Хакас хазна университеді
| Н.Ф. Катановтың адынаң Хакас хазна университеді | |
|---|---|
| (ХГУ) | |
 | |
 | |
| Алнындағы ады | Ағбандағы ӱгретчілер хазна институды (АГПИ) |
| Тӧстелген чылы | 16 апрельде 1939 чылда |
| Алыстырылған | 19 июньда 1994 чылда |
| Ректор | Татьяна Краснова |
| Юридическай адрес |
 Россия, Хакасия, Ағбан, Лениннің орамазы, 90 т. |
| Сайт | khsu.ru |
 Медиафайлы на РУВИКИ.Медиа | |
Н.Ф. Катановтың адынаң Хакас хазна университеді — Хакас Республиканың иң улуғ пӧзік ӱгредіг заведениезі, республика кіні Ағбан городта орныхча[1]. Ӧӧн корпузының адрезі: Лениннің орамазы, 90 тура. Университет Россияның кӧп вузтарынаң палғалыс тутча, пасха хан чирінің студенттерін ӱгретче. Вузтың ӧӧн пӧгіні — Хакасияда, Хызылчар крайының ӱстӱнзархы чардығында паза Тыва Республикада пӧзік квалификациялығ тоғынҷыларны тимнирі[2].
Тархын
ВУЗ 16 апрельде 1939 чылда Хызылчар крайының устаанда РСФСР-ның Наркомпросының пастаанаң ӱгретчілер институды чіли тӧстелген. 1939 чылның ӱртӱн айынаң сығара 100 студент педагогика наукаларын ӱгрен сыхханнар. Оларнаң тоғынған 15 преподаватель. Институтта ӱс факультет полған: орыс тілі паза литература, тархын, физика-математика. Ӱгредіг ікі чыл апарылҷаң, пу тусха Хакасияның ортымах школаларына ӱгретчілерні тимнебізерге киректелген[3].
Хакас хазна университеді Россия Федарациязының Правительствозының 19 июньда 1994 чылда сыххан 724 № «Хакас хазна университедін тӧстирінеңер» чарадиинаң тӧстелген[4]. ВУЗ аймах синдегі ӱгредіг учреждениелерінең пӱткен. Пӧзік ӱгредіг заведениезі чіли Ағбандағы ӱгретчілер хазна институдының хойнында (Ағбандағы педагогическай хазна институды-АГПИ, 1944-1994) тӧстелген, халғанҷызы Ағбандағы ӱгретчілерні тимнеҷең институттаң сыххан (1939-1954).
Университеттің пӱдізіне кірген ортымах профессиональнай ӱгредіг учреждениезі он чыл алнында, 1929 чылда, пол килген. Ол Хакас ӱгретчілер техникумы полған, соонаң педучилище адал сыххан, амғы туста Н. Ф. Катановтың адынаң Хакас хазна университедінің педагогика ӱгредии, информатика паза право колледжі[5]
Чапсых танығлар
Илбек Ада чаа тузында Ағбанзар А. М. Горькийнің адынаң Харьковтағы хазна университедінің нинҷе-де факультеді кӧзірілген. Орыс писательге турғызылған гипс хумартхы тазы ӱр тус Филология институдының корпузы алнында турған.
10 февральда 1944 чылда Ағбандағы ӱгретчілер институды хазна ӱгретчілер институдына айландырылған. АГПИ-ны тоосхан оол-хыстар пис чыл ӱгренген соонда, дипломнығ специалисттер полып, СССР-да паза хырығ озаринда даа тоғынҷаң оңдайлығ полғаннар.
1990 чылда АГПИ-да тӧстелген паза 1996 чылға теере тоғынған практикада тоғынчатхан психологтарны тимнепчеткен ӧнетін факультет[6]. 1992 чылдаң сығара институтта Хыдаттағы студенттер ӱгрен сыхханнар. Олох чылда Ағбандағы ӱгретчілер хазна институдына Н. Ф. Катановтың ады пирілген.
19 июньда 1994 чылда ВУЗ хазна университедіне айландырылған[7]. 25 чыл аразына ХГУ-да наука паза техника киреендегі 50 000 азыра аймах специалист тимнелген.
