Коновалов, Валентин Олегович

Рувики тiп сайттаң
РУВИКИ проектте пу фамилиялығ пасха кізілердеңер статьялар парлар, кӧр. Коновалов; Коновалов, Валентин.
Валентин Олегович Коновалов
Валентин Олегович Коновалов.jpg
Флаг
Хакас Республиканың пазы
Флаг
с 15 ноябрь 2018
Президент Владимир Путин
Алнындағы кiзi Виктор Зимин
Михаил Развожаев(тоғ. толд.)
Флаг
Хакас Республиканың Ӧӧркі Чӧбінің депутады
Флаг
Ӱртӱн айының 9-ҷы кӱні — 2018 чылның кічіг хырлас айының 28-ҷі кӱні
Флаг
Ағбан городтың Депутаттар чӧбінің V-ҷы хығыртииның депутады
Флаг
2013 чылның ӱртӱн айының 8-ҷі кӱні — 2018 чылның ӱртӱн айының 9-ҷы кӱні
Тӧреен кӱні 30 кічіг хырлас айы 1987({{padleft:1987|4|0}}-{{padleft:11|2|0}}-{{padleft:30|2|0}}) (38 час)
Охотск, Охотск аймағы, Хабаровск крайы, РСФСР, СССР
Палалары ікі хыс палазы паза оолғы
Партия КПРФ
Ӱгредии Хакас хазна университеді
Профессия юрист
Сыйыхтары Медаль «100 лет образования Татарской Автономной Советской Социалистической Республики» (лента).png RUS For Strengthening Military Cooperation Medal ribbon 2017.svg
Сайт r-19.ru/authorities/glav…
Логотип РУВИКИ.Медиа Медиафайлы на РУВИКИ.Медиа
2018 чылның от айындағы митингте

Валентин Олегович Коновалов (тӧр. 30 кічіг хырлас айы 1987, Охотск[d], Хабаровск крайы[d]) — Россиядағы хазна деятельі. 2018 чылның кічіг хырлас айының 15-ҷі кӱнінең сығара Хакас Республиканың Пазы[1].

Чуртас чолы

Валентин Коновалов Охотск посёлокта (Хабаровск крайы) инженерлер сӧбірезінде тӧреен[2]. Іҷе-пабазынаң хада Норильск городсар кӧскен, анда 2005 чылда 5 № гимназияны кӱмӱс медальға тоосхан. Анаң Хакас хазна университедінің юридическай факультедінзер ӱгренерге кіріп алған. Юрист опыдын алар пӧгіннең, Коновалов ӱгредіг тузында чарғы чыылығларына чӧрҷең[3].

2007 чылда Коновалов РФ-ның Компартиязына кірген. 2009 чылда комсомолға кірген паза 2012 чылға теере Комсомолның Хакасиядағы пӧлиинің пастағы хачызы полған. 2010 чылдаң сығара — КПРФ-тың Хакасиядағы пӧлиинің бюро члені. 2010 чылда Коновалов университетті «хазна правозы» специальностьча хызыл дипломға тоос салған. 2010-2013 чылларда ӱгредиин «Хазнаның паза правоның теориязы паза тархыны; право ӱгредіглерінің тархыны» специальностьча аспирантурада узаратхан.

2011 чылдаң сығара Коновалов «Правда Хакасии» газетада юрисконсульт, КПРФ-тың Хакас пӧлииндегі юридическай службаның устағҷызы полған. 2011—2013 чылларда — Хакас Республиканың Табығ комиссиязының чарадығ ӱнніг кiзiзi, 2013—2018 чылға теере — Ағбандағы город чӧбінің депутады. 2014 чылда КПРФ-тың Ағбандағы пӧлиинің комитедінің пастағы хачызына табылған[4].

