Хакасияның тіл, литература паза тархын наука-істезігліг институды

Хакасияның тіл, литература паза тархын наука-істезігліг институды
(ХакНИИЯЛИ)
Хакасияның тіл, литература паза тархын наука-істезігліг институды; (ХакНИИЯЛИ)
Тӧстелген	1944
Директор	Нина Семёновна Майнагашева
Орныхча	Россия, Ағбан
Сайт	khakniiyali.ru

Хакасияның тіл, литература паза тархын наука-істезігліг институды (ХакНИИЯЛИ) — Хакас Республиканың хазна бюджет наука-істезігліг учреждениезі. 1944 чылның чарыс айында Хакас облазының істенҷілер депутаттарының чӧбінің исполкомы хоостыра тӧстелген. Наука учреждениезінің ӧӧн кирее — наука істезіглерін апарары, халых паза гуманитарнай наукаларда наа тоғыстар тимнирі.

Тархын

Институтың пастағҷызы паза пастағы директоры писатель паза ученай-филолог Николай Георгиевич Доможаков полыбысхан. Хакас облазының істенҷілер депутаттарының чӧбінің исполкомы хоостыра РСФСР-ның Чон Комиссарларының Чӧбінің 31 июльда 1944 чылда сыххан 1786-р № паза РСФСР-ның Ӱгредігнің Чон Комиссарының 29 августта 1944 чылда сыххан 572 № чахығларынҷа тӧстелген. 1944 чылның улуғ хырлас айының 26-ҷы кӱнінде ХакНИИЯЛИ-ның Ученай чӧбінің пастағы чыылии ирткен^[1]. Наука істезіглерін апарҷаң тоғысты, институттың пастағы изданиелерні тимнирге хабасханнар СССР-ның Наука академиязының^[ru] учёнайлары: СССР-ның НА-ның член-корреспонденті профессор С. В. Киселёв^[ru], тархын наукаларының докторы Л. П. Потапов, тархын наукаларының кандидады Л. Н. Евтюхова паза пасхазы. ХакНИИЯЛИ тӧстелгеннең сығара пастағы чыллардох ӧӧн наука учрежлениелерінең хада-пірге археология, этнография, фольклор паза тіл экспедицияларын иртірген. Олох туста институтта ӱс сектор тоғынған: тіл паза пічік, литература паза фольклор, история паза этнография^[2].

Институттың учёнай хачызына тіл паза пічік секторының улуғ наука тоғынҷызы, филология наукаларының кандидады Церен-Доржи Номинханов турғызылған. Улуғ нимес ӧмеге институттың наука тоғынҷылары паза учёнай чӧбінің кізілері Ф. Г. Исхаков, П. И. Каралькин, А. Т. Казанаков, М. А. Унгвицкая, В. П. Левашёва, А. А. Кенель паза пасхазы кіргеннер.

Школаларға «Хакас тілінің грамматиказы» тимнелген (автор Н. Г. Доможаков), «Хакас-орыс сӧстік» (автор Д. Ф. Патачакова) паза «Орыс-хакас сӧстік» (автор Ц.-Д. Номинханов), хакас кибелісчілернің произведениелерінің, сарыннарның, алыптығ нымахтарның чыындылары чарыхха сығарылғаннар.

Кӧп кандидат диссертацияларының темалары хакас тілінің диалекттеріне чарыдылғаннар. 1975 чылда сыххан хакас тілінің пастағы наука грамматиказы кӧп чылларның тоғызының салтары полча. 1988 чылда «Хакас тілінің орфография сӧстігінің» 4-ҷі сығарызы чарых кӧрген. 2006 чылда «Хакас-орыс сӧстік» тимге сых парған. 2020 чылның улуғ хырлас айында пастағы «Хакас тілінің чарыдығлығ сӧстігі» чарыхха сығарылған. Аны 1992 чылдох тимнеп пастааннар^[3]. 2023 чылда «Хакас тілінің чарыдығлығ сӧстігінің» ікінҷі чардығы тимге сых парған, 2024 чылда аның авторлары «Нация поғдархазы-2024» тиксі Россияның халых сыйииның лауреаттары полыбысханнар^[4].

Институт тӧстелгеннең сығара хакас чонның пазылбин пӱткен чайаачызына паза литература істезіглеріне улуғ хайығ салылған. Хакас істезігҷілерінің ӧмезінің кӱзінең тимнелген фольклорның холнаң пасхан пічіктер чыындызына амғы туста чӱзер пос оңдайлығ тексттер кірчелер. Фольклор чыындызына иң улуғ хозым иткен кізілер аразында: В. Е. Майногашева, Д. И. Чанков, П. А. Трояков, Т. Г. Тачеев, В. И. Доможаков, А. А. Кенель, А. К. Стоянов паза пасхазы. 1988 чылда «Наука» издательствода («СССР-ның чоннарының эпозы» серия) чарыхха сыххан «Алтын-Арығ» улуғ тоғыс полча, анынаң тилекейнің кӧп хазналарында наука істезігҷілері тузаланчалар. 1997 чылда В. Е. Майногашева «Памятники фольклора народов Сибири и Дальнего Востока» серияда «Ай-Хууҷын» алыптығ нымахты тимнеп сығарыбысхан.

