Хакас Республика
| Россия Федерациязыныӊ субъектi | |||||
| Хакас Республика | |||||
|---|---|---|---|---|---|
| орыс. Республика Хакасия | |||||
 | |||||
|
|||||
| Хакас Республиканың гимні | |||||
| 53°30′ с. ш. 90°00′ в. д.GЯO | |||||
| Хазна |
 Россия |
||||
| Кiрче |
|
||||
| Ӧӧн город | Ағбан | ||||
| Республика Пазы | Валентин Коновалов | ||||
| Хакас Республиканың Ӧӧркі Чӧбі | Сокол Сергей Михайлович | ||||
| ТАРХЫН ПАЗА ГЕОГРАФИЯ | |||||
| Улии |
61 569 км²
|
||||
| Час хуры | KRAT[d] и Азия/Хызылчар[d][1] | ||||
| Экономика | |||||
| ВРП | 235,3[3] млрд салк. (2018) | ||||
| • орын | 69 орын | ||||
| • пiр кiзее | 438,3[6] муң. салк. | ||||
| Чон | |||||
| Чон | |||||
| Хазна тіллері | орыс тiлi, хакас тiлi[7] | ||||
| САННЫҒ ИДЕНТИФИКАТОРЛАР | |||||
| Код ISO 3166-2 | RU-KK | ||||
| Код ОКАТО | 95 | ||||
| РФ субъектiнiӊ коды | 19 | ||||
| Телефон коды | +7 390 | ||||
|
|||||
|
|
|||||
| Официальный сайт (орыс.) | |||||
 Медиафайлы на РУВИКИ.Медиа | |||||
![Герб[d]](/wiki/%D0%A4%D0%B0%D0%B9%D0%BB:Coat_of_arms_of_Khakassia.svg)
Внешние аудиофайлыХакас Республика, (орыс. Республика Хакасия, хысхаҷахти: Хака́сия) — Россия Федерациязының субъекттерiнiң пiрсi, аның санына республика чiли кiрче[9][10]. Хакас-Минсуғ ойымының ӧӧн чардығында, Сойан-Алтай тағларның алтынзархы-кидеркі азырларының істінде чатча[11].
Сибирьдегi федеральнай округха кірче. Іскеркі Сибирьнiң экономика аймааның чардығы полча.
Хакасияның ӧӧн городы Ағбан полча.
Хакасияның хырығлары алтынзархы паза icкеркi саринда Россияның Хызылчар крайынаң ӱстӱнзархы саринда Алтай Республиканаң, кидеркi саринда Кемеров облазынаң хости иртче.
1923 чылның кічіг хырлас айының 14-ҷі кӱнінде Хакасия Ким губерниязының Хакас уезді чіли тӧстелген (1925 чылдаң сығара Сибирь крайының, соонаң Кидеркі Сибирь крайының Хакас округы). 1930 чылдаң сығара Кидеркi Сибирьдегi крайның, 1934 чылдаң сығара Хызылчар крайының Хакас автоном облазы полча.
1991 чылның от айының 3-ҷі кӱнінде автоном облазы республика (Хакас ССР) пол парған. 1992 чылдаң сығара амғы адын ал чӧрче.
Хазна тiллерi: орыс тiлi паза хакас тiлi. Таcтып аймаанда iдӧк шор тілі тузаланылча.
Тархын
- Хакасия Россия империязының холында
Хырғыстарның паза орыстарның палғалызы 1604 чылда Эушта татарларының чиріндегі Томск острогы пӱдіриинең пасталған.
Пір чӱс азыра чыл Хакасия Россия царствозына кірген[12], а затем Российской империи[13].
Хакасия Россия империязына кірген кӱнге 1727 чылның орғах айының 20-ҷі кӱні саналча. Андада Россия империязынаң Хыдат хырығлар трактадынҷа чӧптезіг ит салғаннар. Сойан тағларының алтынзархы чардығындағы прай чирлер Россияа киліскеннер, ӱстӱнзархызы — Хыдат империязына.
Амғы республиканың чирі сын оңдайнаң соонаң арах кирілген. 1758 чылда хыдат войсколары Алтай тағларына кӱснең кіргеннер паза Джунгарияны унада сапханнар. Россия империязының пічік хоостыра кирілген хырығларынын сайбирынаң хорғыс пол килген.
Ол чирде хан правительствозы табырах казактар гарнизонын турғызыбысхан. Казактар хырығҷы службазын апар сыхханда, Хакасия сын оңдайнаң Россия империязына кірген.
Чирнең устааннар Сибирь паза Томск губернияларының устағҷылары. 1822 чылда Хырғыс землицазы Ким губерниязына кірген.
- РСФСР-дағы Хызылчар крайының Хакас автоном облазы паза Россия Федерациязының Хакас Республиказы
Хакас уезді 1923 чылның кічіг хырлас айының 14-ҷі кӱнінде тӧстелген. Ол национальнай округ пол парған, анаң 1930 чылның чарыс айының 20-ҷі кӱнінде картада Хакас автоном облазы пол килген. Ол Кидеркі Сибирь крайы холында полған, анзы алғыдылған соонда, 1934 чылда, Хызылчар крайына кірген.
