Торосов, Владислав Михайлович

Рувики тiп сайттаң
РУВИКИ проектте пу фамилиялығ пасха кізілердеңер статьялар парлар Торосов.
Владислав Михайлович Торосов
ТОРОСОВ ВЛАДИСЛАВ МИХАЙЛОВИЧ-2011.JPG
Флаг
Хакас Республиканың Министрлер Чӧбінің Кнезінің пастағы орынҷызы
1992 чыл — 1997 чыл
Хакас ССР-ның Чон депутаттары чӧбінің исполкомының кнезі
1991 чыл — 1992 год
Алнындағы кiзi Г. А. Трошкина
Орнына халған кізі Е.А. Смирнов
Тӧреен кӱні 3 кӧрік айы 1937({{padleft:1937|4|0}}-{{padleft:3|2|0}}-{{padleft:3|2|0}})
 СССР Ағбан, Хакас автоном облазы, РСФСР, СССР
Ӱреен кӱні 6 хандых айы 2018({{padleft:2018|4|0}}-{{padleft:6|2|0}}-{{padleft:6|2|0}}) (81 час)
 Россия Ағбан, Россия
Партия КПСС, Единая Россия
Ӱгредии Хызылчардағы ӧңніг металлар институды
Учёнай степень экономика наукаларының кандидады
Профессия инженер, экономист
Сыйыхтары

«Чахсы киректер ӱчӱн» орден, медальлар, ол санда «Істеніс ветераны»; Россия Президентінің адалған чазы. ХР-ның саблығ наука деятельі.

«Аарлас Тании» орден Орден «За заслуги перед Хакасией» (лента).png

Владислав Михайлович Торосов (3 мартта 1937, Ағбан — 6 июньда 2018, Ағбан) — совет, Россия, партия, хазна паза халых деятельі, учёнай, писатель. Ағбандағы горисполком кнезі, 1977—1986 чылларда КПСС-тың Ағбандағы горкомының пастағы хачызы[1]. Хакас облисполкомның кнезінің пастағы орынҷызы (1986—1991). Хакас ССР-ның Чон депутаттарының чӧбінің исполкомының кнезі (1991—1992). Хакас Республиканың Министрлер Чӧбінің Кнезінің пастағы орынҷызы (1992—1997)[1]. Профессор, экономика наукаларының кандидады, Россияның паза Чоннар аразындағы инженер академиязының сын кізізі (1994 ). Хакас чонның Улуғлар чӧбінің кнезі (2003—2017)[2].

Чуртас чолы

[тӱзедерге | код тӱзедерге]

Владислав Торосов 1937 чылда Ағбанда тӧреен. Пабазы М. Г. Торосов Хакас облисполкомының кнезі полған (1900—1938)[3]. Іҷезі — Клавдия Терентьевна Торосова (хыс фамилиязы Чудогашева), ӱгретчі полған, Ағбанның школаларының пірсінде істенген[4].

1955 чылда Харатастағы тағ техникумын тоос солған. Чита облазындағы геология-разведка партияларынзар тағ мастеріне ызылған. Якутияның геология экспедицияларында тоғынған, 1957 чылға теере чароит аныпчатхан чирде мастер полған. 1957 чылда армияа тартылған. Службаны Находка городтағы Амыр тиңіс Чаа-талай флодында ирткен.

1959 чылдаң сығара 1962 чылға теере Ағбан – Таштет тимір чол пӱдірии тузында Минтрансстройның наука-істезіг станциязында тоннельлер пӱдіриинҷе инженер полып істенген.

1962—1964 чылларда Ағбанда «СибцветметНИИпроектпроект» пірігізінің наука тоғынҷызы полған. Пір чыл пазынаң Хызылчардағы ӧңніг металлар институдын тоос салған, тағ инженері квалификацияны алған.

1964 чылдаң сығара партия тоғызынаң айғас сыххан. Инструктор, КПСС-тың Хакас обкомының промышленность-транспорт пӧлиинің устағҷы орынҷызы полған.

1969—1972 чылларда — КПСС ЦК-ның Халых наукаларының академиязындағы аспирантурада (амғы Чон хонии академиязы) ӱгренген. «Экономическая эффективность регионального промышленного комплекса» темаҷа кандидат диссертация тоғызын арачылап алған.