Литературанаң айғасхан ученайлар М. А. Унгвицкая, П. А. Трояков, К. Ф. Антошин, Т. Г. Тачеева, У. Н. Кирбижекова, А. Г. Кызласова паза пасхазы хакас литературазының тиліс оңдайларын, аның жанрларын, чонның пазылбин пӱткен чайаачызының паза амғы хакас литературазының палғалызын, алынҷа писательлернің чайаачызын істескеннер. Сектор тоғынҷылары пис томнығ «Совет литературазының тархыны» тоғыстың чардыхтарын тимнееннер. Істезіглер хоостыра чыыл парған материал хоостыра оменең тимнелген паза чарыхха сығарылған «Очерки истории советской хакасской литературы».

Тархын паза этнография секторы ХакНИИЯЛИ тӧстелгеннең сығара тоғынча. Секторның пастағы устағҷызы Н. Л. Липский^[ru] полған. Хакасияда чуртап, аның пурунғы тархынын 30-ча чыл істес салған. 1954—1956 чылларда институт скифтер тузындағы Улуғ Салбых кӱргенін хазарында пастағҷы полыбысхан, ол тоғыснаң С. В. Киселёв устаан.

Кӧп чыллар институттың тархын секторынаң хада Москвадағы хазна университедінің профессоры Леонид Романович Кызласов тоғынған. Аның устаанда 60-80 чылларда Хакасияда МГУ-ның археология экспедициязы ӧткін тоғынған. 1960 чылдаң сығара тархын секторы РАН-ның Сибирьдегі пӧлиинің Піріктірілген тархын, филология паза философия институдынаң хада істезіг тоғызын апарған. А. П. Окладников, А. П. Деревянко, В. В. Алексеев, В. Л. Соскин, Н. Я. Гущин, И. И. Комогорцев, В. А. Ламин паза пасха саблығ ученайлар устаанда секторда кандидат паза доктор диссертациялары пазылғаннар, улуғ істезіг тоғыстары тимнелгеннер, наука конференциялары иртірілгеннер.

Тархын секторында ӱр істенген тархын наукаларының докторы, Н. Ф. Катановтың адынаң Хакас хазна университедінің Тархын паза право институдының профессоры В. Я. Бутанаев. Ӱр тус археология істезіглерін апарған саблығ учёнай, Хакас Республиканың науказының саблығ деятельі, Хакас Республиканың Н. Ф. Катановтың адынаң хазна сыйииның пастағы лауреады Я. И. Сунчугашев.

Тархын секторының ӧӧн наука кӧстее — Хакасияның паза хонҷых регионнарның тархын тилізінің, хакас чонның кибірліг культуразының сурығларын істезері.

1970 чылда экономика секторы азылған, анынаң В. Л. Бобровник, В. К. Шулбаев, П. П. Бурнаков, Г. М. Шапошников, В. А. Кышпанаков, Л. В. Анжиганова устааннар^[5].

Учёнай запискалар

«Учёный запискалар» — Хакасияның тіл, литература паза тархын наука-істезігліг институдының изерістіре сығарылчатхан изданиезі. Прай 25 азыра записка чарых кӧрген. Пастағызы 1947 чылда чарыхха сыххан. Учёнай запискаларда тіл, литература, тархын. Этнография, археология сурығларына чарыдылған наука статьялары сығарылчалар.

Ученые записки. Вып. I. — Абакан: История, этнография, археология. — Абакан: Хакас. обл. национальное изд-во, 1947. — 62 с.

Ученые записки. Вып. II. — Абакан: Хакас. обл. гос. изд-во, 1951. — 155 с.

Ученые записки. Вып. III. — Абакан: Хакас. кн. изд-во, 1964. — 168 с.

Ученые записки. Вып. IV. — Абакан: Хакас. кн. изд-во, 1956. — 108 с.

Ученые записки. Вып. V. — Абакан: Хакас. кн. изд-во, 1957. — 191 с.

Ученые записки. Вып. VI. — Абакан: Хакасское кн. изд-во, 1958. — 191 с.

Ученые записки. Вып. VII. — Абакан: Хакас. кн. изд-во, 1959. — 150 с.

Ученые записки. Вып. VIII. — Абакан: Хакас. кн. изд-во, 1960. — 232 с.

Ученые записки. Вып. IX. — Абакан: Хакас. кн. изд-во, 1963. — 177 с.

