Сунчугашев, Яков Иванович

Яков Иванович Сунчугашев
Яков Иванович Сунчугашев
Тӧреен кӱні	15 кӱрген айы 1926
Тӧреен чирі	Теренчин, Аcхыс аймағы, Іскеркі Сибирь крайы
Ӱреен кӱні	9 азығ айы 1996 (70 час)
Ӱреен чирі	Ағбан, Россия
Хазна	СССР → Россия
Наука сферазы	археология
Ӱгредии	Хакас хазна университеді (1954); РАН-ның Археология институды[d];
Учёнай степеньі	(1978)
Учёнай званиезі	профессор

Яков Иванович Сунчугашев (15 кӱрген айы 1926, Асхыс аймағы, Сибирь крайы^[d] — 9 азығ айы 1996, Ағбан) — тархын наукаларының докторы (1978), профессор (1985), Хакас Республиканың науказының саблығ деятельі, Н. Ф. Катановтың адынаң Хакас Республиканың хазна сыйииның лауреады, хазна деятельі.

Чуртас чолы

1943 чылда, чазы читкенде, Совет Армиязының службазына хығыртылған. 1945 чылда Япониядаң тоғыр чаалазығларда Маньчжурия чирінде 2-ҷі Ыраххы Востоктағы фронттың 34-ҷі атығҷылар дивизиязының 83-ҷі атығҷылар полкында атығҷы-автоматчик полып араласхан.

1954 чылда Ағбандағы ӱгретчілер хазна институдын тоос салған. 1954—1961 чылларда Тува АССР-ның Бий-Хак, Балгазик, Хову-Аксы посёлоктардағы ортымах школаларда тархын ӱгретчізі паза завуч полған.

1961 чылда СССР-ның наука академиязының Археология институдына кіріп алған. Сунчугашевтің наука кӧрізі саблығ историктер Б. А. Рыбаковнаң, А. В. Арциховскийнең, С. В. Киселёвнаң (орыс) (рус. паза А. Я. Брюсовнаң палғалыстығ.

1964 чылда аспирантура тоосхан соонда Хакасияның тіл, литература паза тархын наука-істезігліг институдының тархын секторының наука тоғынҷызына алылған. 1970—1992 — чылларда тархын секторының устағҷызы. 1992 чылдаң сығара 1995 чылның кӱскӱзіне теере институт устағҷызы полған.

1968 чылдаң сығара Ағбандағы ӱгретчілер институдында Хакасияның археологиязынҷа, тархынынҷа, чир-суғ ӱгренерінҷе лекциялар хығырған. 1985 чылдаң сығара тархын кафедразының профессоры полып істенген.

1995 чылда археология, этнография паза тархын краеведениезі кафедразының профессорына турғызылған^[1].

Яков Сунчугашевтің устаанынаң Хакасияда археология экспедициязы тӧстелген. Іди Хакасида регионның пурунғы тархынын пос алынҷа істесчең оңдай килген, экспедиция 1965—1988 чылларда ӧткін тоғынған. Чазы тоғыстары апарылғаннар, тағлығ руда киреенің паза металлар обработказының чӱзер памятниктері істезілгеннер, оларның классификациязы тимнелген, аймах руданы аныҷаң техникалар, пурунғы хайадағы хоостар істезілгеннер. Сунчугашевтің пастаанаң Ӱстунзархы Сибирьнің археологиязы, этнографиязы, пурунғы тархыны сурығларынҷа наука чыындылары чарыхха сығарылғаннар.

Хакас облазындағы тархын паза культура памятниктерінің арачыланыс пірігізінің президиумының кнезі, Хакас облазындағы чир-суғ ӱгренҷең музейнің Учёнайлар чӧбінің кнезі; Кемеровтағы хазна университедінің (орыс) (рус. диссертация чӧбінің араласчызы полған.

