Чаптыкова, Светлана Семёновна

Рувики тiп сайттаң
Светлана Семёновна Чаптыкова
Чаптыкова С. С.jpg
Тӧреен ады Светлана Семёновна Чебодаева
Дата рождения 6 кӧрік айы 1954({{padleft:1954|4|0}}-{{padleft:3|2|0}}-{{padleft:6|2|0}}) (72 час)
Тӧреен чирі
Гражданство
Профессия
театр режиссёры, актриса, драматург
Театр А.М. Топановтың адынаң Хакас национальнай драма театры
Сыйыхтар
заслуженный артист Российской Федерации

Светлана Семёновна Чаптыкова (Чебодаева) (тӧр. 6 кӧрік айы 1954, Киндірліг пилтірі[d], Хызылчар крайы[d]) — совет паза Россия театр паза кино артизі, театр паза кино режиссёры, сценарист, драматург. А. М. Топановтың адынаң Хакас национальнай драма театрының артизі паза. Хакас Республикадағы Театр деятельлері пірігізінің кнезі[1]. Россияның Театр режиссёрлары гильдиязының кізізі. Хакас Республиканың культура министерствозының халых чӧбінің кізізі[2]. Россия Федерациязының саблығ артизі, Хакас Республиканың саблығ артизі[3], Хакас Республиканың чон артизі.

Чуртас чолы

Светлана Чебодаева Пии аймаандағы Киндірліг пилтірі аалда 1954 чылның кӧрік айының 6-ҷы кӱнінде тӧреен[4].

1974 чылда Ленинградтағы театр, музыка паза кино хазна институдын  (орыс) (рус. тоосхан[3]. Курстың узы искусствоведение профессоры Сергей Васильевич Гиппиустың холында ӱгренген[5].

Чайаачы чолы

Чаптыкова 1974 чылда А. М. Топановтың адынаң Хакас национальнай драма театрында тоғынып пастаан[3]. Хакас театрының сценазында хакас, орыс, пасха хан чирінің 100 азыра пьесазында ойнаан: М. Коковтың «Акун» драмазында Аннаның омазы, А.Топановтың «Алаахтыртхан Хорхло» — Порчо, А. Чапрайның «Абахай Пахта» чайаачы тоғызында Абахай Пахта омазын толдырған паза пасхазы[6]. Хакасияның театрларының Эльзой Коковой, Александр Тугужеков, Василий Ивандаевнең, Михаил Топоев режиссёрларынаң хада тоғынған[2].

1997—2001 чылларда Хакас национальнай драма театрының хойнындағы театр студиязында актерлар узына ӱгреткен[2]. Соонаң Н. Ф. Катановтың адынаң Хакас хазна университедінің чон хоос чайаачызы кафедразының доценті полыбысхан. Чаптыкованың устаанда Валентина Шулбаеваның «Сарналбаан сарын» паза Александр Вампиловтың «Случай с метранпажем» пьесаларынҷа диплом ойыннары турғызылғаннар[4].

2002—2009 чылларда А. М. Топановтың адынаң Хакас драма театрының хоос устағҷызы полған.

2005 чылдаң сығара Россия Федерациязының Хакасиядағы Театрлар деятельлері пірігізінің кнезі[7].

2004—2005 чылларда Моссоветтің адынаң хазна академия театрында стажировка иртіп, режиссёр дипломын алған. Он азыра ойын турғысхан: В. Шулбаеваның «Сарналбаан сарын», М. Ворфоломеевтің «Фантазёр Кнок», Д. Б. Пристлинің «Необычайное происшествие», Г.Саражаковтың «В свете вечерней зари», «Хыймадағ тадылығ хынииҷаам» произведениелерінҷе.

Чебодаеваның пос чайаан паза сценада турғысхан ойыннары санында: «Мин сині сағыпчам», «Первая Ленинградская» паза пасхазы, «Соседи» паза пасхазы[2].

