Хакас Республика Пазының алғыстазы

Рувики тiп сайттаң
Хакас Республика Пазының алғыстазы
II степень
III степень
Хазна Россия
Федерация субъекті Хакасия
Тип Россия Федерациязының субъектінің сыйии[d] и сыйых[d]
Статус пирілче
Статистика
Тӧстелген кӱні 2009 чылның орғах айының 26-ҷы кӱні
Теес

Хакас Республиканың Пазының алғыстазы (орыс. Благодарность Главы Республики Хакасия) — 2009 чылның орғах айының 26-ҷы кӱнінде тӧстелген Россия Федерациязының субъекті Хакас Республиканың Пазының махтағлығ пічии.

Чарыдығ

Аарластығ пічік Хакас Республиканың 2009 чылның орғах айының 26-ҷы кӱнінде сыххан 26-ПП N «Махтағлығ форма – Хакас Республиканың Пазы – Хакас Республиканың Правительство Кнезінің алғыстазын тӧстирінеңер» чарадиинаң кирілген[1]. Хакас Республиканың Пазы – Хакас Республиканың Правительство Кнезінің алғыстазынаң тоғыста пӧзік узын кӧзіткен, ах сағыснаң істенген, республиканың экономика тилізіне хозым иткен, істеніс киреенің аймах отрасльларында регионға туза ағылған кізілер паза тоғыс ӧмелері сыйыхтатчалар. Сыйыхтас алынҷа алай танығлығ кӱннерде, профессия ӱлӱкӱннерінде, пайрамнарда иділче[2].

Алғыстас Хакас Республиканың Пазы - Хакас Республиканың Правительство Кнезінің чахиинаң чарлалча. Махтағлығ пічікті — алғыстасты Хакас Республиканың Пазы читірче, аның чахиинаң регионның толдырығ органнарының устағҷылары, городтар, аймахтар пастары паза пасха устағҷылар сыйыхтир праволығлар[3].

Пічіктің тастындағы кӧрімі

Алғыстас – сӱлейке рамаҷахтағы улии 210 х 297 мм турғыза ах ӧңніг дизайнер чазын бланкы. Сын саринда 156 х 243 мм чазы, ол ах кӱрең ӧңніг. Чазы солярнай танығ хоозынаң чазалых. Ол чылтырах алтын ӧңнін фольганаң иділік. Бланктың ибіре, хырынаң 27 мм кире алтын ӧңніг рамаҷах иділік, анда чатыра петроглифтер паза Хакасияның чапсых орыннары алтын ӧңніг фольганаң чайалыхтар. Ӱстӱнде ортызынҷа диаметрі 36 мм Хакас Республиканың хазна гербі  (орыс) (рус. хоосталых. Алтында ортызында гербтің 8 мм алтында алтын ӧңніг фольганаң «Алғыстас» пазылых. Алтында гербтің 28 мм алтында ӱс чолда "Хакас Республиканың Пазы – Хакас Республиканың Правительство Кнезінің" пазылых. Пічіктің ортызында - фамилия, ады, пабазының ады (пар полза), сыйыхтатчатхан кізінің должнозы алай "тоғыс ӧмезіне" сӧстер паза пірігістің ады (пос идінҷектің), ідӧк хайдағ тузалығ киректер ӱчӱн сыйыхтатчатханы кӧзіділче. Алтында сол саринаң - " Хакас Республиканың Пазы – Хакас Республиканың Правительство Кнезінің", хол салҷаң орын, Хакасия Пазының адының инициалы паза фамилиязы.Тоғыра – Хакас Республиканың Правительствозының печатьы. Иң алтында ортызында "Чахығ", пічіктің кӱні паза номері, "Ағбан город" пазылча[4].

Алған орын

  1. ↑ Об учреждении формы морального поощрения - Благодарность Главы Республики Хакасия - Председателя Правительства Республики Хакасия. Электронный фонд правовых и нормативно-технических документов. Дата обращения: 31 От айы 2025.
  2. ↑ Положение о Благодарности Председателя Главы Респблики Хакасия – Правительства Республики Хакасия. Гарант. Дата обращения: 31 От айы 2025.
  3. ↑ О внесении изменений в постановление Председателя Правительства Республики Хакасия от 26.08.2009 № 26-ПП «Об учреждении формы морального поощрения – Благодарность Главы Республики Хакасия – Председателя Правительства Республики. Правительство Республики Хакасия (15 Орғах айы 2023). Дата обращения: 31 От айы 2025.
  4. ↑ Об учреждении формы морального поощрения - Благодарность Главы Республики Хакасия - Председателя Правительства Республики Хакасия. pravo.gov.ru. Дата обращения: 31 От айы 2025.
Алған орны - https://kjh.ruwiki.ru/w/index.php?title=Хакас_Республика_Пазының_алғыстазы&oldid=146859