Адалығ чааның 2-ҷі син орденінең, «Японияны чиңіп алған ӱчӱн» медальнаң, «Махачы істенізі ӱчӱн Владимир Ильич Лениннің тӧрееннең 100 чылынаң», «Илбек Ада чаа чиңізіне 50» пайрамнығ медальларнаң, СССР-ның, РСФСР-ның министерстволарының, Хакасияның Аарластығ пічіктерінең паза танығларынаң сыйыхтатхан.

Хумартхы

2015 чылның ӱртӱн айында Хакасияның тіл, литература паза тархын наука-істезігліг институдының туразында ученайны хумартхылир пӧгіннең хумартхы чарды хызылған^[2].

Профессор Сунчугашевтің адын хумартхылап Хакасияда чоннар аразындағы синдегі наука конференциялары иртірілчелер^[3]^[4].

Ӧӧн тоғыстары

Древнейшие рудники и памятники ранней металлургии в Хакасско-Минусинской котловине: эпоха бронзы и раннего железа. — М., 1975;
Древняя металлургия Хакасии: эпоха железа. — Новосибирск, 1979;
Исследование древних оросительных каналов в Хакасии // Археологические открытия 1979 года. — М., 1980;
Памятники орошаемого земледелия средневековой Хакасии. — Абакан, 1990;
Памятники горного дела и металлургии древней Хакасии. — Абакан, 1993;
Исследования менгиров Хакасии методами геофизики и биолокации / Я. И. Сунчугашев, Н. Н. Кузнецов // Международная конференция по применению методов естественных наук в археологии. — СПб, 1994.

Алған орын

↑ Сунчугашев Яков Иванович (рус.). web.archive.org. Дата обращения: 1 Кічіг хырлас айы 2025.
↑ В Абакане состоялось торжественное открытие памятной доски доктора исторических наук Якова Сунчугашева (рус.). abakan.bezformata.com (25 Ӱртӱн айы 2015). Дата обращения: 1 Кічіг хырлас айы 2025.
↑ Историко-культурное наследие Хакасии [Текст] : материалы Международной научной конференции, посвященной 85-летию со дня рождения доктора исторических наук, археолога Якова Ивановича Сунчугашева (г. Абакан, 20-21 октября 2011 г.) (рус.). Российская гсоударственная библиотека. Дата обращения: 1 Кічіг хырлас айы 2015.
↑ В Хакасии пройдет конференция, посвященная древней металлургии (рус.). НИА Хакасия. Дата обращения: 1 Кічіг хырлас айы 2025.

Литература

Филимонов Г. «Железный» профессор // Советская Хакасия. 1980. окт.;
Кызласов И. К тайнам древности: [О научной деятельности Я. И. Сунчугашева] // Советская Хакасия. 1986. 14 янв.;
Угдыжеков С. «Человек небесного происхождения» // Хакасия. 1996. 13 янв.;
Зубков B.C. Яков Иванович Сунчугашев (1926—1996) // Хакасия: история и современность. Новосибирск, 2000;
Сунчугашев Яков Иванович: Библиографический справочник. Абакан, 2006; и др.

[1] Сунчугашев Яков Иванович (рус.). web.archive.org. Дата обращения: 1 Кічіг хырлас айы 2025.

[2] В Абакане состоялось торжественное открытие памятной доски доктора исторических наук Якова Сунчугашева (рус.). abakan.bezformata.com (25 Ӱртӱн айы 2015). Дата обращения: 1 Кічіг хырлас айы 2025.

[3] Историко-культурное наследие Хакасии [Текст] : материалы Международной научной конференции, посвященной 85-летию со дня рождения доктора исторических наук, археолога Якова Ивановича Сунчугашева (г. Абакан, 20-21 октября 2011 г.) (рус.). Российская гсоударственная библиотека. Дата обращения: 1 Кічіг хырлас айы 2015.

[4] В Хакасии пройдет конференция, посвященная древней металлургии (рус.). НИА Хакасия. Дата обращения: 1 Кічіг хырлас айы 2025.

[1]

[2]

[3]

[4]