Макарчук, Пётр Анатольевич

Макарчук Пётр Анатольевич
Хакас Республиканың спорт министрі
с 2026 чылның азығ айының 18-ҷі кӱні
Алнындағы кiзi	Сергей Кочан Дмитрий Сафронов(тоғ. толд.)
Тӧреен кӱні	10 от айы 1972({{padleft:1972|4|0}}-{{padleft:7|2|0}}-{{padleft:10|2|0}}) (54 час) Сон пилтiрi[d], Сыра аймағы, Хакас автоном облазы, Хызылчар крайы[d], РСФСР[d], СССР[d]

Пётр Анатольевич Макарчук(тӧр. 10 от айы 1972, Сон пилтiрi^[d], Хызылчар крайы^[d]) — Россияның хазна деятельі паза спортсмені, бобслеизі, бобслейҷе Россияның чоннар аразындағы класстығ спорт узы. Олимп ойыннарының ікі хати араласчызы, Европаның чемпионы, Россияның кӧп хати чемпионы. Хакас Республиканың спорт министрі. Ӏстіндегі службаның отставкадағы подполковнигі.

Чуртас чолы

Пётр Макарчук 1972 чылның от айының 10-ҷы кӱнінде Хакас Республиканың Сыра аймаандағы Сон пилтірі аалда тӧреен.

Н. Ф. Катановтың адынаң Хакас хазна университедін тоос салып, пӧзік ӱгредіг алған.

Армияда служба ирткен соонда, 1990 чыллар пасталғанда, істіндегі киректер органнарынзар тоғысха кірібіскен. Россия Федерациязының Хакас Республикаҷа Ӏстіндегі киректер министерствозының подразделениелерінде істенген, ол санда Хакас Республикаҷа МВД-ның Хазна ӧрт ӱзірҷең службазының устанызында. Ӏстіндегі киректер органнарында прай 30 азыра чыл тоғын салған. Ӏстіндегі службаның отставкадағы подполковнигі званиеліг. Ведомство медальларынаң паза танығларынаң сыйыхтатхан.

2008 чылда Хакас Республикаҷа МВД-ның Тиксі Россиядағы «Динамо» физкультура-спорт пірігізінің Хакасиядағы пӧлиинің кнес орынҷызы полыбысхан.

2020 чылдаң сығара — Хакасиядағы «Россияның саналығ чарыс федерациязы» халых пірігізінің президенті.

2022 чылда региондағы «Хакас Республиканың Олимп чӧбі» халых пірігізінең устаан.

Хазна кирее

2026 чылда регионның правительствозы марығ оңдайынаң иртірген таллағ салтарынҷа Хакас Республиканың спорт министріне турғызылған. Пу тоғыста ол отставкаа парыбысхан Сергей Кочанның орнына килген; Макарчук министрге турғызылғанҷа, тоғысты Дмитрий Сафронов толдылған.

Спорттағы ӧзізі

Пётр Макарчук бобслейҷе Россияның чоннар аразындағы класстығ спорт узы, ниик атлетикаҷа паза ӧрт-прикладной спортча Россияның спорт узы полча.

Россияның піріктірілген ӧмезінде бобслейҷе марығларда араласхан. Мындағ арға-мӧрійлерде араласхан:

• Солт‑Лейк‑Ситидегі хысхы Олимп ойыннары 2002;
• Туриндегі хысхы Олимп ойыннары 2006.

Спорт чидіглері

• бобслейҷе Европаның чемпионы;
• Европа Кубогын алған;
• Россияның алты хати чемпионы;
• Тилекей кубогының этаптарында ӱс хати сыйыхтығ орыннар алған;
• тилекей чемпионаттарында ӱс хати сыйыхтығ орыннар алған.

Сӧбіре

Ипчізі пар, ирепчі ӱс пала ӧскірче.

2022 чылда Макарчуктың сӧбірезі тиксі Россиядағы «Чыл сӧбірезі» марығда «Сӧбіре — кибірлер тудығчызы» номинацияда чиңісчі полыбысхан.

Алған орын

Ссылкалар

• Пётр Макарчук — олимпийская статистика на сайте Sports-Reference.com (англ.)
• Макарчук Пётр Анатольевич  (рус.). олимп19.рф.