Бутанаев, Виктор Яковлевич

Виктор Яковлевич Бутанаев
Виктор Яковлевич Бутанаев
	Астай
Тӧреен кӱні	12 кӧрік айы 1946
Тӧреен чирі	Камчатка крайы
Ӱреен кӱні	5 хандых айы 2023 (77 час)
Ӱреен чирі	Ағбан, Хакасия, Россия
Хазна	СССР→ Россия
Наука сферазы	этнография
Тоғыс орны	Н. Ф. Катановтың адынаң Хакас хазна университеді
Ӱгредии	В. И. Лениннің адынаң Ташкенттегі хазна университеді
Учёнай степеньі	тархын наукаларының докторы
Учёнай званиезі	профессор
	Медиафайлы на РУВИКИ.Медиа

Виктор Яковлевич Бутанаев (12 кӧрік айы 1946, Камчатка^[d], Камчатка крайы^[d] — 5 хандых айы 2023, Ағбан) — совет паза Россия этнографы, тархын наукаларының докторы, профессор. Н. Ф. Катановтың адынаң Хакас хазна университедінің археология, этнография паза тархын саринаң чир-суғны ӱгренҷең кафедразының тӧстегҷізі. Россиядағы социальнай наукалар академиязының сын кізізі. Чоннар аразындағы «Тюрксой» сыйыхтың лауреады, Кыргыстан Республиканың науказының саблығ деятельі, Хакас Республиканың науказының саблығ деятельі.

Чуртас чолы

Виктор Бутанаев 1964—1969 чылларда В. И. Лениннің адынаң Ташкенттегі хазна университедінінің тархын факультедінде ӱгренген. Университет соонаң Ағбандағы Хакасиядағы чир-суғ ӱгренҷең музейде этнограф полып тоғынған.

1970 - 1972 чылларда Совет Армиязында служба ирткен, анда Приморскай крайның Иман городында мотострелковай взвод командирі полған.

1972 чылдаң сығара 1992 чылға теере Хакасияның тіл, литература паза тархын наука-істезігліг институдында тархын секторында улуғ наука тоғынҷызы полып істенген. Ол туста иділген халых хозымы санында «Тун пайрам» ӱлӱкӱнні айландырғаны кірген. Ол хакас чонның кибірліг ӱлӱкӱні полча. Хакасияда пастағызын на 1980 чылда Бутанаевтің наука чӧптері хоостыра иртірілген. Бутанаев Хакас Республиканың пастағы хазна гербінің сағызының авторы полча паза аны тимнеен кізілер санына кірче.

1983 чылда СССР-ның Наукалар академиязының Сибирьдегі пӧлиинің Тархын, филология паза философия институдының учёнайлар чӧбінің хойнында «Социально-экономическое развитие хакасского аала в конце XIX-начале XX в.» темаҷа тархын наукаларының кандидадына диссертация арачылап алған.

1991—1994 чылларда Новосибирсктегі РАН-ның Сибирьдегі пӧлиинің Филология институдында фольклор секторында этнограф полып істенген.

1993 чылда РАН-ның Сибирьдегі пӧлиинің Археология паза этнография институдының учёнайлар чӧбінің хойнында тархын наукаларының докторына «Этническая культура хакасов и проблемы реконструкции основных этапов их исторического развития» темаҷа диссертация арачылап алған.

1993 чылның азығ айының 11-ҷі кӱнінде Хакас Республиканың Ӧӧркі Чӧбінің Президиумының паза Хакас Республиканың Министрлер Чӧбінің Президиумының хада-пірге чарадиинаң Н. Ф. Катановтың адынаң Хакас хазна университедінің Наука-істезігліг пӧлиинің хойнында Этнография лабораториязы тӧстелген, аның устағҷызы В. Я. Бутанаев полыбысхан.

1994 чылдаң сығара 2011 чылға теере Хакас хазна университедінде археология, этнография паза тархын краеведениезі кафедранаң устаан.

1994 чылда Алтынзархы-Кидеркі Монголиязар этнография экспедициязы апарылған, Сойан-Алтай тӱрктернің паза кидекрі моол-ойроттарнаң этнокультура палғалызы табылған, Хыдат хыринда чуртапчатхан Баян-Ульгейскай аймахтың тывалары істезілгеннер; Кыргыз-Нур кӧл хазынзар чорых полған.

1994 паза 1995 чылларда Турциядағы Измир городта ирткен тӱрк чоннарының чоннар аразындағы хурултай тоғызында араласхан.

1994 чылның кӱрген айының 6-ҷы кӱнінең сығара — Россияның социальнай наукалар академиязының сын кізізі^[1].

