Ағбан (аэропорт)
| Тихоновтың адынаң чоннар аразындағы Ағбан аэропорт | |||||||
|---|---|---|---|---|---|---|---|
 | |||||||
| ИАТА: АВА (ІстіндегіАБН) –ИКАО: УНАА (UNAA) | |||||||
| Искіріг | |||||||
| Аэропорт кӧрімі | гражданскай | ||||||
| Хазна |
 Россия |
||||||
| Орныхчатханы |
 Хакас Республика |
||||||
| Азылған кӱні | 1938 | ||||||
| Оператор | «Ағбан аэропорт» АО | ||||||
| НУМ пӧзии | +253 м | ||||||
| Час хуры | UTC+7 | ||||||
| Тоғыс тузы | хараа-кӱнӧрте | ||||||
| Сайт | abakan.aero | ||||||
| Учухчаң-одырҷаң чоллар | |||||||
|
|||||||
 Медиафайлы на РУВИКИ.Медиа | |||||||
Генерал Тихоновтың адынаң чоннар аразындағы Ағбан аэропорт (орыс. Междунарóдный аэропо́рт Абака́н имени генерала Тихонова) — федеральнай синніг чоннар аразындағы аэропорт[1]. Ағбан городтың істінде турча.
Тархын
1938 чылда чазыда Михаил Иванович Калининнің адынаң пастағы аэродром пол килген. СССР тузында мында Ағбан аэропорт пӱдірілген, соонаң ол чоннар аразындағы синніг пол парған. 1996 чылда «Ағбан аэропорт» азых акционерлер пірігізі тӧстелген.
1999 паза 2000 чылларда Ағбандағы аэропорт «Аэропорт» ассоциация иртірген марығда «СНГ хазналарының чылның артых аэропорды» номинацияда чиңіс тутхан ӱчӱн сыйыхха турысхан.
Чарыдығ
Ағбан аэропорт Ағбан городтың алтынзархы-кидеркі чардығында турча. Аэродромның учухчаң-одырҷаң чазызы (2021 чылның танығларынаң) Б класстың категориязына кірче[2] паза 2-ҷі сорттығ чоннар аразындағы синніг аэропорт полча. Аэропорт хараа-кӱнорте тоғынча.
Аэродром рейс, чоннар аразындағы, тренировка, сынағ учуғыстарын, авиация тоғыстарын иртірерге кӧріл парған. Аның улии 3250 × 45 м тиңнелчеткен арған чоллығ учухчаң паза одырҷаң пір чолы пар. Аэродром категориязы чоғыл, 392 тонна аспинчатхан учуғыс массалығ А, В, С, D, Е категориялығ кии судноларына азых чол чіли тузаланылар оңдайлығ.
Аэродром мындағ кии судноларынаң тоғынча: L-410, А-319, А-320, А-321, В-757, В-737, Ту-204, Ту-214, Ил-62, Ил-86, Ил-96, Ан-124, Ил-76ТД паза 392 тонна аспинчатхан учуғыс массалығ класстығларнаң, ідӧк прай типтіг вертолёттарнаң.
Ағбан аэропорт Россия Федерациязының Правительствозының 10.08.2007 сыххан 1034-р №. (19.12.15 ч. тӱзедіглер) чахиинаң гражданскай авиацияның (Россияның Транспорт министерствозы) паза хазна авиациязының (Россияның Арачыланыс министерствозы) хада-пірге базированиезі полча.
ИВПП 2013 чылда тиксі нааҷылалған, аның улии — 3250 х 45 метр, 80/F/B/X/T. Чолның ӱстӱнің тиксі тӱс сині R=4.1. ИВПП, ICAO С МК021° стандарттарҷа категориязы чоғыл, кии судноларына (70 х 900 метр) учуғарға/одырарға азых. МК201° хада кии судноларына (100 х 1900 метр) учуғарға/одырарға азых;
Перрон 2014 чылда тоғын сыххан. Улии 160 ×. паза 215 × . Перронның таарлағ кӱзінің иң пӧзік сині 46/F/B/X/T. Турҷаң 12 орын (МС), ол санда чалбах фюзеляжтығ кии судноларына 2 орын, кии судноларын пусталбас иде итчең 12 орын (МС) кӧріл парған.
Аэровокзал. Толдырылчатхан сині: 400 кізі/сағат, чылда 3,5 млн кізі. Тоғыс тузы: хараа-кӱнорте. Пассажирлернең тоғынары паза багажнаң айғазары істіндегі кии линияларында (ВВЛ):
— регистрация иртчең 3 орын, регистрация иртчеткен пассажирлер саны: 60 кізі/сағат; учуғарға пір орынҷа иртчеткен пассажирлер саны, олох туста багажты пір карусель лентазынаң алғаны: 200 орын/сағат.