1972 чылдаң сығара 1986 чылға теере устағ-пастағ тоғыстарын апарған: КПСС-тың Ағбан город комитедінің ікінҷі хачызы, город исполкомының кнезі, анаң КПСС-тың Ағбан город комитедінің пастағы хачызы полған[5],[6],[7],[8],[9]. Наа кічіг районнар, социальнай паза хоных кӧстегліг объекттер пӱдіриинең устаан. Аның устағ-пастаанда городтың ӧӧн чарытхы подстанциялары тоғындырылғаннар, «Саяны» стадион[10], табырах имнег полызиин пирҷең станция туразы, «Октябрь» кинотеатр, городтағы чалғыс чир алтынҷа иртчең чол, городтағы 150 котельнай орнына ТЭЦ пӱдірілген, «Ағбан» аэропорт наа зданиее кіріп, чоннар аразындағы статусха айландырылған. Городта тынағ зоназы пол килген паза троллейбустар чӧр сыхханнар[9]. Тимір чол поликлиниказы, Драма театрының туразы, Облстатуправление сананыс кіні, «Сказка» кӧклӧлер театрының туразы, «АЯН» пиво пызырҷаң завод, чуғынҷах ағырығлар имнег туразының корпузы, контейнер заводы тоғын сыхханнар. Пу тусха панельлернең туралар пӱдірҷең комбинат, пӱдіріг материалларның комбинады, керамзит сайы зваоды, опытнай тыхтағ-механическай завод пӱдірілгеннер. 300 азыра промышленность пірігізі, кӧп культура, ӱгредіг паза имнег учреждениелері азылғаннар. Пу чылларда Ағбан хазнада тиліпчеткен городтар аразында пастағҷылар санында полған[11].

1981 чылның хосхар айында СССР-ның Ӧӧркі Чӧбінің Чахиинаң Ағбан «Аарлас тании» орденнең сыйыхтатхан. 1986 чылда городта 480 млн салковайға (1970 чылда 200 млн) промышленность продукциязы сығарған[8].

1986 чылдаң сығара 1991 чылға теере — облисполкомның орынҷызы, кнестің пастағы орынҷызы, план-экономика пӧлиинің кнезі.

1989 чылда аның пастаанаң РСФСР-ның Министрлер Чӧбінің «Хакас автоном облазын хоных сананызына паза пос финансирование принцибіне айландырарынаңар» Чарадығ алылған. Торосов, Хакас автоном облазын Хызылчар крайынаң сығарып, ағаа 1991 чылның от айының 3-ҷі кӱнінде республика статузын пирерінің пастаанда турған[12].

1991 чылда Торосов Хакас ССР-ның Чон депутаттары чӧбінің ресисполкомының кнезіне табылған. США-дағы Кремниевай долинаны істезіп паза Гонконгсар, КНР-зар пар килген соонда, СССР-ның республикалар пастары аразында Хакасияда Пос экономика зоназын тӧстеп сыххан. Пригорск алтында теплотрассалар салылғаннар, коммуникациялар паза чарытхы кирілгеннер. 1992 чылға ла хырығ озариндағы фирмаларнаң 200 азыра чоохтазығ ирткен. 50 азыра Япония, Ӱстӱнзархы Корея, Америка пірігістерінең хада проектте аралазар чӧптезіглер иділгеннер. Борис Николаевич Ельцин килгеннең проект тохтадылған.

1992 чылда Хакас Республиканың Министрлер Чӧбінің кнезінің пастағы орынҷызы полыбысхан[6].

1992 чылдаң сығара Владислав Торосов ідӧк Хакас Республиканың Ӧӧркі Чӧбінің депутады полған.

1997—2009 чылларда — Хакас Республиканың Ӧӧркі Чӧбінің экономика политиказынҷа, промышленностьча, пӱдірігҷе, транспортча паза палғалысча комитеттің кнезі[6], соонаң — аның араласчызы.

1997 чылда «Асхыс аймааның Аарластығ кізізі» атха турысхан.

1999 чылда городтың тилізіне улуғ хозым иткен ӱчӱн, Торосов «Ағбан городтың Аарластығ кізізі» атха турысхан[13].

1986 чылда «Аарлас тании» совет орденінең, «Хакасияа чахсы киректер ӱчӱн», «Чахсы киректер ӱчӱн» орденнернең (2007 чылда), медальларнаң, ол санда «Істеніс ветераны», сыйыхтатхан. 1996 чылда Россия Президентінің адалған чазынаң таныхтатхан. Хакас Республиканың саблығ наук деятельі ат пирілген. 1994 чылда Россиядағы паза Чоннар аразындағы инженер академиязының академигі полыбысхан[7].

