Кызласов, Леонид Романович

Леонид Романович Кызласов
Леонид Романович Кызласов
Тӧреен кӱні	24 кӧрік айы 1924
Тӧреен чирі	Хакас уезді, Ким губерниязы, РСФСР[d], СССР[d];
Ӱреен кӱні	24 от айы 2007 (83 года)
Ӱреен чирі	Москва[d], Россия[d];
Хазна	СССР[d]; Россия[d];
Наука сферазы	археология[d], востоковедение[d], востоковедение[d], тархын[d], этнография[d] и тюркология[d]
Тоғыс орны	МГУ-ның тархын факультеді[d];
Ӱгредии	МГУ-ның тархын факультеді[d];
Учёнай степеньі	(1967)
Учёнай званиезі	профессор (1969)
Наука устағҷызы	С. В. Киселёв
Ӱгренҷілері	А. Р. Канторович; И. Л. Кызласов

Леони́д Рома́нович Кызла́сов (24 мартта 1924 — 24 июльда 2007) — совет паза Россия археолог-востоковеді, Сибирьнің, Ортын паза Центральнай Азияның тархыныңҷа паза этнографиязынҷа специалист. Тархын наукаларының докторы (15.04.1967), профессор (18.07.1969), МГУ-ның саблығ профессоры. СССР-ның Хазна премиязының (1985) паза МГУ-ның Ломоносовтың I степеньніг сыйииның лауреады (1982). МГУ-ның тархын факультедінің преподавательі ( 1952 чылдаң сығара). Фин-угор пірігізінің (Хельсинки, 1983) паза Германиядағы археология институдының (Берлин, 1984) кізізі. Археолог И. Л. Кызласовтың паза искусствовед И. Л. Кызласованың пабазы.

Чиит тузы

Ким губерниязындағы Хакас уездінің Синявино аалында тӧреен. Пабазы — Кызласов Роман Афанасьевич — репрессияа тартылған (ст. 58—2, 58—7, 58—8, 58—11 УК РСФСР) паза атырт салған. Пиҷе-харындазынаң хада іҷезінің хайиинда халып, сидікті кӧрген. Ӱгренҷі полғанда (1940 ч.) В. П. Левашованың холындағы археология істезіглерінде араласхан. С. В. Киселёвтың Ӱстӱнзархы Сибирьнің пурунғы тархынынҷа лекцияларын искен. 1941 чылның хандых айында Ағбандағы 1 № школаны тоозып, Томсктағы университеттің тархын-филология факультедіне кіріп алған.

1942 чылда Леонид Романович танк училищезінің курсанты полыбысхан. Аны тоозып, Т-34 танктың механик-водительі специальность алған. 1943—1945 чылларда Илбек Ада чааның Украинадағы 4-ҷі паза 1-ғы фронттарда чааласхан (Танктарның 24-ҷі гвардия бригадазы)^[1] Кызласов аар палығлатхан соонда азахха турып алған. ^[2]. Гвардияның улуғ сержанты.

1945 чылның ӱртӱн айынаң сығара Леонид Романович МГУ-ның тархын факультедінің археология кафедразының студенті полыбысхан. 1949 чылда «Алтай V—X чӱс чч.» диплом тоғызын арачылабысхан.

Наука тоғызы

1949—1952 чч. —кафедра аспиранты. 1953 чылда «Хакас-Минсуғ ойымының тархынындағы «Таштык тузы (I чч. п э. а. — V ч. п. э.)» кандидат диссертациязын арачылап алған. Ол анаң саблығ монографияның тӧстее полыбысхан. Кафедрада ӱгренчеткен туста, 1946 — 1949 чылларда, Леонид Романович аймах тустарның паза культураларның памятниктерінең тоғынған. 1949 чылда ол пурунғы Русьттың Смоленск алтындағы Гнёздовс кӱргеннерін істезерінде араласхан. 1950 чылда МГУ-ның Хакасия-Тува археология экспедициязы тӧстелген, анынаң Леонид Романович Кызласов 1991 чылға теере устаан. 40 чыл пу экспедиция Ӱстӱнзархы Сибирьде улуғ археология істезіглерін апарған, аның хоостыра Ӱстӱнзархы Сибирьдегі тываларның паза хакастарның тархынынаңар улуғ материаллар тимнелген. Іди Л. Р. Кызласовтың «Ортын чӱс чыллардағы Туваның тархыны» доктор диссертациязын 1966 чылда арачылап алған.

