Номинханов, Церен-Дорджи

Церен-Дорджи Номинханов
Церен-Дорджи Номинханов
Тӧреен кӱні	8 ӱртӱн айы 1898
Тӧреен чирі	Грабовскай[d], Кировскай аал чирі[d], Зимовниковскай аймах[d], Ростов облазы[d], СССР[d];
Ӱреен кӱні	1967
Ӱреен чирі	Элиста[d], РСФСР[d], СССР[d];
Хазна	Россия империязы[d]; СССР[d];
Наука сферазы	филология
Тоғыс орны	Калмык хазна университеді, РАН-ның Калмык гуманитарнай істезіглер институды
Ӱгредии	Ленинградтағы іскеркі институт[d] (1930);
Учёнай степеньі	филология наукаларының докторы
Нименең сабланча	востоковед

Церен-Дорджи Номинханов (сын ады Буур (Борис) Юнзуков^[1]) (8 ӱртӱн айы 1898, Грабовскай^[d], Ростов облазы^[d] — 1967, Элиста^[d]) — учёнай-востоковед, педагог, калмык, моол паза хакас тіллерінҷе кӧп тоғыстарның авторы. Ӏдӧк англия, немец, тибет тіллерін пілген, аннаң пасха пӱрӱт тілін паза нинҷе-де тӱрк тілін пілген.

Филология наукаларының докторы, профессор^[2].

Чуртас чолы

1909 чылда Церен-Доржи Пандинскай приходской училищезер ӱгренерге кірген. Ӱгреністең пос туста пай калмыктарда тоғын чӧрген. Приходской училищені 1912 чылда тоосхан, анаң Великокняжескай станицада чон ӱгретчізіне ӱгренген^[3].

Гражданскай чаа араласчызы, Монтош Лиджиевтің Калмык интернациональнай эскадронында кавалерист полып чааласхан. Чаа соонаң 1921 чылның улуғ хырлас айында Урга городта Россияда астапчатхан улусха Моол полызииның комиссиязы тӧстелген. Комиссияның пазына МНР-ның правительствозының чарадиинаң Номинханов турғызылған^[4].

1923 чылдаң сығара 1930 чылға теере Ленинградтағы Ӏскеркі институттың (орыс) (рус. монголоведение пӧлиинде ӱгренген. 1930—1931 чылларда Астрахань городтың педтехникумында тоғынған. 1931 чылда Тіл науказының наука-істезігліг институдының аспирантуразына «лингвист» специальностьча кіріп алған, 1932 чылда Москвадағы востоковедение институдының моол пӧлиинзер ӱгренерге ызылған. Аспирантураны тоосхан соонда, Номинханов Сталиннің адынаң Востоктағы істенҷілернің коммунисттер университедінде, Москвадағы востоковедение институдында, Ортын Азиядағы хазна университедінде (Ташкент) моол тілінің преподавательі полып тоғынған^[3].

1940—1943 чылларда Номинханов СССР-ның НА-ның Узбекистандағы пӧлиинде (УзфАН) учёнай-хачы полып тоғынған. 1943 чылның хосхар айының 16-ҷы кӱнінде СССР-ның НА-ның востоковедедение институдында (орыс) (рус. «Узбек тілінде хайраллал халған XIII—XV чыллардағы моол устағ-пастағ паза политика, чаа терминнері» темаҷа кандидат диссертациязын маңнаныстығ арачылап алған^[3].

1943 чылның сілкер айында ВКП(б)-ның Ӧӧн комитеді аны ВКП(б)-ның калмык обкомының холына командировкаа ысхан, анзы Номинхановты Калмыкияның тіл, литература паза тархын наука-істезігліг институдының (Астрахань) учёнай-хачызына турғыс салған. 1943 чылның улуғ хырлас айында, тізең, пасха кӧзірілген калмыктарнаң хада Хызылчар крайынзар ызылған. ХакНИИЯЛИ азыл парғаннаң, ВКП(б)-ның Хакас обкомының культура паза пропаганда пӧлии Ц.-Д. Номинхановты пічік хоостыра 1944 чылның чарыс айының 1-ғы кӱнінде азылған институтсар хығырған^[3]