1995 чылда Кыргызстанның Историктер Пірігізінің аарластығ кізізіне табылған.

1998 чылдаң сығара — Туркестан городтағы чоннар аразындағы Тюркологтар ассоциациязының президиумының кізізі. 2000 чылда «Bılıg» паза Х. А. Ясави адынаң Чоннар аразындағы Казах-Тӱрк Университедінің «Тюркология» журналларының редакция коллегиязының кізізі полыбысхан. 2002 чылдаң сығара — этнографияҷа паза тархын науказынҷа (тархын дисциплиналары) кандидат паза доктор ученай степеньнерін пирерінҷе Томсктағы хазна университедінің диссертация чӧбінің кізізі, 2009 чылдаң сығара — Казахстандағы Чоннар аразындағы алтаистика паза тюркология кінінің «Алтаистика и тюркология» журналның редколлегия кізізі.

Профессор Виктор Бутанаев Сойан-Алтай этнографиязынҷа пос наука школазын тӧстеп алған, хайзы Ӱстӱнзархы Сибирьдегі чоннарның тархынын, культуразын, кибірліг хониин, правозын, киртінізін, музыка культуразын паза чон педагогиказын істескен. Бурханизмні паза хамнарға киртіністі істескен. Бутанаевтің ӱгредіг пособиелері, монографиялары, Хакасия тархынын, этнологияны, тӱрк-моол чоннарының тархынын, хакастарның кибірліг культуразын паза чуртас оңдайларын паза пасха дисциплиналарны ӱгренчетсе, тузаланылчалар. 400 азыра наука статьязы, 30 азыра монографиязы чарыхха сыххан. Аның тоғыстарын чахсы пілчелер Россиядаң пасха, ідӧк чахынғы хырығ озаринда, Швейцарияда, Финляндияда, Турцияда, США-да. Россиядағы наука цитированиезінің индекзі (РИНЦ) хоостыра, Хакас хазна университедінің ученайлары аразында аның тоғыстарына иң кӧп сылтанғаннар (2018)^[2]. Аны Хирша индекзі 29 читкен^[3].

78 чазын апарчадып, 2023 чылның хандых айының 5-ҷі кӱнінде ағырып ах чарыхтаң парыбысхан^[4]^[5].

Сыйыхтар

1996 чылда РФ-ның пӧзік ӱгредіг хазна комитедінің чарадиинаң Хакас хазна университедінің археология, этнография паза тархын краеведениезі кафедразының профессор ады пирілген.

1999 чылның кічіг хырлас айының 25-ҷі кӱнінде Іскеркі тіллер паза культуралар институдының Учёнайлар чӧбінің чарадиинаң Бутанаевке Кыргыстанның «Іскеркі тіллер институдының аарластығ профессоры» пӧзік ат пирілген^[1] .

2002 чылда тӱрк тархынын, тілін паза этнографиязын істезеріне паза аның тиксі тузазын тарадарына хозым иткен ӱчӱн Бутанаевке пастағы Чоннар аразындағы «Тюрксой» сыйых пирілген (Турция). Кыргызстан Республиканың президенті Бутанаевті, хырғыстарны істезіп, туза иткен ӱчӱн «Данк» (Сабланыс) медальнаң сыйыхтаан^[1] .

2004 чылда Виктор Яковлевичке Кыргызстанның науказына улуғ хозым иткен ӱчӱн, хырғыс чонның тархын паза культуразын істескен ӱчӱн «Кыргызстан республиканың науказының саблығ деятельі» аарластығ ат пирілген. «Чылның иң артых кинделері» марығда Россияның кинделер сығарчатхан ассоциациязының устағ-пастаа (АСКИ) Бутанаевті «Иллюстрированная этнография хакасов» сомнар альбомын тимнирге паза чарыхха сығарарға полысхан ӱчӱн дипломнаң сыйыхтаан.

2006 чылда «Тува хазна университедінің аарластығ профессоры» паза «Хакас Республиканың науказының саблығ деятельі» аарластығ аттар пирілген. Россияның халых сыйыхтарының чӧбінің чарадиинаң «Россия профессионалы» медальнаң сыйыхтатхан.

2008 чылда пӧзік ӱгредіг заведениелеріне ӱгредіг изданиелері «Университетская книга-2008» тиксі Россиядағы тӧртінҷі марығ «Хакасы из провинции Хэйлунцзян» паза «История вхождения Хакасии (Хонгорая) в состав России» кинделері ӱчӱн Бутанаевті «Иң артых тархын-биография чир-суғ ӱгренҷең изданиезі» номинацияда дипломнаң таныхтаан.