Университет пӱдізі
Пастап вузха 10 факультет, 3 училище паза аал хонии техникумы кірген. Соонаң Хакас хазна университедінің пӱдізі алыс сыххан: наа подразделениелер азылғаннар, полғаннары чабылғаннар алай пасхазынаң хада піріктірілгеннер[8]. 2022 чылның чайғызына университетке 9 институт кірген: бакалаврларны 30 кӧстегҷе, магистрлерні 13 программаҷа тимнееннер. Тӧрт ортымах ӱгредіг заведениезі саналған. Университеттің кампузына 15 ӱгредіг корпузы паза 10 общежитие кірген. 2024 чылның хандых айына университетте 120 кӧстегҷе 9500 студент, магистрант паза аспирант пілістер алған. Вузха читі институт паза 4 колледж кірген[9].
Институттар
- Естественнай наукалар паза математика институды
- Инженер-технологическай институт
Искусство институды→Филология паза искусство институдыАал хонии институды→аграрнай факультет / ветеринар имнег кирее факультедіИстория паза право институды→история факультеді / юридическай факультет→ История паза право институдыФилология паза культуралар аразындағы палғалыс институды→ орыс филология факультеді / тӱрк филология факультеді / пасха хан тіллерінің факультедіЭкономика паза устаныс институды→менеджмент факультеді→ Менеджмент, экономика паза агротехнологиялар институдыИмнег-психология-социальнай институт→имнег факультеді→Имнег институдыСтуденттернің хоза тимнег факультеді→Студентернің культура кіні (ФДПС)- Ӱгретчілерні тохтағ чох тимнеҷең институт
- Ӱгредігні тилітчең паза тоғыс синін кӧдірҷең институт
Колледжтер
- Педагогика ӱгредии, информатика паза право колледжі
- Имнег колледжі
- Аал хонии колледжі
- Музыка колледжі
ВУЗ-тың устағҷылары
- Венедикт Григорьевич Дубов (1939—1943)
- Андрей Никитович Пархоменко (1943—1947)
- Матвей Петрович Русаков (1947—1952)
- Евгений Александрович Мохов (1952—1956)
- Василий Александрович Непомнящий (1956—1959)
- Иван Агапеевич Киселёв (1959—1963)
- Давыд Иванович Нагрузов (1963—1975)
- Венедикт Григорьевич Карпов (1975—1978)
- Степан Павлович Ултургашев (1978—1994)
- Валентин Анатольевич Кузьмин (1994—2006)
- Геннадий Станиславович Сурвилло (2006—2008)
- Ольга Владимировна Штыгашева (2008—2015)
- Татьяна Григорьевна Краснова (2015 — н.в.)
ВУЗ-ты тоосхан саблығ кізілер
- Руслан Ивакин
- Валентин Коновалов
- Леонид Чебодаев —57 кг кӧдірімде кикбоксингче тилекей чемпионы (2021)
Саблығ преподавательлер
Светлана Чаптыкова — Искусство институдының чон хоос чайаачызы кафедразының доценті.
Ідӧк кӧріңер
Алған орын
- ↑ К дате основания ХГУ: интересные и малоизвестные факты. abakan.ru (6 Хосхар айы 2023). Дата обращения: 2 Хосхар айы 2025.
- ↑ В ХГУ им. Катанова появятся новые структурные подразделения | Новости республики Хакасия, правительство, образование, города и районы — xakac.info. Дата обращения: 27 Кӱрген айы 2012. Архивировано 30 Улуғ хырлас айы 2018 года.
- ↑ Алексей Никитович Устинов. Очерки истории Хакасии советского периода. — Хакасское книжное изд-во, 1963. — С. 324. — 418 с.
- ↑ О создании государственного университета. docs.cntd.ru. Дата обращения: 2 Хосхар айы 2025.
- ↑ ФГБОУ ВО «ХГУ им. Н.Ф. Катанова». khsu.ru. Дата обращения: 15 Кӧрік айы 2022. Архивировано 6 Кӧрік айы 2022 года.
- ↑ Ропотько, Н. В. Хакасия: психология и «эрогенные зоны Земли» // Психологическая газета. — № 2/53. — февраль, 2000. — С. 26-27.
- ↑ Историческая справка | ХГУ им. Н. Ф. Катанова. Дата обращения: 28 Кӱрген айы 2012. Архивировано из оригинала 19 Кӱрген айы 2012 года.
- ↑ От Учительского института к университету: к 75-летию открытия первого высшего учебного заведения Хакасии. arhiv.r-19.ru. Дата обращения: 2 Хосхар айы 2025.
- ↑ День рождения ХГУ: 30-лет главному вузу Республики Хакасия. khsu.ru (20 Хандых айы 2024). Дата обращения: 2 Хосхар айы 2025.