Хакасия (газета)

Рувики тiп сайттаң
«Хакасия»
Тип Халых-политика
Ээзі Хакас Республиканың Ӧӧркі Чӧбі паза Правительствозы
Издатель «„Хакасия“ газетаның редакциязы» РХ ГАУ
Ӧӧн редактор Марина Алёхина
(2019 чылның ӱртӱн айынаң сығара)
Тӧстелген 1930
Тіл орыс
Сыхчатхан оңдайы кӱннің сай
Ӧӧн офис  Хакасия, Ағбан
Тираж 5000 — 25000
Сыйыхтар «Аарлас Тании» орден
Веб-сайт gazeta19.ru

«Хакасия» (1992 чылға теере — «Советская Хакасия») — кӱннің сай сыхчатхан республика газетазы. 1930 чылның кічіг хырлас айының 3-ҷі кӱнінең пасти чарыхха сыхча. 1980 чылда «Аарлас тании  (орыс) (рус.» орденнең сыйыхтатхан. 2015 чылдаң сығара Республикадағы телевизионнай сеть телеканалнаң хада холдинг санына кірче.

Газетаның редакциязы Хакасияның столицазы Ағбанда орныхча.

Тархын

[тӱзедерге | код тӱзедерге]

Газетаны 1930 чылда Хакас облазының ВКП(б) комитеді тӧстебіскен[1].

«Советскай Хакасияның» пастағы номері 1930 чылның кічіг хырлас айының 3-ҷі кӱнінде чарых кӧрген[1]. Андада газета неделяда ікі хати сыххан, аның номер тиражы 5500-ке читкен.

Хакасиядағы Национальнай архивтің танығларынаң, 1930 чылда газетаның редакциязында 6 кізі тоғынған, 1931 чылның хандых айында редакцияда 4 кізі істенген, пасхазы — 250 аалдағы хабарҷы полған[1].

Пос типографиязы чох полған ӱчӱн, газетаны Минсуғда 6 № типографияда сығарып пастааннар, 1932 чылдаң сығара газета Ағбанда чарыхха сығарыл сыххан.

Газетаның ӧӧн редакторлары ол чылларда полғаннар: И. И. Кавкун, Н. Н. Лебедев  (орыс) (рус., П. Кириллов, А.Чепсаров, П.Сапрыкин, К. М. Громова, С. К. Добров, А. В. Иванов, Н. И. Макеев. 1955 чылдаң 1982 чылға теере газетанаң устаан И. П. Говорченко. Газетаның тиражы 60 муңа читкен.

1953 чылдаң сығара газета Хакас облазының ВКП(б) комитедінің, Ағбан городтың ВКП(б) комитедінің паза областьтың Депутаттар чӧбінің органы полча.

1967 чылда газета РСФСР-ның Ӧӧркі Чӧбінің аарластығ пічиинең таныхталған.[2]

Соонаң редакциянаң устааннар: 1982 чылдаң сығара 1993 теере —В. Г. Брюзгин, 1993 сығара 1994 теере — А. Ш. Урман, 1994 чылдаң сығара 2009 чылға теере —Н. Д. Огородников, 2009—2010 чылларда —В. А. Михалкин, 2010 чылдаң сығара 2015 чылға теере — Сергей Александрович Сипкин (РТС медиа-холдингтің пазы —2018 чылның улуғ хырлас айына теере)[3][4].

2002 чылда газета Тисульскай принцессадаңар  (орыс) (рус. статья сығарыбысхан, аны пасха изданиелер тарадыбысханнар, соонаң ол мистификация чіли чарлалған[5].

2015 чылның кічіг хырлас айынаң сығара газетанаң орындағы хабарҷы Юрий Абумов устаан. 2018 чылдағы табығлар  (орыс) (рус. соонаң редакцияның ӱр нимес устаан Хызылчардаң килген Светлана Вахтангишвили[6]. 2019 чылның ӱртӱн айының 25-ҷі кӱнінде Хакасияның Правительствозы газетаның редакторына Марина Алёхинаны турғысхан.

