Добров, Семён Константинович

Рувики тiп сайттаң
Семён Константинович Добров
Добров Семён Константинович.jpg
Тӧреен кӱні 14 ӱртӱн айы 1913({{padleft:1913|4|0}}-{{padleft:9|2|0}}-{{padleft:14|2|0}})
Тӧреен чирі Ӧӧк пилтірі, Хакасия, Россия империязы
Ӱреен кӱні 1 сілкер айы 1995({{padleft:1995|4|0}}-{{padleft:5|2|0}}-{{padleft:1|2|0}}) (81 час)
Ӱреен чирі Ағбан
Айғасчатхан кирее хабарҷы, халых деятельі
Сыйыхтар паза премиялар

Орден Трудового Красного Знамени «Аарлас Тании» орден Honored Cultural Worker of the RSFSR.jpg

Семён Константинович Добров (14 ӱртӱн айы 1913, Ӧӧк пилтірі[d], Хакас Республика, Россия империязы[d] алай Ким губерниязы1 сілкер айы 1995, Ағбан) — пастағы хакас профессиональнай хабарҷы, халых деятельі. «Хызыл аал» (1939 — тынанып 1974 чылға теере), «Советская Хакасия» (1943—1944) газеталарның ӧӧн редакторы, «Правда» газетаның пос корреспонденті (1945—1951). СССР-ның Хабарҷылар пірігізінің кізізі (1964). РСФСР-ның саблығ культура тоғынҷызы (1973).

Семён Добров чалҷы Унас (Константин) Добровтың сӧбірезінде тӧреен. Тӧртінҷі оол полған, аның улуғлары — Ольга, Роман, Макар. Кресен чииттернің школазында ӱгренген. 1930 чылдаң сығара — счетовод полысчызы, піліс пілбеенінең тоғыр тоғынған кізі, «Красная юрта» пропагандизі, колхоз чуртазының организаторы. Хабарҷы киреенең 1932 чылның хосхар айының 1-ғы кӱнінде айғас сыххан, андада ол орыс тілінең хакас тіліне тілбесчі полған. Соонаң «Хызыл аал» (1959 чылдаң сығара «Ленин чолы») газета пӧлиинің редакторы полған. 1933 чылдаң сығара — «Комсомолец Хакасии» газетаның хакас тілі сығарызының устағҷызы. 1936—1939 чылларда В. В. Воровскийнің адынаң Лениградтағы журналистика коммунист институдында[ru] ӱгренген, аны тоос салып, «Хызыл аал» газетаның редакторына турғызылған. 1939 чылда ВКП(б)-ға кірген.

1943 чылда «Советская Хакасия» газетаның редакторына турғызылған. 1944 чылның хандых айында Москвазар ызылған, анда чарым чылға ВКП(б) ЦК-ның Ӧӧн газета курстарын тоос салған, анаң Хырғыс ССР-дағы «Правда» газетаның пос корреспонденті чіли тоғын сыххан. Хакас обком партиязының сурынызы хоостыра, 1945 чылда Ағбанзар хығыртылған паза пазох область газетазының редакторына турғызылған. 1945 чылның соонзар Казах ССР-дағы «Правда» газетаның пос корреспондентіне турғызылған[1].

1951 чылда Добров Хакасиязар айланған, «Хызыл аал» газета редакторы полыбысхан. 1954—1960 чылларда КПСС-тың Хакас обкомының пропаганда паза агитация пӧлиинің устағҷызы полып тоғынған. Соонаң хатап, 1974 чылда пенсияа сыхханҷа, областьтағы газетаның хакас тілі ӧмезінең устаан[2].

Нинҷе-нинҷе хати КПСС-тың Хакас обкомының паза Ағбандағы горкомның кізізіне, Хакас автоном облазының істенҷілерінің Депутаттар чӧбінің депутадына, Хакасияның тіл, литература паза тархын наука-істезігліг институдының Ученайлар чӧбінің кізізіне, Чаайаачы интеллигенция клубының бюрозының кнезіне табылған[3]. «Ах-Тасхыл» литература хоос альманағының редакторы полған[4].

Істеніс Хызыл Знамязы, «Аарлас тании» орденнернең, медальларнаң, ідӧк РСФСР-ның саблығ культура тоғынҷызы атнаң сыйыхтатхан.

2025 чылның кӱрген айының 13-ҷі кӱнінде, Россияның печать кӱнінде, «Хакас чирі» газета редакциязының туразында Семён Константинович Добровха хумартхы чарды пайрамни азылған[5][6].

  1. Ибрагимова В. Г. Добров Семён Константинович. — Энциклопедия Республики Хакасия. — Т. I. — Абакан, 2007. — С. 182
  2. С. К. Добров Архивная копия от 16 Чарыс айы 2013 на Wayback Machine. — К 100-летию со дня рождения Семена Константиновича Доброва. — Государственное казенное учреждение Республики Хакасия «Национальный архив»
  3. Клуб творческой интеллигенции Хакасии
  4. Анненко А. Семён Добров: «Никогда не покидало чувство неудовлетворенности…» Дата обращения: 31 Орғах айы 2013. Архивировано из оригинала 13 Сілкер айы 2014 года.
  5. Глава Хакасии открыл мемориальную доску в честь Семёна Доброва. gazeta19.ru (13 Кӱрген айы 2025). Дата обращения: 20 Сілкер айы 2025.
  6. В Хакасии открыли мемориальную доску первому профессиональному журналисту. mk-hakasia.ru (14 Кӱрген айы 2025). Дата обращения: 20 Сілкер айы 2025.
  • Ибрагимова В. Г. Добров Семён Константинович. — Энциклопедия Республики Хакасия. — Т. I. — Абакан, 2007. — С. 182.
  • Анненко А. Н. Славный праздник дружбы (по материалам переписки С. К. Доброва) / Хакасия и Россия: 300 лет вместе. — Т. I. — Материалы Международной научной конференции (12-13 декабря 2007 года). — Абакан: Хакасское книжное издательство, 2007. — С. 261—267.
  • С. К. Добров. — К 100-летию со дня рождения Семена Константиновича Доброва. — Государственное казенное учреждение Республики Хакасия «Национальный архив».