2015 чылдаң сығара — КПРФ-тың Хакасиядағы пӧлиинің ікінҷі хачызы. 2018 чылда кӧрік айында КПРФ-тың Хакасия пӧлииндегі комитеттің пастағы хачызына табылған[2]. 2018 чылның 9 сентябрьынаң 28 ноябрьына теере — Хакас Республиканың Ӧӧркі Чӧбінің депутады. 2018 чылда ноябрь айда Хакас Республиканың Пазына табылған соонда, депутаттың полномочиелерін азынада тохтадыбысхан[5].

2018 чылның кічіг хырлас айының 15-ҷі кӱнінең сығара — Хакас Республиканың Пазы — Хакас Республиканың Правительство Кнезі. Республика пазына пис чылға табылған.

2023 чылның ӱртӱн айының 10-ҷы кӱнінең сығара Россия Федерациязының субъекттерінің пӧзік ӱлгӱ кізілерінің табығларында Хакас Республиканың правительство кнезі полып халған, ағаа киліскен ӱннернің 63,14%[6].

Хакас Республиканың Пазы

Табылғаны

Хакасияның региондағы парламентінің депутады Валентин Коновалов Республика пазына табығларға 2018 чылның ӱртӱн айының 9-ҷы кӱнінде пірге ӱн пиріс кӱнінде КПРФ-тың региондағы пӧлиинең сығарылған. Коноваловха табығларның ӱннерінің 44,81 % киліс парған, анзы ол тустағы Республика пазы Виктор Зиминге пирілген ӱннернең (32,42 %) кӧп полған. Оларның пірдеезі ӱннернің 50 % албаан ӱчӱн, 23 сентябрьға табығларның ікінҷі чардығы кӧріл парған[7].

Табығларның ікі кӱн алнынҷа, ӱртӱн айының 21-ҷі кӱнінде, Зимин кандидатуразын суурыбысхан. Теес хоостыра аның орнын идінҷек Андрей Филягин алған, пастап аралазарға чаратхан кізі, соонаң табығларның 5 кӱн алнынҷа аралазарға ынабиныбысхан. Анын соонда, чарыс айының 15-ҷі кӱнінде, ООО «Современные технологии» пірігістің директоры Александр Мяхар (табығҷыларның 6,61 % ӱні) кандидатуразын суурыбысхан. Табығлар чарыс айының 23-ҷі кӱніне теере чылдырылғаннар[8].

Пу киректер хоостыра, Коновалов чалғыс кандидат пол парған, аның кандидатуразы хоостыра табығлар халғанҷызын 2018 чылның кічіг хырлас айының 11-ҷі кӱніне турғызылғаннар, табығҷыларға «аның ӱчӱн» алай «чох» ӱн пирібізерге киректелген. Ікінҷі турда утып алған, аның ӱчӱн табығҷыларның 57,57 % ӱні пирілген[8].

2023 чылның ӱртӱн айының 10-ҷы кӱнінде Россия президентінің чарадиинаң Хакас Республиканың пазы полыбысхан, аның ӱчӱн табығҷыларның 63,14% ӱні пирілген[9].

Республика пазының иткен кирее

2018 чылның кічіг хырлас айының 15-ҷі кӱнінде Коновалов Хакасияның Ӧӧркі Чӧбінің депутаттары, республиканың Ӧӧркі чарғының чарғыҷыларының алнында присяга алған, тоғысты апар сыххан[10].

Хакас Республиканың Пазы ӱлгӱге кирчеткен кибір тузында,
15 ноябрьда 2018 чылда

Должностьха кірген соондох, Коновалов ӧмезін тӧстеп алған. Пасха регионнардағы хайзы кізілер хығыртылған, че 2019 чылда олар региондағы элитанаң чарас полбин, тоғыстаң сығыбысханнар[11].

2019 чылда чайғыда орындағы табығлар алнында КПРФ Хакасияда позицияларын тыыдыбызар пӧгін турғысхан; республиказар Г. А. Зюганов ысхан кізізі, идінҷек Константин Харисов читкен, Правительство пазының пастағы орынҷызына турғызылған[12]. 2019 чылның орғах айында Хакасия правительствозының устағ-пастаанаң Санкт-Петербургтаң сыххан Николай Миронов устап сыххан[13]. Пасха чирлердең килген партияның кізілері тоғыстаң сыхханнар.

