Хакасияның алтын ізенізі
| «Хакасияның алтын ізенізі» медаль | |||
|---|---|---|---|
|
|||
| II степень | |||
| III степень | |||
| Хазна | Россия | ||
| Федерация субъекті | Хакасия | ||
| Тип | медаль[d] | ||
| Статус | пирілче | ||
| Статистика | |||
| Тӧстелген кӱні | 24 июньда 2014 чылда | ||
| Теес | |||
.png)
«Хакасияның алтын ізенізі» медаль (орыс. Медаль «Золотая надежда Хакасии») — 24 июньда 2014 чылда тӧстелген Россия Федерациязының субъекті Хакасияның сыйыхтарының пірсі полча[1].
Медаль статузы
«Хакасияның алтын ізенізі» медальнаң Хакас Республикадағы хазна аккредитациязы хоостыра ортымах тиксі ӱгредіг программазынҷа тоғынчатхан ӱгредіг учреждениелерін тоосчатхан ӱгренҷілер сыйыхтатчалар. Ол ӱгренҷілер ӱгредіг киреенде тирең пілістер кӧзідерге киректер паза наука-істезіг киреенде, алай наука-техника паза чайаачы киреенде, алай физическай культура паза спорт кӧстеглерінде пӧзік салтарларға пу оңдайларда чидерге киректер:
- школа тоосчатхан оол-хыс хазна аттестациязын иртіп, ортымах тиксі ӱгредіг программазынҷа ӱгредігнің чарым чылларын, чылларын прай предметтерҷе «5» паалаға тоозыбызарға кирек.
- школа тоосчатхан оол-хыс орыс тілінең пірге хазна сыныхтағ тоғызын 75 баллдаң тӧбін паспасха кирек, профильліг математикаҷа иң асхынах 75 балл поларға кирек, ӧӧн синде 5 паалағ аларға кирек;
- школа тоосчатхан оол-хыс город-аймах, регион, Россия синіндегі олимпиадаларның алай пасха чайаачы, спорт марығларының чинісчізі поларға кирек. Санға алылча халғанҷы ікі чылның салтарлары.
Математикаҷа пірге хазна сыныхтағ тоғызы профиль паза ӧӧн синінде тудылза, профиль синінің салтары санға алылча[1].
Медаль кӧрімі
Медаль алтынға тӧӧй материалнаң иділген тегілек медальон полча. Диаметрі 40 мм. Сын сариның ортызында «Хакасияның алтын ізенізі» пазылых. Ибіре пальма салаалары хоосталых, олар сіліг чаламанаң палғалыхтар. Арған сариның сол хыринда глобус орныхча, оң саринда мантиялығ паза академия пӧрігін кис салған хызыҷах, ол сол холында кинде, оң холында карандаш тудын салтыр. Полған на медаль пластик алай бархат футлярына салылча.
2021 чылда алтын медальға тоосхан чиитернің 116 оол-хызы «Хакасияның алтын ізенізі» медальны алған[2].
Ідӧк кӧріңер
- Хакас Республиканың хазна сыйыхтары
- «Хакасияа чахсы киректер ӱчӱн» орден
- Хакас Республиканың Аарластығ кізізі
- Хакасияның Іҷе-паба сабланызы