ХакНИИЯЛИ-ҷа 1944 чылның чарыс айының 1-ғы кӱнінде сыххан 1 № чахиинаң институттың директоры Н. Г. Доможаков филология наукаларының кандидады Ц.-Д. Номинхановты пір саңай НИИЯЛИ-ның учёнай-хачызына паза тіл секторының улуғ наука тоғынҷызына турғыс салған. Институтта Ц.-Д. Номинханов хакас тілінің сурығларынаң айғасхан. ХакНИИЯЛИ-да Ц.-Д. Номинханов тӧрт чыл азыра тоғын салған, 1944 чылның чарыс айының 1-ғы кӱнінең сығара 1949 чылның кӧрік айының 1-ғы кӱніне теере, ол син асхынах тус аразына учёнай-хачынаң хакас тілі секторының устағҷызына теере ӧс парған. Пу чыллар аразына ол Ағбандағы ӱгретчілер институдында ӱгреткен.

1949 чылда Номинхановха Хакасиядаң парарға киліскен. 1949 чылдаң сығара 1960 чылға теере ол С. М. Кировтың адынаң Казах университедінде преподаватель полып тоғынған. 1960 чылларда Ц.-Д. Номинханов Калмыкиязар айланған, анда Калмык НИИЯЛИ-ның (орыс) (рус. тіл науказы секторында істенген^[2].

1966 чылда «Тӱрк паза моол тіллерінҷе істезіглер» темаҷа доктор диссертациязын арачылап алған^[5]. Наука тоғыстары хоостыра, 1966 чылның хосхар айының 2-ҷі кӱнінде ағаа филология наукаларының докторы учёнай син пирілген^[3].

Тоғыстары

Чуртаан туста

Номинханов Ц. Д. Русско-хакасский словарь для хакасских начальных школ. Абакан, Хакасское областное национальное издательство, 1948

Ӱреен соонда

Ц.-Д. Номинханов. Материалы к изучению истории калмыцкого языка. М.: Наука, 1975. Всего страниц — 324.
Ц.-Д. Номинханов. Очерк истории калмыцкой письменности. М., Наука, 1976

Алған орын

↑ Карточка проекта фундаментальных и поисковых научных исследований, поддержанного Российским научным фондом (рус.). Российский научный фонд. Дата обращения: 14 Сілкер айы 2026.
↑ ¹ ² 1. Жителям Хакасии рассказали о первом ученом секретаре ХакНИИЯЛИ, 19rusinfo.ru. Дата обращения: 5 Сілкер айы 2026.
↑ ¹ ² ³ ⁴ ⁵ О малоизвестных страницах биографии Церен-Дорджи Номинханова: период становления, военной деятельности и учебы в институте (1918–1930-е гг.) (2024) (неопр.) . Дата обращения: 5 Сілкер айы 2026.
↑ С интернациональной миссией. Воспоминания участников Монгольской Народной революции. Элиста, 1970.
↑ Ученый-востоковед (к 115-летию со дня рождения Церен-Дорджи Номинханова (Юнзыков) ) (1898 -1967гг.) (неопр.) . Научная библиотека Калмыцкого государственного университета. Дата обращения: 5 Сілкер айы 2026.

[1] Карточка проекта фундаментальных и поисковых научных исследований, поддержанного Российским научным фондом (рус.). Российский научный фонд. Дата обращения: 14 Сілкер айы 2026.

[:0-2] ¹ ² 1. Жителям Хакасии рассказали о первом ученом секретаре ХакНИИЯЛИ, 19rusinfo.ru. Дата обращения: 5 Сілкер айы 2026.

[ReferenceA-3] ¹ ² ³ ⁴ ⁵ О малоизвестных страницах биографии Церен-Дорджи Номинханова: период становления, военной деятельности и учебы в институте (1918–1930-е гг.) (2024) (неопр.) . Дата обращения: 5 Сілкер айы 2026.

[4] С интернациональной миссией. Воспоминания участников Монгольской Народной революции. Элиста, 1970.

[5] Ученый-востоковед (к 115-летию со дня рождения Церен-Дорджи Номинханова (Юнзыков) ) (1898 -1967гг.) (неопр.) . Научная библиотека Калмыцкого государственного университета. Дата обращения: 5 Сілкер айы 2026.

[1]

[2]

[3]

[4]

[5]