Кибелісчілер тоғазығларының (Кипр, 2001), Чоннар аразындағы «Тюмкад» ипчілер пірігізінің чыылииның араласчызы (2004).

Аның чайаачы тоғыстарының кӧп сабазы хакас тілінең пазылғаннар, че орыс, тӱрк, англия тіллеріне тілбестелгеннер. 2003 чылда Канадада «Горные духи» кинде хакас паза англия тілінең чарыхха сыххан. 2008 чылдаң сығара —хакас тілінең пазылған «Тигір хуры» олғаннар журналының авторы паза составительi.

2007 чылда «Хакасияның Россия хазназына пос кӧңнінең кіргенiне 300 чыл» медальнаң, «Чахсы киректер ӱчӱн» орденнең, Кӧксіндегі танығ «Чыл кізізі-2008» медальнаң таныхтатхан, 2012 чылда Тиксі тилекейдегі Тӱрк чоннарының Ассамблеязының сыйиин «Кӱл-тегин медальын», 2016 чылда «Россиядағы кинделер киреенің тилізіне хозым иткен ӱчӱн» медальын алған.

2015 чылда М. Р. Баиновтың адынаң Хакас Республика Пазының литература сыйииның лауреады полыбысхан.

2001 чылда "Хакас Республиканың чон писательі" атха турысхан пастағы чайаачы полыбысхан.

Хысхаҷах библиография

• Той (Свадьба): Повесть и рассказы / Г. Казачинова, А. Халларов. — Абакан, 1979. — 158 с.
• Чылтызахтар (Звездочка): Стихи. — Абакан, 1984. — 23 с.
• Пістің аалның олғаннары (Ребята нашего аала): Рассказы для детей младшего школьного возраста (на русском и хакасском языках). — Абакан, 1991. — 112 с.
• Пак — пак (Ква-ква): Домашние животные и птицы. — Абакан, 1994. — 17 с.
• Чыл пазы — Голова Года: (Творч. реконструкция, дизайн праздника и науч.-эксперимент. модели сценариев) / В соавт. с В. К. Татаровой. — Абакан, 1997. — 52 с.
• Кӧӧленіс ырызы: Стихтар // Тигір хуры. — Абакан, 1967. — С. 84—85.
• Алғым чазым: (Повестьтең ӱзік) // Ах тасхыл. — 1976. — № 24. — С. 80-86.
• Аяным аян. — Хыс-часхы. — «Хынча кічиҷек хызыҷаам…»: Стихтар // Ах тасхыл. — 1978. — № 26. — С. 105.
• Тик ӧрінiс. — Чилліг орай кӱскӱде. — Киртінчектің хыялы: Чоохтар // Ах тасхыл. — 1978. — № 26. — С. 106—109.
• Чиркеен хозанах. — Тииннең марғысханы. — Иреркек чибічектер. — Суули халған. — Нымырт — нымырдах. — Хазыңас. — Албыр-салбыр хын-минчам: Стихтар // Ах тасхыл. — 1987. — № 35. — С. 131—132.
• Орғах паза молат. — Флагым. — Читi ноябрь ӱлӱкӱнi. — Чааға пирбеспіс. — Чурекке сиипче. — Чох ползын ӧзӧгіс. — Чирібiске паарсирбыс. — Сӧстер ойыны: Стихтар // Ах тасхыл. — 1988. — № 36. — С. 120—122.
• Герб. — Флагым. — Чох ползын ӧзӧгіс. — Чӱзерге ӱгренмеем. — Чиpiбіске паарсирбыс. — Сӧстер ойыны: Стихтар; Чылтыстар. — Пого. — Чилліг орай кӱскӱде. — Киртінчектің хыйалы: Чоохтар // Кічiг тунмаҷахтарга. — Абакан, 1989. — С. 74—84, 166—171.
• Ребята нашего аала: (Гл. из повести) // Литература Хакасии: 5—9 кл. — Абакан, 1992. — С. 113—116.
• Кызыльский бубен: Ст. // Чатхан: история и современность. — Абакан, 1996. — С. 40-43.
• О семантике древних енисейских каменных изваяний и современных хакасских детских скороговорок // Жречество и шаманизм. — СПб, 1996. — С. 170—173.

Литература

• Тиников Н. Узах чол ползын // Ленин чолы. — 1981. — 10 янв.
• Кызласова А. Г. Проблема положительного героя в современной хакасской прозе // 50 лет Хакасской автономной области. — Абакан, 1981. — С. 231—232.
• Султреков А. Олганнын арыг сагызы чайаа чынын коннін кодірче // Ленин чолы. — 1991. — 7 дек.
• Халларов А. Алгыс созім // Ленин чолы. — 1991. — 7 дек.
• Татарова В. Утырысха ағылган чиңіс // Ленин чолы. — 1991. — 7 дек.
• Абдина Е. Я лунный человек из аала Айов: [Беседа с писательницей] // Абакан. — 1996. — 26 марта.
• Казачинова Галина Григорьевна: [Биогр. справка] // Кызласов А.С, Тугужекова В. Н. Писатели и художники Хакасии. — Абакан, 1997. — С. 60—61. — На рус. и хакас. яз.
• Валерин П. До свидания, Наташа, здравствуй, Галина!: [Новым пред. правления писат. орг. Хакасии избрана Г. Г. Казачинова] // Хакасия. — 1998. — 20 марта.
• Полежаев В. Галина Казачинова: «Я — писатель детский» // Хакасия. — 1998. — 2 апр.
• Карамашева В. А. Повесть Г. Казачиновой «Той»: проблематика, характер, жанровые особенности // Вестн. Хакас. гос. ун-та им. Н. Ф. Катанова. — Абакан, 1998. — Вып. V. — С. 25—28.
• Канзычакова А. А. Казачинова (Кужакова) Галина Григорьевна. — Энциклопедия Республики Хакасия. Т. 1. — Абакан, 2007. — С. 251.

Ссылкалар

• Казачинова Галина Григорьевна Дом литераторов Хакасии
• Азбучка, стихи для самых маленьких
• Казачинова Галина Григорьевна
• Казачинова Галина Григорьевна Страна Читалия