Город культура кіні (Ағбан)

«Чиңіс» город культура кіні
	Достопримечательность
«Чиңіс» город культура кіні
	53°43′17″ с. ш. 91°26′24″ в. д.GЯO
Хазна	Россия
Тӧстелген кӱні	1944 ч.
Сайт	победа.абакан.рф

Муниципальнай культура бюджет учреждениезі «„Чиңіс“ город культура кіні» (орыс. Муниципальное бюджетное учреждение культуры «Городской центр культуры „Победа“») — Хакас Республиканың иң иргі культура учреждениезі, Ағбандағы пастағы кинотеатр.

Тархын

Ағбандағы пастағы кинотеатрның проектін 1939 чылда архитектор В. П. Калмыков (орыс) (рус. тимнеп салған. Пастағы теезі чаа чылларында пӱдіріл парған, 1944 чылның улуғ хырлас айында кинотеатрның кӧрігҷілер залы тоғын сыххан.

1950 чылда Ағбанзар кинорежиссёр Иван Пырьев (орыс) (рус. килгенде, кинотеатрның ікінҷі теезінің пӱдірии табырах пар сыххан. Ол Хакас автоном облазынаң Нациялар чӧбінің депутадына табылған, «Чиңіс» кинотеатрда позының фильмнерін кӧзіткен, «Кубанские казаки» фильмінің тун кӧзідии ирткен. 1951 чылда кинотеатр читіре пӱдіріл парған^[1]. Зданиенің балконында ӱс фигуралығ скульптура группазы турғызылған.

Пола-пола «Чиңіс» кинотеатр культура-тынағ кініне айлан парған. Кинотеатрның фойезінде артисттерге чон алнына сыхчаң орын тимнелген. Мында удаа саблығ актёрларнаң тоғызығлар иртчеңнер. 1980 чылларда К. Лавров, Л. Хитяева, М. Глузский, Н. Бурляев, И. Старыгин, Л. Дуров паза пасхазы сцена сыххан.

1996 чылның кӧрік айының 11-ҷі кӱнінде кинотеатр «Чиңіс» город культура кініне айландырылған. Мында мастер-класстар, чайаачы иирлер, кӧзідіглер, ойыннар, чон чайаачызы ӧмелерінің ойыннары иртчелер. Культура кінінің специалисттері аймах мероприятиелер иртірчелер^[2].

«Чиңіс» здание городтың архитектуразында алынҷа орында турча, «совет ампирі» оңдайынҷа пӱдірілген тура полча. Аның тастындағы кӧрімі, істіндегі чазалғаны город чуртағҷыларының паза аалҷыларның хайиин тартча. Ағбанның чапсых орыннарының пірсі полча тирге чарир.

Устағ-пастағ

«Чиңіс» культура кінінің устағҷызы — Алексей Николаевич Петриченко (2025 чылның ӱртӱн айынаң сығара)^[3].

Алған орын

↑ Белоусова Лидия. 2 // По улицам, длиною в жизнь. Страницы истории первых улиц города в 1925—1960 годы (орыс). — Абакан, 2018. — 226 с.
↑ Городской центр культуры «Победа» (рус.). Абаканский городской портал. Дата обращения: 24 Улуғ хырлас айы 2025.
↑ Абаканский центр культуры «Победа» возглавил менеджер с актерским опытом (рус.). mk-hakasia.ru (16 Ӱртӱн айы 2025). Дата обращения: 14 Кӱрген айы 2026.

Литература

Абаканский городской центр культуры «Победа» // Энциклопедия Республики Хакасия. — Т. I. — Абакан, 2007. — С. 12.
Казанцев Константин Отрочество юбиляра (воспоминания о «Победе») // Журнал «Абакан». — 2011. — № 3. — С. 7-11.
Анненко Алексей Предпочитаю Абакан. — Абакан: Бригантина, 2016. — С. 61-62.
Белоусова Лидия По улицам, длиною в жизнь. Страницы истории первых улиц города в 1925—1960 годы. Часть II. — Абакан, 2018. — С. 218—232.

Ссылкалар

Летопись кинотеатра «Победа» (рус.). Сайт ГЦК «Победа». Дата обращения: 24 Улуғ хырлас айы 2025.
Городской центр культуры «Победа» (рус.). Культура РФ. Дата обращения: 24 Улуғ хырлас айы 2025.
Виктор Мельников. Время «Победы». «Шанс» – о рождении, жизни и увядании первого абаканского кинотеатра (рус.). Шанс (6 Улуғ хырлас айы 2018). Дата обращения: 24 Улуғ хырлас айы 2025.
ГЦК «Победа» (рус.). Абакан сегодня. Дата обращения: 24 Улуғ хырлас айы 2025.

[1] Белоусова Лидия. 2 // По улицам, длиною в жизнь. Страницы истории первых улиц города в 1925—1960 годы (орыс). — Абакан, 2018. — 226 с.

[2] Городской центр культуры «Победа» (рус.). Абаканский городской портал. Дата обращения: 24 Улуғ хырлас айы 2025.

[3] Абаканский центр культуры «Победа» возглавил менеджер с актерским опытом (рус.). mk-hakasia.ru (16 Ӱртӱн айы 2025). Дата обращения: 14 Кӱрген айы 2026.

[1]

[2]

[3]