Культура паза чон чайаачызы кіні (Хакасия)

С. П. Кадышевтің адынаң культура паза чон чайаачызы кіні
	Достопримечательность
С. П. Кадышевтің адынаң культура паза чон чайаачызы кіні
	53°43′28″ с. ш. 91°26′55″ в. д.GЯO
Хазна	Россия[d];
Город	Ағбан, проспект Ленина, 76
Архитектура стильi	Постконструктивизм
Проект авторы	Бриканов
Тӧстелген кӱні	1932
Строительство	1932—1940 чыллар
Статус	Объект культурного наследия народов РФ регион синіндегі. Рег. № 191410184350005 (ЕГРОКН). Объект № 1900811000 (БД Викигида)
Состояние	«С. П. Кадышевтің адынаң культура паза чон чайаачызы кіні»
Сайт	centr-kadisheva.ru
	Медиафайлы на РУВИКИ.Медиа

С. П. Кадышевтің адынаң культура паза чон чайаачызы кіні — Хакас Республиканың культура-тынағ киреендегі 1937 чылда азылған иң иргі учреждениезі^[1]. Кіннің туразы — регион синіндегі культура ис-пайының объекті: «1941—1942 чылларда Кутузовтың Орденінің II степень 309-ҷы Пирятин краснознаменнай атығҷылар дивизиязы» тіп тархын памятнигі чіли хайраллалча^[2]. Ағбан городтың ортызында турча.

Тархын

Пу городтың пастағы килкіп кӧп функциялығ халых зданиезі полча. Аның архитектура стилистиказында постконструктивизм (орыс) (рус. паза совет неоклассиказының чазағлығ чардыхтары піріктірілгеннер. Анзы совет тузындағы 1930—1950 чылларда город пӱдіриинде тузаланған оңдай полча. Пу здание Ағбан городтың кінінің хоос, эстетика омазын пӱдіреріне улуғ туза ағылча.

Тура 1932 чылдаң пасти 1940 чылға теере Хакас автоном облазының область синіндегі Культура туразы чіли пӱдірілген. Аның проектін «ЗапСибпроект» пірігіс тимнеен, проект авторы — архитектор Бриканов.

1937 чылда областьтағы Культура туразының пастағы теезі пӱдіріл сыххан. Аның хойнында кӧс чӧрчеткен агитация-хоос бригадалары, пос хоос кружоктары тӧстелгеннер. Театр, музыка школазы, радиовещание студиязы, пасха культура паза халых заведениелері тоғынчалар. Мында область синіндегі пайрамнар паза чыылығлар иртчеңнер^[3].

Илбек Адалығ чаа тузында Сибирьдегі чаа округының 1941 чылның улуғ хырлас айының 3-ҷі кӱнінде сыххан 0093 № чахиинаң Хакас автоном облазынында 449-ҷы атығҷылар дивизиязы тӧстел сыххан, 1942 чылда ол 309-ҷы атығҷылар дивизиязы (орыс) (рус. адал парған. Областьтың культура туразында ӱгредіг батальоны орныххан, анда кічіг офицерлерні тимнееннер, ідӧк офицерлер столовайы полған. Дивизия Дон суғнаң сығара Одерге теере чааласхан. Пирятин городты холға кирер пӧгіннең маңнаныстығ чааласхан ӱчӱн 1943 чылның ӱртӱн айының 19-ҷы кӱнінде дивизияа аарластығ Пирятин ады пирілген. Зданиее «Пу зданиеде 1941—1942 чылларда Кутузовтың Орденінің 2 степень 309-ҷы Пирятин Краснознаменнай атығҷылар дивизиязы тӧстелген» тіп пазылған хумартхы чарды хазалых.

Хумартхы чарды

1950—1980 чылларда Культура туразы хойнында ӧӧн хоос ӧмелері тоғынчалар. Олар Хакасияда ла нимес, ідӧк хырығ озаринда сабланғаннар. 1950 чылда академия хоры тӧстелген, 1956 чылда — чиит кӧрігҷі театры (ТЮЗ), 1957 чылда — «Кӱн чахайағы» пастағы сарын паза теелбек национальнай ансамбльы. 1959 чылда Чон чайаачызының туразы тӧстелген, 1967 чылда — орыс чон хоры. 1975 чылда «Тарина» бал теелбек ансамбльы тӧстелче, 1989 чылда— «Чон кӧглері» хакас фольклор ансамбльы.

Хайҷы хумартхы тазы тура алнында

1950 чылдаң сығара Культура туразы чатханнаң ойнапчатхан устарны чыып пастапча. 1960 чылларда «Кӱн чахайағы» ансамбль, орыс чон хоры Москвада, Молдавияда, Бельгияда, Монголияда, Францияда чон алнына сыхханнар, тиксі Союзтағы фестивальларда паза марығларда араласханнар.

1980 чылдаң сығара республикада Тун пайрам национальнай ӱлӱкӱн таныхталча. Аның ідӧк С. П. Кадышевтің адынаң культура паза чон чайаачызы кіні иртірче. 1994 чылдаң сығара чыл сай культура кіні республика синіндегі Чыл пазы ӱлӱкӱнні иртірче, 1997 чылдаң сығара — Чир ине ӱлӱкӱнні).

1998 чылда Хакас Республиканың Правительствозының 1998 чылның хосхар айының 16-ҷы кӱнінде алылған чарадиинаң хайҷы Семён Кадышевтің ады пирілген.

