«Хакасияа чахсы киректер ӱчӱн» орден
| «Хакасияа чахсы киректер ӱчӱн» орден | |||
|---|---|---|---|
|
|||
| II степень | |||
| III степень | |||
| Хазна |
 Россия,  Хакасия |
||
| Тип | Орден | ||
| Статус | читiрiлче | ||
| Статистика | |||
| Тӧстелген кӱні | 2006 чылда | ||
| Теес | |||
.png){kind=small}
«Хакасияа чахсы киректер ӱчӱн» орден (орыс. Орден «За заслуги перед Хакасией») — 26 июньда 2006 чылда тӧстелген Хакас Республиканың иң пӧзік хазна сыйыхтарының пірсі.
Орден статузы
«Хакасияа чахсы киректер ӱчӱн» орденнең Хакас Республиканың тилізіне хозым иткен Россия Федерациязының чуртағҷылары сыйыхтатча, хайзылары Хакас Республиканың хазна оңдайларын тилідерінде, кізі правозын паза пос чуртазын читкіҷе пирерінде араласчалар; экономика, культура, наука, ӱгредіг, хазых хайраллир, искусство, спорт киреенде чахсы тоғыс апарчалар; халыхтың амыр чуртазын хайраллап, махачызын кӧзітчелер[1].
«Хакасияа чахсы киректер ӱчӱн» орден Хакас Республикада иң асхынах он пис чыл істен салған Россия Федерациязының чуртағҷыларына читірілче. Хакас Республиканың Пазы – Хакас Республиканың Правительство Кнезінің чарадиинаң «Хакасияа чахсы киректер ӱчӱн» орденні кӧріл парған тустаң тӧбін тоғын салған Россия Федерациязының чуртағҷыларына пирілері кӧріл парған. Орденге турысхан кізілерге пір хати пирілчеткен ахчалығ сыйых тӧлелче[2].
Орден кӧрімі
Орден тании 925 пробалығ кӱмӱстең иділген 10 пастығ чылтыс, сустар осхас хырлары алтыннаң чабылған. Чылтыстың тоғыр сустарының аразы 40 мм. Істіндегі хырлар алтыннаң чабылғаннар, тастындағы хырлар – кӱмӱснең. Чылтыстың ортызында Хакас Республиканың Хазна гербінің хоозы орных парған. Тискер саринда – 25 мм диаметрліг кöлечке. Аның чалбағы – 1 мм. Кӧлечке істінде чатыра ӱс чолда пазылған: «За заслуги перед Хакасией». Алтында кӧлечке тастында – орден номері паза проба тании. Орден танииның тизігіне паза кӧлечкезіне чалбаа 24 мм ноған торғы лентанаң тартылған пис пулуңнығ колодка хаптырылча. Лента ортызында ӱс чол: ах, тигір кӧк паза хызыл, полғанының на чалбаа 3 мм. Колодканың тискер саринда кип-азахха хаптырар нимезi пар.