Курбижеков, Пётр Васильевич
| Пётр Васильевич Курбижеков | |
|---|---|
| хак. Кӧрбе Пӧдір-оол | |
 | |
| Тӧреен кӱні | 11 кічіг хырлас айы 1910 |
| Тӧреен чирі | Итеменев аал, Ким губерниязы, Россия империязы |
| Ӱреен кӱні | 10 ӱртӱн айы 1966 (55 час) |
| Ӱреен чирі | Наа аал, Хакас автоном облазы, СССР |
| Айғасчатхан кирее | хайҷы, кибелісчі |
Пётр Васильевич Курбижеков (хак. Кӧрбе Пӧдір-оол, 11 ноябрьда 1910 чылда[1], Пуғалар аалы, Ким губерниязының Ачинск уезді — 10 сентябрьда 1966 чылда, Наа аал, Хакас автоном облазы) — хакас хайҷы.
Чуртас чолы
Пётр Курбижеков кӧп палалығ чуға чуртапчатхан сӧбіреде тӧреен. Пабазы Василий Егорович аттар ӧскірген, іҷезі Евдокия Дементьевна Наа аалның совхозында ат тиріглерін итчең ус полып істенген. Тай ағазы Дементий Иванович Кульбистеев ол арада саблығ хайҷыға саналған. Пархазы Пётр аның чайаачы чолын пасхан. Кічігдең ала саблығ хайҷыларның алыптығ нымахтарын исчең, хызылларның ысчатхан хоос оңдайына килген[2]. Курбижеков хакас чонның пазылбин пӱткен чайаачызының аймах жанрларын толдырған: алыптығ нымахтарны, кип-чоохтарны, чон ырларын, тахпахтарны. Сӧспек-систепектерні, таптырғастарны пілген. Пасха хакас хайҷыларның узынаң таныс полған. Оларның аразында А.И. Янгулов, С. П. Кадышев, А. С. Бурнаков паза пасхазы полғаннар[3]. Чибіргі частығда алыптығ нымахтар ызып, чонның хайиин тартхан.
Илбек Адалығ тузында Курбижеков Хакас кӧл хазында служба ирткен, тӧреен чирінзер кинек айланған. Копьевтағы совхозта тоғысчы полып істенген.
П. В. Курбижеков пір чӱс азыра поэма паза алыптығ нымах пілген, пазында чарым миллионҷа кибеліс чолын тутчаң. «Тасха Матыр», «Айдолай», «Ай-Хууҷин», «Алтын-Арығ», «Сай Хара», «Чабал Ах хан», «Кӱмӱс Арыг» хакас алыптығ нымахтарының авторы полча. Чеені А. В. Курбижекованың чооғынаң: «Уғаа сіліп паза пілеп ойнаҷаң, аның алысчатхан чатхан ӱнін паза хайҷының нымзах ӱнін ээлер дее ситкіп хынып исчеңнер… Хакасиядағы аның сабланызын СССР-дағы Владимир Высоцкийнің сабланызынаң на тиңнестірерге чарир»[4].
Репертуарынаң позы 14 произведение пас салған. Аның «Алтын-Арыг» паза «Ай-хууҷин» алтыптығ нымахтарының версиялары «»Из своего репертуара он сам записал 14 произведений. Его варианты «Алтын-Арыг» и «Ай-хуучин» изданы в академических сериях "Эпос народов СССР (Москва, 1988) паза «Памятники фольклора народов Сибири и Дальнего Востока» (Новосибирск, 1997) академия серияларында чарых кӧргеннер, анда оларның орыс тіліне тілбестеглері паза наука аппарады пирілче.
Пётр Курбижеков ах чарыхтаң парыбысхан 1966 чылның ӱртӱн айының 10-ҷы кӱнінде. Хакасияның Наа аалында сӧӧгі чатча[5]. Хакас алыптығ нымахты ысчатхан хайҷыларны сыйыхтир пӧгіннең, 2022 чылда кӱскӱде Хакас Республиканың правительствозының чарадиинаң Пётр Васильевич Курбижековтын адынаң Хакас Республика правительствозының сыйии тӧстелген [6].
Алынҷа изданиелері
- Айдолай: героическое сказание = Айдолай: алыптығ нымах / [сказитель П. В. Курбижеков] . – Абакан : Хакасское книжное издательство, 1963. – 192 с.
- Хакасский героический эпос: Ай-Хуучин / [сказитель П. В. Курбижеков]. – Новосибирск : Наука, 1997. – 476 с.
- Айдолай : (алыптығ нымах) : [героическое сказание / хайҷы П.В. Курбижековтаң]. – Абакан: Бригантина, 2016. – 195 с.
- Ай Салғынаң Кӱн Салғы = Ай Салгы и Кюн Салгы : [хакасский героический эпос] / [записал П. В. Курбижеков]. – Абакан : [б. и.], 2020. – 111 с.
- Ах сабдар аттығ Алтын Сейзең = Алтын Сейзен на Бело-игренем коне : [алыптығ нымах] / [записал сказитель П. В. Курбижеков ; автор-составитель В. Е. Майногашева]. – Абакан : [б. и.], 2010. – 162 с.
Алған орын
- ↑ Найдена метрическая запись о рождении/крещении хайджи П. В. Курбижекова // Министерство культуры Республики Хакасия
- ↑ Майнагашева В. Е. Курбижеков Пётр Васильевич // Славные люди хакасского народа / Хакасский научно-исследовательский институт языка, литературы и истории. — Абакан : ДиалогСибирь, 2010. — С. 27.
- ↑ Н. С. Чистобаева. Курбижеков Петр Васильевич (100 лет со дня рождения). Национальная библиотека имени Н. Г. Доможакова. Дата обращения: 14 Хосхар айы 2025.
- ↑ Берняцкий Илья Сын своей земли Архивная копия от 24 Азығ айы 2020 на Wayback Machine // Хакасия. — 2013. — 29 мая.
- ↑ Захоронение Курбижекова П.В. ookn19.ru. Дата обращения: 14 Хосхар айы 2025.
- ↑ В Хакасии учреждена премия имени Петра Курбижекова. Информационное агенство Хакасия (11 Чарыс айы 2022). Дата обращения: 14 Хосхар айы 2025.
Литература
- Алтын-Арыг: хакасский героический эпос. — М.: Наука, 1988.
- Ай-Хуучин: хакасский героический эпос. — Новосибирск, 1997.
- Майногашева В. Е. Курбижеков Пётр Васильевич // Энциклопедия Республики Хакасия. — Абакан, 2007. — С. 330.
- Майногашева В. Е. Курбижеков Пётр Васильевич // Славные люди хакасского народа / Хакасский научно-исследовательский институт языка, литературы и истории. — Абакан : ДиалогСибирь, 2010. — С. 27-28.
Ссылкалар
- Курбижеков Петр Васильевич // Национальная библиотека имени Н. Г. Доможакова
- Хакасский хайджи-нымахчи (сказитель) — Курбижеков П. В. // Художественный мир Сибири
- Берняцкий Илья Сын своей земли // Хакасия. — 2013. — 29 мая.
- Королькова, Н. Хайджи поставляет нам небо. // Хакасия/ — 2010. — 25 ноября.