Наука паза халых кирее

[тӱзедерге | код тӱзедерге]

2003 чылдаң сығара 2017 чылға теере Владислав Торосов хакас чонның Улуғлар чӧбінің кнезі полған. Хакас Республиканың Хакас Республиканың танығларын алыстырар тоғысты апарған. Торосовтың орыс паза хакас тіллернең пазылған кибелізі Хакас Республиканың хазна гимнінің тӧстее полыбысхан[14][15], ідӧк регионның амғы гербін тимнирінде араласхан[16]. Торосов «Хуртуйах тасты», музейдең сығарып, турған орнынзар нандыра турғызар тоғысты апарған.

2003 чылның азығ айының 7-ҷі кӱнінде артых чайалған олғаннарға хабасчаң Хакас Республикадағы халых чыындызының тӧстегҷізі полыбысхан[17].

Ӧкіс халған палаларны родтар сӧбірелерінде ӧскірер пурунғы хакас чонның кибірін айландырған пастағҷы полча. 2003-2011 чылларда олған тураларындағы 146 пала сӧбірелерде чуртап сыххан.

Владислав Михайлович «Энциклопедия Республики Хакасия» тоғыстың пастағҷыларының пірсі полча, ол 300 азыра статья пас салған. «Абакан» паза «Мудрые заветы предков», «О Хакасии, хакасах и кодексе чести хакасов» кинделер авторы полча. 2005 чылның сілкер айында «Россияның 2004 чылдағы иң артых наука киндезі» марығда Торосовтың «Региональнай экономика» («Мезоэкономика») киндезі «Экономика» номинацияда иң артых пол парған».[18].

Хакасияда Ирт тағда Ада чир-суубыс ӱчӱн тыннарын пир салған чааҷыларға пӱдірілген хумартхы тастың пастағҷызы полча[12]

Владислав Торосов Хакасияны Сойан чир-производство комплекзіне теере алғыдар ӱчӱн полған паза Пии аймаандағы наа хара тас аныҷаң разрезтер азыларынаң тоғыр полған, хайзылары ааллардағы аал хоныхтарына, Хойбал чазызындағы кӧллерге ӱрег ағылғаннар. Варвар оңдайынаң чир алтындағы ис-пайны асчатханын ол сӱлейке монҷыхтарнаң (орыс. стеклянные бусы) тиңнестірген[19]

2005 чылда А. Г. Хлопониннің Хакасияны Хызылчар крайына кирер сағызын хомайлаан[20].

2008 чылда ООН-да чилегеліг чоннарның сидіксіністеріне паза оларны пӧкчең оңдайларға чарыдылған чоохты тусхан.

Аршандағы разрезтең кизе-тоғыр полған. Разрез республиканың улуғ чирінің суғларын кірлепче. — «Аршандағы месторождение аллювиальнай чир алай сай алтында чатча. Хара тасты анып сыхсаларох, чир алтынаң суғ сых килер. Аны ис сығарлар, анзы, тізең, хырых кӧл ойымын (орыс. долина сорока озер) чох идер. Хара тасты, прай суғны ис пырыбысса ла, анып пастирлар. Кірліг суғ, хара тасча иртіп, Ағбан суғзар тӧгілер. Суғны Ағбан город паза 15 аал-поселок ісче. Ол 300 муңҷа кізі — республиканың чуртағҷыларының чарымызының кӧп чардығы. Ол экологияа улуғ ӱрег»[21]. «Республика ӱлгӱлері сидік сурығны нымзадыбызар ӱчӱн, прай ниме итчелер, чиновниктер чонны амыратчалар, аның ӱчӱн Консультация чӧбі теен нимені тӧстеп алғаннар, ол чонны хаңыртчатхан полчатханы полча, оох-теек хоных сурығларын ӱзӱріп, чонны ӧӧнінең хыйа апарча — кізілернің хазиина паза чуртазына кирек хорғыс чох поларынаң»[22].

Владислав Торосов 2018 чылның хандых айының 6-ҷы кӱнінде ах чарыхтаң парыбысхан. Халғанҷы чолына ӱдескеннер хандых айының 8-ҷі кӱнінде М. Ю. Лермонтовтың адынаң драма театрында[23]. Городтың сыыраттарының пірсінде хада хонғанынаң хости чатча.