Ойыннары аймах сыйыхтарнаң таныхтатханнар. Г. Саражаковтың «В свете вечерней зари» пьесазынҷа ойын «Волшебные кулисы» республика фестивальының лауреады; «Хыймадан тадылығ хыниичаам» ойын «Иң артых актёрлар ансамбльы» номинацияның лауреады; «Первая Ленинградская» — «Ах иб» фестивальда «Кӧрігҷілернің сыйии» паза «Иң артых эпизод рольы» номинациялар лауреады паза пасхазы.

Театрның ӧмезінең хада аймах фестивальларда араласхан: «Туганлык», «Науруз», Живая вода". Россияның паза хырығ озариндағы городтарда сценаа сыххан[2].

Чаптыкова чайаачы ӧмезінең хада чоннар аразындағы, регион синіндегі, ол санда хакас чонның кибірліг Тун пайрам, Ӱртун тойы, Ине тiлi, Чыл пазы ӱлӱкӱннерін иртірерінде араласча[3]. 2011 чылда хакас писатель Михаил Чебодаевтің 80 чылына чарыдылған мероприятиеде араласхан. 2012 чылда Совет Союзының Матыры Михаил Иванович Чебодаевтің 90 чылына Светлана Чаптыкова Чаптыковтарның род пайрамын иртірібіскен. 2012 чылда Чаптыкованың устаанда Хакас Республиканың национальнай паза территориальнай политика министерствозының грантынҷа «Теремок» олған туразына полызығ итчең «Ах пулуттар» чӧрім ирткен[4].

2012 чылда Чаптыкова Республиканың профессиональнай театраларының «Ах иб» фестивальының пастағҷызы паза устағҷызы полыбысхан[4].

Сӧбіре

Ирі — Геннадий Чаптыков, А. М. Топановтың адынаң Хакас национальнай драма театрының актёры. Киндірліг пилтірінде танызып алғаннар[5]. Оолғы — Каскар Чаптыков, «Читiген» Хакас драма паза кӧг театрының артизі[8].

Театр тоғыстары

Роль Постановка
Елизавета Фридрих Шиллерни

«Мария Стюарт»

Хорды Александр Топановтың «Алаахтыртхан Хорхло»
Анна Андреевна Николай Гогольни «Ревизор»
Маркиза де Мертей Леонида Филатовтың «Опасный, опасный, очень опасный»
Миссис Форд Уильям Шекспирнің «Виндзорские насмешницы»
Инна Михайловна Игорь Войтенконың «Любовь или шиншилловая шубка»
Мария Николаевна Валентин Красногоровтың «Комната невесты»
Пиҷе Илья Топоевтің «Харол и воронок»
Нымахчы Светлана Чебодаеваның «Музыкальная юрта»
Губернаторша Михаил Булгаковтың «Ревизская сказка»
Хуу хат Михаил Кильчичаковтың «Алып Пил Тараан»
Ӧӧй іҷе Евгений Шварцтың «Золушка»
Лыткина Д. Ивановтың «Дорогие мои бандитки»[3]
Регана Уильям Шекспирнің «Король Лир»
Клара Фастос Г. Боровиктің «Чили — боль моя»
Алтын Арығ Сергей Артоновтың «Потомки Белой волчицы»
Абахай Пахта Александр Чапрайның «Абахай Пахта»[2]
Николай Гогольның «Как Иван Иванович поссорился с Иваном Никифоровичем»
Кабато Авксентий Цагарелинің «Ханума»
Беатриче Карло Гольдонинің «Слуга двух господ»[5]

Режиссёр тоғыстары

  • Валентина Шулбаеваның «Недопетая песня»,
  • Михаила Ворфоломеевтің «Фантазёр Кнок»,
  • Герман Саражаковтың «В свете вечерней зари»,
  • Алиса Кызласованың «Земля отцов»,
  • Джон Бойтон Пристлинің «Необычайное происшествие»,
  • Светлана Чебодаеваның «Мин синi сағыпчам…»,
  • Герман Саражаковтың (Читіген театр) «Хыймадан тадылыг хынииҷаам» (орыс. Любовь слаще сладкого)[3]
  • Светлана Чаптыкованың «Музыкальная юрта»
  • Светлана Чаптыкованың «Посвящение в ученики»
  • Светлана Чаптыкованың «Первая ленинградская»[2].
  • Ай Мирген" проекттің режиссёры (Н. Г. Доможаковтың адынаң национальнай библиотеканың хада-пірге проекті).

