Синельников, Геннадий Григорьевич

Геннадий Григорьевич Синельников
Геннадий Григорьевич Синельников
Тӧреен кӱні	21 чарыс айы 1952 (73 час)
Тӧреен чирi	Ағбан (город),
Гражданство (подданство)	СССР[d];
Айғасчатхан кирее	кибелісчі, прозаик
Сыйыхтары	,

Геннадий Григорьевич Синельников (тӧр. 21 чарыс айы 1952, Ағбан, Хызылчар крайы^[d]) — чааҷы-интернационалист, подполковник, прозаик, кибелісчі, Россияның Писательлер пірігізінің араласчызы (2000), Хакас Республиканың культуразының саблығ тоғынҷызы (2015), Хакас Республиканың чон писательі (2022), Н. Г. Доможаковтың адынаң Хакас Республика Пазының литература премиязының лауреады полча (2015) полча.

Чуртас чолы

Синельников Ағбанда 1952 чылда тӧреен. 1960 чылда Синельниковтың сӧбірезі Пии аймаандағы Новокурск аалзар кӧс парыбысхан. Школа соонаң 1968 чылда Ағбандағы политехническай техникумзар ӱгренерге кірген. 1972 чылда СССР-ның Тирігліг кӱстерінде чааҷы службазын апар сыххан. Краснознаменнай Амыр тиңіс флодында матрос полған. 1977 чылда Новосибирсктегі пӧзiк чаа устағ училищезін (орыс) (рус. тоос салған.

Чааҷы службазы

1980—1981 чылларда Афганистан Демократия Республиказында, Кандаргар провинцияда 70-ҷы алынҷа гвардия мотострелковай бригадазында 2-ҷі мотострелковай батальонның командир орынҷызы полған^[1].

1982 чылда Москвадағы В. И. Лениннің адынаң Чаа-политика академиязын тоос салған.

1993 чылда хазии хоостыра чааҷы службазынаң парыбысхан. Синельников Афган чааҷызының кинегі, запастағы полполковник.

Чайаачы чолы

Синельников Афганистанда полғандох, чайаачы тоғыстарын пазарға пастаан. 1994 чылның кӱрген айында «Хакасия» газетада аның пастағы очергі чарыхха сыххан. Чайаачызында Афганистандағы чаа алынҷа орында, матырлары Совет паза Россия чааҷылары. Произведениелерінде чаа тузында полған сын киректерні чарытча, чааҷыларның чуртазы, чааҷылар кирее кӧзіділче.

1999 чылда «Афганистан. Боль. Память» пастағы киндезі чарых кӧрген. 2000 чылда Россияның Писательлер пірігізінің (орыс) (рус. араласчызы полыбысхан. 2007 чылда «Афганский капкан», 2009 чылда «Ах, война, что ты сделала…», 2008—2010 чылларда «Крестовая печать», 2011 чылда «Жди меня, и я вернусь», 2014 чылда «Да будет так», 2017 чылда «На главном направлении», 2019 чылда «Я тебя не посылал» романнары сыхчалар. Ідӧк кибелістер пасча.

2015 чылда Синельников Хакасияның саблығ культура тоғынҷызы ат пирілген, олох чылда Н. Г. Доможаковтың адынаң Хакас Республика Пазының литература сыйииның лауреады полыбысхан^[2].

2022 чылда Хакасияның чон писательі ат пирілген. Синельников Россия Федерациязының Культура министерствозының Аарластығ пічиинең таныхтатхан^[3]^[4].

Халых кирее

Синельников чонның халых чуртазында ӧткін араласча. 1996—2010 чылларда Афганистандағы чаа кинектерінің Хакасиядағы пірігізінің кнезі полған. Аның пастаанаң 2004 чылда Ағбандағы тимір чол вокзалы алнындағы ачыхта «Кизек чаалазығларда ӱреен Хакасияның оолларына» хумартхы комплекзі пӱдірілген.

Сыйыхтар

Чааҷы паза интернациональнай киреен махачы апарған ӱчӱн СССР-ның Ӧӧркі Чӧбінің Президиумының 1980 чылның чарыс айының 21-ҷі кӱнінде сыххан Чахиинаң Хызыл Чылтыс орденінең сыйыхтатхан.