1991 чылның от айының 3-ҷі кӱнінде автоном облазы республика пол парып, Хакас ССР адын алған. 1992 чылның кӱрген айының 29-ҷы кӱнінең сығара Хакас Республика адал сыххан[14]. 1992 чылның хандых айының 6-ҷы кӱнінде республиканың пос флагы алыл парған, 2006 чылның улуғ хырлас айының 20 кӱнінде – пос гербi.
2007 чылда Россияның Ӧӧн банкы Хакас Республикаа чарыдылған танығлығ тимір ахча сығарыбысхан.
2015 чылда Хакас Республиканың гимні алылған[15].
Физика паза география саринаң чарыдары
Хакас Республика Ӱстӱнзархы Сибирьде Ким суғның сол хазында, Сойан-Алтай тағларының паза Хакас-Минсуғ ойымының чирінде орныхча.
Алтынзарыхтаң ӱстӱнзарыхсар аның чирі 460 километрге сӧӧ тартылча. Кидертін іскер иң чалбах чардығында 200 километрге чит парча. Алтынзархы паза icкеркi саринда Хакасия хырығлары Хызылчар крайынаң, ӱстӱнзархы саринда Алтай Республиканаң, кидеркi саринда Кемеров облазынаң хости иртче.
Республикада прай 271 аал-город саналча[11].
Хакасияда чирнің прай даа ландшафт зоналары парлар: чазылар, хуу чазылар, ағастығ чазылар, тайғалар, пӧзік тасхылдағы пӱктер, тасхыллардағы тундралар паза пустар[16].
Республика суғларға, хара суғларға паза кӧллерге пай чир. Оларның саны 500 азыра. Мында суғларның прай даа кӧрімнері учурапча. Оларның санына тасхыллардаң ахчатхан суғлар, тасхыллардағы кӧллер, чазы чирдегі ағын суғлар кірчелер. Ӧӧн суғ Ким полча[11].
Ағас чыындызының тиксі улиина республиканың чирінің 65 проценті килісче, ол 36,47 муң км² тиңнелче. Ағастың тиксі пайы 444,3 млн. м3 читче, ол санда сабаллығ ағас — 363,9 млн. м3[17]. Иң аарлығ хузух ағазы паалалча[11].
Алынҷа хайраллалчатхан чир-чайаан чирлеріне республика улииның 7,6 проценті килісче[11].
Рельеф
Хакасия ӧӧнінде чазылығ, тағлығ паза тайғалығ чир полча. Сойан тағларына ла республиканың ікі ӱстіг чардығы килісче. Пу тағларның пӧзии пірее орыннарда 2000 метр ас парча.
Иң улуғ суғларның санында: Ким, Ағбан), Том, Ах Ӱӱс, Хара Ӱӱс, Ӱӱс. Прай суғларның узуны 8 муң километрге читче. Республикада 500 азыра кӧл паза суғ.
Климат
Чайғы хуруғ паза ізіг поладыр, хысхы соох, хар асхынах чаап парча. От айында киинің ортымах чылии: +15…+22 °C, кӱрген айында: −14…−19 °C. Айас кӱннер саны хонҷых регионнардағызынаң кӧп арах полча. Чылығ кӱннер саны 200-ке чит парча. Айас кӱннер саны – 311. Кӱскӱ, хысхы паза часхы ӧӧнінде хар-наңмыр чохтар, наңмыр ӧӧнінде чайғыда чаап парча[18]
Хакасияның чазы чирлерінде кӱн радиациязының тиксі сині Россияның кидеркі аймахтарындағызынаң пӧзік арах. Мында ӧӧнінде айас, наңмыр чох кӱннер турадыр. Сочинең тиңнестірзе, айас кӱннері Хакасияда кӧп арах[16].
Хакасияда ӧӧнінде чир ӱстӱнзархы-кидеркі саринаң ӱбӱрче. Улуғ чиллер часхыда полчалар. Алтынзарыхтаң арктика киизі чит парча[16].
Чир-чайаан им-том ресурстары
Хакас Республикада чир-чайаан им-том ресурстарына пай чир. Мында чир алтындағы минераллығ суғлар, им-том палғастығ кӧллер парлар[16]. Республикадағы хайзы кӧллерде им-том полчатхан минераллар палғазы пар. Андағ кӧллер санында Сыра, Пілӧ кӧл, Хааң кӧл, Тус, Чирім, Улуғ кӧл паза пасхазы таныхталча[16].
Ӧзімнер паза аң-хустар
Республикада ӧсчеткен аймах ӧзімнернің кӧрімнері пір муң чарымнаң ас парған. Аның ікі ӱстіг чардығына арығлар килісче, оларның кӧп сабазы тағларда ӧсче. Хакасияда кӧбізін сабаллығ ағастар учурапчалар:тіген, хузух, сыбы, харағай. Пӱрліг ағастар аразында ос, тыт, хазың пар[16]. Ағас чыындызының 13,4 км² чирінде аймах ағастар, ӧзімнер ӧсче[19].
Хакасияның 20 % чирінде чазылар, хайзында 300-ке чағын им-том полчатхан аймах оттар ӧсче. Хызыл киндеге кірчеткен оттар парохтар[16].
