Синельников, Геннадий Григорьевич

Геннадий Григорьевич Синельников
Геннадий Григорьевич Синельников
Тӧреен кӱні	21 чарыс айы 1952 (72 час)
Тӧреен чирi	Ағбан, Ким губерниязы, Россия империязы Ағбан, Хакас автоном облазы, СССР
Гражданство (подданство)	СССР[d];
Айғасчатхан кирее	кибелісчі, прозаик
Сыйыхтары	,

Геннадий Григорьевич Синельников (тӧр. 21 октябрьда 1952 чылда, Ағбан, Хакас автоном облазы) — чааҷы-интернационалист, подполковник, прозаик, кибелісчі, Россияның Писательлер пірігізінің араласчызы (2000), Хакас Республиканың культуразының саблығ тоғынҷызы (2015), Хакас Республиканың Чон писательі (2022), Н. Г. Доможаковтың адынаң Хакас Республика Пазының литература премиязының лауреады полча (2015) полча.

Ағбанда 1952 чылда тӧреен. 1960 чылда сӧбірезі Пии аймаандағы Новокурск аалзар кӧс парыбысхан. Школа соонаң 1968 чылда Ағбандағы политехническай техникумзар ӱгренерге кірген. 1972 чылда СССР-ның Тирігліг кӱстерінде чааҷы службазын апар сыххан. Краснознаменнай Амыр тиңіс флодында матрос полған. 1977 чылда Новосибирсктегі пӧзiк чаа устағ училищезін тоос салған.

1980—1981 чылларда Афганистан Демократия Республиказында, Кандаргар провинцияда 70-ҷы алынҷа гвардия мотострелковай бригадазында 2-ҷі мотострелковай батальонның командир орынҷызы полған. Чааҷы паза интернациональнай киреек махачы апарған ӱчӱн СССР-ның Ӧӧркі Чӧбінің Президиумының 21.10.1980 чылда сыххан Чахиинаң Хызыл Чылтыс медальнаң сыйыхтатхан.

1982 чылда Москвадағы В. И. Лениннің адынаң Чаа-политика академиязын тоос салған.

1993 чылда хазии хоостыра чааҷы службазынаң парыбысхан. Геннадий Синельников Афган чааҷызының кинегі, запастағы полполковник.

Чайаачы чолы[тӱзедерге | код тӱзедерге]

Геннадий Синельников Афганистанда полғандох, чайаачы тоғыстарын пазарға пастаан. 1994 чылның кӱрген айында «Хакасия» газетада аның пастағы очергі чарыхха сыххан. Чайаачызында Афганистандағы чаа алынҷа орында. Аның матырлары Совет паза Россия чааҷылары. Произведениелерінде чаа тузында полған сын киректерні чарытча, чааҷыларның чуртазы, чааҷылар кирее кӧзіділче.

1999 чылда «Афганистан. Боль. Память» пастағы киндезі чарых кӧрген. 2000 чылда Россияның Писательлер пірігізінің араласчызы полыбысхан. 2007 чылда «Афганский капкан», 2009 чылда «Ах, война, что ты сделала…», 2008-2010 чылларда «Крестовая печать», 2011 чылда «Жди меня, и я вернусь», 2014 чылда «Да будет так», 2017 чылда «На главном направлении», 2019 чылда «Я тебя не посылал» романнары сыхчалар. Ідӧк кибелістер пасча.

Геннадий Синельников чонның халых чуртазында ӧткін араласча. 1996-2008 чылларда Афганистандағы чаа кинектерінің Хакасиядағы пірігізінің кнезі полған. Аның пастаанаң 2004 чылда Ағбандағы тимір чол вокзалы алнындағы ачыхта «Кизек чаалазығларда ӱреен Хакасияның оолларына» хумартхы комплекзі пӱдірілген.

2009 чылда халых паза гражданскай киреенде ӧткін араласхан ӱчӱн, Кемеров облазының губернаторының 10.05.2009 чылда сыххан чарадиинаң «Киртініс паза чахсы кирек ӱчӱн» («За веру и добро») медальға турысхан. Кӧп чыллар литература-публицистика киреен апарчатхан ӱчӱн, тоғызын ӧсчеткен тӧл аразында тӧреен чиріне хынарға ӱгретчеткен халых апарчатхан ӱчӱн Хакас чонның Улуғлар Чӧбінің Президиумының 07.08.2009 чылда сыххан чарадиинаң «Чахсы киректер ӱчӱн» орденінең сыйыхтатхан.

Геннадий Синельников Россия Федерациязының Культура министерствозының Аарластығ пічиинең таныхтатхан.

2015 чылда Н. Г. Доможаковтың адынаң Хакас Республика Пазының литература премиязының лауреады полыбысхан^[1].

2019 чылда «Ада чир-сууна улуғ киректер иткен ӱчӱн» II степеньніг орден медальынаң (За заслуги перед Отечеством» II степени ) сыйыхтатхан^[2].

2022 чылда Хакасияның Чон писательі ат пирілген.

Геннадий Синельников Ағбанда чуртапча.

Алған орын

Литература

Кошелева А. Л. Синельников Геннадий Григорьевич // Кошелева А. Л. Писатели Хакасии (посл четв. XX века – нач. XXI века). — Абакан, 2017. — С. 155—171.
Энциклопедия «Хакасия» (Хакасско-Минусинская котловина): в 5 т. Т 5:Кто есть кто? – Абакан, 2002. – 436-437 с

Ссылкалар

[1] Чыл тоозылза даа, тоғыс тохтадылбас

[2] Награды России Синельников Геннадий Григорьевич

[1]

[2]