Хакас чонның кізілері халғанҷы чолына ӱдезігде чоохтааннар:

Улуғ кізіні чідір салдыбыс… Политикадағы килкім кізіні… Хакас чоннаңар сағынған паза сағыссыраан кізіні. Амғы паза пазағы тӧллерде андағ чӧлегні алыстырҷаа чох полар

.

2018 чылның хандых айының 30-ҷы кӱнінде Тун пайрамда Владислав Торосовха «Хакас Республиканың Аарластығ кізізі» ат ӱреен соонда пирілген[24]

2019 чылда Владислав Торосовтың ады Хакас книга издательствозына пирілген[2].

Сӧбіре

[тӱзедерге | код тӱзедерге]

Хада хонғаны — Торосова Валентина Платоновна . Ікі оолны, Виталийнең Игорьны, ӧскір салғаннар. Пис пархазы халған: Екатерина, Михаил, Анна, Мария, Диана.

Хысхаҷах библиографиязы

[тӱзедерге | код тӱзедерге]
  • Экономическая эффективность регионального промышленного комплекса: спец. 590 — Политическая экономия: дис. на соиск. учен. степ. к. экон. / науч. рук. Тигран Сергеевич Хачапуров; АОН при ЦК КПСС. — М., 1972. — 153 с.
  • Мезоэкономика (Региональная экономика): учеб. пособие по спец. 060700 — «Национальная экономика» / В. М. Торосов; Хакасский гос. ун-т им. Н. Ф. Катанова. — Абакан: Изд-во ХГУ им. Н. Ф. Катанова, 2004. — 376 с. (В мае 2005 г. в конкурсе «Лучшая научная книга России 2004 года» признана лучшей в номинации «Экономика»).
  • Абакан.— Красноярск: Кн. изд-во, 1990. — 240 с. — (Города и поселки Красноярского края).
  • Абакан / В. М. Торосов. — 2-е изд. — М.: Цицеро, 1994. — 208 с.
  • Мудрые заветы предков. — Абакан: Хак. кн. изд-во, 2011. — 232 с.
  • Лидер хакасского народа (к 75-летию со дня рождения В. М. Торосова) : [статьи, доклады, выступления В. М. Торосова] / Владислав Михайлович Торосов.— Абакан: Хакасское книжное изд-во, 2012.— 151 с.— ISBN 5709105325
  • Дела минувших лет. — Абакан: Хакасское книжное издательство, 2017. — 336 с. : ил.

