Хакас Республиканың Н. Ф. Катановтың адынаң хазна сыйии

Рувики тiп сайттаң
Н. Ф. Катановтың адынаң Хакас Республиканың Хазна сыйии
Знак лауреата Государственной премии Республики Хакасия имени Н.Ф. Катанова.png
II степень
III степень
Хазна  Россия,
 Хакасия
Тип аарластығ ат
Статистика
Тӧстелген кӱні 2003 чылның кӧрік айының 26-ҷы кӱні
Теес

Н. Ф. Катановтың адынаң Хакас Республиканың Хазна сыйии (орыс. Государственная премия Республики Хакасия имени Н.Ф. Катанова) — Россия Федерациязының Хакас Республиканың Ӧӧркі Чӧбі пастыра алылған хазна сыйии. Хакас Республиканың 2003 чылның кӧрік айының 26-ҷы кӱнінде сыххан 15 № «Хакас Республиканың Н. Ф. Катановтың адынаң хазна сыйиинаңар» законы хоостыра тӧстелген[1].

Сыйых статузы

Н. Ф. Катановтың адынаң хазна сыйии Россия Федерациязының, пасха хан чирі кізілеріне паза гражданство чох улусха кӧріл парған.

Хакас Республиканың Н.Ф. Катановтың адынаң хазна сыйии пирілче:

  • улуғ істезіглер, істезіг тоғыстарын апарған, науканың аймах кӧстеглерін тиліткен паза Хакас Республиканың социальнай, экономика, культура тилізіне улуғ хозым иткен ӱчӱн;
  • пӧзік, профессиональнай, тиксі ӱгредіг пірігістеріне учебниктерні, ӱгредіг пособиелерін, ӱгредіг-методика комплекстерін тимнеен ӱчӱн. Ол тоғыстар ин асхынах ікі хати чарых кӧрерге киректер;
  • Хакас Республикада пӧзік паалалған литература, искусство паза архитектура произведениелері, хакас филология, тархын паза культура кӧстеглерінҷе тимнелген тоғыстар ӱчӱн[2].

Хакас Республиканың Правительствозы Президиумының чарадиинаң ікі чылда пір хати ікі Хазна сыйии пирілче: пірсі – гуманитарнай паза естественнай наукалардағы тоғыстар ӱчӱн; ікінҷізі – культура, искусство, литература паза архитектура чидіглері ӱчӱн.

Хакас Республиканың Н.Ф. Катановтың адынаң хазна сыйиина турысхан кізілерге «Хакас Республиканың Н.Ф. Катановтың адынаң хазна сыйииның лауреады» аарластығ ат паза аарластығ танығ пирілче.

Алған орын

  1. ↑ О Государственной премии Республики Хакасия имени Н. Ф. Катанова. Электронный фонд правовых и номативно-технических документов. Дата обращения: 4 Кӧрік айы 2026.
  2. ↑ О государственной премии Республики Хакасия имени Н.Ф. Катанова. pravo.gov.ru. Дата обращения: 4 Кӧрік айы 2026.

Ссылкалар

Алған орны - https://kjh.ruwiki.ru/w/index.php?title=Хакас_Республиканың_Н._Ф._Катановтың_адынаң_хазна_сыйии&oldid=148969