Филимонова, Надежда Ивановна
| Надежда Ивановна Филимонова | |
|---|---|
 Россия Федерациязының саблығ артизі, Хакас Республиканың чон артизі Филимонова Надежда Ивановна | |
| Тӧреен кӱні | 20 кӱрген айы 1948 (78 час) |
| Тӧреен чирі | |
| Гражданство | |
| Профессия | актриса |
| Сыйыхтар |
 |
Надéжда Ивáновна Филимóнова (тӧр. 20 кӱрген айы 1948, Кемеров облазы[d]) — совет паза Россияның театр актрисазы. Хакас Республиканың М. Ю. Лермонтовтың адынаң республиканың орыс драма театрының артизі. Россия Федерациязының саблығ артизі. Хакас Республиканың чон артизі[1].
Чуртас чолы
Надежда Филимонова 1948 чылның кӱрген айының 20-ҷі кӱнінде Кемеров облазының Верх-Чебула аалында тӧреен[2]. Актриса полар кізі пастап театр училищезіне кір полбаан. Школа соонаң Татьяна Доронинаның чайаачызына чӧпсінген, аннаңар сыныхтағларға хынчатхан актрисаның осхас пальтолығ паза таран салған састығ килерге паза актрисаның монологтарының пірсін хығырарға чарат салған. Пазағы чылда Н. А. Римский-Корсаковтың адынаң Хазна консерваториязының Ленинградтағы музыка училищезінзер ӱгренерге кіріп алған. Театр режиссёры паза ӱгретчізі Донат Исаакович Мечиктің холында ӱгренген[1]. Училищені 1975 чылда «чоохтасчаң жанрның актрисазы» специальностьча тоос салған[2].
Чайаачы кирее
1978 чылда Надежда Филимонова М. Ю. Лермонтовтың адынаң Орыс академия театрында тоғын сыххан. Актриса аймах жанрлар паза кӧстеглер ойыннарында онарлап ома толдыр салған[1]. Артистканың тоғыстарын нинҷе-нинҷе критиктер паза хабарҷылар паалааннар[2]. Надежда Филимонова толдырған «Трамвай „Желание“» ойындағы Бланштың, «Моя дорогая Памела» ойындағы Памела, «Звёзды на утреннем небе» ойындағы Анна матырларның омалары театр сезоннарының иң артых ойыннары чіли саналғаннар. С. Болдыревтің Антон Чеховтың пьесазынҷа турғызылған «Вишнёвый сад» ойындағы Раневскаяның паза Ю. Нестеровтың Август Стриндбергтің «Отец» пьесазынҷа турғызылған ойындағы Лаураның омаларын толдырып, Хакасияның профессиональнай театрларының аразында актёрлар тоғыстарының кӧзідиинде лауреат полыбысхан. 2002 чылда С. Болдырев турғысхан «Человеческий голос» ойында Надежда Филимонова ідӧк «Волшебные кулисы» тіп республиканың театрларының фестивальында таныхталған[1].
Театр тоғыстары
| Ома | Ойын |
|---|---|
| Бланш | Теннесси Уильямстың Трамвай «Желание» |
| Памела | Джон Патриктің «Моя дорогая Памела» |
| Анна | Александр Галиннің «Звёзды на утреннем небе» |
| Раневская | Антон Чеховтың пьесазынҷа С. Болдыревтің «Вишнёвый сад» |
| Лаура | Август Стриндбергтің пьесазынҷа Ю. Нестеровтың «Отец» |
| Моноспектакль | С. Болдыревтің «Человеческий голос» |
| ӧкіс ипчі Таисия | «Земля Эльзы» |
| чабал хазине | Алксандр Володиннің пьесазынҷа Е. Ланцовтың «С любимыми не расставайтесь» |
| «Мама, я и мёртвая ворона» | |
| «37 открыток» | |
| Валентин Красногоровтың «Три красавицы»[1] | |
| Надя | Валентин Распутиннің «Последний срок» |
| Надежда | Максима Горькийнің «Последние» |
| Клара | Джон Стейнбектің «Люди и мыши» |
| Рашель | Ги де Мопассанның «Милый друг» |
| Чебоксарова | Александр Островскийнің «Бешеные деньги» |
| Леонтина | «Торжество любви», Пер де Мариво |
| Виолетта Харитоновна | Евгений Унгардтың «Аделаида» |
| Виолетта Десинь | Робер Ламуренің «Супница» |
| Матильда | Ж.-Ж. Бриккернің «Мужской род, единственное число» |
| Элеонора | И. Жамиактың «Месье Амилькар, или Человек, который платит» |
| Демерморт госпожа | Жан Ануйның «Приглашение в замок» |
| Ипчі | Жан Пуарэнің «Искусство измены» |
| Устағҷының ипчізі | Антон Чеховтың Чайка" |
| Чобағ | Самуил Маршактың «Горя бояться — счастья не видать» |
| Ортигоса | Мигель де Сервантестің «Серенады старой Севильи» |
| Бабуся | Л. Воронның «Пять миллионов долларов» |
| Брюзжанс | Жан-Франсуа Реньярның «Рассеянный»[2] |
Сыйыхтар
Хакасияның профессиональнай театрларының актёр тоғыстарының кӧзідіглерінің лауреады[1].
Профессиядағы пӧзік узы, театр искусствозы киреене туза иткен ӱчӱн паза пайрамнығ тӧреен кӱніне чарыдылып, М. Ю. Лермонтовтың адынаң республиканың Орыс драма театрының актрисазы Надежда Филимонова Ағбан городтың мэрі Николай Булакиннің аарластығ пічиинең сыйыхтатхан[3].
2000 чылның хандых айының 5-ҷі кӱнінде искусство киреене туза ағылған ӱчӱн Надежда Филимонова «Россия Федерациязының саблығ артизі» аарластығ атха турысхан[4].
Хакас Республиканың чон артизі[1].
1998 чыл — «Культурадағы чидіглері ӱчӱн» Россияның Культура министерствозының тании[2]
Алған орын
- ↑ 1 2 3 4 5 6 7 Надежда Филимонова: «Актёрская профессия — невероятная» — Русский театр имени М.Ю. Лермонтова. lermontovtheatre.ru. Дата обращения: 16 Улуғ хырлас айы 2025.
- ↑ 1 2 3 4 5 Календарь знаменательных и памятных дат - 2023. nbdrx.ru. Дата обращения: 16 Улуғ хырлас айы 2025.
- ↑ Мэрия Абакана / Почетной грамотой Мэра гАбакана награждена актриса Русского республиканского драматического театра им Лермонтова Надежда Филимонова. xn--h1ahm5cm.xn--80aaac0ct.xn--p1ai. Дата обращения: 16 Улуғ хырлас айы 2025.
- ↑ Филимонова Надежда Ивановна – Награды России, 2000-06-05. ru.nagrady.by. Дата обращения: 16 Улуғ хырлас айы 2025.
Литература
- Зырянова, Т. Надежда Филимонова. Актриса внутренней правды / Т. Зырянова // Пятница. —2008. — № 6. — C. 13.