Саяногорск

Рувики тiп сайттаң
Город
Саяногорск
Наа Сойан Тура
SAYANOGORSK VUE GEN VILLE.jpg
Флаг Герб
Флаг Герб
53°06′ с. ш. 91°24′ в. д.GЯO
Хазна  Россия
Федерация субъекті Хакасия
Город округы Саяногорск город
Iстiндегi пӧліс 10 микрорайон
Пазы Молодняков Евгений Иванович
Тархын паза география
Тӧстелген 1830 чылда
Алнындағы аттар 1975 теере — Означенное
Город с 1975 чылдаң сығара
Улии 19 км²
Кін пӧзии 300 м
Час хуры UTC+7:00[d]
Чон
Чон ↘44 872[1] кізі (2021)
Плотность 2361,68 кізі/км²
Чоннар хакастар (0,99%), орыстар (87,50%), украиннер (1,65%)
Киртiнiстер православие паза пасхазы
Сан идентификаторы
Телефон коды +7 39042
Почта индекстерi 655602, 655603
ОКАТО коды 95408
ОКТМО коды 95708000001
sayan-adm.ru
Саяногорск (Россия)
Точка
Саяногорск
Red pog.svg
Москва
Логотип РУВИКИ.Медиа Медиафайлы на РУВИКИ.Медиа

Саяногорск (1975 чылға теере — Означенное аал), (ідӧк Наа Сойан Тура[2]) — Россиядағы Хакасияның городы. Саяногорск город округының устағ-пастағ кіні . Улии паза чуртағҷылар санын хоостыра регионда ӱзінҷі орында турча. Чон саны 44 872[1] кізі (2021).

Этимология

XVIII чӱс чыл пасталчатханда Ким суғның ойында «Соян туразын» (Саянский острог) пӱдірері кӧріл парған. Анзы чуртасха кирілбеен, аның орнында пол килген аал Означенное адал парған. 1975 чылда аал «Саяногорск» город пол парған[3].

Физика паза география саринаң чарыдығ

Орныхханы

Город Ким суғның сол хазында, Ағбаннаң ӱстӱнзарыхсар 80 км, Хамыстығ тимір чол станциязынаң іскер 45 км оортах чирде, орныхча.

Рельеф

Город чазы чирде турча, Кічіг Карак, Улуғ Карак, Ымай тас, Нымырттығ посёлоктар паза Богословка аал тағлар аразында паза тайға чирінде орныхчалар.

Час хуры

Саяногорск город МСК+4 час зоназында орныхча. Тузаланылчатхан тус Тиксі тилекейдегі тустаң тиңнестірзе, +7:00 чылдырылча[4].

Тархын

6 ноябрьда 1975 чылда тӧстелген. Ол туста XIX чӱс чылдаң сығара полған Означенное аалда Соян-СУС ГЭС паза Саяногорсктағы алюминий заводы пӱдірілгеннер.

Ким хырғыстарының Ымай-тура крепозы Ким суғ хазынҷа Хакас-Минсуғ ойымына чолны чапхан. Аның орнында Иргі Сойан-тура тӧстелген. XVIII чӱс чылның пастағы чылларында Сибирьде наа чирлерні чаалиры тохтадылған, аннаңар Кимдегі казактарның чаа кирее Ағбандағы чазызар кӧзірілген. Анда тайға паза чазы аразында наа хырығ чолы пол килген.

Означенного аалның наа тархыны Соян-Сус ГЭС пӱдірии пасталғанынаң палғалыстығ. 1965 чылда ырах нимес ӱр нимеске пӱдірігҷілернің посёлогы пӱдіріл сыххан. 1968 чылда чоон панельлернең иділген пис хадыллығ туралар кӧдіріл сыххан. Инфраструктура объекттері тимнел сыхханнар, посёлок чӧбі тӧстелген. 1970 чылларда пӱдіріг кирее уламох алғыдылған. 1973 чылда «Саянмрамор» комбинат пос иткен ниме-нооларын сығар сыххан. Ол мраморнаң гранитті аныпчатхан Кибик-Кордонск паза Соян чирлернің хойнында тоғынған.