1977 чылда Хакасияның Асхыс трактындағы кӱргеннерін хасханда, археология профессоры Л. Кызласов IX - XII чӱс чч. городтың иңзерілізін тапхан.^[3].

Л. Р. Кызласов аймах чӧптернің паза редколлегияларның араласчызы полған. Оларның санында СССР-ның Наука академиязының Археология институдының учёнайлар чӧбі (1968—1991), тархын наукаларынҷа ВАК-тың эксперттер комиссиязы (1969—1973), СССР-ның Минвузының Наука техническай паза Наука методическай чӧптерінің паза РСФСР-ның Просвещение министерствозы (1979—1986), СССР/РАН НА-ның Литература паза тіл пӧлииндегі тюркологтар комитеді (1988—1993), «Советская археология» (1979—1988) паза «Татарская археология» (1997 ч сығара., Казань) журналлар редколлегиязы. МГУ-ның Хакасия (1950—1986), Тува (1955—1985), Киргизия (1953—1954), Славянскай (1967) археология экспедицияларынаң устаан. Тархын факультедінің Чӧбінің учёнай хачызы (археология паза этнография секциязы, 1953—1960). МГУ-ның тархын факультедінің паза СССР-ның НА-ның Археология институдының ӱс диссертация чӧбіне кірген.

Наука чидіглері

Леонид Романовичтің 300 азыра наука тоғызы саналча. Оларның санында 15 монография, пасха авторларнаң хада14 кинде. Кӧп статьялары хырығ озаринда чарых кӧргеннер: США-да, Германияда, Францияда, Италияда, Польшада, Турцияда, Индияда, Японияда. Л. Р. Кызласов Фин-Угор пірігізінің араласчызы (Хельсинки, 1983) паза Германиядағы Археология институдының член-корреспонденті полчатханы (Берлин, 1984) ученайны чоннар аразында пӧзік синде паалапчатханын кӧзітче.

Преподаватель тоғызы

Нинҷе-нинҷе чыл Леонид Кызласов тархын факультедінің пастағы курстағы студенттеріне археологияның тиксі курсын хығырған. Сибирьнің тархын паза археология материаллары ӧнетін лекцияларның тӧстее пол парғаннар. Іди «Казахстанның паза Киргизияның археологиязы (тас чӱс чылы — ортын чӱс чылларның пасталғаны)», «Сибирьнің паза Ыраххы Востоктың неолиді паза энеолиді», «Сибирьнің Бронза чӱс чылы» паза пасхазы хығырылған.

Леонид Романович Кызласовтың устаанында 60-ҷа чыл аразына МГУ курзын 70 азыра специалист тоос салған. Ол 40 наука кандидадын паза 14 наука докторын тимнеп салған, оларның 8-зі профессор полыбысхан.

Сыйыхтар паза пӧзік аттар

СССР-ның Хазна сыйииның лауреады (1985)
Ломоносовтың сыйииның I степеньніг лауреады (1982)
Хакас Республиканың Н. Ф. Катановтың адынаң Хазна сыйииның лауреады (№ 1, 1993)
Тува АССР-ның науказының саблығ деятельі (1991)
Хакас Республиканың науказының саблығ деятельі (1994)
Москавадағы хазна университедінің саблығ профессоры (2003)

Илбек Ада чаа араласчызы паза кинегі Л. Р. Кызласов Илбек Ада чааның I паза II степеньніг орденнерінең, «Илбек Ада чаада Германияны чиңіп алған ӱчӱн» медальнаң, Совет Армиязының он медальынаң, «Істеніс ветераны» медальнаң (1984) паза ікі аарластың танығнаң сыйыхтатхан.