Ученые записки. Вып. X. (Серия филологическая). — Абакан: Хакас. кн. изд-во, 1964. — 164 с.

Ученые записки. Вып. XI. — Абакан: Краснояр. кн. изд-во, Хакас. отд-ние, 1965. — 239 с.

Ученые записки. Вып. XII. — Абакан: Краснояр. кн. изд-во, Хакас. отд-ние, 1966. — 203 с.

Ученые записки. Вып. XIII. Сер. историческая, № 1- Абакан: Хакас. отд-ние Краснояр. кн. изд-ва, 1969. — 228 с.

Ученые записки. Вып. XIV. Сер. филол. 1. — Абакан, 1970. — 212 с.

Ученые записки. Вып. XV. Сер. историческая, № 2. — Абакан, 1970. — 142 с.

Ученые записки. Вып. XVI. — Абакан, 1971. — 137 с.

Ученые записки. Вып. XVII. Сер. историческая № 4. — Абакан, 1972. — 249 с.

Ученые записки. Вып. XVIII. Сер. филологическая № 2. — 1973. — 208 с.

Ученые записки. Вып. XIX. Сер. историческая № 5. — Абакан: Хакас. отд-ние Краснояр. кн. изд-ва, 1974. — 204 с.

Ученые записки. Вып. XX. Сер. филологическая № 3. — Абакан, 1976. — 281 с.

Ученые записки. Вып. XXI. Хакасия: история и современность. — Новосибирск: Наука, 2000. — 190 с.

Ученые записки. Вып. XXII: 60 лет Хакасскому научно-исследовательскому институту языка, литературы и истории. — Абакан: Хакас. кн. изд-во, 2005. — 192 с.

Ученые записки. Вып. XXIII. Сер.: филология. — Абакан: Хакасское кн. изд-во, 2010. — 230 с.

Ученые записки. Вып. XXIV. Сер.: История. — Абакан: ООО "Книжное издательство «Бригантина», 2014. — 180 с.

Ученые записки. Вып. XXV. Сер.: История. Этнография. — Абакан: ООО "Книжное издательство «Бригантина», 2015. — 140 с.

Устағҷылар

ХакНИИЯЛИ-ның тӧстегҷізі паза пастағы директоры Н. Г. Доможаков полча. Соонаң институт устағҷылары полғаннар С. П. Ултургашев, Д. И. Чанков, В. А. Асочаков, тархын наукаларының докторы Я. И. Сунчугашев, философия наукаларының докторы Г. Г. Котожеков. 1998—2019 чылларда институтнаң тархын наукаларының докторы, профессор В. Н. Тугужекова устаан. Хакас Республиканың ӱгредіг паза наука министрінің 19 декабрьда 2019 чылда сыххан чахиинаң наука пірігізінің устағҷы тоғызын толдырарға Н. С. Майнагашева турғызылған^[6]. 2022 чылның кӱрген айының 11-ҷі кӱнінде Н. С. Майнагашева ХакНИИЯЛИ-ның директорына турғызылған^[7].

Тоғызы

1999 чылдаң сығара ХакНИИЯЛИ-ның наука-методика саринаң устаанда Россияның наукалар академиязының Сибирьдегі пӧлии турча (РАН СО-ның Президиумының 129 № 16.04.1999 ч. чарадии). РАН-ның ӧӧн наука институттарынаң хада тоғынҷаң ӱр тусха чӧптезіг иділген. РАН-ның востоковедение, этнология паза антропология иснституттарынаң (Москва), РАН-ның Сибирьдегі пӧлиинің Философия паза наука институдынаң (Новосибирск) хада-пірге амғы этнополитика паза этносоциальнай процесстері хоостыра істезіглер иртірілгеннер.

2002 чылдаң сығара институт РАН-ның востоковедтер пірігізінің паза Первобытнай Искусство Істезігҷілерінің Сибирьдегі Ассоциацияның араласчызы полча. Венадағы, Познанскай, Краковтағы, Стамбулдағы, Бишкектегі университеттернең, первобытнай искусствоны істезерінҷе Фин пірігізінең хада тоғынча. 2008 чылда «Южная Сибирь в эпоху перемен: проблемы адаптации» кинде ӱчӱн институттың авторлар ӧмезі РАН-ның Востоковедение институдының публикациялары аразында 2-ҷі орын ӱчӱн Аарластығ пічік алған.

ХакНИИЯЛИ. И. Л. Кызласовтың киндезінің кӧзідии соонда. 2017 чыл.

Институттың учёнайлары наука-істезігліг тоғысты мындағ ӧӧн кӧстеглерҷе апарчалар: Ӱстӱнзархы Сибирьнің археология істезіглері; Хакасияның тархыны наа паза иң наа тустарда; Россия Федерациязының субъекті чіли Хакасияның экономика паза социальнай тиліс сурығлары; хакас тілінің тилізі паза амғы тузаланызы; хакас литературазының жанр-стильлер аймағы, хакас литература паза амғы литература процезі, хакас фольклорының паза жанрларының оңдайларының сурығлары^[8].

