Н. Ф. Катановтың медальы
| Н. Ф. Катановтың медальы | |||
|---|---|---|---|
|
|||
| II степень | |||
| III степень | |||
| Хазна | Россия | ||
| Регион | Хакасия | ||
| Статус | пирілче | ||
| Статистика | |||
| Тӧстелген кӱні | 24 февральда 2012 чылда | ||
| Теес | |||
Н. Ф. Катановтың медальы (орыс. «Медаль Н. Ф. Катанова») — Россия Федерациязының субъекті Хакасияның Ӧӧркі Чӧбі пастыра алылған хазна сыйии. Хакас Республиканың 24 февральда 2012 чылда сыххан 16-ЗРХ № «Н.Ф. Катановтың медальын тӧстирінеңер» Законы хоостыра тӧстелген[1][2]
Медаль статузы
Н. Ф. Катановтың медальы наука тоғыстарын паза істезіглерін апарған, наука тилізіне, ӱгредіг киреене паза культураа улуғ хозым иткен паза Хакас Республикада саблан парған Россия Федерациязының чуртағчыларына читірілче.
Н. Ф. Катановтың медальын алған кізілерге пір хати пирілчеткен ахчалығ сыйых тӧлелче.
Медальның тастындағы кӧрімі
Медаль латуньнаң иділче, ол тегілек, диаметрі 32 мм читче. Медальның сын саринда, 20,8 мм тегілекте, Н. Ф. Катановтың омазы хоосталған. Медальның тасты хыриның паза омалығ тегілек аразы ноған ӧңніг ювелир эмальынаң сырлалған. Ӱстӱнде "1862 - 1922", алтында "Н.Ф. Катанов" пазылых. Медальның арған саринда, ӱстӱндегі чардығында «Хакас Республика», ортызында «Наука, ӱгредіг, культура тилізіне чахсы киректер ӱчӱн» пазылых. Медальның тизігіне кӧні пулуңнығ колодка хаптырылча. Аның улии 24 х 16 мм. Колодканың істі тӧрт ӧңніг эмальнаң сырлалған, ол Хакас Республиканың флагының ӧңнеріне тӧӧй иділген.
Ідӧк кӧріңер
- Хакас Республиканың хазна сыйыхтары
- «Хакасияа чахсы киректер ӱчӱн» орден
- Хакасияның Істеніс сабланызы
- Хакас Республиканың Аарластығ кізізі