Соян-Сус ГЭС-тың пӱдірии город чирі тиліп сыххан: хысхаҷах тус аразына Нымырттығ (пӱдірігҷілер посёлогы) паза Означенное (аал полған орында) посёлоктар пӱдірілгеннер. Олар Ымай тас город типтіг посёлокнаң хада 1975 чылда Саяногорск городтың тӧстее полыбысханнар.

Устағ-пастағ хоостыра пӧліс

Саяногорск 10 кічіг районға чарылча:

  • 1 и 2 — Енисейскай;
  • 3 и 4 — Заводской;
  • 5 — Комсомольск;
  • 6 — Ӱстӱнзархы;
  • 7 — Советскай;
  • 8 — Интернациональнай;
  • 9 — Ленинградскай;
  • 10 — Центральнай.

Ідӧк Ай-Дай, Геологов, Усадьба, Летник, КСРЗ посёлоктар парлар.

Город ӱлӱкӱні

Городтың ӧӧн пайрамы Металлург кӱні саналча. Ол от айының ӱзінҷі позырағында таныхталча. Пайрамда кибірли Россия эстрадазының чылтыстары араласчалар.

Хабарҷылар пірігістері

Газеталар

Саяногорскта читілек сай сыхчатхан искіріг сығарыстары парлар: «Твоя среда», «Саяногорский курьер», «Саянские ведомости», «Каратош».

Культура

Городта «Альянс» кинотеатры пар, андар 2 зал кірче. Чайаачы кӧзідіглер, ойыннар МАУ «Визит», «Энергетик» (Нымырттығ посёлок) культура ӧргелерінде, олғаннарның чайаачызы кінінде иртчелер.

Чир-суғ ӱгренҷең музей

Музей чыындызына 29185 аймах ниме-ноо кірче. Экспонаттарның чардығы кӧзідіг залларында орныхчалар.[5]

Библиотекалар

Саяногорсктағы библиотека системазына 6 библиотека кірче:

  • ӧӧн библиотека,
  • ікі олған библиотеказы,
  • Нымырттағы сӧбіре библиотеказы,
  • «Майнскай» библиотека,
  • «Радуга» библиотека,
  • «Родник» библиотека

Пастағы библиотека 1948 чылда Пии аймаандағы Означенное аалда тӧстелген 1970 чылда город синіндегі пол парған, 1966 чылда Ымай таста библиотека азылған. 1969 чылда — Нымырттығда.

Ӱгредіг

Городта 9 тиксі ӱгредіг школазы, лицей, Саяногорсктағы политехническай техникум, «СТЭМИ» техникум тоғынча. Нымырттығда Сибирьдегі федеральнай университеттің Соян-Сус филиалы пар.

Экономика

Саяногортағы алюминий заводы

Промышленность

Городтың ӧӧн промышленность предприятиелері:

  • Саяногортағы алюминий заводы (1985 чылдаң сығара);
  • «Русал Саянал» завод (1995 чылдаң сығара);
  • Хакас алюминий заводы (2006 чылның улуғ хырлас айынаң сығара);
  • «Отделение временной эксплуатации» АО;
  • «Россети» ПАО филиалы — «ФСК ЕЭС „Хакасское“ ПМЭС Сибири»;
  • «Промстрой» ООО компания;
  • «Саянмолоко» завод.

Энергетика

  • Соян-Сус ГЭС (1-гы гидроагрегат 18 декабрьда 1978 чылда позыдылған),
  • Майнадағы ГЭС.

Туризм паза тынағ

Город округының чирінде «Гдаленькая» саналығ чылҷаң курорт, «Жарки» спорт паза хазых пиктеҷең кіні, «Металлург» санаторий-профилакторий тоғынча.

Гостиницалар

Городта ӱс чылтыстығ «Саяногорск» отель, Бабик ойда орныхчатхан «Гладенькая» спорт отельі пар. Нымырттығда «Борус» гостиница тоғынча. Ымай таста «Прима» гостиница пар. 2016 чылда автовокзалда «Енисей» гостиница азылған.

