Хакасияның флагы
| Хакас Республиканың флагы | |
|---|---|
 | |
| Субъект | Хакас Республика |
| Хазна | Россия |
| Алылған | 1 октября 2003 |
| Пропорция | 1:2 |
| ГГР в номерi | 1327 |
| Автор | |
| С. А. Донсков, Г. А. Вяткин | |
| Алнындағы флагтар | |
|
.svg) 6 июня 1992 — 23 декабря 1993 |
|
| Пропорция | 1:2 |
 Медиафайлы на РУВИКИ.Медиа | |
.svg)
.svg)
Хакасияның флагы (орыс. Флаг Хакасии) Российской Федерациязындағы Хакасияның хазна тании полча.
Амғы флаг Хакас Республиканың 1 октябрьда 2003 чылда сыххан 52 № Законы хоостыра алылған[1] паза 1327 регистрация номерліг Россия Федерациязының хазна геральдика регистріне кирілген.
Чарыдығ
«Хакас Республиканың Хазна флагы - кӧні пулуңнығ тӧрт чоллығ чалама. Пір тиң ӱс чолы чатыралар: ӱстӱндегізі — кӧк тигір, ортызындағызы — ах, алтындағызы — хызыл ӧңніг. Тӧртінҷі ноған чолы турғыза иділген, чатыра чолларны піріктірче.
Ноған чолның ортызында алтын ӧңніг солярнай танығ хоосталған (Тилекей тании).
Полған на чолның чалбаана флагтың ӱзінҷі чардығы килісче.
Флагтың узунына 1:2 чалбаа килісче».
1992—2003 чч флагтар
1992—2003 чылларда Хакасияның флагының кӧрімі амғызы осхас полған, че чолларның ӧңнер изерізі пасхалалған (ӱстӱнең алтынзар:ах, кӧк, хызыл). 2003 чылда Россия Федерациязының Президентінің холындағы Геральдика чӧбінің кӱстенізінең паза Хакас Республиканың прокурорының Хакас Республиканың 25 ноябрьда 2002 чылда сыххан 68 № «О Хакас Республиканың Хазна флагынаңар» Законының 1-ғы статьязынаң чараспинчатханы хоостыра[2], флагтағы чолларның ӧңнер изерізі алыстырылған. Ол Россияның флагындағы чолларның ӧңнер изерізін хаттабас пӧгіннең иділген. «Россия Федерациязының Хазна флагынаңар» федеральнай Конституция законы аны чаратпинча. 1992 чылдағы флагта солярнай танығ хара-ӧңніг полған[3], 1993 чылдағы флагта — алтын-ах[4], 2002 чылдағызында — алтын[5].
1992 чылдағы флаг
«Хакас Республиканың Хазна флагы Хакасияның Россия Федерациязына кірчеткенін, Россия Федерациязының прай субъекттерінең паза СНГ-ның хазналарынаң политика, социальнай-экономика палғалызын тударға тимненізін таныхтапча.
Хакас Республиканың хазна флагы — ӱс ӧңніг чатыра пір тиң чоллығ чалама. Ӧңнері — ах, кӧгілбей, аалай. Турғыза чолы ноған ӧңніг.
Хакасияның флагының ӧңнері Россия Федерациязының Хазна флагына тӧӧйлер, анзы Хакасия Россия Федерациязының субъекті полчатханын таныхтапча.
Ноған ӧң чуртастың ӱзілбезін, Хакасия чоннарының ынархазын таныхтапча.
Ноған ӧңніг чолның ортызында солярнай танығ орныхча. Ол Хакасияда чуртаан, пу танығны кӧзеелерде артысхан кізілерні улуғлапчатханын кӧзiтче. Танығдағы хара ӧң аны хоостаан кізілернің хыйғазын таныхтапча.
Ідӧк кӧр
Алған орын
- ↑ Закон Республики Хакасия от 01.10.2003 № 52 «О внесении изменений в Закон Республики Хакасия „О Государственном флаге Республики Хакасия“». Дата обращения: 22 От айы 2017. Архивировано 22 Хандых айы 2020 года.
- ↑ О протесте прокурора Республики Хакасия на статью 1 Закона Республики Хакасия от 25 ноября 2002 года № 68 «О Государственном флаге Республики Хакасия»: постановление Верхов. Совета Респ. Хакасия от 19 марта 2003 г. № 603-16 // Постановления Верховного Совета Республики Хакасия, принятые на шестнадцатой сессии Верховного Совета Республики Хакасия третьего созыва 19 марта 2003 года. — Абакан, 2003. — С. 10; Вестн. Хакасии. — 2003. — № 22/23. — С.19.
- ↑ Закон Республики Хакасия от 06.06.1992 № 7 «О Государственном флаге Республики Хакасия». Дата обращения: 24 Ӱртӱн айы 2009. Архивировано 29 Кӧрік айы 2008 года.
- ↑ Закон Республики Хакасия от 23.12.1993 № 29 «О внесении изменений в законы Республики Хакасия „О Государственном флаге Республики Хакасия“ и „О Государственном гербе Республики Хакасия“» (недоступная ссылка)
- ↑ Закон Республики Хакасия от 25.11.2002 № 68 «О Государственном флаге Республики Хакасия»