2019 чылның ӱртӱн айында Коновалов орындағы алынҷа СМИ-лар Хакасия правительствозының тоғызынаңар кӧп саба ниме искірчеткенін таныхтаан[14].

2020 чылның улуғ хырлас айында Хакас Республиканың Ӧӧркі Чӧбінің депутаттары Хакас правительствозы кирген налогча закон проектін алғаннар. Аның хоостыра Хакасияның муниципальнай пӱдістері чылда хоза 250 миллионҷа салковай ал сыхханнар.

2023 чылның ӱртӱн айында Коновалов Россия Президенті Владимир Путиннің таллама губернаторлар чыылиинда араласхан. Хакасияның федеральнай паза национальнай проекттерде араласханы республикаа чонның чуртазы паза экономика тилізі сурығларын пӧгерге хабасханы таныхталған. Хакасияда Коноваловтың устаанынаң чолларның, социальнай объекттернің пӱдіриине, тыхтағ тоғыстарына алынҷа хайығ салылча, туралар алнындағы орыннар, парктар, скверлер иптелче; 2018 чылдаң 2023 чылға теере пу киректерге федеральнай ахча сині 7,5 хати ӧс парған[15]. Олох туста «Ведомости» 2023 чылда Путин Коноваловнаң республиканаң устапчатхан сыннаң алынҷа тоғаспааның таныхтаан[16].

Регионнар пастарының тиксі национальнай рейтингі

2025 чылның кічіг орғах айында Политика паза экономика коммуникацияларының агенствозы тимнеен Россия Федерациязының субъекттер пастарының рейтингінде Коновалов халғанҷы, 89-ҷы орында, турча. АПЭК Россия регионнарының пастарының паза олар апарчатхан региондағы политиканың федеральнай ӱлгӱлерге теелчеткенін паалаан[17].

Санкциялар

2023 чылның азығ айының 24-ҷі кӱнінде США-ның Госдепі Коноваловты санкция изерізіне кир салған[18][19]. 2023 чылның хосхар айының 1-ғы кӱнінде Украинаның санкциялар изерізіне кирілген.

Сӧбіре

Внешние изображения
Валентин Коновалов ипчізінең паза палаларынаң хада

Светлана ипчізінең 2024 чылның сілкер айында чарылыс парғаннар. Ікі хыс паланың паза оолның пабазы[20]. Тархыннаң паза спортнаң айғасча[21].

Сыйыхтар

  • «Татар автоном Совет Социалистическай Республикаа 100 чыл» медаль (Татарстан, 2021 чыл)[22].
  • «За укрепление боевого содружества» (Россияның Минобороназы) (Ағбан, кӱрген айы 2022 чыл)