Фильмнер

Чыл Фильм Роль
1977 «Конец императора тайги» (им. М. Горькийнің адынаң Мосфильм киностудиязы) Настя
1983 «Лунная радуга»
1987 «Пока не ступлю на мягкую траву» (Казахфильм)
1983 «Лунная ведьма» (Киргизфильм) Эркиннің іҷезі
1985 «Сошлись дороги» (Киргизфильм) Джамал (дубляж — Светлана Гайтан)
1987 «Потомок Белого Барса» (Киргизфильм) Сонун
2006 «Улицы разбитых фонарей-8», «Я танцевать хочу», 3-ҷі серия кизек
2008 «Земля отцов» («Хакасфильм»)
2015 «Без цели» («Хакасфильм»)
2018 «Харах оды» («Книга степей» ТВ РТС проекті)[3][9]

Сыйыхтар

  • «Иң артых ипчі кізі рольы» номинациядағы областьтағы смотр лауреады (1986)[3].
  • Абахай Пахта рольны толдырған ӱчӱн Россия Федерациязының Культура Министерствозының Хазна премиязы (1991)[2].
  • Хакас Республиканың саблығ артизі (1992);
  • «Россия Федерациязының саблығ артизі» (2000)[10].
  • «Иң артых ипчі рольы» номинацияның дипломы «Волшебные кулисы» республика фестивальында (2002).
  • 2003 чылда Хакасияның «Чыл кізізі» атха турысхан[6];
  • 2003 чылда Чаптыкованың ады «Россияның иң артых кізілері» энциклопедияа кирілген[3].
  • 2015 чыл — «Хакас Республиканың Чон артизі»[3].

Алған орын

  1. ↑ Председатель. Союз театральных деятелей Республики Хакасия. Дата обращения: 24 Ӱртӱн айы 2025.
  2. ↑ 1 2 3 4 5 6 7 8 Чаптыкова Светлана Семёновна. nbdrx.ru. Дата обращения: 27 Орғах айы 2024.
  3. ↑ 1 2 3 4 5 6 7 8 9 10 Чаптыкова Светлана Семеновна Режиссер-постановщик | Хакасский национальный драматический театр Топанова. hndt.ru. Дата обращения: 24 Ӱртӱн айы 2025.
  4. ↑ 1 2 3 4 Чаптыкова (Чебодаева) Светлана Семеновна | Краеведение. Бейский район. beyakraeved.ucoz.ru. Дата обращения: 24 Ӱртӱн айы 2025.
  5. ↑ 1 2 3 И на сцене, и на экране (неопр.). gazeta19.ru. Дата обращения: 24 Ӱртӱн айы 2025.
  6. ↑ 1 2 Энциклопедия «Хакасия» (Хакасско-Минусинская котловина): Кто есть кто? / В. С. Яблонский. — Абакан: Хак. кн. изд-во им. В. М. Торосова, 2022. — Т. 5. — С. 458.
  7. ↑ Светлана Чебодаева-Чаптыкова. Кино-Театр.Ру. Дата обращения: 24 Ӱртӱн айы 2025.
  8. ↑ Артист Хакасского театра драмы и этнической музыки «Читiген» Каскар Чаптыков. https://chitigen19.ru.+Дата обращения: 24 Ӱртӱн айы 2025.
  9. ↑ Светлана Чебодаева-Чаптыкова. Кино-Театр.Ру. Дата обращения: 24 Ӱртӱн айы 2025.
  10. ↑ Чаптыкова Светлана Семеновна – Награды России, 2000-06-05. ru.nagrady.by. Дата обращения: 24 Ӱртӱн айы 2025.

Литература

  • Чаптыкова (Чебодаева) Светлана Семеновна — Энциклопедия «Хакасия» (Хакасско-Минусинская котловина) Кто есть кто? — Т. V.— Абакан, 2022. — С. 496.

Ссылкалар

Алған орны - https://kjh.ruwiki.ru/w/index.php?title=Чаптыкова,_Светлана_Семёновна&oldid=154276