Чапсых орыннар

Транспорт

Саяногорск город округының істінде автобустарның мындағ маршруттары чӧрчелер:

  • 4, 5/2 паза 5 Саяногорск — Ай-Дай,
  • 6 Саяногорск — Большой Карак,
  • 2 и 2А Саяногорск — Нымырттығ,
  • 1 посёлок КСРЗ (Пӱдірҷең-сайалҷаң туралар комбинады) — Геологи.
  • 114 Саяногорск — Сизая

Ідӧк городта онарлап такси службазы тоғынча[6].

Городта автовокзал пар, аннаң «Саян-Экспресс» компанияның городтар аразындағы автобустары Ағбанзар паза Хызылчарзар парчалар.

Городтаң ідӧк Пии, Солбы, Хаал, Новотроицкай, Новоенисейка, Очыр, Новониколаевка аалларзар, Абазазар, Шушенскайзар, Сизаязар, Асхыссар чидерге чарир.

Мының алнында городтаң алтынзарых аэропорт тоғынған, аннаң Хызылчарзар паза Кызылзар учуғарға чарир полған, че 1990 чылларда, парыс чох пол парып, прай рейстер тохтадылғаннар, аэровокзал туразы сайал парған. Ӱр дее полбаанда, аэропорт чирінде пӱӱнгі кӱнге теере тоғынчатхан «Витязь» авиаклуб азылған.

Саяногорсктың Ағбаннаң паза Минсуғдаң автомобиль палғалызы пар.

ДПСаАЗ-0001 дизель-поезд Предзаводскай станцияда (жарг.: Мотаня)

Городсар палғалыстығ нимес ікі тимір чол чатча: Хамыстығ — Саяногорск (таарлағ) паза Предзаводская — Саяногорск (пассажир, город паза Саяногорсктағы алюминий заводы аразында пассажирлер тартар ӱчӱн не тузаланылча). Саяногорсктың ырах пассажир тимір чол чӧрізі чоғыл.

Россияа удаа тоғаспинчатхан оңдай город істіндегі тимір чол транспорты полча. Городтағы пассажир дизель-поезд кӱнде 8-9 хати город паза чуртаҷаң орыннардаң тастыхти орныхчатхан, че город аразына кірчеткен Саяногорсктағы алюминий заводы аразында чӧрче. Анда ДПСаАЗ дизель-поезд тузаланылча, ол ікі ДМ62 тепловозтаң паза Демиховскай машина пӱдірҷең заводтың прицепнай вагоннарынаң пӱткен. Поездте чӧріс тикке<ref>.

Алған орын

  1. ↑ 1 2 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более. Итоги Всероссийской переписи населения 2020 года. На 1 октября 2021 года. Том 1. Численность и размещения населения (XLSX).
  2. ↑ Бутанаев В.Я. Топонимический словарь Хакасско-Минусинского края / Гесуев Измаил Нухович. — УПП "Хакасия".
  3. ↑ Поспелов, 2008, с. 391.
  4. ↑ Федеральный закон от 03.06.2011 № 107-ФЗ «Об исчислении времени», статья 5 (3 Хандых айы 2011).
  5. ↑ Краеведческий музей г. Саяногорска — официальный сайт «Культура.РФ», Республика Хакасия. Адрес, фото, расписание, график работы. www.culture.ru. Дата обращения: 13 Сілкер айы 2019. Архивировано 13 Сілкер айы 2019 года.
  6. ↑ Такси Саяногорск. catalogtaxi.ru. Дата обращения: 9 Хандых айы 2026.

Литература

  • Поспелов Е. М. Географические названия России. Топонимический словарь. — М.: Астрель, АСТ, 2008. — 523 с. — 1500 экз. — ISBN 978-5-17-054966-5.

Ссылкалар

Алған орны - https://kjh.ruwiki.ru/w/index.php?title=Саяногорск&oldid=154759