А. М. Топановтың адынаң Хакас драма театры
| А. М. Топановтың адынаң Хакас национальнай драма театры | |
|---|---|
| Тӧстелген | 6 ноябрь 1931 |
| Театр туразы | |
| Орныхчатханы |
 Россия: Ағбан, Щетинкиннің ор, тура 12, (3902) 22-60-56 |
| Кӧрігҷілер орны | 670 |
| Устағ-пастағ | |
| Устағҷы | Чустеев Владимир Владимирович |
| Ӧӧн режиссёр | Казнов Тимур Тамерланович |
| Сайт | Официальнай сайт |
А. М. Топановтың адынаң Хакас национальнай драма театры — Ағбандағы драма театры. Театр аның тӧстегҷізі, пастағы хоос устағҷызы, режиссёр, кибелісчі паза драматург А. М. Топановтың адынаң адал парған.
Тархын
Театр 1931 чылда тӧстелген. Хоосчы устағҷызына хакас кибелісчі паза драматург Александр Михайлович Топанов турғызылған. 1954 чылда театр М. Ю. Лермонтовтың адынаң орыс драма театрынаң хада піріктірілген. 1991 чылда алынҷа театр полыбысхан. 1996 чылда национальнай театр статузын алған, 2001 чылда театрға A. M. Топановтың ады пирілген.
Амғы тус
Спектакльлар орыс паза хакас тілінең турғызылчалар. РСФСР-ның Культура министерствозының (А. Чапрайның «Абахай Пахта» пьесазы, турғысхан С. Верхградский, 1990), Уфада ирткен «Туганлык» чоннар аразындағы тӱрк тілліг театрлар фестивальының (К. Чаконың «Любовь Чингисхана», «За своеобразие пластического решения» номинация, 1996) сыйыхтарынаң таныхтатхан, Казаньдағы Чоннар аразындағы тӱрк чоннарының «Науруз» театрлар фестивальының (К. Чаконың «Слеза огня», 1998) дипломнарынаң сыйыхтатхан. Театр хырғыс чонының «Манас» эпозының 1000 чыл толчатханына чарыдылған пайрамда араласхан. Бишкекте ирткен Чоннар аразындағы «Айтматов паза театр» фестивальның ((Ч. Айтматовтың «Энесай», 1999), Москвадағы Тиксі тилекейдегі III-ҷі театрлар олимпиадазының (2001), Казаньдағы Чоннар аразындағы Чоннар аразындағы тӱрк чоннарының «Науруз» театрлар фестивальының (2002), Хызылчардағы V-ҷі Регионнар аразындағы «Сибирьдегі транзит» фестивальның (2005) араласчызы полған. Хызылчар крайының «Театр часхызы» фестивальында тӧреміл араласча. Театр ӧмезi Финляндиязар (1999) паза Монголиязар (2000) чорыхха сыххан.
Тоғынҷылар
- Дорджин, Сангаджи-Гаря Оджакаевич (1908—1946) — калмык композитор, Калмыцкай АССР-ның саблығ артизі. Калмык чонының депортация тузында Ағбанзар ыстырған. Театрда 1943 чылның улуғ хырлас айынаң сығара 1946 чылның ӱртӱн айына теере тоғынған.
- Клавдия Семёновна Чаркова (1942 ч.с.), театр актрисазы, РСФСР-ның чон артизі.
- Эльза Михайловна Кокова — 1965 чылдаң сығара режиссёр, 1991—2001 чч. хоос устағҷызы.