Казанаков, Ананий Тимофеевич

Ананий Тимофеевич Казанаков
Ананий Тимофеевич Казанаков
Тӧреен кӱні	1886
Тӧреен чирі	Мадыр, Россия империязы
Ӱреен кӱні	14 ӱртӱн айы 1950
Ӱреен чирі	Ағбан, РСФСР, СССР
Хазна	Россия империязы[d]; РСФСР[d]; СССР[d];
Айғасчатхан кирее	ӱгретчі, методист

Ананий Тимофеевич Казанаков (14 ӱртӱн айы 1886, Мадыр^[d], Кидеркі Сибирь крайы^[d] — 30 кӱрген айы 1950, Ағбан, Хызылчар крайы^[d]) — ӱгретчі, хакас учебниктерінің авторы, хакас пічиинің тӧстегҷілерінің пірсі, Илбек Адалығ чаа араласчызы.

Чуртас чолы

Ананий Казанаков 1886 чылның ӱртӱн айының 14-ҷі кӱнінде^[1]. Тастып аймаандағы Мадыр аалда кресеннер сӧбірезінде тӧреен. Казанаковтың хызы О. А. Казанакованың танығларынаң пабазының тӧреен кӱні 1888 чылның чарыс айының 14-ҷі кӱні полча^[2], 11 частығда Мадырдағы миссионерлер школазында ӱгретчі, абыс Иван Штыгашевтің холында ӱгренген. Школа соонаң, 1900 чылда хада ӱгренген Пётр Штыгашевнең хада Бийсктегі миссионер- катехизаторлар училищезінзер ӱгренерге кірген. Анда миссионерлер школазының ӱгретчілерін паза абыстарны тимнееннер^[3].

1905 чылда училищені маңнаныстығ тоозып, олох чылда Казанаков Томсктағы ӱгретчілер институдынзар кірче. Пір чыл пазынаң ӱгредіг заведениезі чабыл парғанда, Хакасиязар айланып, Хара Ӱӱс суғ хазындағы рудниктерде паза приисктерде олаңай тоғысчы полып істенген^[3].

1908 чылда Кузнецк уездінің Пырас волозының Анзас пилтіріндегі школада ӱгретчі полыбысхан. 1921 чылда Мадырдағы школада ӱгретчі полып тоғын сыххан.

1924 чылда хакас пічиин тӧстирінҷе коллегияның кізізі полыбысхан. 1925 чылның азығ айының 25-ҷі кӱнінде Хакас уездінің партия комитедінің чахиинаң, Казанаков чон ӱгредии пӧлиинің инспекторына турғызылған.

Хакас тілінің орфография правилоларының чыындызын тимнеен, аның салтары 1939 чылда Ағбанда чарыхха сыххан «Хакасскай литературнай тілнің орфографиязы» полыбысхан. Ағаа тӧстеніп, алызығлар кирілген соонда, 1947 чылда хакас тілінің наа орфографиязы чарых кӧрген^[4].

1943—1944 чылларда Илбек Адалығ чаа араласчызы полған. Чаа соонаң тӧреен чирінзер айланып, Хакасиядағы ӱгретчілер узын тилітчең институтта методист полған. 1945 чылның хосхар айының 1-ғы кӱнінде хакас школаларның кабинеді азылған, аның устағҷызына Казанаков турғызылған^[5].

1948 чылда Казанаков И. Ф. Коковнаң хада пасталығ школаның 2-ҷі клазына учебник сығарыбысхан. Прай он азыра учебник паза пособие тимнеп салған. «Хакас грамматиказы» халғанҷы тоғызы полған.

Ананий Казанаков 1950 чылның кӱрген айының 30-ҷы кӱнінде Ағбанда ах чарыхтаң парыбысхан^[1].

Алған орын

↑ ¹ ² Энциклопедия Республика Хакасия / Г. Ю. Семигин. — А., 2007. — Т. 1. — С. 250. — 432 с. — ISBN 978-5-91502-001-5.
↑ Алексей Нилогов. Когда родился основатель хакасской письменности Ананий Казанаков? (неопр.) Пульс Хакасии. Дата обращения: 9 Хосхар айы 2025.
↑ ¹ ² Казанаков Ананий Тимофеевич (неопр.) . «Бессмертный полк России». Дата обращения: 9 Хосхар айы 2025.
↑ Хакас тілінің орфографиязы. Орфография сӧстігі. — 5. — Абакан: Хакасское книжное издательство им. В. М. Торосова, 2023. — С. 7. — 400 с. — ISBN 978-5-7091-1040-3.
↑ Хакасский институт развития образования и повышения квалификации (неопр.) . Национальная библиотека имени Н. Г. Доможакова. Дата обращения: 9 Хосхар айы 2025.

Ссылкалар

Казанаков Ананий Тимофеевич (рус.). Страна Читалия. Дата обращения: 20 Кічіг хырлас айы 2025.
Казанаков Ананий Тимофеевич (рус.). polkrf.ru. Дата обращения: 20 Кічіг хырлас айы 2025.

[:0-1] ¹ ² Энциклопедия Республика Хакасия / Г. Ю. Семигин. — А., 2007. — Т. 1. — С. 250. — 432 с. — ISBN 978-5-91502-001-5.

[2] Алексей Нилогов. Когда родился основатель хакасской письменности Ананий Казанаков? (неопр.) Пульс Хакасии. Дата обращения: 9 Хосхар айы 2025.

[:1-3] ¹ ² Казанаков Ананий Тимофеевич (неопр.) . «Бессмертный полк России». Дата обращения: 9 Хосхар айы 2025.

[4] Хакас тілінің орфографиязы. Орфография сӧстігі. — 5. — Абакан: Хакасское книжное издательство им. В. М. Торосова, 2023. — С. 7. — 400 с. — ISBN 978-5-7091-1040-3.

[5] Хакасский институт развития образования и повышения квалификации (неопр.) . Национальная библиотека имени Н. Г. Доможакова. Дата обращения: 9 Хосхар айы 2025.

[1]

[2]

[3]

[4]

[5]