В. Я. Бутанаев 2022 чылның сілкер айында чир-суғҷыларынаң хада тоғазығда

2009 чылда иң артых вузтағы кинде «Университетская книга-2009» Сибирьдегі пастағы регион мариинда «Лучшее издание по истории и культуре Сибири» номинацияда "Очерки истории Хакасии (с древнейших времен и до современности) " кинде ӱчӱн паза «Лучшее научное издание по гуманитарным и социальным наукам» номинацияда «Мир хонгорского (хакасского) фольклора» (в соавторстве с И. И. Бутанаевой) кинде ӱчӱн дипломнарнаң сыйыхтатхан.

2015 чылда Чоннар аразындағы наука паза культура полызығ чыындызы «Ататюрк» (Кыргызстан Республика) «тархын науказына улуғ хозым иткен ӱчӱн паза тӱрк чоннарының тархынынаңар чахсы кинделер пасхан ӱчӱн» Алтын медальнаң сыйыхтатхан паза XXI чӱс чылның иң артых учёнайы паза писательі полыбысхан.

2016 чылда Кыргызстан чонның тархын паза культура ис-пайын хайраллап, аны тиліткен ӱчӱн «Манас» орденнің ӱзінҷі степеньінең сыйыхтатхан. Аның хоостыра улуғ хырлас айының 31-ҷі кӱнінде чахығда хол салылған.

Таллама библиография

Бутанаев В. Я. К вопросу о хакасских цифровых знаках // Уч. зап. ХАКНИИЯЛИ. — Абакан, 1975
Бутанаев В. Я. Вооружение и военное дело хакасов в позднем средневековье (по материалам фольклора) // Военное дело древних племен Сибири и Центральной Азии. — Новосибирск, 1981
Бутанаев В. Я. Происхождение хакасов по данным этнонимики // Историческая этнография: традиции и современность. — Л., 1983
Бутанаев В. Я. Хакасские народные названия исторических памятников // Вопросы древней истории Южной Сибири. — Абакан, 1984
Бутанаев В. Я. Об этническом имени хакасов в эпоху позднего средневековья//Археология и Этнография Южной Сибири. — Барнаул, 1984.
Бутанаев В. Я. Народный календарь хакасов. Рериховские чтения 1984 : Материалы конференции.- Новосибирск, 1985.- С. 326—321
Бутанаев В. Я. Молдобаев И. Б. Киргизско-хакасские этнокультурные связи // Историко-культурные связи народов Южной Сибири. — Абакан, 1988.
Бутанаев В. Я. Этническая история хакасов XVII—XIX вв / Материалы к серии «Народы Советского Союза». — М., 1990
Бутанаев В. Я. Происхождение хакасских родов и фамилий. — Абакан, 1994.
Бутанаев В. Я. Хакасы. М. : ИНСАН, 1995. ISBN 5-85840-274-7.
Бутанаев В. Я. Топонимический словарь Хакасско-Минусинского края Архивная копия от 23 От айы 2019 на Wayback Machine. — Абакан: Лаборатория этнографии НИС ХГУ, 1995.
Бутанаев В. Я. К вопросу о кыргызско-хакасских этнографических связях // Кыргызы: этногенетические и этнокультурные процессы в древности и средневековье в Центральной Азии (Материалы Международной научной конференции, посвящённой 1000-летию эпоса «Манас» 22-24 сент. 1994 г.). — Бишкек: Кыргызстан, 1996. — С. 102—126.
Бутанаев В. Я. Хакасско-русский историко-этнографический словарь. — Абакан: УПП «Хакасия», 1999
Бутанаев В. Я. Бурханизм тюрков Саяно-Алтая. — Абакан: ХГУ им. Н. Ф. Катанова, 2003
Бутанаев В. Я. Традиционный шаманизм Хонгорая. — Абакан: ХГУ им. Н. Ф. Катанова, 2006
Бутанаев В. Я. Хакасский шаман и его общественный статус / Мартьяновские краеведческие чтения (2005—2006 гг.) / [отв. за вып. Н. А. Голованенко; науч. ред. Л. Н. Ермолаева]. — Минусинск : [б. и.], 2007. — Вып. 4
Бутанаев В. Я. Мы родом из Хонгорая. Хакасские мифы, легенды и предания / В. Я. Бутанаев, И. И. Бутанаева; отв. ред. Б. Р. Зориктуев. — Абакан, 2010. — 240 с.
Бутанаев В. Я. Историческая ономастика Южной Сибири. — Бишкек, 2013. — 272 с.
Бутанаев В. Я. Будни и праздники тюрков Хонгорая. — Абакан, 2015. — 316 с.
Бутанаев В. Я. Национальная одежда хонгорцев. — Абакан, 2015. — 336 с.
Бутанаев В. Я. Древнее искусство Саяно-Алтая. — Абакан, 2020. — 112 с.
Электронная «Коллекция „Труды ученого-этнографа В. Я. Бутанаева“» Архивная копия от 23 От айы 2019 на Wayback Machine // Государственное бюджетное учреждение культуры Республики Хакасия «Национальная библиотека имени Н. Г. Доможакова»

Фильмнер

Астай (Счастливчик): портрет профессора В. Я. Бутанаева крупным планом. Видеофильм Алексея Анненко. Телерадиокомпания «Хакасия». 2003 г.

