Хакас Республика Правительствозы

Рувики тiп сайттаң
Хакас Республика Правительствозы
Изображение логотипа
Тиксі искіріг
Хазна Россия Федерациязы
Юрисдикция Хакас Республика
Тӧстелген 1995
Устағ-пастағ
Холына кірче Главе Республики Хакасия
Правительство кнезі Валентин Коновалов
Пӱдізі
Штаб-квартира Абакан, Ленина просп., 67
Сайт r-19.ru

Хакас Республика Правительствозы (орыс. Правительство Республики Хакасия) — Хакас Республиканың Пазы — Хакас Республиканың Правительство Кнезі устапчатхан Хакас Республиканың толдырығ ӱлгӱзінің иң ӧӧркі органы[1][2].

Тиксі искіріг

Федеральнай паза Хакас Республиканың законнары хоостыра Хакас Республика Правительствозының тоғызынаң устапча, правительство паза толдырығ органнарының кізілерін турғысча паза тоғыстаң сығарча Республика Пазы — Правительство Кнезі. Алынҷа устағҷылар, ол санда кнестің пастағы орынҷызы, финанстар министрі паза тӧреміл кізілер Хакас Республиканың Ӧӧркі Чӧбінің чарадиинаң турғызылчалар[2].

Ӧӧркі толдырығ органына кірчелер: Хакас Республиканың Пазы — Хакас Республиканың Правительство Кнезі, аның пастағы орынҷылары паза орынҷылары, министрлер паза хазна комитеттерінің кнестері[1].

Хакас Республиканың Правительствозы Россия Федерациязының Конституциязына  (орыс) (рус., федеральнай законнарға, ідӧк Хакас Республиканың Конституциязына паза норма-право акттарына тӧстеніп тоғынча[2].

Полномочиелер

Хакас Республиканың Правительствозы полномочиелері хоостыра[3]:

  • кізінің правозын паза пос поларын, пос ниме-ноозын паза халыхтың иптіг тудынарын хайраллирынҷа, терроризмнең паза экстремизмнең тоғыр поларынҷа, сайбағларнаң тоғыр кӱрезиинҷе оңдайларны толдырча;
  • Хакас Республиканың бюджет проектін, ідӧк социальнай паза экономика тилізінің проекттерін тимнепче, оларны толдырча, аның хоостыра сан-пир тимнепче;
  • Хакас Республиканың толдырығ ӱлгӱзінің пасха органнарын тӧстепче;
  • Хакас Республиканың законнары хоостыра Хакас Республиканың ниме-ноозынаң устапча, ідӧк федеральнай законнар паза Россия Федерациязының норма-право акттары хоостыра Хакас Республикаа пирілген федеральнай ниме-ноонаң устапча;
  • Хакас Республикадағы орындағы пос устаныс органына, орындағы пос устаныстың табылчатхан алай пасха ӱлгӱ кізізіне олар чарыхха сығарған право акттары Россия Федерациязының Конституциязынаң, федеральнай законнарнаң паза РФ-ның пасха право акттарынаң, Хакас Республиканың Конституциязынаң  (орыс) (рус., законнарынаң паза пасха право акттарынаң хыйыстыра парчатса, оларны федеральнай законнарға паза Хакас Республиканың законнарына килістіре иптебізерге чӧп пирҷең праволығ; ідӧк чарғызар айланар праволығ;
  • Хакас Республиканың хазна сыйыхтарын читірче паза Хакас Республиканың аарластығ аттарын пирче;
  • Федеральнай законнар, Хакас Республиканың законнары хоостыра, ідӧк толдырығ ӱлгӱзінің федеральнай органнарының чарадиинаң пасха тоғыс апарча.

Республиканың толдырығ ӱлгӱзінің органнары

Министерстволар

  • Хакас Республиканың Аал-хонии паза ас-тамах министерствозы;
  • Хакас Республиканың Ағас хонии министерствозы;
  • Хакас Республиканың Істеніс паза социальнай арачыланыс министерствозы;
  • Хакас Республиканың Ис-пай паза чир хайызығлары министерствозы;
  • Хакас Республиканың Культура министерствозы;
  • Хакас Республиканың Национальнай паза территориальнай политика министерствозы;
  • Хакас Республиканың Пӱдіріг министерствозы;
  • Хакас Республиканың Транспорт паза чол хонии министерствозы;
  • Хакас Республиканың Ӱгредіг паза наука министерствозы;
  • Хакас Республиканың Физическай культура паза спорт министерствозы;
  • Хакас Республиканың Финанстар министерствозы;
  • Хакас Республиканың Хазых хайраллаҷаң министерствозы;
  • Хакас Республиканың Чииттер политиказы паза халых тилізі министерствозы;
  • Хакас Республиканың Чир-чайаан ис-пайы паза экология министерствозы;
  • Хакас Республиканың Чурт-хоных паза энергетика министерствозы;
  • Хакас Республиканың Юстиция киректерінҷе паза региондағы хорғысты чох идерінҷе министерствозы;
  • Хакас Республиканың Экономика тилізі министерствозы;

Республиканың толдырығ ӱлгӱзінің комитеттері, департаменттері паза пасха органнары

  • Хакас Республиканың Представительствозы;
  • Хакас Республиканың Садығлар сферазындағы контракт системазынаң айғасчаң хазна комитеді;
  • Хакас Республиканың Сан тилізі паза палғалызы хазна комитеді.
  • Хакас Республиканың Тарифтерҷе хазна комитеді;
  • Хакас Республиканың Гражданскай арачыланысчы, сағыбаан киректерҷе паза Ӧрт хорғызын чох идерінҷе хазна комитеді;
  • Хакас Республиканың Мобилизация тоғызынҷа паза хазна чазыдын хайраллирынҷа хазна комитеді;
  • Хакас Республиканың Культура ис-пайын хайраллирынҷа хазна инспекциязы;
  • Хакас Республиканың Кізі праволарынҷа уполномоченнайы;
  • Хакас Республиканың Пала праволарынҷа уполномоченнайы;
  • Хакас Республиканың Идінҷектер праволарын арачыринҷа уполномоченнайы.

Алған орын

  1. ↑ 1 2 О Правительстве Республики Хакасия. Официальный интернет-портал правовой информации. Дата обращения: 16 От айы 2025.
  2. ↑ 1 2 3 Закон Республики Хакасия от 19 сентября 1995 года N 48 о Правительстве Республики Хакасия. Электронный фонд правовых и нормативно-технических документов. Дата обращения: 17 От айы 2025.
  3. ↑ Полномочия Правительства Республики Хакасия. Правительство Республики Хакасия. Дата обращения: 17 От айы 2025.

Ссылкалар

Алған орны - https://kjh.ruwiki.ru/w/index.php?title=Хакас_Республика_Правительствозы&oldid=154345