Хакас Республиканың Пазы

Рувики тiп сайттаң
Хакас Республиканың Пазы — Хакас Республиканың Правительство Кнезі
Хакас Республиканың пазының штандарты
Хакас Республиканың пазының штандарты
Валентин Олегович Коновалов.jpg
Должность занимает
Валентин Олегович Коновалов
с 2018 чылның кічіг хырлас айының 15-ҷі кӱнінде
Ӱлгӱ тоғызы
Устапча Хакас Республиканаң
Резиденция Правительство туразы (Ағбан)
Тоғыс тузы 5 чыл
Пол килген 3 от айы 1991
Пастағы Владислав Торосов

Хакас Республиканың Пазы — Хакас Республиканың Правительство Кнезі (орыс. Глава Республики Хакасия — Председатель Правительства Республики Хакасия) — Хакас Республиканың иң пӧзік ӱлгӱ кізізі.

Республиканың хазна ӱлгӱзінің иң пӧзік толдырығ органы Хакас Республиканың Правительствозынаң устапча. 1996 чылдаң сығара 5 чылға кӧні тиксі чон табығлары пастыра табылча. Аның алнында парламент, Хакас Республиканың Ӧӧркі Чӧбі, турғысчаң.

Хакас Республиканың пазының полномочиелері

Хакас Республиканың Конституциязының 96-ҷы статьязы хоостыра, Хакас Республиканың Пазы — Хакас Республиканың Правительство Кнезі[1]:

  • Хакас Республиканың адынаң хазна ӱлгӱзінің федеральнай органнарынаң, Россия Федерациязының субъекттерінің хазна ӱлгӱ органнарынаң, орындағы пос устаныс органнарынаң паза пасха чирлердең экономикаҷа палғалыстарнаң тоғыс апарча, ол санда Хакас Республиканың адынаң чӧптезіглерде паза чарадығларда хол салча;
  • Хакас Республиканың Конституциязын паза Хакас Республиканың законнарын чонға чарлапча, оларға хол салып, чарыхха сығарып, киречілепче, алай Хакас Республиканың Ӧӧркі Чӧбі алған законны албас полза, Хакас Республиканың Правительствозына кірген ккӱннең 14 кӱн аразына хыйа итче;
  • Хакас Республиканың Конституциязынаң кӧрілгені хоостыра Хакас Республиканың законарының проекттеріне паалағ пирче;
  • Хакас Республиканың Ӧӧркі Чӧбінің тоғызында аралазып, чӧп пирістіг ӱнніг праволығ;
  • Хакас Республиканың Ӧӧркі Чӧбінің теестегі нимес сессия хығыртарға праволығ, ідӧк наа табылған Хакас Республиканың Ӧӧркі Чӧбінің пастағы чыылиина Хакас Республиканың Конституциязында кӧрілгенінең ирте, Хакас Республиканың законодательствозына тӧстене, хығыртарға праволығ;
  • Хакас Республиканын Правительствозының тоғызын кӧстеп апарча паза аның тоғызын чыылығларынаң устапча;
  • федеральнай законнарға паза, Хакас Республиканың законнарына тӧстене, Хакас Республиканың Правительствозын тӧстепче паза аның отставкаа ызарға чарадығ алча, Хакас Республиканың толдырығ хазна ӱлгӱзінің органнарының пӱдізін пӧкче, Хакас Республиканың Правительствозының кізілерін паза паза Хакас Республиканың пасха даа толдырығ ӱлгӱзінің устағҷыларын тоғысха турғысча паза тоғыстаң суурча;
  • Хакас Республиканың толдырығ ӱлгӱзінің органнарының тоғызын Хакас Республиканың пасха даа хазна ӱлгӱзінің органнарынаң палғалыстырып, устапча паза, Россия Федерациязының законодательствозына тӧстеніп, Хакас Республиканың толдырығ ӱлгӱзінің органнарының тоғызын федеральнай толдырығ ӱлгӱнің органнарының паза аның чиріндегі органнарнаң, орындағы пос устаныс органнарынаң паза чонның пірігістерінең палғалыс тудып, тоғынар оңдайлар пирче;
  • Хакас Республиканың Ӧӧркі Чӧбінің чаратханынаң Хакас Республиканың Пазы — Хакас Республиканың Правительство Кнезінің пастағы орынҷызына паза орынҷыларына, Хакас Республиканың финанстар министрін, Хакас Республиканың пасха чирлердегі нандырығлығ кізілерін тоғысха турғысча;
  • Россия Федерациязының Генеральнай прокурорының Хакас Республиканың прокурорын турғызары хоостыра ӱзӱріг апарча;
  • Федеральнай закон хоостыра, Хакас Республиканың Ӧӧркі Чӧбінің алай Хакас Республиканың Правительствозының ӱлгӱлерін азынада тохтадарға чарадығ алча;
  • Хакас Республиканың Ӧӧркі Чӧбінзер Хакас Республиканың Правительтствозының тоғызынаңар чыл сай искіріг итче;
  • Хакас Республиканың Правительствозы тимнеен Хакас Республиканың бюджедінің проектін, Хакас Республиканың бюджетке кірбинчеткен бюджет фондтарын Хакас Республиканың Ӧӧркі Чӧбінзер чарадығ аларға сығарча паза оларны толдырчатханынаңар сан пиріс итче;
  • федеральнай законодательство, Конституция паза Хакас Республиканың законнары хоостыра позының ӱлгӱзінең пасха даа тоғыс апарча.