Хакасияда хустарның кӧрімі 337-ге читче. Олар 19 отрядха чарылчалар. Оларның аразында 257 кӧрім уйа салчатханнары полчалар, ағын хустарның, тізең, 201 кӧрімі саналған. Пасха чирлерзер учухчатхан туста хустарның 22 кӧрімі тӧреміл регионда тохтапча. Ол-пу сылтарларҷа Хакасияда тӱсчеткен хустарның саны 16 кӧрімге читче, учух чӧрчеткеннернің аймаа 17-ге тиңнелче, хыстирға килчеткеннері аразында прай 5 кӧрім таныхталча. Хакасияда пілдістіг нимес сылтағларҷа чайғыда пірее-пірее ле пол парыбысчатхан хустарның алынҷа группазы пар. Андар 20 кӧрім кірче[16].
Хакасияда 75 аймах аң чуртапча. Оларға удаа аңнапчалар паза оларны парыс идерге тутчалар[16].
Хакас Республикада чуртапчатхан чон
Росстатның танығларынаң 2023 чылда республикада чуртапчатхан чон саны 530 052 кізее тиңнелген[20]. Оларның 68,84%[21] чардығы городта чуртапча (2022).
Чоннар саны алысханы
Тиксі Союзтағы паза тиксі Россиядағы чонны санға алар чӧрімнернің салтары хоостыра, прай чоннарның саны (ол санда город чуртағҷыларының чардығы)[22][23]:
Хакасиядағы чоннарның аймағы
| Чон | 1926 кiзi[24] |
% | 1939 кiзi[25] |
% | 1959 кiзi[26] |
% | 1970 кiзi[27] |
% | 1979 кiзi[28] |
% | 1989 кiзi[29] |
% | 2002 кiзi[30] |
% | 2010 кiзi[31] |
% |
|---|---|---|---|---|---|---|---|---|---|---|---|---|---|---|---|---|
| прай | 88 872 | 100 % | ↗ 272 730 | 100 % | ↗ 411 047 | 100 % | ↗ 445 824 | 100 % | ↗ 498 384 | 100 % | ↗ 566 861 | 100 % | ↘ 546 072 | 100 % | ↘ 532 403 | 100 % |
| Орыстар | 41,390 | 46,6 % | ↗ 205 254 | 75,3 % | ↗ 314 455 | 76,5 % | ↗ 349 362 | 78,4 % | ↗ 395 953 | 79,4 % | ↗ 450 430 | 79,5 % | ↘ 438 395 | 80,3 % | ↘ 427 647 | 80,3 % |
| Хакастар | 44,219 | 49,7 % | ↗ 45 799 | 16,8 % | ↗ 48 512 | 11,8 % | ↗ 54 750 | 12,3 % | ↗ 57 281 | 11,5 % | ↗ 62 859 | 11,1 % | ↗ 65 421 | 12,0 % | ↘ 63 643 | 12,0 % |
| Немецтер | … | … | ↗ 10 512 | 2,6 % | ↗ 10 547 | 2,4 % | ↗ 11 130 | 2,2 % | ↗ 11 250 | 2,0 % | ↘ 9161 | 1,7 % | ↘ 5976 | 1,1 % | ||
| Украиннер | … | ↗ 7788 | 2,9 % | ↗ 14 630 | 3,6 % | ↘ 9480 | 2,1 % | ↗ 10 398 | 2,1 % | ↗ 13 223 | 2,3 % | ↘ 8360 | 1,5 % | ↘ 5039 | 1,0 % | |
| Татарлар | … | ↗ 3043 | 1,1 % | ↗ 3796 | 0,9 % | ↘ 3647 | 0,8 % | ↗ 4249 | 0,9 % | ↗ 4721 | 0,8 % | ↘ 4001 | 0,7 % | ↘ 3095 | 0,6 % | |
| Хырғыстар | … | … | … | … | … | … | ↗ 1875 | 0,4 % | ||||||||
| Чуваштар | … | … | ↗ 1924 | 0,5 % | ↗ 3316 | 0,7 % | ↘ 3284 | 0,7 % | ↗ 3433 | 0.6 % | ↘ 2530 | 0,5 % | ↘ 1824 | 0,3 % | ||
| Азербайджаннар | … | … | … | … | … | ↗ 1672 | 0,3 % | ↘ 1494 | 0,3 % | |||||||
| Белорустар | … | ↗ 1598 | 0,6 % | ↗ 3573 | 0,9 % | ↘ 3243 | 0,7 % | ↗ 3456 | 0,7 % | ↗ 3947 | 0,7 % | ↘ 2590 | 0,5 % | ↘ 1452 | 0,3 % | |
| Узбектер | … | … | … | … | … | … | ↗ 1300 | 0,2 % | ||||||||
| Шорлар | … | … | … | … | ↗ 1015 | 0,2 % | ↗ 1207 | 0,2 % | ↘ 1078 | 0,2 % | ↗ 1150 | 0,2 % | ||||
| Мордвалар | … | ↗ 3659 | 1,3 % | ↗ 3933 | 1,0 % | ↘ 3633 | 0,8 % | ↘ 3415 | 0,7 % | ↘ 3166 | 0,6 % | ↘ 1853 | ↘ 1124 | 0,2 % | ||
| пасхазы | 3263 | 3,7 % | 5589 | 2,0 % | 9712 | 2,4 % | 7846 | 1,8 % | 8203 | 1,6 % | 12 548 | 2,2 % | 10 819 | 2,0 % | 8095 | 1,5 % |
| нацияны кӧзітпееннері |
77 | 0,0 % | 192 | 0,0 % | 8689 | 1,6 % | ||||||||||
| 1000 кізідең кӧп чоннар кӧзіділген | ||||||||||||||||
Хакас Республикада 100 муниципальнай пӱдіс саналча. Оларның санында 5 город паза 8 аймах.