Алған орын

↑ ¹ ² ³ А. И. Крутиков. Бутанаев Виктор Яковлевич // Энциклопедия Республики Хакасия : Т. 1 : А—Н / гл. ред. В. А. Кузьмин. — Красноярск: Поликор, 2007. — С. 99. — 5000 экз. — ISBN 978-5-91502-001-5.
↑ Профессор Виктор Бутанаев — самый цитируемый учёный ХГУ Архивная копия от 20 Хандых айы 2020 на Wayback Machine // Сайт ХГУ. — 2019. — 18 июля.
↑ Самым цитируемым ученым ХГУ стал Виктор Бутанаев Архивная копия от 20 Хандых айы 2020 на Wayback Machine // НИА «Хакасия». 2019. — 15 июля.
↑ Ушёл из жизни учёный с мировым именем – Виктор Яковлевич Бутанаев… (неопр.) абакан.рф (5 Хандых айы 2023).
↑ Умер профессор Бутанаев (неопр.) . 19rusinfo.ru (5 Хандых айы 2023).

Литература

Виктор Яковлевич : Биобиблиографический справочник Архивная копия от 19 Хандых айы 2018 на Wayback Machine / Мин-во культуры Респ. Хакасия, ГУК РХ «Национальная библиотека им. Н. Г. Доможакова». — 2-е издание, переработанное и дополненное. — Абакан, 2011. — 86 с.
Бутанаев Виктор Яковлевич : к 65-летию со дня рождения, 45-летию научной и общественной деятельности : биобиблиографический справочник. — Абакан: Изд-во ГОУ ВПО «Хакасский государственный университет им. Н. Ф. Катанова», 2011. — 104 с.: ил.
Анненко А. «Эти миры не могут существовать друг без друга…» Архивная копия от 4 Кӧрік айы 2016 на Wayback Machine // Центр Азии. — 2006. — 17 марта.
Карачакова Ольга Виктор Бутанаев — этнограф своего народа Архивная копия от 19 Кічіг хырлас айы 2018 на Wayback Machine // Абакан. — 2016. — 6 апреля.
Этнограф — посланец мира и дружбы из Енисея: Сборник статей, посвящ. 70-летию выдающегося хакасского этнографа, доктора ист. наук, профессора Виктра Яковлевича (Астайбека) Бутанаева / Отв. ред. Т. К. Чоротегин (Кыргызский гос. ун-т им. И. Арабова. — Межд. общ. объединение «Кыргыз Тарых Коому». — Фонд «Мурас»). — Серия «История и наследие» (на кырг. и рус. яз.). — Бишкек: Изд-во MaxPrint, 2016. — 374 c.

Ссылкалар

Учёные университета / Персоналии / Бутанаев Виктор Яковлевич
Анненко А. Виктор Бутанаев. Профессор по имени «Счастливчик»… Архивная копия от 12 Кӧрік айы 2018 на Wayback Machine

[:0-1] ¹ ² ³ А. И. Крутиков. Бутанаев Виктор Яковлевич // Энциклопедия Республики Хакасия : Т. 1 : А—Н / гл. ред. В. А. Кузьмин. — Красноярск: Поликор, 2007. — С. 99. — 5000 экз. — ISBN 978-5-91502-001-5.

[2] Профессор Виктор Бутанаев — самый цитируемый учёный ХГУ Архивная копия от 20 Хандых айы 2020 на Wayback Machine // Сайт ХГУ. — 2019. — 18 июля.

[3] Самым цитируемым ученым ХГУ стал Виктор Бутанаев Архивная копия от 20 Хандых айы 2020 на Wayback Machine // НИА «Хакасия». 2019. — 15 июля.

[4] Ушёл из жизни учёный с мировым именем – Виктор Яковлевич Бутанаев… (неопр.) абакан.рф (5 Хандых айы 2023).

[5] Умер профессор Бутанаев (неопр.) . 19rusinfo.ru (5 Хандых айы 2023).

[1]

[2]

[3]

[4]

[5]