Примечания

[тӱзедерге | код тӱзедерге]
  1. ↑ 1 2 Верховный Совет Республики Хакасия. Верховный Совет Республики Хакасия. Дата обращения: 15 Хандых айы 2018. Архивировано из оригинала 13 Хандых айы 2018 года.
  2. ↑ 1 2 85 лет назад родился Владислав Торосов - инициатор выхода Хакасии из состава Красноярского края (3 Кӧрік айы 2022). Дата обращения: 18 Азығ айы 2025.
  3. ↑ Торосов Михаил Григорьевич (1900—1938). Председатель Хакасского облисполкома. Дата обращения: 22 Азығ айы 2013. Архивировано 4 Кӧрік айы 2016 года.
  4. ↑ Отец. О том, как жизнь свою прожить достойно — Газета «Хакасия». Дата обращения: 14 Кічіг хырлас айы 2018. Архивировано 14 Кічіг хырлас айы 2018 года.
  5. ↑ Абакан: Торосов Владислав Михайлович - почетный гражданин г. Абакана (англ.). gorod.abakan.city. Дата обращения: 12 Ӱртӱн айы 2018. Архивировано 13 Ӱртӱн айы 2018 года.
  6. ↑ 1 2 3 Верховный Совет Республики Хакасия. Верховный Совет Республики Хакасия. Дата обращения: 13 Хандых айы 2018. Архивировано из оригинала 13 Хандых айы 2018 года.
  7. ↑ 1 2 Абакан: Почетные граждане (англ.). gorod.abakan.city. Дата обращения: 13 Хандых айы 2018. Архивировано 20 Ӱртӱн айы 2017 года.
  8. ↑ 1 2 Абакан: Абакан исторический (англ.). gorod.abakan.city. Дата обращения: 13 Хандых айы 2018. Архивировано 13 Хандых айы 2018 года.
  9. ↑ 1 2 Владислав Торосов: Мы рождены для созидания. Архивке ызылған 13 Хандых айы 2018 чылда. Дата обращения: 13 Хандых айы 2018.
  10. ↑ «Саяны» – любим, помним | BANDYNET.RU. bandynet.ru. Дата обращения: 13 Хандых айы 2018. Архивировано 13 Хандых айы 2018 года.
  11. ↑ Общественность простилась с выдающимся сыном хакасского народа. Архивке ызылған 13 Хандых айы 2018 чылда. Дата обращения: 13 Хандых айы 2018.
  12. ↑ 1 2 Глава Хакасии выразил соболезнования в связи со смертью Владислава Михайловича Торосова - Правительство Республики Хакасия. r-19.ru. Дата обращения: 13 Хандых айы 2018. Архивировано 13 Хандых айы 2018 года..
  13. ↑ Почетный гражданин г. Абакана. Дата обращения: 22 Азығ айы 2013. Архивировано из оригинала 12 Сілкер айы 2014 года.
  14. ↑ В Хакасии утвердили гимн республики. Дата обращения: 7 Азығ айы 2015. Архивировано 7 Азығ айы 2015 года.
  15. ↑ На новый гимн Хакасия потратила восемь лет. Дата обращения: 11 Азығ айы 2015. Архивировано 11 Азығ айы 2015 года.
  16. ↑ История преображения Абакана — Абакан Сегодня. abakan-news.ru. Дата обращения: 13 Хандых айы 2018. Архивировано 13 Хандых айы 2018 года.
  17. ↑ ХАКАССКИЙ РЕСПУБЛИКАНСКИЙ ОБЩЕСТВЕННЫЙ ФОНД ПОДДЕРЖКИ ОДАРЕННЫХ ДЕТЕЙ. abakan.tizu.ru. Дата обращения: 4 От айы 2018. Архивировано 4 От айы 2018 года.
  18. ↑ Глава комитета ВС Хакасии удостоен звания «Автор лучшей научной книги в 2004 году». www.newslab.su. Дата обращения: 13 Хандых айы 2018. Архивировано 28 От айы 2021 года.
  19. ↑ ХАКАСИЯ ПРОСТИЛАСЬ С ВЛАДИСЛАВОМ ТОРОСОВЫМ | Правда '19. pravda19.ru. Дата обращения: 13 Хандых айы 2018. Архивировано 13 Хандых айы 2018 года.
  20. ↑ Хакасия не хочет объединяться с Красноярским краем. На днях о желании принять Хакасию в состав объединённого региона заявил глава края Александр Хлопонин. Эхо Москвы. Дата обращения: 26 Чарыс айы 2018. Архивировано 26 Чарыс айы 2018 года.
  21. ↑ Лариса Мазунина. Владислав Торосов: Это сплошное надувательство. www.19rus.info. Дата обращения: 6 Улуғ хырлас айы 2018. Архивировано 6 Улуғ хырлас айы 2018 года.
  22. ↑ Верховный Совет Хакасии неожиданно обратил внимание на Аршановский угольный разрез. Мои года. Дата обращения: 6 Улуғ хырлас айы 2018. Архивировано 7 Улуғ хырлас айы 2018 года.
  23. ↑ Общественность простилась с выдающимся сыном хакасского народа
  24. ↑ Хакасия отметила Тун Пайрам. tvrts.ru. Дата обращения: 4 От айы 2018. Архивировано 4 От айы 2018 года.

Литература

[тӱзедерге | код тӱзедерге]
  • Гавриленко В. К. Торосов Владислав Михайлович // Энциклопедия Республики Хакасия. — Т. 2. — Абакан: Поликор, 2008. — С. 193—194.
  • Торосов Владислав Михайлович // Славные люди хакасского народа / ХакНИИЯЛИ; отв. ред. В. Н. Тугужекова. — Абакан: ДиалогСибирь-Абакан, 2009. — С. 107.
  • Торосов Владислав Михайлович // Почетные граждане города Абакана: биобиблиографический справочник / сост. Ф. Д. Котюшева. — Абакан, 2007. — С. 17.
  • Торосов Владислав Михайлович // Хакасия в лицах / В. К. Гавриленко. — Абакан, 2005. — С. 86—87.
  • Неизвестный Торосов / беседовала Т. Потапова // «Хакасия».— № 74, 20.04.2001. — С. 1,3.
  • Анненко Алексей Градоначальник советского времени // «Пятница». — 2016. — 15 декабря.

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Торосов,_Владислав_Михайлович&oldid=82965