- 3 муң азыра чуртағҷылығ аал-городтар
|
|
|
Ӱлгӱ органнары
Хакас Республиканың ӧӧн законы — Хакас Республиканың Конституциязы полча[33].
Республика Пазы — Хакас Республиканың Правительство кнезi Валентин Коновалов. 2023 чылның ӱртӱн айының 10-ҷы кӱнінде ікінҷі срокха табылған. Хакас Республиканың Ӧӧркі Чӧбінің кнезі Сергей Сокол полча.
Муниципальнай пӱдістер хоостыра пӧлiс
Устағ-пастаа паза чирі хоостыра пӧлізі
Хакас Республиканың устағ-пастаа паза чирi хоостыра пӱдізінҷе мындағ устағ-пастаа паза чирі хоостыра единицалар кірчелер[34][35]:
- республика синіндегі 5 город: Ағбан, Абаза, Саяногорск, Сорығ, Харатас,
- 8 аймах, андар кірче:
- 83 аал чӧбі паза 1 поссовет,
- 4 город типтіг посёлок
Республиканың муниципальнай пӱдізі хоостыра 100 муниципальнай пӱдіс тӧстелген, оларның аразында:
- 5 город округы,
- 8 муниципальнай аймах,
- 83 аал чирі (82 аал чӧбі паза 1 поссовет),
- 4 город чирі
Аймахтар паза городтар
| № | Флаг | Герб | Аймах, город | Админ. кіні |
Улии (км²) |
Чон (кізі) |
|---|---|---|---|---|---|---|
| Аймахтар (муниципальнай аймахтар) | ||||||
| 1 | .png){kind=small}
|
_2016.jpg){kind=small}
|
Алтай аймағы | Хубачар аал | 1710,53 | ↘24 000[32] |
| 2 | 
|
|
Асхыс аймағы | Асхыс | 8201,14 | ↗39 651[32] |
| 3 | .png){kind=small}
|
Пии аймағы | Пии | 4536,30 | ↗17 926[32] | |
| 4 | .png){kind=small}
|
.gif){kind=small}
|
Боград аймағы | Тадар Тис аал | 4410,37 | ↘11 497[32] |
| 5 | Орджоникидзе аймағы | Копьёв посёлок | 6610,55 | ↘10 114[32] | ||
| 6 | .png){kind=small}
|
|
Тастып аймағы | Тастып | 19 989,88 | ↗15 679[32] |
| 7 | .png){kind=small}
|
.gif){kind=small}
|
Ағбан пилтірі аймағы | Ағбан пилтірі гтп | 7520,00 | ↗47 971[32] |
| 8 | .png){kind=small}
|
.gif){kind=small}
|
Сыра аймағы | Сыра | 6826,03 | ↘25 027[32] |
| Городтар (город округтары) | ||||||
| I | 
|
.png){kind=small}
|
Абаза | Абаза город | 90,00 | ↘12 272[32] |
| II | 
|
.png){kind=small}
|
Ағбан город | Ағбан город | 112,77 | ↘184 769[32] |
| III | .png){kind=small}
|
|
Саяногорск город | Саяногорск город | 117,49 | ↘56 755[32] |
| IV | .png){kind=small}
|
.png){kind=small}
|
Сорығ город | Сорығ город | 1323,20 | ↘11 023[32] |
| V | .png){kind=small}
|
.png){kind=small}
|
Харатас город | Харатас город | 117,87 | ↗78 111[32] |
Экономика
Промышленностьтың ӧӧн отрасльлары
Регионның экономика тӧстее: гидроэнергетика паза алюминий сығарызы.
Хакасияның энергосистемазына Россиядағы иң килкім Сойан-Сус ГЭС кірче (кӱзі 6400 МВт), Майна ГЭС (кӱзі 321 МВт) паза ӱс ТЭЦ ( тиксі кӱзі 300 МВт).
«Русал» компанияның холындағы Саяногорсктағы паза Хакас алюминий заводтары, «Саянская фольга» ПАО тоғынчалар.
Регионда ідӧк харатас анылча (Разрез «Степной» ООО харатас компаниязы, Харатастағы «Сибирская угольная энергетическая компания» ПАО филиалы, «Кирбинский» харатас разрезі, «Разрез Аршановский» ООО, «Разрез «Майрыхский» харатас компаниязы[36]).
Ӧңніг металлургия предприятиелері аразында «Сорский ГОК» ООО (ферромолибден паза чис концентрады), «Туимский завод по обработке цветных металлов» ООО парлар.
Энергетика
2018 чылның соондағы танығларҷа, Хакасияда кӱзі 7155,7 МВт читкен электростанциялар тоғынғаннар, ол санда 3 чылығ электростанция паза ікі гидроэлектростанция (ол санда Россиядағы иң килкім Сойан-Сус ГЭС электростанция), ідӧк пір кӱн электростанциязы. 2018 чылда олар 29 789 млн кВт·ч электроэнергия пиргеннер[37].
