Хакасияның Іҷе-паба сабланызы
| «Хакасияның Іҷе-паба сабланызы» медаль | |||
|---|---|---|---|
|
|||
| II степень | |||
| III степень | |||
| Хазна | Россия | ||
| Регион | Хакасия | ||
| Тип | Россия Федерациязының субъектінің сыйии[d] | ||
| Статус | пирілче | ||
| Статистика | |||
| Тӧстелген кӱні | 2012 чылда | ||
| Теес | |||
«Хакасияның іҷе-паба сабланызы» медаль (орыс. Медаль «Родительская доблесть Хакасии») — аарластығ ат, Россия Федерациязының субъекті Хакасияның пӧзік хазна сыйыхтарының пірсі полча[1]
Медаль статузы
Хакас Республикада чуртапчатхан хоных хонған іҷе-пабалар (пала тудынчатхан іҷе-пабалар), толдыра нимес сӧбіренің пір кізізі (іҷезі алай пабазы) пис алай аннаң даа кӧп пала ӧскіріп, оларға пик хазых, чуртастың аймах саринаң тилізiн пиріп, палаларын хазых чуртасха кӧӧктіріп, пик сӧбіре тӧстирінде, ідӧк ӧсчеткен тӧлге турыстығ кӧзідім полчатханы ӱчӱн медальнаң сыйыхтатчалар.
Медаль читірілчеткен туста іҷе-пабаларның (пала тудынчатхан іҷе-пабаларның) пизінҷі палазы ӱс частығ поларға кирек.
Ада чир-суун арачылап, алай чааҷы службазын апарчадып, алай кізі тынын ал халарда, закон паза амыр чуртас ӱчӱн хадағда турып, ӱреен алай чіт парған кізілер, ідӧк палығлатхан, алай ағырған соонда, алай тоғыста пиртінген соонда, алай кинен полып ӱреен, саайға кірген кізілер пала санына кірчелер. Частары хоостыра ол тусха иң асхынах ӱс частығ поларға киректер.
Медальнаң сыйыхтатхан iҷе-пабаның пірсіне пір хати тӧлелчеткен ахчалығ сыйых пирілче[1][2].
Медальның тастындағы кӧрімі
«Хакасияның Іҷе-паба сабланызы» медаль алтыннаң сырлалған чиснең иділче. Тегілек медальның диаметрі 31 мм. Сын сариның ӱстӱндегі чардығында, ортызынҷа, солярнай танығ иділген, аның алтында, медальның ортызында поғозы хоосталых, ол хазың салааларынаң ӱрілік. Поғо істінде кӱн паза аның сустары, оларның алтында паланы тутчатхан іҷе-паба хоозы. Медальның сын саринда «Хакасияның Іҷе-паба сабланызы» пазыл парған. Медальның арған саринда аның номері таныхтал парған.
Медальның тизігіне кӧні пулуңнығ колодка хаптырылча. Аның улии 48 х 26 мм. Медаль колодказы солярнай танығ хоосталых. Ортын паза алтындағы чардыхтары ӱс ӧңніг чалбаа 24 мм чаламанаң тартылғаннар[3].
Колодканың арған саринда кип-азахха хаптырҷаң ниме пар.
Ідӧк кӧріңер
- Хакас Республиканың хазна сыйыхтары
- «Хакасияа чахсы киректер ӱчӱн» орден
- Хакасияның Істеніс сабланызы
- Н. Ф. Катановтың медальы
- Хакас Республиканың Аарластығ кізізі