Улуғ Салбых кӱргені
| Улуғ Салбых кӱргені | |
|---|---|
 | |
| Координаталар | 53°53′39″ с. ш. 90°46′23″ в. д.GЯO |
| Хазна | Россия |
| Пӧзии | 11,5 м. (хазар алнында) |
| Пӱдірілген тузы | п.э.алн. VII чӱс чыл |
| Артефакттар | пычах, теербен тазы, той ідістер, петроглифтер, ағас |
| Статус |
 Объект культурного наследия народов РФ федеральнай синдегі. Рег. № 191640463410006 (ЕГРОКН). Объект № 1910010000 (БД Викигида) |
|
|
|
 Медиафайлы на РУВИКИ.Медиа | |
.svg)
Улуғ Салбых кӱргені (орыс. Большо́й Салбы́кский курга́н) — Ортын Кимнің суғ чайылған чиріндегі иң улуғ мегалитическай кӱрген. Тагар культуразының хумартхы тазы полча. Хазна хайиинда, хайраллалча. «Салбых чазызының пурунғы кӱргеннері» музей тоғынча[1].
Чарыдии
Салбых чирінде, Ханнар ойымында (орыс. Долина царей), Хара сынның ӱстӱнзаринаң Ағбаннаң алтынзархы-кидер 60 км оортах чирде, Хакасияның Ағбан пилтірі аймаанда орныхча.
Улуғ кӱргенні 1954—1956 чылларда С. В. Киселёвтың устаанынаң РАН-ның ис-пай культуразының тархын институдының паза Хакасияның тіл, литература паза тархын наука-істезігліг институды институдының экспедициялары хасханнар.
1992, 1994, 1996, 1998, 2008 паза 2010 чылларда Л. С. Марсадоловтың устаанынаң Хазна Эрмитажының Соян-Алтай археология экспедициязы пӱкӱлеезінең Хакасиядағы Улуғ Салбых кӱргенінің паза Ханнар ойымының археология паза астроархеология істезіглерін апарған.
Кӱрген турчатхан тӧңнің пӧзии хазар алнында 11,5 метрге читкен, кӧзеелер 71 метр ибіре турғызылых полғаннар. Тӧңнің пӧзии пастап 21 метрҷе полған. Хазар алнында тӧң чайыл парыбысхан полған, че геометрия формазы хайраллалых полған. Тӧңнің кидеркі саринда диаметрі 19 метр паза тирең чирі 5 метрге читіре ойым полған. Ол XVIII чӱс чылда хазылған тоғыстарның істері полча.
Салбых чазызында 5 км-ҷе оортах чирде 56 кӱрген турча. Оларның пизі Улуғ кӱргеннең кӧмеске ле кічіг, пасхазының пӧзии 4—6 метрге читче. Салбых группазының кӱргеннерінің пасхалалчатхан сари — тӧңнің пирамида осхас формазы. Анзы иртенгі паза иирдегі туста іле кӧрінче.
Улуғ Салбых кӱргенін пастағызын на 1739 чылда Россиядағы учёнай паза чорыхчы Г. Ф. Милле 1733—1743 чыллардағы «Пастағы академия экспедиция» тузында чарытхан. 2010 чылда «Большой Салбыкский курган в Хакасии» кинде чарых кӧрген. Анда В. Киселёвтың паза Л. С. Марсадоловтың экспедицияларының салтарлары иділгеннер.
Литература
- Дэвлет М. А. Большой Салбыкский Курган — могила племенного вождя // Из истории Сибири. Вып. 21. Материалы совещания по проблеме «Экономика и социальная структура древнего населения Западной Сибири» (Томск, 17-22 марта 1975 г.). Томск: изд-во Томского ун-та, 1976. 270 с. — С. 146—154.
- Киселёв С. В. Исследование Большого Салбыкского кургана в 1954 и 1955 гг. // «Тезисы докладов на сессии Отд. Исторических наук и Пленуме ИИМК, посвященных итогам археологических исследований 1955 г.». M.-Л., 1956; его же. Отчет о раскопках в 1954 г. // Архив ИА, ф. 1, д. 975; его же. Краткий отчет о раскопках Большого Салбыкского кургана в 1955 г. // Архив ИА, ф.1, д. 1165.
- Марсадолов Л. С. Большой Салбыкский курган в Хакасии. Абакан, 2010.
Галерея
Іскеркі сари істінең
Ӱстӱнзарыхтаң кӧрімі. Ырахта Хара сын
Кірҷең сол тас
Музейзер кіріс
Кірҷең оң тас
«Салбых» музей
Кидеркі стена істінең
Алған орын
- ↑ МАУК «Музей „Древние курганы Салбыкской степи“». Дата обращения: 21 Сілкер айы 2015. Архивировано из оригинала 4 Кӧрік айы 2016 года.