Разрез Майрыхский
| Разрез Майрыхский | |
|---|---|
 | |
 Хакасияда Пиидегі хара тастығ чирдең хара тасты тартары | |
| Тип | хызырылған нандырығлығ пірігіс[d] |
| Тӧстелгені | 2013 |
| Орныхханы | |
| Ӧӧн кізілер | Иван Морозов, директор |
| Отрасль | хара тас аниры[d] |
| Парыс | ▼ 4,27 млрд салковай (2024) |
| Арығ парыс | ▼ 588,72 млн салковай (2024) |
| Сайт | mayrykh.ru |
«УК „Разрез Майрыхский“» ООО — Россияның хара тас компаниязы, Хакасиядағы паза Россиядағы иң улуғ аныҷаң предприятиелернің пірсі. Толдыра юридическай ады — «Угольная компания „Разрез Майрыхский“» хызырылған нандырығлығ пірігіс. Компанияның штаб-квартиразы Хакас Республиканың Алтай муниципальнай аймаанда орныхча[1].
Тархын
«УК „Разрез Майрыхский“» ООО 2013 чылның кічіг хырлас айында пічікке кирілген. 2014 чылда компания Пиидегі хара тастығ чирнің «Майрыхский» участогында хара тасты істезерге паза анирға лицензия алған, 2015 чылда хара тастың пастағы партияларын таарлаан[2].
2016—2017 чылларда хара тас разрезінде производство инфраструктуразының ӧӧн объекттерінің пӱдірии тоозылған (ол санда тағ транспортының участогының тиріглері). 2017 чылның сілкер айында компания хара тастың пастағы миллион тонназын анып алған, улуғ хырлас айында чылда 1,8 млн тонна аныҷаң синге читкен. Олох чылда «Разрез Майрыхский» Пос алынҷа нефть паза газ компаниязының пазы Эдуард Худайнатов устапчатхан «Коулстар» холдингтің холына кірген[2][3].
2018—2019 чылларда лицензиялығ участокта пір хоныхта 14,4 муң тонна пірге кӱстіг хара тасты пайытчаң ікі установка тузаланысха кирілген[2].
2021 чылда «Разрез Майрыхский» тоғынып пастааннаң, 15 миллион тонна хара тас сығарған, чыл сай аныҷаң сині 4,8 млн тоннаа читкен. Олох чылда «Коулстар» хара тас компаниязының 100 % піріктірібіскен[2][4].
2022 чылда «Коулстар» хакас хара тас активін пирібіскен наа ээлерге — «Руды Хакасии» компанияның ээзі полған Александр Бородаевке паза Хакасияның экология министрі полған Борис Варшавскийге[4].
2023 чылның хандых айында «Разрез Майрыхский» Россияның топливо-энергетика комплекзінің пасха предприятиелерінің санында США-ның санкциялар изерізіне кирілген. Американың санкцияларына ідӧк компанияның ээлері кір парғаннар. Олох чылның ӱртӱн айында разрезтің ээзі алыс парарға паза Александр Бородаевнең Борис Варшавский компанияның тӧстегҷілер санынаң сых парарға айабас тіп искіріг сыххан[5][6].
2024 чылның ӱртӱн айында компания Хакасиядағы «Чалпан-4» хара тастығ чирні паза «Ачминдор» участокты тоғындырар правоға аукционда аралазарға пічік пирген. Олох чылның улуғ хырлас айында ирткен садығларда СУЭК-тың «Восточно-Бейский разрез» ООО-ның пӧлік пӱдізіне утыр салған[7][8].
Кирее
«Разрез Майрыхский» компания Пиидегі хара тастығ чирнің лицензиялығ ікі участогында хара тас аныпча, аның хойнында хакас хара тас аныҷаң промышленностьха иң улуғ проект — Пиидегі хара тас кластері — чуртасха кирілче[3][9].
Компанияның финанс паза хоных киреенің иң пӧзік сині 2021 чылға киліс парған, андада парыс 24,57 млрд салковай полған, арығ парыс, тізең, 6,93 млрд салковай. Мыннаң мындар пу кӧзідімнер тӱс сыхханнар, 2022 чылда 22,32 млрд паза 6 млрд салковай, 2023 чылда — 11,43 млрд паза 1,52 млрд салковай, 2024 чылда-4,27 млрд паза 588,72 млн салковай[10].
2022 чылның кӧрік айынаң сығара ООО-ның устағҷызының тоғызын Иван Морозов апарча[11].
Санкциялар
- 2023 чылның хандых айынаң сығара компания США-ның санкциялар изерізіне кирілген.
Алған орын
- ↑ ООО «УК „Разрез Майрыхский“», проверка по ИНН 1901116203. Audit-it.ru. Дата обращения: 10 Хандых айы 2026.
- ↑ 1 2 3 4 О компании: история, руководство, новости | Разрез Майрыхский Хакасия, Mayrykh.ru. Дата обращения: 10 Хандых айы 2026.
- ↑ 1 2 Худайнатов передал бывшим совладельцам "Коулстара" угольный разрез в Хакасии, Interfax.ru (22 Азығ айы 2022). Дата обращения: 10 Хандых айы 2026.
- ↑ 1 2 Плетнёва, Ирина. Разрез «Майрыхский» сменил собственника, Сибирский экономист (28 Азығ айы 2022). Дата обращения: 10 Хандых айы 2026.
- ↑ Татьяна Дятел, Евгений Зайнуллин. В санкции подбросили топлива, Коммерсантъ (12 Хандых айы 2024). Дата обращения: 10 Хандых айы 2026.
- ↑ Александр Рыков. Разрез «Майрыхский» меняет собственника? Пульс Хакасии (4 Ӱртӱн айы 2024). Дата обращения: 10 Хандых айы 2026.
- ↑ Лолита Белова. Две федеральные компании участвуют в аукционе угольных месторождений в Хакасии, Коммерсантъ (19 Ӱртӱн айы 2024). Дата обращения: 10 Хандых айы 2026.
- ↑ Лолита Белова. Структура СУЭК выиграла аукцион на угольное месторождение Чалпан-4 в Хакасии, Коммерсантъ (4 Улуғ хырлас айы 2024). Дата обращения: 10 Хандых айы 2026.
- ↑ Разрез Майрыхский. In-power.ru. Дата обращения: 10 Хандых айы 2026.
- ↑ ООО «УК «Разрез Майрыхский». РБК Компании. Дата обращения: 10 Хандых айы 2026.
- ↑ ООО «УК «Разрез Майрыхский». Checko.ru. Дата обращения: 10 Хандых айы 2026.
Литература
- Угольная промышленность Хакасии / под ред. В. И. Леонова. — Абакан: Хакасское книжное издательство, 2020. — 280 с.
- Кузнецов С. А. Энергетика Сибири: современное состояние и перспективы. — Новосибирск: Наука, 2021. — 312 с.
Ссылкалар
- Официальный сайт ООО «УК „Разрез Майрыхский“»
- СПАРК-Интерфакс: ООО «УК „Разрез Майрыхский“»