Кокова, Эльза Михайловна

Эльза Кокова (Чаркова)
Эльза Кокова (Чаркова)
Тӧреен ады	Эльза Михайловна Кокова
Дата рождения	1939
Тӧреен чирі	Хызылчар крайы, СССР
Ӱреен кӱні	2001 (61 йәш)
Ӱреен чирі	Россия
Гражданство	СССР ; Россия
Профессия	режиссёр
Тоғыс чыллары	1964 — 2001

Эльза Михайловна Кокова (Чаркова) (1939 чылда, 1 октябрьда 2001 чылда, Ағбан) — хакас театр деятельі, Хакасиядағы пастағы ипчі-театр режиссёры, халых деятельі, публицист. А. М. Топановтың адынаң Хакас национальнай драма театрының хоос устағҷызы (1991—2001). СССР-ның культуразының отличнигі. Хакас Республиканың искусствозының саблығ деятельі.

Чуртас чолы

4 октябрьда 1939 чылда писатель паза драматург Михаил Коковтың сӧбірезінде тӧреен.

Ортымах школаны Ағбанда тоосхан. Пабазының чайаачы чолын узарадып, А.С. Пушкиннің адынаң Хызылчар крайындағы театрның хойнындағы театр студиязынзар ӱгренерге кіріп алған (1958—1961).

1965 чылда Ленинградтағы театр, музыка паза кино хазна институдының режиссёрлар факультедін тоосхан. 29 ноябрьда 1965 чылда М. Ю. Лермонтовтың адынаң драма театрынзар тоғысха алылған. Карим Мустайның «В ночь лунного затмения» пьесазы хоостыра турғызылған диплом тоғызы Тиксі Россиядағы национальнай драматургия марииның лауреады полыбысхан.

Хакас, орыс, пасха хан чирінің авторларының пьесаларынҷа 80 азыра ойын турғызылған. Чайаачызында алынҷа хайығ айландырған хакас драматургиязына. Пабазының «Акун» пьесазына спектакль турғызар кічігдегі сағызын чуртасха кирген. С. Сартаковтың «Хребты Саянские» пьесазынҷа ойын пӧзік паалалған, СССР-ның Писательлер пірігізінің паза Композиторлар пірігізінің Аарластығ пічиинең таныхтатхан. 1991 чылдаң 2001 чылның чарыс айына теере А. М. Топановтың адынаң Хакас драма театрының ӧӧн режиссёры, соонаң хоос устағҷызы полған. В.Шулбаеваның «Тирең кичігде», Г. Фигейредоның «Эзоп», У.Шекспирнің «Гамлет», «Король Лир», Г. Гориннің «Забыть Герострата», Ф. Шиллернің «Мария Стюарт», К. Чаконың «Слеза огня», «Перо богини Умай», «Любовь Чингисхана» паза пасха ойыннарын турғысхан.

Аның ойыннары кӧрігчілерге хакас чонының чуртазына паза психологиязына наа кӧрізін асханнар^[1].

Эльза Михайловна Кокованың устаанынаң чайаачы ӧме Хакасияның театр искусствозын Турцияда, Финляндияда, Монголияда кӧзіткен. Национальнай театр хойнында театр студиязын тӧстеп алған. Анда Хакасияның кӧп саблығ артисттері устарын тиліткеннер. Россияның Театр деятельлері пірігізінің араласчызы полған..

1991 чылда Хакас книга издательствозында Хакас паза орыс театрларның тӧстелгеніне паза тилізіне чарыдылған «Чон чарии. Хакас драма театрының тархынынаңар» киндезі чарыхха сыххан. Ағбандағы Город Чӧбінің, Республиканың Ӧӧркі Чӧбінің депутадына табылған.

В. И. Чарковнаң сӧбіре тӧстееннер.

Литература

Логинова М. «Мы — прошлого и будущего суть…» К юбилею Э. М. Чарковой // Республика. — 1994. — 18 ноября.
Женщина и общество. Эльза Михайловна Кокова // Взгляд. — 1998. — 24 сентября.
Чаптыкова С. С. Кокова (Чаркова) Эльза Михайловна — Энциклопедия Республики Хакасия. — Т. I. — Абакан, 2007. — С. 288.
Тугужекова В. Н. Чаркова (Кокова) Эльза Михайловна — Славные люди хакасского народа. — Абакан, 2010. — С. 40-44.
Карамчакова Ольга Эльза Кокова: «Если я гореть не буду, если ты гореть не будешь… кто ж тогда развеет тьму?» // Абакан. — 2019. — 9 октября.

Алған орын

↑ Чаптыкова С. С. Кокова (Чаркова) Эльза Михайловна — Энциклопедия Республики Хакасия. — Т. I. — Абакан, 2007. — С. 288.

Ссылкалар

Хакасский драматический театр имени А. М. Топанова вспоминает своего художественного руководителя Эльзу Кокову // Сайт Министерства культуры Республики Хакасия
Эльза Михайловна Кокова (Чаркова) // Хакасский национальный драматический театр им. А. М. Топанова
Эльза Кокова: «Если я гореть не буду, если ты гореть не будешь… кто ж тогда развеет тьму?» // Абакан. — 2019. — 9 октября.

[1] Чаптыкова С. С. Кокова (Чаркова) Эльза Михайловна — Энциклопедия Республики Хакасия. — Т. I. — Абакан, 2007. — С. 288.

[1]