Алған орын

  1. ↑ Коновалов вступил в должность главы Хакасии. РИА Новости (15 Кічіг хырлас айы 2028). Дата обращения: 12 Орғах айы 2025. Архивировано 22 Улуғ хырлас айы 2018 года.
  2. ↑ 1 2 Коновалов, Валентин Олегович. Энциклопедия ТАСС. Дата обращения: 12 Орғах айы 2025.
  3. ↑ Биография, доходы и личная жизнь Валентина Коновалова - Свободная Пресса - Биография. Личная жизнь. Доходы. Факты Биографии. - Свободная Пресса. svpressa.ru. Дата обращения: 12 Орғах айы 2025. Архивировано 16 От айы 2020 года.
  4. ↑ Коновалов Валентин Олегович
  5. ↑ Прекращены депутатские полномочия коммуниста, ставшего главой Хакасии. ИА REGNUM. Дата обращения: 12 Орғах айы 2025. Архивировано 6 Хосхар айы 2019 года.
  6. ↑ Предварительные итоги голосования на выборах высших должностных лиц субъектов Российской Федерации, Центральная избирательная комиссия Российской Федерации (11 Ӱртӱн айы 2023).
  7. ↑ Второй тур выборов в Хакасии: коммунист наступает, единоросс держит паузу. ИА REGNUM. Дата обращения: 12 Орғах айы 2025. Архивировано 10 Сілкер айы 2022 года.
  8. ↑ 1 2 Коновалов набирает 57,5% на выборах главы Хакасии, ТАСС. Архивке ызылған 16 Кічіг хырлас айы 2018 чылда. Дата обращения: 11 Кічіг хырлас айы 2018.
  9. ↑ Итоги выборов глав регионов России. РИА Новости (11 Ӱртӱн айы 2023). Дата обращения: 11 Ӱртӱн айы 2023.
  10. ↑ Коновалов вступит в должность главы Хакасии 15 ноября. ТАСС (14 Кічіг хырлас айы 2018). Дата обращения: 12 Орғах айы 2025. Архивная копия от 14 Кічіг хырлас айы 2018 на Wayback Machine
  11. ↑ Кабинет быстрых перемен // Коммерсантъ. Архивировано 4 Кӱрген айы 2019 года.
  12. ↑ В правительстве Хакасии новые назначения. Сайт Правительства Республики Хакасия (5 От айы 2019). Дата обращения: 12 Орғах айы 2025.
  13. ↑ Назначен новый руководитель администрации главы Хакасии. Хакасия (15 Орғах айы 2019). Дата обращения: 12 Орғах айы 2025.
  14. ↑ Игорь Чигарских. Глава Хакасии упрекнул СМИ во лжи. «Шанс Онлайн» (16 Ӱртӱн айы 2019). Дата обращения: 12 Орғах айы 2025. Архивировано 15 Хандых айы 2021 года.
  15. ↑ Валентин Коновалов принял участие во встрече Владимира Путина с избранными губернаторами. Сайт Правительства Республики Хакасия (28 Ӱртӱн айы 2023). Дата обращения: 12 Орғах айы 2025.
  16. ↑ Ведомости, 7 июня 2023. Владимир Путин встретился почти со всеми главами регионов, которые осенью пойдут на переизбрание. Встреч не было лишь с главами Орловской области и Хакасии, которые выдвигаются от КПРФ
  17. ↑ Рейтинг влияния глав субъектов РФ. Российские регионы и региональная политика в августе 2025 года. Агентство политических и экономических коммуникаций. Дата обращения: 20 Чарыс айы 2025.
  18. ↑ The United States Takes Sweeping Actions on the One Year Anniversary of Russia’s War Against Ukraine. United States Department of State (24 Азығ айы 2023).
  19. ↑ Госдеп США ввел санкции против глав Кубани и Адыгеи. Коммерсантъ (24 Азығ айы 2023). Дата обращения: 28 Азығ айы 2023.
  20. ↑ Бывшая супруга главы Хакасии: «Мы остаемся друзьями и любящими родителями». 19rusinfo.ru (16 От айы 2024). Дата обращения: 24 Кӧрік айы 2025.
  21. ↑ Коммерсантъ, 25 сентября 2018. Чем известен Валентин Коновалов
  22. ↑ Рустам Минниханов встретился с главой Республики Хакасия Валентином Коноваловым. Президент Республики Татарстан (9 Ӱртӱн айы 2021). Дата обращения: 8 Ӱртӱн айы 2021. Архивировано 11 Ӱртӱн айы 2021 года.

Литература

  • Энциклопедия "Хакасия" (Хакасско-Минусинская котловина) Кто есть кто?: [в 5 т.] — Абакан: Хак. кн. изд-во им. В. М. Торосова, 2022. - 496 с.

Ссылкалар

Алған орны - https://kjh.ruwiki.ru/w/index.php?title=Коновалов,_Валентин_Олегович&oldid=154483