Пассажирлернең тоғынары паза багажнаң айғазары чоннар аразындағы кии линияларында (МВЛ):
— регистрация иртчең 3 орын, регистрация иртчеткен пассажирлер саны: 60 кізі/сағат; учуғарға пір орынҷа иртчеткен пассажирлер саны, олох туста багажты пір карусель лентазынаң алғаны: 200 орын/сағат.
Тоғыс танығлары
| Пассажирлер чӧрізі: | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| чыл | 2014 | 2015 | 2016 | 2017 | 2018 | 2019 | 2021[3] | 2022 | 2023[4][5] | 2024[6] | |||||||||
| муң пассажир | 198,0 | 192,2 | 181,2 | 185,1 | 197,2 | 209,8 | 253,1 | 318,7 | 370,9 | 415,5 | |||||||||
| Алған орын:[7][8][9][10] | |||||||||||||||||||
Авиакомпаниялар паза читчең орыннар
| Авиакомпания | Читчең чир |
|---|---|
| Аэрофлот |
Москва (Шереметьево) |
| Сибирь |
Москва (Домодедово), Новосибирск |
| Nordstar |
Норильск, Санкт-Петербург (Пулково), Сочи |
| КрасАвиа |
Хызылчар |
| Ред Вингс |
Екатеринбург (Кольцово) |
Пол парған киректер
1996 чылның кічіг хырлас айының 27-ҷі кӱнінде иирде, аэропорттаң сығып, 8 пағат пазынаң, Москвадаң Камчатказар промышленнай паза азых-тӱлӱк товарларын апарчатхан Ил-76 самолёт саайға кірген. Пічік хоостыра киречілелбеен танығларҷа, самолёт синінең иртіре таарлалған. Пӧзікке кӧдірілерге маңнанмин, Хызылчар крайының Минсуғ аймаандағы Ким суғның оң хазындағы пӧзік чирге урун парған. Прай пассажирлер паза экипаж кізілері (23 кізі) ӱрееннер.
Транспорт палғалыстары
- Автовокзал. Аэровокзалдаң сығары: «Автовокзал» турлаға читіре 3 № троллейбус.
- Тимір чол вокзалы. Аэровокзалдаң сығары: «Тимір чол вокзалы» турлаға читіре 4 № паза 5 № троллейбустар.
Пасха городтардағы иң чағын аэропорттар
- Хызылчар (Емельянов) (408 км);
- Ачинск (286 км);
- Спиченков (Новокузнецк) (296 км);
- Кызыл (307 км);
- Кемеров (381 км);
Алған орын
- ↑ Распоряжение Правительства Российской Федерации от 20 апреля 2016 года № 726-р «Об утверждении перечня аэропортов федерального значения». Дата обращения: 22 Улуғ хырлас айы 2025. Архивировано 8 Сілкер айы 2016 года.
- ↑ Государственный реестр аэродромов и вертодромов гражданской авиации Российской Федерации. Дата обращения: 22 Улуғ хырлас айы 2025. Архивировано 31 Кӧрік айы 2019 года.
- ↑ Объемы перевозок через аэропорты России за январь-декабрь 2021 г. Росавиация. Дата обращения: 22 Улуғ хырлас айы 2025. Архивировано 4 Азығ айы 2022 года.
- ↑ Аэропорт Абакан подвел итоги работы за 2023 год. aviaport.ru (18 Кӱрген айы 2024). Дата обращения: 14 Кӱрген айы 2026.
- ↑ Валерий Лавский. Абаканский аэропорт увеличил пассажиропоток по итогам трех кварталов. Коммерсантъ (9 Чарыс айы 2024). Дата обращения: 14 Кӱрген айы 2026.
- ↑ В 2024 году аэропорт Абакан обслужил более 400 тыс. пассажиров. r-19.ru (30 Кӱрген айы 2025). Дата обращения: 14 Кӱрген айы 2026.
- ↑ Объёмы перевозок через аэропорты России за январь-декабрь 2014-2015 гг. Росавиация. Дата обращения: 22 Улуғ хырлас айы 2025. Архивировано 17 От айы 2016 года.
- ↑ Объёмы перевозок через аэропорты России за январь-декабрь 2016-2017 гг. Росавиация. Дата обращения: 22 Улуғ хырлас айы 2025. Архивировано 22 Кӧрік айы 2019 года.
- ↑ Объёмы перевозок через аэропорты России за январь-декабрь 2018 год. Росавиация. Дата обращения: 22 Улуғ хырлас айы 2025.
- ↑ Объёмы перевозок через аэропорты России за январь-декабрь 2019 года. Росавиация. Дата обращения: 22 Улуғ хырлас айы 2025. Архивировано 30 Чарыс айы 2020 года.
Ссылкалар
- Аэропорт Абакан в справочнике Aviapages.ru. web.archive.org. Дата обращения: 22 Улуғ хырлас айы 2025.
- Aircraft accident Ilyushin 76MD RA-78804 Abakan (англ.). aviation-safety.net. Дата обращения: 22 Улуғ хырлас айы 2025.
- Направления. airportabakan.ru. Дата обращения: 14 Кӱрген айы 2026.