Хакас Республиканың Правительстволарының Кнестерінің изерізі

№ Республика Пазы Тус Чарыдығ
1 Владислав Михайлович Торосов 1991 чылның от айының 3-ҷі кӱні — 1992 чылның азығ айының 5-ҷі кӱні Хакас ССР-ның Чон депутаттар чӧбінің Толдырығ комитедінің кнезі
2 Евгений Александрович Смирнов 1992 чылның азығ айының 6-ҷы кӱні — 1997 чылның кӱрген айының 8-ҷі кӱні ХР-ның Министрлер кабинедінің кнезі[2]
3 Алексей Иванович Лебедь 1997 чылның кӱрген айының 9 кӱні — 2009 чылның кӱрген айының 14-ҷі кӱні Хакас Республиканың Правительство Кнезі чіли
4 Виктор Михайлович Зимин 2009 чылның кӱрген айының 15-ҷі кӱні — 2018 чылның чарыс айының 3-ҷі кӱні Хакас Республиканың Пазы чіли
— Михаил Владимирович Развожаев чарыс айының 3-ҷі кӱні — 2018 чылның кічіг хырлас айының 15-ҷі кӱні Хакас Республиканың Пазының врио[3]
5 Валентин Олегович Коновалов 2018 чылның кічіг хырлас айының 15-ҷі кӱні Хакас Республиканың Пазы — Хакас Республиканың Правительство Кнезі[4][5].

Алған орын

  1. ↑ Статья 96 Конституции РХ. Дата обращения: 12 Орғах айы 2025. Архивировано 3 Кӧрік айы 2020 года.
  2. ↑ World Statesmen.org. Дата обращения: 12 Орғах айы 2025. Архивировано 28 Кӱрген айы 2017 года.
  3. ↑ Эксперт прокомментировал назначение Развожаева врио губернатора Хакасии. ТАСС (3 Чарыс айы 2018). Дата обращения: 12 Орғах айы 2025.
  4. ↑ Коновалов вступит в должность главы Хакасии 15 ноября. ТАСС (14 Кічіг хырлас айы 2018). Дата обращения: 12 Орғах айы 2025. Архивная копия от 14 Кічіг хырлас айы 2018 на Wayback Machine
  5. ↑ Коммунист Валентин Коновалов переизбрался на пост главы Хакасии. РБК (11 Ӱртӱн айы 2023). Дата обращения: 12 Орғах айы 2025.

Ссылкалар

Алған орны - https://kjh.ruwiki.ru/w/index.php?title=Хакас_Республиканың_Пазы&oldid=154579