Алған орын

↑ 80 лет ХакНИИЯЛИ! (неопр.) ГКУ Республик Хакасия «Национальный архив». Дата обращения: 8 Хосхар айы 2025.
↑ Тугужекова В. Н. ХАКНИИЯЛИ — 55 лет // Абакан: ХакНИИЯЛИ, 2001.
↑ Выпущен первый том толкового словаря хакасского языка (неопр.) . Сибирское Агенство Новостей (18 Улуғ хырлас айы 2020). Дата обращения: 8 Хосхар айы 2025.
↑ Толковый словарь хакасского языка получил признание на всероссийском уровне (неопр.) . НИА Хакасия (24 Чарыс айы 2024). Дата обращения: 8 Хосхар айы 2025.
↑ Ученые записки. Вып. XXII: 60 лет Хакасскому научно-исследовательскому институту языка, литературы и истории. — Абакан: Хакас. кн. изд-во, 2005. — 192 с.
↑ Как живёт ХакНИИЯЛИ с новым руководителем Архивная копия от 1 Кӱрген айы 2020 на Wayback Machine // ИА «Хакасия».
↑ Известно, кто возглавил ХакНИИЯЛИ (неопр.) . ИА «Хакасия» (11 Кӱрген айы 2022). Дата обращения: 8 Хосхар айы 2025.
↑ Учёные Хакасского научно-исследовательского института языка, литературы и истории (к 75-летию ХакНИИЯЛИ). — Абакан: ООО ИПП «Журналист», 2019. — С. 3-10.

Литература

Тугужекова В. Н. ХАКНИИЯЛИ — 55 лет // Абакан: ХакНИИЯЛИ, 2001.
Кызласов И. Л. К обсуждению насущных задач Хакасского научно-исследовательского института языка, литературы и истории // Абакан: ХакНИИЯЛИ, 2001.
Ученые записки. Вып. XXII: 60 лет Хакасскому научно-исследовательскому институту языка, литературы и истории. — Абакан: Хакас. кн. изд-во, 2005. — 192 с.
Данькина Н. А. Хакасский научно-исследовательский институт языка, литературы и истории (ХакНИИЯЛИ) // Энциклопедия Республики Хакасия. — Т. II. — Абакан, 2008. — С. 241.
Учёные Хакасского научно-исследовательского института языка, литературы и истории (к 75-летию ХакНИИЯЛИ). — Абакан: ООО ИПП «Журналист», 2019.

Ссылкалар

Хакасский научно-исследовательский институт языка, литературы и истории // Сайт ХакНИИЯЛИ
Доктор исторических наук Игорь Кызласов: Прошу остановить разрушение ХакНИИЯЛИ // ИА «Хакасия». — 2020. — 17 января.
Как живёт ХакНИИЯЛИ с новым руководителем // ИА «Хакасия».
ХакНИИЯЛИ приглашает на открытые лекции в честь Дня российской науки // Пульс Хакасии. — 2020. — 2 февраля.

[1] 80 лет ХакНИИЯЛИ! (неопр.) ГКУ Республик Хакасия «Национальный архив». Дата обращения: 8 Хосхар айы 2025.

[2] Тугужекова В. Н. ХАКНИИЯЛИ — 55 лет // Абакан: ХакНИИЯЛИ, 2001.

[3] Выпущен первый том толкового словаря хакасского языка (неопр.) . Сибирское Агенство Новостей (18 Улуғ хырлас айы 2020). Дата обращения: 8 Хосхар айы 2025.

[4] Толковый словарь хакасского языка получил признание на всероссийском уровне (неопр.) . НИА Хакасия (24 Чарыс айы 2024). Дата обращения: 8 Хосхар айы 2025.

[5] Ученые записки. Вып. XXII: 60 лет Хакасскому научно-исследовательскому институту языка, литературы и истории. — Абакан: Хакас. кн. изд-во, 2005. — 192 с.

[6] Как живёт ХакНИИЯЛИ с новым руководителем Архивная копия от 1 Кӱрген айы 2020 на Wayback Machine // ИА «Хакасия».

[7] Известно, кто возглавил ХакНИИЯЛИ (неопр.) . ИА «Хакасия» (11 Кӱрген айы 2022). Дата обращения: 8 Хосхар айы 2025.

[8] Учёные Хакасского научно-исследовательского института языка, литературы и истории (к 75-летию ХакНИИЯЛИ). — Абакан: ООО ИПП «Журналист», 2019. — С. 3-10.

[1]

[2]

[3]

[4]

[5]

[6]

[7]

[8]