Майногашева, Валентина Евгеньевна

Валентина Евгеньевна Майногашева
Тӧреен кӱні	15 ӱртӱн айы 1930({{padleft:1930|4|0}}-{{padleft:9|2|0}}-{{padleft:15|2|0}})
Тӧреен чирі	Улуғ Сыр, Асхыс аймағы, Хакасия, СССР
Ӱреен кӱні	22 ӱртӱн айы 2021({{padleft:2021|4|0}}-{{padleft:9|2|0}}-{{padleft:22|2|0}}) (91 час)
Ӱреен чирі	Ағбан, Хакасия, Россия
Наука сферазы	филология, хакасоведение
Учёнай степеньі	филология наукаларының кандидады
Пілчелер	хакас фольклорының істезігҷізі
Сыйыхтар паза премиялар	Хакас Республиканың науказының саблығ деятельі, Хакас Республиканың Н. Ф. Катановтың адынаң хазна сыйииның лауреады (1995)
Сайт	vemainogasheva.ru

Валентина Евгеньевна Майногашева (15 ӱртӱн айы 1930, Асхыс аймағы, Кидеркі Сибирь крайы^[d] — 22 ӱртӱн айы 2021, Ағбан) — совет паза Россия филологы, тілбесчі, хакас фольклорының істезігҷізі, литература критигі, халых кізізі. Филология наукаларының кандидады. Россияның Писательлер пірігізінің кізізі (1992). Хакас Республиканың науказының саблығ деятельі (1994), Чоннар аразындағы тӱрк академиязының академигі (1994). Хакас Республиканың Н. Ф. Катановтың адынаң хазна сыйииның лауреады (1995).

Чуртас чолы

Валентина Евгеньевна 1930 чылның ӱртӱн айының 15-ҷі кӱнінде Хакасияның Асхыс аймаандағы Улуғ Сыр аалында кӧп палалығ сӧбіреде тӧреен. Репрессия тартылған іҷе-пабазынаң хада 1931 чылда Кемеров облазынзар ыстырған. Хакас облазының национальнай школазын тоос салған. 1950 чылда М. В. Ломоносовтың адынаң Москвадағы хазна университедінің филология факультедінің іскеркі пӧлиинің тӱрк филологиязына кіріп алған, аны 1955 чылда тоос салған. Хакасияның тіл, литература паза тархын наука-істезігліг институдында ӱр нимес істенген, 1955—1957 чылларда Сыра аймаандағы школада ӱгретчі полып тоғынған, анаң «Ленин чолы» газетада тілбесчі полған.

1963—1967 чылларда СССР-ның Наука академиязының Сибирьдегі пӧлиинің Тархын, филология паза философия институдының аспирантуразында ӱгренген. «Алтын Арығ» хакас алыптығ нымах" темаҷа кандидат диссертациязын маңнаныстығ арачылаан.

1967 чылның хандых айының 1-ғы кӱнінең сығара ХакНИИЯЛИ-да тоғын сыххан. Майногашева, Хакасияның аймахтарынҷа чорыхха сығып, хакас чонның пазылбин пӱткен чайаачызының материалларын чығҷаң. Хакас чонның алыпптығ нымахтарын чыырынҷа читі фольклор экспедициязының (1964, 1969, 1979, 1982, 1985, 1986, 1991 годы) устағҷызы полған.

1994 чылда ХакНИИЯЛИ-да фольклор секторы азылғанда, анынаң 2004 чылға теере устаан. Хакас чонның пазылбин пӱткен чайаачызын наука саринаң істесче паза чарытча. Майногашева 31 алыптығ нымах паза пасха жанрлар произведениелерін пічікке кир салған.

В. Е. Майногашева И. Л. Кызласовтың киндезінің пастағы кӧзідиинде чоох тутча. 2017.

Майногашева хакас чонның алыптығ нымахтарын істескен. 1988 чылда Москвада «СССР-ның чоннарының эпозы» серияда чарыхха сыххан «Алтын Арығ» алыптығ нымахтың текзін тимнеен, тілбестеглер иткен, аны наука саринаң чарыт пирген. 1997 чылда Майногашева «Памятники народов Сибири и Дальнего Востока» серияа «Ай Хууҷин» алыптығ нымахты тимнеп пирген. Алыптығ нымахтарның ікізін хайҷы Пётр Курбижеков толдырған. Майногашева ікі чӱс азыра наука паза ӱгредіг — методика тоғыстарын чарыхха сығарыбысхан. Ол санда хакас национальнай школаларның 9 — 10-х класстағы ӱгренҷілеріне учебник-хрестоматия, школаларға хакас фольклорынҷа ӱгредіг программалар тимнеп салған. Кӧп чыллар «Ах тасхыл» альманахтың редколлегия кізізі полып, наука паза наука-популярнай статьяларны тӱзетчең. Область паза республика синіндегі кибірліг айтыстар марығларында чарғы кізізі полҷаң.

Алыптығ нымахтарның тілбесчізі 1992 чылда Россияның Писательлер пірігізіне алылған. Республиканың халых киреенде араласхан, «Алтынай» ипчілер лигазының устааның кізізі полған.

Хакас Республиканың науказының саблығ деятельі. 1995 чылда Хакас Республиканың Н. Ф. Катановтың адынаң хазна сыйииның лауреады атха турысхан. Чоннар аразындағы тӱрк академиязының академигі.