2009 чылда халых паза гражданскай киреенде ӧткін араласхан ӱчӱн, Кемеров облазының губернаторының 2009 чылның сілкер айының 10-ҷы кӱнінде сыххан чарадиинаң «Киртініс паза чахсы кирек ӱчӱн» («За веру и добро») медальға турысхан. Кӧп чыллар литература-публицистика киреен апарчатхан ӱчӱн, тоғызын ӧсчеткен тӧл аразында тӧреен чиріне хынарға ӱгретчеткен халых апарчатхан ӱчӱн Хакас чонның улуғлар чӧбінің президиумының 2009 чылның орғах айының 7-ҷі кӱнінде сыххан чарадиинаң «Чахсы киректер ӱчӱн» орденінең сыйыхтатхан.

2019 чылда «Ада чир-сууна улуғ киректер иткен ӱчӱн» II син орденнің медальынаң сыйыхтатхан^[5].

Геннадий Синельников Ағбанда чуртапча.

Алған орын

↑ Тороков В. М. Синельников Геннадий Григорьевич // Энциклопедия «Хакасия» (Хакасско-Минусинская котловина) : Т. 5 : Кто есть кто?. — 2022. — С. 436—437.
↑ Илья Топоев. Чыл тоозылза даа, тоғыс тохтадылбас (рус.) (23 Улуғ хырлас айы 2015). Дата обращения: 31 Чарыс айы 2025.
↑ Синельников Геннадий Григорьевич (рус.). Дом литераторов Хакасии. Дата обращения: 12 Кічіг хырлас айы 2025.
↑ Трое авторов республики удостоены высшей награды «Народный писатель Республики Хакасия» (рус.). Министерство культура Республики Хакасия (27 Кӧрік айы 2023). Дата обращения: 12 Кічіг хырлас айы 2025.
↑ Указ Президента Российской Федерации от 23.08.2019 г. № 392 О награждении государственными наградами Российской Федерации (рус.). kremlin.ru. Дата обращения: 11 Кічіг хырлас айы 2025.

Литература

Кошелева А. Л. Синельников Геннадий Григорьевич // Кошелева А. Л. Писатели Хакасии (посл четв. XX века — нач. XXI века). — Абакан, 2017. — С. 155—171.
Энциклопедия «Хакасия» (Хакасско-Минусинская котловина): в 5 т. Т 5:Кто есть кто? — Абакан, 2002. — 436—437 с

Ссылкалар

Синельников Геннадий Григорьевич (рус.). Национальная библиотека им. Н. Г. Доможакова. Дата обращения: 31 Чарыс айы 2025.
Синельников Геннадий Григорьевич (рус.). Дом литераторов Хакасии. Дата обращения: 31 Чарыс айы 2025.
Синельников Геннадий Григорьевич (рус.). Министерство культуры Респуюлики Хакасия. Дата обращения: 31 Чарыс айы 2025.

[1] Тороков В. М. Синельников Геннадий Григорьевич // Энциклопедия «Хакасия» (Хакасско-Минусинская котловина) : Т. 5 : Кто есть кто?. — 2022. — С. 436—437.

[2] Илья Топоев. Чыл тоозылза даа, тоғыс тохтадылбас (рус.) (23 Улуғ хырлас айы 2015). Дата обращения: 31 Чарыс айы 2025.

[3] Синельников Геннадий Григорьевич (рус.). Дом литераторов Хакасии. Дата обращения: 12 Кічіг хырлас айы 2025.

[4] Трое авторов республики удостоены высшей награды «Народный писатель Республики Хакасия» (рус.). Министерство культура Республики Хакасия (27 Кӧрік айы 2023). Дата обращения: 12 Кічіг хырлас айы 2025.

[5] Указ Президента Российской Федерации от 23.08.2019 г. № 392 О награждении государственными наградами Российской Федерации (рус.). kremlin.ru. Дата обращения: 11 Кічіг хырлас айы 2025.

[1]

[2]

[3]

[4]

[5]