Аал хонии
2021 чылның кӱрген айының 1-ғы кӱніне аалдағы чонның саны 159 833 тиңнелген, Хакасияның 30 % кізізі[38]. 2024 чылның кӱрген айының 1-ғы кӱніне аалдағы чон — 164 302 кізі[39].
Чир-чайаан-климат хоостыра Хакасия Іскеркі Сибирь регионына кірче.
Хакасия — Ӱстӱнзархы Сибирьнін кӱстіг аал хонии районы. Аал хонии производствозының 70 проценті мал ӧскірізіне килісче: хойлар, чоон мӱӱстіг маллар, хустар ӧскірілчелер. Ӧзімнер ӧскірізіне оңдайлар парлар, Хакасияның салылчатхан хыра чирі 257,5 муң га читче.
Аал хонии чирлері (мал хадарҷаң чирлер, хыралар) маллар ӧскірізіне килісчелер. Ӧзімнер ӧскірізінде салылча пуғдай, кӧче, сула, проса. Техническай культураларнаң сал хузуғы, сахар свеклазы одыртылча[40]. Аал хонии чирлеріне регионның улииның 20 % дее читпинче[41].
2020 чылда Хакасияның делегациязы Россиядағы «Золотая осень-2020» агропромышленнай кӧзідігде араласхан паза отрасльның марығларында араласхан ӱчӱн нинҷе-де медаль алған[42].
- Мал ӧскірізі
2021 чылдаң сығара Хакасиядаң Россия Федерациязының хырығ озаринзар 3,5 муң пас ызылған, ӧзізі 8,6 хати ӧс парған. Чоон мӱӱстіг малның 1739 пазы Казахстанның преприятиелерінзер парыбысхан, оларның ӱзінҷі чардығы тӧл салҷаң мал, ідӧк 1083 ат тудынарға паза соғымға парыбысхан. Кыргызстанзар чоон мӱӱстіг малның 569 пазы, Узбекистанзар 187 пас соғымға ызылған[43].
2021 чылның кӱрген айының 1-ғы кӱніне чоон мӱӱстіг мал саны 162,4 муң пасха читкен (−4,1 %), оларның аразында інектер 69,2 муң (−4,2 %), хойларнаң ӧскілер 313,4 муң пас (−0,5 %), сосхалар саны 32,6 муңа читкен (−2,2 %), хус — 602,3 муң пас (+0,1 %).
Пір інек 2020 чылда 4365 килограмм сӱт пирген (+469 кг), таңах 155 нымырха ағылған (296 нымырха 2019)[44].
2020 чылда хоныхта інектең саалған суттің ортымах сині 10,2 литрге читкен (Хызылчар крайында 16,4 литр, Россиядағы ортымах сині 16,9 литр). Саалчатхан інектер саны 10137 пасха читкен[45].
- Ӧзімнер ӧскірізі
2021 чылда тамах сығарызы пастағы кӧдірімінде 173 муң тоннаа тиңнелген, ол санда 163 муң тамах, сығызы 21 ц/га. 91 муң тонна пуғдай сыххан,сула — 65 муң тонна, кӧче —8,3 муң тонна, гречиха —7,2 муң тонна, рапс —10,2 муң тонна, лӧн —2 муң тонна. Ідӧк хырадаң алылған 6,4 муң тонна морковь, свёкла, капуста паза 3,2 муң тонна яблах[46].
| Хыра чирлері: | ||||||||||||
|---|---|---|---|---|---|---|---|---|---|---|---|---|
| чыл | 1990 | 1995 | 2000 | 2005 | 2010 | 2015 | ||||||
| муң гектар | 597,7[47] | 520,3 | 280,9[47] | 199,5[48] | 222,8 | 240,4[48] | ||||||
Транспорт
Республиканың транспорт палғалызына автомобиль, тимір чол, кии транспорттары кірчелер.
- Автомобиль транспорты
Автомобильлер чолының палғалызы иң чахсы аның кінінде, кидеркі паза ӱстӱнзархы-кидеркі чардығында таныхталча. Анзы анда регионның городтары орныхчатханынаң палғалыстығ.
Хакасияҷа Р-257 «Енисей» федеральнай трасса иртче, андар Ағбан хыринда 95К-002 Ағбан — Ах Тобырах регион чолы пірікче. Автомобильлер чолларының иң чахсы чирлері: Ағбан — Саяногорск, Ағбан — Пии, Ағбан — Абаза, Ағбан — Сорығ, Тадар Тис — Сыра — Копьёв, Копьёв — Приисковай.
Хакас Республиканың автомобильлер чолының тиксі узуны 7011,57 тиңңелче, ол санда: регион синіндегі паза муниципалитеттер аразындағы автомобильлер чоллары 2 749,6 км, ідӧк «Тываавтодор» ГКУ-ның устаандағы 138,9 км чол, федеральнай синдегі автомобильлер чолы — 186,1 км, орындағы синдегі чоллар — 4062,54 км[16].
Улуғ нимес ааллардағы автомобильлер чоллары ӧӧнінде — чир чоллары.
Прай хонҷых регионнарнаң городтар аразындағы автобустар палғалызы пар: Хызылчар крайы, Тыва, Кемеров облазы, Новокузнецк, Алтай крайы паза Алтай Республика. Новосибирсксер паза Томсксар маршруттар парлар.
