Хакас Республиканың Аарластығ кізізі

Хакас Республиканың Аарластығ чуртағҷызы
Аарластығ кiзiнiң кӧксіндегі тании
II степень
III степень
Хазна	Россия
Федерация субъекті	Хакасия
Тип	Россия Федерациязының субъектінің сыйии[d]
Статус	пирілче
Статистика
Тӧстелген кӱні	2011 чылның улуғ хырлас айының 29-ҷы кӱні
Теес

Хакас Республиканың Аарластығ кізізі (орыс. «Почётный гражданин Республики Хакасия») — аарластығ ат, 2011 чылның улуғ хырлас айының 29-ҷы кӱнінде тӧстелген Россия Федерациязының субъекті Хакасияның иң пӧзік хазна сыйии полча.

Аарластығ ат статузы

Аарластығ ат Россия Федерациязының чуртағҷыларына, пасха хан чирі кізілеріне, гражданство чох улусха Хакас Республикаа паза аның чуртағҷыларына чахсы киректер иткен ӱчӱн, республиканың тилізіне хозым иткен, аның адын Россия Федерациязында паза хырығ озаринда кӧдірчеткен ӱчӱн пирілче.

Аарластығ ат чылда пір хати Республика пайрамында иң кӧп ікі кізее читірілче. Хатап пирілбинче.

Аарластығ ат Хакас Республикаа чахсы киректер иткен алай махачызын кӧзіткен кізілерге ӱреен соонда даа пирілче.

Аарластығ атха турысхан улусха пір хати паза чыл сай пирілчеткен ахчалығ сыйых кӧріл парған.

Аарластығ атты Хакас Республиканың Пазы — Хакас Республиканың Правительство Кнезі пирче. Атты пирері Хакас Правительствозының чарадиинаң тимнелче. «Хакас Республиканың Аарластығ кізізі» атты пирерінеңер сурығны кӧдірер праволығ Хакас Республиканың Пазы, Хакас Республиканың Ӧӧркі Чӧп Кнезі, орындағы пос устаныстар, тоғыс ӧмелері паза халых пірігістері. Аарластығ атха турысхан кізілернің аттары Хакас Республиканың аарластығ кізілері киндеге кирілчелер, хайзы Л.Р.Кызласовтың адынаң хакас национальнай чир-суғ ӱгренҷең музейде чонға азых орында орныхча.

Алған орын

Ссылкалар

• Государственные награды Республики Хакасия  (рус.). Верховный Совет Республики Хакасия. Дата обращения: 12 Орғах айы 2025.