2025 чылның хосхар айының 3-ҷі кӱнінде газетаның 25-ҷі муң номері сыххан[7][8].

Тӧстегҷілер

[тӱзедерге | код тӱзедерге]

Газетаның тӧстегҷілері Хакас Республиканың Правительствозы паза Ӧӧркі Чӧбі полча[9].

Газетаны «„Хакасия“ газета редакциязы» РХ ГАУ-зы сығарча.

Кирее

[тӱзедерге | код тӱзедерге]

«Хакасия» газетада халых-политика темаларына чарыдылған материаллар чарыхха сығарылчалар. Хакасияның тархыны, регионның культура чуртазы чарыдылча.

Газета неделяда ікі хати сыхча. Типография тиражы: тӧӧй кӱнде — 1 290 экземпляр, тӧрт хоныхта — 11 400 (ТВ-программанаң хада). Чечімеде 100 экземпляр алынҷа приложение сығырылча. Анда Хакас Республиканың ӱлгӱ органнарының пічіктері чарых кӧрчелер. Газетаның интернетте сыхчатхан версиязы пар.

Сыйыхтар

[тӱзедерге | код тӱзедерге]
  • VII Тиксі Россиядағы СМИ-лар фестивальының «Национальное СМИ» номинациядағы чиңісчі (2002)[10].
  • Регионнар аразындағы хабарҷылар марии «Сибирь — территория надежд» (2010, 2017)
  • Хакас Республиканың Ӧӧркі Чӧбі  (орыс) (рус. «Хрустальный барс» марииның чиңісчізі (2010)
  • «Санат» печать марииның лауреады, номинация — «Пастағы полосаның иң артых дизайны» (2013)
  • «Хакасия, алнынзар!» марығда «Чыл СМИ-зы» (2016).
  • «Прессаның алтын чыындызы» марығның чиңісчізі (2014 чылдаң сығара 2025 теере)[11].

Алған орын

[тӱзедерге | код тӱзедерге]
  1. ↑ 1 2 3 Часть 1 "Истоки становления первой окружной русской редакции газеты в 1930-х гг.". arhiv.r-19.ru. Дата обращения: 18 Хандых айы 2025.
  2. ↑ «Советская Хакасия» // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
  3. ↑ Сибирские огни
  4. ↑ К юбилею газеты ИА Мангазея, 3 ноября 2015 года
  5. ↑ Мария Загваздина. Тисульская принцесса — неразгаданная тайна 70-х. The Epoch Times (26 Орғах айы 2020). Дата обращения: 17 Азығ айы 2023.
  6. ↑ Газету «Хакасия» возглавила Светлана Вахтангишвили Архивная копия от 24 Улуғ хырлас айы 2019 на Wayback Machine
  7. ↑ Сегодня вышел 25-тысячный выпуск газеты "Хакасия". tvrts.ru (3 Хосхар айы 2025). Дата обращения: 19 Хандых айы 2025.
  8. ↑ Вышел в свет 25-тысячный номер газеты «Хакасия». 19rusinfo.ru (4 Хосхар айы 2025). Дата обращения: 19 Хандых айы 2025.
  9. ↑ Газета «Хакасия». Дата обращения: 21 Азығ айы 2014. Архивировано из оригинала 27 Азығ айы 2014 года.
  10. ↑ Республика Хакасия. Республиканская газета "Хакасия" стала победителем 7-го Всероссийского фестиваля СМИ в номинации "Национальное издание". regnum.ru (3 Хандых айы 2002). Дата обращения: 19 Хандых айы 2025.
  11. ↑ Газета "Хакасия" блистает золотом на всероссийском уровне. gazeta19.ru (4 Хандых айы 2025). Дата обращения: 19 Хандых айы 2025.

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Хакасия_(газета)&oldid=99696