Чаптыков, Владимир Герасимович

Владимир Герасимович Чаптыков
Владимир Герасимович Чаптыков
Ӧӧн искіріг
Толдыра ады
Тӧреен кӱні	16 сілкер айы 1940
Тӧреен чирі	Ағбан, Хызылчар крайы[d], РСФСР[d], СССР[d];
Ӱреен кӱні	2 хосхар айы 2011 (70 час)
Ӱреен чирі	Ағбан, Россия[d];
Хазна	Россия[d]; СССР[d];
Профессиялар	ырҷы, музыка ӱгретчізі
Сарын ӱні	тенор[d]

Владимир Герасимович Чаптыков (16 сілкер айы 1940, Ағбан, Хызылчар крайы^[d] — 2 хосхар айы 2011, Ағбан) — совет паза Россияның хакас ырҷызы, ӱгретчізі, хазна деятельі. Тува АССР-ның культуразының саблығ тоғынҷызы (1971). РСФСР-ның культуразының саблығ тоғынҷызы (1984). Хакас Республиканың чон артизі (1994).

Чуртас чолы

Владимир Чаптыков Ағбанда служащайлар сӧбірезінде тӧреен. Школа тузында чайаачы 1958 чылда Хызылчарда ирткен килкім концертте Хакасия адынаң сценаа сыххан, аның соонда ол чайаачы чолны таллап алған^[1]. 1961 чылда Чаптыков Хызылчардағы музыка училищезін тоос салған. Анаң М. И. Глинкинің адынаң Новосибирсктегі хазна консерваториязында вокал клазында ӱгредиин узаратхан (1961—1965). 1965 чылдаң сығара 1992 чылға теере Ағбандағы музыка училищезінде преподаватель тоғызын апарған, 1996 чылдаң сығара 2000 чылға теере — Н. Ф. Катановтың адынаң Хакас хазна университедінің Искусство институдының «Музыка паза музыка ӱгредии» кафедразының профессоры. А. А. Кенельнің «Чанар Хус паза Ах Чібек» пастағы хакас операны турғызарында паза ӧӧн партияны толдырарында араласхан (пастағы ікі акт 1966 чылда турғызылған, прайзы — 1980 чылда).

1992 чылдаң сығара Хакас Республиканың культуразының пастағы министрі полған. Аның устаанда 1990 чылларда республиканың культуразының тилізінеңер законнар, 1996—2000 чылларға Хакас Республиканың чоннарының культура тилізінҷе программазы тимнелгеннер. Хакасия Тӱрк тілліг чоннарның чоннар аразындағы ТЮРКСОЙ (орыс) (рус. пірігіске кірген.

Хакасияның республика филармониязы тӧстелгеннең сығара ах чарыхтаң парғанҷа, Чаптыков аның солизі полған. Хакасиядағы классика вокал искусствозының тилізінің пастағҷыларының пірсі полча, артых чайалған ырҷыларны ӧскір салған, олар В. Г. Чаптыковтың адынаң республиканың филармониязының ӧӧн ырҷылар полчалар. Чаптыков (удаа ырҷы К. Е. Сунчугашеванаң хада) тиксі Союзтағы паза чоннар аразындағы музыка кӧзідіглерінде араласхан.

Сыйыхтар

Ынархас ордені (орыс) (рус. (2000) — хазнаа туза иткен ӱчӱн, кӧп чыллар культура паза искусство киреенде тӱзімніг істенген ӱчӱн, чоннар аразындағы ынархасты паза хада-пірге тудынғанын пиктеен ӱчӱн^[2]
«Ада чир-сууна чахсы киректер иткен ӱчӱн» II синніг орден медальы

Алған орын

↑ Владимир Чаптыков: Певец хакасской земли (рус.). Абаканский городской портал. Дата обращения: 17 Улуғ хырлас айы 2025.
↑ Указ Президента Российской Федерации от 25 сентября 2000 года № 1694 «О награждении государственными наградами Российской Федерации» (неопр.) . // Официальный сайт Президента России. Дата обращения: 17 Улуғ хырлас айы 2025.

Ссылкалар

Владимир Чаптыков (рус.). Кино-Театр.ru. Дата обращения: 17 Улуғ хырлас айы 2025.
Чаптыков Владимир Герасимович (рус.). БД «Лабиринт». Дата обращения: 17 Улуғ хырлас айы 2025.
Владимир Чаптыков: Певец хакасской земли (рус.). Абаканский городской портал. Дата обращения: 17 Улуғ хырлас айы 2025.

[1] Владимир Чаптыков: Певец хакасской земли (рус.). Абаканский городской портал. Дата обращения: 17 Улуғ хырлас айы 2025.

[2] Указ Президента Российской Федерации от 25 сентября 2000 года № 1694 «О награждении государственными наградами Российской Федерации» (неопр.) . // Официальный сайт Президента России. Дата обращения: 17 Улуғ хырлас айы 2025.

[1]

[2]