Хакас Республика Правительствозының 2002 чылның кӱрген айының 22-ҷі кӱнінде сыххан 17 № чарадиинаң, Республиканың культура туразы паза Республиканың чон чайаачызы кіні пірігіп, «С. П. Кадышевтің адынаң культура паза чон чайаачызы кіні» РГУ тӧстелген. 2011 чылда Хакас Республиканың Правительствозының чарыс айының 7-ҷі кӱнінде сыххан 643 № чарадиинаң «С. П. Кадышевтің адынаң культура паза чон чайаачызы кіні» хазна автономнай учреждениезіне айландырылған^[4]. 2021 чылның улуғ хырлас айының 17-ҷі кӱнінде культура учреждениезіне «национальнай» син пирілген, ол Хакас Республиканың «С. П. Кадышевтің адынаң чон чайаачызы национальнай кіні» хазна автоном культура учреждениезі адал парған^[5].

2021 чылда культура паза чон чайаачызы учреждениезі «Материальнай нимес культура ис-пайы чон чайаачызы жарларын хайраллиры паза тилідері» номинацияда Иң артых "2021 чылның Сибирьдегі федеральнай округтың иң артых чон чайаачызы туразы (кіні) аарластығ атнаң сыйыхтатхан^[5].

Чыл сай С. П. Кадышевтің адынаң культура паза чон чайаачызы кінінде 400 азыра мероприятие иртче: республика синіндегі фестивальлар паза марығлар, чон чайаачызының прай кӧрімнерінҷе пайрамнар, декоративнай-прикладной паза хоос чайаачы кӧзідіглері. Кін Хакас Республиканың культура-тынағ учреждениелеріне методика паза практика полызиин пирче^[6].

Алған орын

↑ Национальный центр народного творчества им. С.П. Кадышева (рус.). Культура.рф.. Дата обращения: 15 От айы 2025.
↑ Акт экспертизы объекта культурного наследия регионального значения «Здание, в котором в 1941—1942 гг. формировалась 309 Пирятинская краснознаменная Ордена Кутузова II-ой степени стрелковая дивизия» (рус.). Правительство Республики Хакасия. Дата обращения: 15 От айы 2025.
↑ Ольга Караяниди. Здесь никогда не бывает тихо // Хакасия. — № № 195, 17 октября 2007 года.
↑ О создании государственного автномного учреждения Республики Хакасия "Центр культуры и народного творчества им. С.П. Кадышева" (рус.). Дата обращения: 10 От айы 2025.
↑ ¹ ² Государственное автономное учреждение культуры Республики Хакасия «Национальный центр народного творчества имени С.П. Кадышева» (рус.). Государственный Российский Дом народного творчества имени В.Д. Поленова. Дата обращения: 10 От айы 2025.
↑ Историческая справка (рус.). Государственное автономное учреждение культуры Республики Хакасия «Национальный центр народного творчества имени С.П. Кадышева» (ГАУК РХ «НЦНТ им. С.П. Кадышева). Дата обращения: 10 От айы 2025.

Литература

Табаев А. А. Центр культуры и народного творчества им. С. П. Кадышева // Энциклопедия Республики Хакасия. — Т. II. — Абакан, 2008. — С. 261.
Белоусова Л. И. По улицам, длиною в жизнь. Страницы истории первых улиц города в 1925—1960 годы. — Часть II. — Абакан, 2018. — С. 158—181 с.
Караяниди Ольга Здесь никогда не бывает тихо // Хакасия. — 2007. — 17 октября.
Имена на карте города. — Абакан, 2010.- 48 с.
Ултургашев С. П. Пирятинская Краснознаменная. — Красноярск, 1985. — 158 с.

Ссылкалар

Национальный центр народного творчества им. С. П. Кадышева (рус.). Официальный сайт ГАУК РХ "Национальный центр народного творчества им. С. П. Кадышева". Дата обращения: 18 От айы 2025.

[1] Национальный центр народного творчества им. С.П. Кадышева (рус.). Культура.рф.. Дата обращения: 15 От айы 2025.

[2] Акт экспертизы объекта культурного наследия регионального значения «Здание, в котором в 1941—1942 гг. формировалась 309 Пирятинская краснознаменная Ордена Кутузова II-ой степени стрелковая дивизия» (рус.). Правительство Республики Хакасия. Дата обращения: 15 От айы 2025.

[Здесь_никогда_не_бывает_тихо-3] Ольга Караяниди. Здесь никогда не бывает тихо // Хакасия. — № № 195, 17 октября 2007 года.

[4] О создании государственного автномного учреждения Республики Хакасия "Центр культуры и народного творчества им. С.П. Кадышева" (рус.). Дата обращения: 10 От айы 2025.

[Государственный_Российский_Дом_народного_творчества_имени_В.Д._Поленова-5] ¹ ² Государственное автономное учреждение культуры Республики Хакасия «Национальный центр народного творчества имени С.П. Кадышева» (рус.). Государственный Российский Дом народного творчества имени В.Д. Поленова. Дата обращения: 10 От айы 2025.

[6] Историческая справка (рус.). Государственное автономное учреждение культуры Республики Хакасия «Национальный центр народного творчества имени С.П. Кадышева» (ГАУК РХ «НЦНТ им. С.П. Кадышева). Дата обращения: 10 От айы 2025.

[1]

[2]

[3]

[4]

[5]

[6]