Майнагашева, Нина Семёновна
| Нина Семёновна Майнагашева | |
|---|---|
 | |
| Тӧреен кӱні | 19 кӧрік айы 1971 (55 час) |
| Тӧреен чирі | Улуғ Арбыт, Тастып аймағы, Хакас Республика |
| Хазна |
 СССР →  Россия |
| Наука сферазы | филология |
| Тоғыс орны | ХакНИИЯЛИ директоры |
| Ӱгредии | |
| Учёнай степеньі | (2008) |
Нина Семёновна Майнагашева (тӧр. 19 кӧрік айы 1971, Улуғ Арбыт[d], Хызылчар крайы[d] алай Тастып аймағы, Хызылчар крайы[d]) — хакас литературазының істезігҷізі, филология наукаларының кандидады (2008), ХакНИИЯЛИ директоры (2022), «Ине тілі » халых пірігізінің кнезі, Россияның Писательлер пірігізінің кізізі, Россиядағы тюркологтар комитедінің кізізі[1].
Чуртас чолы
Тастып аймаандағы Улуғ Арбыт аалда кӧп палалығ сӧбіреде тӧреен. 1998 чылда Кічіг Арбыттағы ортымах школаны тоозып, Ағбандағы ӱгретчілер хазна институдына ӱгренерге кірген.
1994 чылдаң сығара Хакас ученай Яков Сунчугашевтің устаанда ХакНИИЯЛИ-ның литература пӧлиинде тоғын сыххан[2].
2005 чылда Н. Ф. Катановтың адынаң Хакас хазна университедінің филология институдының литература кафедра аспирантуразын тоос салған. Нина Майнагашева хакас литературазының теория паза тархын сурығларынаң айғасхан[1].
2008 чылда Бурятиядағы хазна университедінде ««Хакасская драматургия ХХ века: художественная эволюция, фольклорный контекст» темаҷа диссертация тоғызын арачылап алған.
Нина Майнагашева хакас паза орыс тіллерінең пазылған 180 азыра наука тоғызының авторы полча. Оларның санында монографиялар, вузтарға паза тиксі ӱгредіг учреждениелеріне тимнелген ӱгредіг паза методика пособиелері. Пастағы монографиязы «Хакасская драматургия 1920-1990-х годов: поэтика, типология, закономерности развития» 2009 чылда чарых кӧрген. 2013 чылда «Жизнь и творчество Александра Михайловича Топанова» ікінҷі монографиязы, 2015 чылда «Хоос сӧске ӧкерсiнiс» статьялар чыындызы чарыхха сыхханнар. «Литература народов России» ӱгредіг пособиезінің авторларының пірсі, —9, 10—11 класстарға хакас литератураҷа учебниктернің автор-составительі полча.
2019 чылда ХакНИИЯЛИ-ның устағҷызының тоғызын толдыр сыххан. 2022 чылда аның директорына турғызылған[3][4].
Халых кирее
2014 чылда Россиядағы Писательлер пірігізінің кізізі. Проза паза драма чайаачы тоғыстарының тілбестеглерінең айғасча. Ойыннары, чоохтары паза тілбестеглері «Инесай» и «Юрта» журналларда чарых кӧргеннер.
2017 чылда Россиятағы тюркологтар комитедінің кізізі полыбысхан.
2018 чылдаң сығара хакас тілі паза культуразы тилізінең айгасчатхан Ине тілі халых пірігізінің устағҷызы полча.
Алған орын
- ↑ 1 2 Энциклопедия "Хакасия" (Хакасско-Минусинская котловина): в 5 т. Т. 5: Кто есть кто? — Абакан, 2022, с 227
- ↑ Хакас драматургиязын істесчеткен учёнай
- ↑ Известно, кто возглавил ХакНИИЯЛИ
- ↑ []https://pulse19.ru/35450-gordost-hakasskoj-nauki-vozglavit-chlen-sojuza-pisatelej-rossii/ Гордость хакасской науки возглавит член Союза писателей России