Городтар аразындағы палғалыста атвобустар, маршрут таксилері паза кізілер араласчалар. Чайғыда Ағбан — Сыра, Ағбан — Сорығ ( «Туманный» санаторийге читіре) чолда чон кӧп чӧрче.
- Тимір чол транспорты
Тимір чол транспорты таарлағ тартча паза пассажирлерге кӧріл парған. Хакас Республиканың тимір чолға килісчеткен пассажирлер чӧрізі 79 % читче, таарлаға — 99 %[16].
Хакасияның столицазында Ағбан тимір чол станциязы орныхча[16].
Хакасияның тимір чол палғалызы Хызылчардағы тимір чолның Ағбан регионына кірче.
Ағбаннаң тимір чол палғалызы пар мындағ чолларҷа: Ағбан — Новокузнецк — Барнаул, Ағбан — Москва, Ағбан — Хызылчар[16].
Электрифицированнай участоктар парлар (Ағбан — Калтас), электрифицированнай ниместер парохтар: Тигей — Копьёв, Асхыс — Абаза, Писхамҷы — Тӧӧ пазы.
Республикаҷа 659/660 № Ағбан (город)Ағбан — Хызылчар ( Ачинск ӧтіре), 675/676 № Ағбан — Барнаул (Писхамҷы ӧтіре), ыраххы чорыхтығ 67/68 № Ағбан — Москва поездтер (Ачинск, Омск, Екатеринбург ӧтіре);
Ағбаннаң хаптырылчатхан вагоннарда Иркутсксар, Тайшетсер паза Адлерзер чидіп аларға чарир.
Тигей — Копьёв паза аннаң андар Ужур, Ачинск тимір чол участогы ікі тимір чолны піріктірче: Транссиб паза Южсиб (Тайшет — Ағбан — Новокузнецк — Артышта — Барнаул — Кулунда — Павлодар — Астана — Тобол — Карталы — Магнитогорск). Писхамҷы станция ідӧк тимір чол узелі полча. Саяногорск город тимір чол палғалызынаң Ӧӧк пилтірі станция хоостыра палғалысча.
- Авиатранспорт
Хакасияда чоннар аразындағы аэропорт тоғынча. Ағбаннаң сала тастыхти Тазоба пилтірінде турча.
Аэропорт 1974 чылда тоғын сыххан, халғанҷы тыхтағ тоғыстары 2016 чылда апарылғаннар[16].
Самолеттар Москва, Норильск, Новосибирск, Томск, Хызылчар городтарсар учухчалар[49].
- Суғ транспорты
География паза климат оңдайлары хоостыра, Хакас Республикада суғ транспорты тиліп полбаан[16].
Суғ тирең нимес, чалбаа асхынах[16].
Хакасиядағы наука паза ӱгредіг
Ағбанда Хакасияның тіл, литература паза тархын наука-істезігліг институды, Хакас хазна университеді, Сибирьдегі федеральнай университеттің филиалы Хакасиядағы техническай институт, Современнай гуманитарнай академияның Ағбандағы пӧлии, Ӱгредігні тилітчең паза тоғыс синін кӧдірҷең хакас институды, Хакасиядағы политехническай колледж, Профессиональнай технологиялар, экономика паза сервис колледжі орныхчалар.
Культура
Ағбан — Хакасияның культура кіні. Мында тоғынчалар Л. Р. Кызласовтың адынаң хакас чонның чир-суғ ӱгренҷең музейi, Н. Г. Доможаковтың адынаң Хакас Республиканың национальнай библиотеказы В. Г. Чаптыковтың адынаң Хакас Республиканың филармониязы, С. П. Кадышевтің адынаң культура паза чон чайаачызы кіні, Ағбандағы хоостар галереязы, Ағбандағы чииттер ӧргезі, «Чиңіс» город культура кіні, Тимір чолҷыларның культура туразы.
Ағбанда ӱс драма театры тоғынча: Орыс драма театры, Хакас драма театры, Читіген кӧг паза драма театры. «Нымах» кӧклӧлер театры пар.
Хакас мӱчелі хоостыра таныхталчатхан Тун пайрам, Чыл пазы ӱлӱкӱннерінең пасха хакас чонның оңдайын[50] «Мисс Абахай» абахайлар марии кӧзітче.
Ікі чыл пазынаң кӧклӧлер театрларының «Чир Чайаан» фестивальы иртче.
Хабарлар таратчаң пірігістер
- Республикадағы телевизионнай сеть («РТС» телеканал);
- «Хакасия» республика газетазы;
- «Хакас чирі» республика газетазы;
- телестудия «Хакасия» ГТРК;
- «Новая Хакасия» искіріг агенствозы;
- «Абакан» медиахолдинг (газета, радио, телеканал «Абакан 24»);
- «Правда Хакасии» (Хакасского РО КПРФ органы);
- «Хакасия Информ» хабарлар агенствозы;
- Агентство деловой информации;
- «Юг Сибири» медиа-группа;
- «Шанс» газета;
- «Пятница» газета;
- «Рекламный курьер» газета;
- «Новый Фокус» интернет-журнал;
- «Стройка в Хакасии» журнал;
- «Черногорск-Информ» медиахолдинг (газета, радио, телеканал)
Ідӧк кӧріңер
Алған орын
- ↑ https://data.iana.org/time-zones/tzdb-2021e/europe
- ↑ Валовой региональный продукт по субъектам Российской Федерации в 1998-2018гг. (xls). Росстат.