Ӧӧн тоғыстары

Кызласов Л. Р. Древняя Тува / Л. Р. Кызласов. — М.: Изд-во МГУ, 1979. — 208 с. — 2870 экз. (в пер.)
Кызласов Л. Р., Леонтьев Н. В. Народные рисунки хакасов / Л. Р. Кызласов, Н. В. Леонтьев. — М.: Наука, 1980. — 176 с. — 8000 экз. (обл.)
История Хакасии с древнейших времен до 1917 / Под ред. Л. Р. Кызласова. — М.: Восточная литература, Наука, 1993. — 528 с. — 10 700 экз. — ISBN 5-02-017080-1. (в пер.)
Кызласов Л. Р. Городская цивилизация Срединной и Северной Азии / Л. Р. Кызласов. — М.: Восточная литература, 2006. — 360 с. — 500 экз. — ISBN 5-02-018532-9. (суперобл.)
Таштыкская эпоха в истории Хакасско-Минусинской котловины (1960),
Кызласов Л.Р. Низами о древнехакасском государстве // Советская археология. 1968. №4. С.69-76.
История Тувы в средние века (1969),
Древняя Тува. От палеолита до IX в. (1979),
Народные рисунки хакасов (в соавторстве с Н. В. Леонтьевым) (1980),
История Южной Сибири в средние века (1984),
Древнейшая Хакасия. М.: Изд-во Московского университета. 1986. 294 с.
Древняя и средневековая история Южной Сибири. В кратком изложении (1989, 1991),
Декоративное искусство средневековых хакасов, как исторический источник (в соавторстве с Г. Г. Король) (1990),
Die ältesten Heiligtümer im mittleren Ienissei-Tal // Beiträge zur Allgemeinen und vergleichenden Archäologie. Bd. 9-10. Mainz, 1990. 137 s.,
Очерки по истории Южной Сибири и Центральной Азии (1992),
Письменные известия о древних городах Сибири (1992),
Земля Сибирская (1994),
О присоединении Хакасии к России (1996),
В Сибирию неведомую за письменами таинственными (1998).
Гуннский дворец на Енисее: Проблема ранней государственности Южной Сибири / Л. Р. Кызласов; МГУ им. М. В. Ломоносова; Правительство Респ. Хакасия; Хакасская археолог. экспедиция. — М. : Вост. лит., 2001. — 12 л. — ISBN 5-02-018198-6, 600 экз.
Новая датировка памятников енисейской письменности // Советская археология. 1960. № 3. С. 152—161.
О датировке памятников енисейской письменности // Советская археология. 1965. № 3. С. 38—49.
О назначении древнетюркских каменных изваяний, изображающих людей // Советская археология. 1964. № 2. С. 27—39.

Алған орын

↑ Кызласов Леонид Романович, Память народа (неопр.) . Дата обращения: 24 Кічіг хырлас айы 2022. Архивировано 24 Кічіг хырлас айы 2022 года.
↑ Информация из донесения о безвозвратных потерях (неопр.) . Дата обращения: 26 Орғах айы 2012. Архивировано 3 Улуғ хырлас айы 2013 года.
↑ В. Зубарев. Археолог штурмует крепость // "Комсомольская правда" от 16 октября 1977

Литература

Милибанд С. Д. Биобиблиографический словарь отечественных востоковедов. М., 1995. Кн. 1;
Архипов Н. Д. Выдающийся сын земли Сибирской. М., 1999;
Кызласов И. Л., Мылтыгашева Л. П. 50-летний юбилей Хакасской археологической экспедиции // Российская археология. 2001. № 3;
Янин В. Л. К 80-летию Л. Р. Кызласова // Российская археология. 2004. № 3;
Древности Востока. Сборник к 80-летию проф. Л. Р. Кызласова. М., 2004;
Энциклопедический словарь Московского университета. Исторический факультет. М., 2005.

Ссылкалар

Кызласов Леонид Романович // Московская энциклопедия. / Гл. ред. С. О. Шмидт. — М., 2007—2014. — Т. I. Лица Москвы: [в 6 кн.].
Л. Р. Кызласову — 95 лет! // А. Анненко. Остановиться, оглянуться. — 27.03.2019. — ТК «Абакан-24».

[1] Кызласов Леонид Романович, Память народа (неопр.) . Дата обращения: 24 Кічіг хырлас айы 2022. Архивировано 24 Кічіг хырлас айы 2022 года.

[2] Информация из донесения о безвозвратных потерях (неопр.) . Дата обращения: 26 Орғах айы 2012. Архивировано 3 Улуғ хырлас айы 2013 года.

[3] В. Зубарев. Археолог штурмует крепость // "Комсомольская правда" от 16 октября 1977

[1]

[2]

[3]