2005 чылда гуманизм паза Россияа істенізі ӱчӱн «100 час М. А. Шолоховха» медальнаң сыйыхтатхан. 2015 чылда Россия Президенінің 22 октябрьда 2015 чылда сыххан чахиинаң — «Ада чир-сууна чахсы киректер иткен ӱчӱн» II син орден медальынаң.

Ағбанда чуртаан.

2021 чылның ӱртӱн айының 22-ҷі кӱнінде ах чарыхтаң парыбысхан.

Хумартхызы

2025 чылның ӱртӱн айында Ағбанда Майногашеваның хумартхызына чарыдылған регионнар аразында тегілек стол ирткен. Анда учёнайның наука паза чайаачы чолынаңар паза хозымынаңар чоох парған.

Хысхаҷах библиографиязы

• О народности основы героического сказания «Албынжи» // Учёные записки ХакНИИЯЛИ. — Абакан, 1956. — Вып. IV. — С. 78 — 89.
• Образ Хуу-Иней в хакасском героическом эпосе // Исследования по языку и фольклору. — Новосибирск, 1965. — Вып. I. — С. 202—222.
• Идейное содержание хакасского героического сказания «Алтын Арыг» // Учёные зап. / ХакНИИЯЛИ. — 1966. — Вып. XII. — С. 49—68.
• Об изучении героического эпоса хакасов // Изв. Сиб. отд-ния АН СССР. Сер. Обществ. науки. — 1967. — № 1. — С. 105—111.
• Хакасское героическое сказание «Алтын-Арыг»: Автореф. дис. на соиск. учен. степ. канд. филол. наук. — Новосибирск, 1967. — 17 с.
• Хан Мирген: Богатырское сказание / зап. от М. Доброва; лит. обраб., вступ. ст., коммент. В. Е. Майногашевой. — Абакан, 1969. — 210 с.
• Хара Хусхун: Богатырское сказание / В. Е. Майногашева; зап. от Т. В. Тоданова; лит. обраб., вступ. ст. В. Е. Майногашевой. — Абакан: Хакасское отделение Краснояр. кн. изд-ва, 1977. — 195 с. — На хакас. яз.
• Алтын Арыг: Хакасский героический эпос / зап., подгот. текста, вступ. ст. пер., коммент. В. Е. Майногашевой. — М.: Наука, 1988. — 592 с. — На хакас. и рус. яз.
• Ай Хуучин: Богатырское сказание / зап. от П. В. Курбижекова; лит. обраб. подгот. к изд. В. Е. Майногашевой. — Абакан, 1991. — 302 с.
• Сарыг-Чанывар: Хакас. сказание / сказитель И. Сырыгашев; зап., подстр. пер. В. Е. Майногашевой; пер. и перелож. А. В. Преловского // Сибирские сказания. — М.: Современник, 1991. — С. 37—125.
• Ай Хуучин: Хакасский героический эпос / сказитель В. П. Курбижеков; вступ. ст., зап. и подгот. текста, пер., примеч. и коммент., прил. В. Е. Майногашевой. — Новосибирск: Наука, 1997. — 479 с. — Прил.: 1 грп.. — На хакас. и рус. яз.
• Об академической серии «Памятники фольклора народов Сибири и Дальнего Востока» // Ежегодник Ин-та саяно-алтайской тюркологии Хакасского гос ун-та им. Н. Ф. Катанова. — Абакан, 2005. — Вып. IX. — C. 92—97.

Алған орын

Литература

• Рыбакова Л. В. Майногашева Валентина Евгеньевна // Российские фольклористы: Справочник. — М., 1994. — С. 80.
• Майногашева Валентина Евгеньевна // Хакасия — 2000. Календарь знаменательный и памятных дат. — Абакан, 1999. — С. 58-59.
• Майногашева Валентина Евгеньевна // Лучшие люди России: Энциклопедия. — М., 2003. — С. 430.
• Кошелева А. Л. Майногашева Валентина Евгеньевна // Энциклопедия Республики Хакасия. — Т. I. — Абакан, 2007. — С. 365.
• Миндибекова В. В. Майногашева Валентина Евгеньевна // Славные люди хакасского народа. — Абакан, 2010. — С. 75-78.
• Ахпашева Н. Оставить след в истории народа: [О присуждении В. Е. Майногашевой Гос. премии Республики Хакасии им. Н. Ф. Катанова за 1994 г.] / Н. Ахпашева // Вестник Хакасии. — 1996. — 4—11 янв.
• Ачитаева Л., Кулумаева С., Ултургашева Е. Кeлeкнеy кeннirбiс, алыпнаy нанныuбыс / Л. Ачитаева, С. Кулумаева, Е. Ултургашева // Хакас чирi. — 1999. — 18 нояб.
• Ачитаева Л., Тотышев С. Памятник народа. Памятник народу: [На соискание премии им. Н. Ф. Катанова выдвинута книга В. Е. Майногашевой «Алтын Арыг», хакасский героический эпос] / Л. Ачитаева, С. Тотышев // Хакасия. — 1995. — 16 мая

Ссылкалар

• Персональный сайт Майногашевой Валентины Евгеньевны  (рус.). web.archive.org. Дата обращения: 27 Чарыс айы 2025.
• Майногашева Валентина Евгеньевна  (рус.). Дом литераторов Хакасии. Дата обращения: 27 Чарыс айы 2025.