- ↑ Валовой региональный продукт по субъектам Российской Федерации в 1998-2018гг. (xls). Росстат.
- ↑ Валовой региональный продукт по субъектам Российской Федерации в 1998-2018гг. (xls). Росстат.
- ↑ Валовый региональный продукт на душу населения по субъектам Российской Федерации в 1998-2018гг. MS Excel документ
- ↑ Валовый региональный продукт на душу населения по субъектам Российской Федерации в 1998-2018гг. MS Excel документ
- ↑ Конституция Республики Хакасия, ст. 69.
- ↑ https://rosstat.gov.ru/storage/mediabank/OkPopul_Comp2024_Site.xlsx
- ↑ Конституция Российской Федерации. Ст. 5, пп. 1, 2. Дата обращения: 28 Кічіг хырлас айы 2019. Архивировано 14 Азығ айы 2022 года.
- ↑ Самойлова Г.С., Горячко М.Д., Торбостаев Т.М., Прокинова А.Н., Кызласов И.Л., Павлинов П.С. Хака́сия / председ. Ю.С. Осипов и др.. — Большая Российская Энциклопедия (в 35 т.). — Москва: Научное издательство «Большая российская энциклопедия», 2017. — Т. 33. Уланд - Хватцев. — С. 716—723. — 798 с. — 35 000 экз. — ISBN 978-5-85270-370-5. Архивная копия от 24 Сілкер айы 2019 на Wayback Machine
- ↑ 1 2 3 4 5 Общие сведения - Правительство Республики Хакасия. r-19.ru. Дата обращения: 14 Кӧрік айы 2022. Архивировано 5 Чарыс айы 2021 года.
- ↑ Очерки истории Хакасии (с древнейших времён до современности) / гл. редактор В. Я. Бутанаев. — Абакан: Издательство ХГУ им. Н. Ф. Катанова, 2008. — С. 247—255.
- ↑ Бутанаев. Бутанаев. Дата обращения: 12 Ӱртӱн айы 2019. Архивировано 31 Орғах айы 2019 года.
- ↑ Закон Республики Хакасия от 29.01.1992 № 1 «Об изменении наименования Хакасской Советской Социалистической Республики в составе Российской Федерации». Дата обращения: 2 Кӱрген айы 2017. Архивировано из оригинала 13 Кӱрген айы 2016 года.
- ↑ На новый гимн Хакасия потратила восемь лет. Дата обращения: 11 Азығ айы 2015. Архивировано 11 Азығ айы 2015 года.
- ↑ 1 2 3 4 5 6 7 8 9 10 11 12 13 14 15 16 Республика Хакасия. Общая информация. nbcrs.org. Дата обращения: 14 Кӧрік айы 2022. Архивировано 16 Хосхар айы 2025 года.
- ↑ Проект государственной программы "Развитие лесного комплекса Республики Хакасия" на 2015-2020 годы. - Министерство природных ресурсов и экологии. Дата обращения: 8 Хандых айы 2022. Архивировано 20 Кӱрген айы 2022 года.
- ↑ Месячные и годовые суммы выпавших осадков, средние месячные и годовые температуры воздуха в Абакане по результатам наблюдений
- ↑ Республика Хакасия. Дата обращения: 17 Сілкер айы 2022. Архивировано 29 Кічіг хырлас айы 2021 года.
- ↑ Численность постоянного населения Российской Федерации по муниципальным образованиям на 1 января 2023 года (с учётом итогов Всероссийской переписи населения 2020 г.). Федеральная служба государственной статистики (18 августа 2023). Дата обращения: 23 августа 2023.
- ↑ Численность населения по полу по субъектам Российской Федерации на 1 января 2022 года (с учётом итогов Всероссийской переписи населения 2020 г.). Федеральная служба государственной статистики (30 декабря 2022). Дата обращения: 16 января 2023.
- ↑ Переписи населения Российской империи, СССР, 15 новых независимых государств. Дата обращения: 19 Хосхар айы 2013. Архивировано 14 Сілкер айы 2011 года.
- ↑ Тома официальной публикации итогов Всероссийской переписи населения 2010 года. Дата обращения: 28 Кічіг хырлас айы 2019. Архивировано из оригинала 29 Хандых айы 2020 года.
- ↑ Демоскоп Weekly — Приложение. Справочник статистических показателей. Дата обращения: 19 Хосхар айы 2013. Архивировано 21 Ӱртӱн айы 2013 года.
- ↑ Демоскоп Weekly — Приложение. Справочник статистических показателей. Дата обращения: 19 Улуғ хырлас айы 2009. Архивировано 5 Кӱрген айы 2012 года.
- ↑ Демоскоп Weekly — Приложение. Справочник статистических показателей. Дата обращения: 19 Улуғ хырлас айы 2009. Архивировано 5 Кӱрген айы 2012 года.
- ↑ Демоскоп Weekly — Приложение. Справочник статистических показателей. Дата обращения: 19 Улуғ хырлас айы 2009. Архивировано 19 Кӱрген айы 2012 года.
- ↑ Демоскоп Weekly — Приложение. Справочник статистических показателей. Дата обращения: 19 Улуғ хырлас айы 2009. Архивировано 23 Ӱртӱн айы 2011 года.
- ↑ Демоскоп Weekly - Приложение. Справочник статистических показателей. www.demoscope.ru. Дата обращения: 6 Хандых айы 2019. Архивировано 6 Кічіг хырлас айы 2018 года.
- ↑ Всероссийская перепись населения 2002 года. Дата обращения: 19 Улуғ хырлас айы 2009. Архивировано 20 Ӱртӱн айы 2011 года.
- ↑ Информационные материалы об окончательных итогах Всероссийской переписи населения 2010 года. Дата обращения: 28 Кічіг хырлас айы 2019. Архивировано из оригинала 1 Азығ айы 2012 года.
- ↑ 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более. Итоги Всероссийской переписи населения 2020 года. На 1 октября 2021 года. Том 1. Численность и размещения населения (XLSX).
- ↑ Конституция Республики Хакасия. Гарант. Дата обращения: 18 апреля 2017. Архивировано 19 апреля 2017 года.
- ↑ Закон «Об административно-территориальном устройстве Республики Хакасия». Дата обращения: 26 Сілкер айы 2017. Архивировано 13 Кічіг хырлас айы 2018 года.
- ↑ Конституция Республики Хакасия. Дата обращения: 26 Сілкер айы 2017. Архивировано 19 Ӱртӱн айы 2016 года.
- ↑ Угольные компании Республики Хакасия. https://uglevodorody.ru.+Дата обращения: 16 Хосхар айы 2025.
- ↑ Схема и программа перспективного развития электроэнергетики Республики Хакасия на 2020–2024 годы. Правительство Республики Хакасия. Дата обращения: 1 Азығ айы 2020. Архивировано 1 Азығ айы 2020 года.
- ↑ Население России по регионам. Дата обращения: 16 Сілкер айы 2021. Архивировано 4 Сілкер айы 2021 года.
- ↑ Численность населения Республики Хакасия по полу и возрасту на 1 января 2024 года. Дата обращения: 16 Хосхар айы 2025.
- ↑ Республика Хакасия.. Комментарии : LiveInternet — Российский Сервис Онлайн-Дневников
- ↑ Региональная пресса" Республика Хакасия. Дата обращения: 7 Улуғ хырлас айы 2010. Архивировано из оригинала 10 Чарыс айы 2010 года.
- ↑ Объявлены победители конкурса «За производство высококачественных кормов и кормовых добавок» - Золотая осень, Золотая осень - Выставка (8 Чарыс айы 2020). Дата обращения: 14 Кічіг хырлас айы 2024.
- ↑ За 9 месяцев 2021 года из Хакасии экспортировали более 3,5 тысячи голов крупного рогатого скота и лошадей. Дата обращения: 2 Кічіг хырлас айы 2021. Архивировано 2 Кічіг хырлас айы 2021 года.
- ↑ Госкомстат. Социально-экономическое положение Республики Хакасия 2021. Дата обращения: 16 Сілкер айы 2021. Архивировано 18 Ӱртӱн айы 2021 года.
- ↑ OПЕРАТИВНАЯ ИНФОРМАЦИЯ ПО НАДОЯМ И РЕАЛИЗАЦИИ МОЛОКА. Дата обращения: 14 Кӱрген айы 2021. Архивировано 14 Кӱрген айы 2021 года.
- ↑ В Хакасии завершили уборку урожая 1.11.2021. Дата обращения: 2 Кічіг хырлас айы 2021. Архивировано 2 Кічіг хырлас айы 2021 года.
- ↑ 1 2 Госкомстат России. Растениеводство. 14.1 Посевные площади всех культур // Регионы России. Социально экономические показатели. 2002. — Москва, 2002. — С. 490. — 863 с. — 1600 экз. — ISBN 5-89476-108-5. Архивная копия от 19 Хосхар айы 2019 на Wayback Machine Архивированная копия. Дата обращения: 28 Кічіг хырлас айы 2019. Архивировано из оригинала 19 Хосхар айы 2019 года.
- ↑ 1 2 Федеральная служба государственной статистики. Растениеводство. 14.5 Посевные площади сельскохозяйственных культур // Регионы России. Социально экономические показатели. 2016. — Москва, 2016. — С. 726. — 1326 с. — ISBN 978-5-89476-428-3. Архивная копия от 24 Чарыс айы 2018 на Wayback Machine
- ↑ Международный аэропорт Абакан перешел под управление красноярцев Архивная копия от 9 От айы 2021 на Wayback Machine Городские новости, 8 апреля 2021 года
- ↑ Праздник урожая в Абакане Архивная копия от 4 Чарыс айы 2021 на Wayback Machine газета «Хакасия», 2 октября 2021 года
Ссылкалар
- Верховный Совет Республики Хакасия
- Официальный портал исполнительных органов власти Республики Хакасия
- Законодательство Республики Хакасия
- Республика Хакасия в справочнике-каталоге «Вся Россия»
. Архивировано из оригинала 2 Кӧрік айы 2008 года.
 | |
|---|---|
| В библиографических каталогах |
| Городтар | |
|---|---|
| Аймахтар | |
 | ||
